Ngan Lung Restaurant (Closed)

屋企無飯食，落街又無咩選擇！茶餐廳無選擇的其中一個。今日我食牛腩河，這間的牛腩河又真係OK既。而我老公食咖哩牛腩飯，不過佢的牛腩飯同我的牛腩河D牛腩係唔相同呀！當然係我個D好食D啦！^,^街坊生意，算係這樣啦。…Read More

曾經有食家同師傅講話呢間食店嘅服務好差, 但由於師傅有段時間冇去堂食, 反而外賣居多, 所以未能新身感受; 趁住今日國慶日, 最難得係師傅有少少興緻, 於是決定出去食個午飯, 話就話食午飯, 但當時已經係下午兩點幾喇, 理論上應該有下午茶餐! 入到去依然係好多人, 伙計安排入坐, 一條冷坐邊都冇所謂, 所以被帶到一張大圓枱, 而張枱已經坐左一家五口喺度, 但師傅照樣搭枱都依然鬆動, 幾好啦; 計正呢張枱應該可以坐到八個人! 於是即刻睇下有咩好食先, 當然師傅嘅焦點係放左喺下午茶餐度啦, 下午茶餐有好多選擇, 睇左一陣最後師傅柯打左豉椒牛肉飯同埋凍檸茶!豉椒牛肉飯師傅落單時叫佢走洋蔥, 而凍檸茶就少甜啦! 等左一陣凍檸茶先到, 凍檸茶嘅茶味唔算好濃, 但有茶味, 而檸檬就頗新鮮, 加上少甜, 所以入口清甜舒服, 配搭得唔錯, 得喎; 而豉椒牛肉飯賣相吸引, 豉汁又夠香, 淨係聞到已經覺得會好好食, 加上牛肉夠鬆身, 又冇過咸, 唔錯, 但唯一唔好就係少左d; 青椒就好爽口, 師傅就唔係咁鍾意, 皆因感覺好生好腥, 好似食草咁, 味道唔吸引; 相反紅椒就唔錯, 又冇生嘅感覺, 加上細細條兼辣辣地, 非常惹味; 飯就硬左少少啦, 但個汁都夠多, 可以幫到手啦!總括黎講食物水準仍然甚好, 環境都清潔乾淨, 服務亦唔係想像咁差, 更加冇其他食家講到咁離譜, 可能師傅好彩少少, 暫時遇唔到, 當然唔排除下次可能到師傅啦, 亦唔排除有害群之馬; 而價錢都抵食, 廿六蚊下午茶餐,有飯食, 雖然細少少, 但師傅已經夠食啦! 坦白講喺呢d鄉下地方真係唔係咁多選擇, 咁嘅價錢咁嘅質素, 算係咁啦! 有機會一定會再黎, 笑臉仍然比到!…Read More

因為這一次的經歷,令我第一次寫食評!在天水圍住了8年,中午如在家吃飯間唔中都會叫銀龍外賣,因為一向出品都滿意,只是間唔中出品未如理想,古不到今天有令人反胃的出品-----煙頭焗肉醬意粉!今天如常叫外賣,一開蓋好香,撈起黎都無特別發現,點知一放入口(看電視中)有d野好煙un,吐出黎睇下聞下,wa!煙頭一個,之後打去投訴,佢地都非常唔好意思,仲幫我換了干抄牛河,但真的無晒胃口食唔落,現在諗起都有d反胃!…Read More

尋日出黎呢度食早餐，星期日都算幾多人，但都好快搵到位。當然，除左卡位之外，地方都係狹窄小小啦。有個伙記幫我地落完單無複單，我地叫左兩個西式早餐同一個牛腩河。佢只係比左一份刀叉同筷子。就知有乜事啦，佢好明顯係落漏單。好彩佢最後都同我地道歉，算啦:)。之後，早餐牛扒煎得太乾，我地想叫個伙記睇一睇。但有一個肥肥地既伙記，佢第一句開聲就講"點呀。佢好無禮貌呀，結果我地叫左應該係高級既幫我地轉個炸魚。炸魚早餐個炸魚唔錯，無乜腥味。而且幾好食，炸粉又唔太厚。煙肉只得一小條，無乜特別。個薯餅炸得好脆口，唔錯。個煎蛋煎得剛剛好，唔算太生既。整體上都可以。魚蛋河呢度既特點係早上都有粉麵食，魚蛋都算幾彈牙。而河粉就幾煙韌，唔會太淋。牛腩河牛腩都可以既，河粉都唔錯。食物其實唔錯既，但服務要盡快改善。:)…Read More

2009-01-14。果 天 去 天 水 圍 辦 點 事，因 為 平 時 係 唔 會 去 既，所 以 當 辦 完 事 就 周 圍 行 下 睇 下。去 到 頌 富 商 場 已 經 夜 晚 七 點 多，就 係 果 度 搵 地 方 食 野，我 比 較 喜 歡 港 式，因 此 就 搵 左 呢 間 黎 食。我 叫 左 一 個 招 牌 煲 仔 飯：豉 汁 陳 皮 白 鱔 煲 仔 飯 同 精 美 小 菜：豉 椒 鮮 魷。豉 椒 鮮 魷 真 係 讚 不 絕 口，D 鮮 魷 又 大 又 多 又 彈 牙 又 入 味，當 時 果 一 即，心 裡 認 定 因 呢 碟 野 會 值 得 回 頭 再 食，白 飯 都 好 軟 熟。而 豉 汁 陳 皮 白 鱔 煲 一 般，一 般 係 只 白 飯，重 係 好 生。而 鱔 就 好 好，雖 然 白 飯 差 左，但 絕 對 可 以 接 受。奶 茶 就 真 係 好 普 通，都 唔 多 滿 意。最 後 連 糖 包 牙 籤 和 餐 巾 都 印 上 自 己 的 logotype 利 害。…Read More

師傅都有好一段時間冇入黎呢區, 撞啱呢日入開去, 所以順便食埋野先走, 咁地點當然係呢間啦, 皆因師傅從前最鍾意黎呢間食店! 唔知點解如果喺旺角師傅一定唔想去呢間食店, 但入親去就好似唔去唔安樂咁!入到去都幾多人, 不過仍然有位; 一坐底就睇下有咩想食, 左睇右睇, 最後都係揀左d簡單嘅食物, 就係牛腩河, 而同行嘅師母亦不甘示弱, 柯打左牛肚米, 再加多一碟油菜!閒談一陣後, 牛腩河同牛肚米一齊登埸, 師傅第一時間梗係試下個湯底, 湯底味道幾濃, 味道可口, 真係唔錯; 牛腩河嘅牛腩夠鬆夠腍, 冇渣兼唔韌, 唔錯; 而河粉都幾滑身, 口感頗好, 收貨喎; 而師母嘅牛肚米, 師傅就有幸試左幾件牛肚, 牛肚夠入味, 可惜唔算夠腍, 如果腍d就仲正; 至於油菜就係菜心, 菜心夠腍夠嫩綠, 味道鮮甜, 正呀!總括黎講食物水準仍然保持到, 環境都清潔乾淨, 服務都可以啦, 而價錢都接受到, 廿二蚊一碗粉, 再加多碟油菜都係八蚊, 抵食; 再數一數手指, 原來不知不覺已經闊別數年, 可幸感覺依然, 亦間接令師傅腦海內浮現幕幕往事, 如果仲有機會再入黎, 一定會再黎多次, 所以笑臉一定會比!…Read More