Gin Bishi Japanese Gold Restaurant (Closed)

我買左銀菱$18午市套餐, 本來寫住有飲品/雪米糍, 點知係要+$5, 但coupon沒有寫明要另加錢, 都算啦! 因為落單時有位女侍應話雪米糍是送的, 飲品先要加錢, 後來當我地食完之後有個男服務員又話冇得送, 跟住突然又話一係唔要湯先可以轉雪米糍, 咁唯有是但要一樣啦, 後來個男服務員態度極差, 仲話我地呢個價錢食個早餐都差唔多咁既價錢啦, 仲想要求d咩, 咩意思先,而家我又唔係冇比錢食野, 唔想做未唔好攪團購囉! 唔怪得之close左咁多間分店啦, 就係有呢d咁差既員工做野…Read More

最初見吃評寫咁差....真的有d 冇勇氣去試.....但冇計已經買左唯有去睇下試下啦後來去到, 環境一般,抱住戰戰兢兢心情等開飯,後來主角蟹出場,嘩~~~好大隻呀~~~心諗咁大隻,一定比d 冰蟹人吃,點知......勁大發現真係真才實料,用活蟹呀,好好味呀,d 肉汁同肉都好好味,美中不足就係不夠辣其他菜式方面都ok 啦,同出面放題差不多,韓國炒聖子個老板話粉絲底好吃, 我地就叫左, 真係好好味呀~~~吸晒d 汁最後埋單加多$150 (total: $338)咁大隻肉蟹,加咁多野吃,真係好底呀~~~…Read More

本身我都有幫襯開呢間店,講真野食就冇得話好唔好,勝在唔貴同一定有位,但今次經歷令我唔會再幫襯.我同朋友係團購買咗幾張$88既coupon,寫明1/7/11起可用,我係29/6/11打電話去諗住book 1/7/11,打咗好耐都唔通接通又冇人聽:(,到30號都不斷打,好勒到有人聽勒,初頭係把女聲聽,一聽到話係團購就話冇位full哂,我問佢咁幾時有,佢就話唔知,黎緊幾日都唔會有,:(問多兩問就有個男人搶咗個電話黎聽(好似爛仔咁)叫我唔好再問點解,冇就係冇,一係就每日5:00p.m前一係就9:00p.m後,唔滿意就退錢....:(最後book咗10/7/11,我帶埋個女(4歲)去,要我額外加$60,諗住是但啦,但係...d野食同賣相真係好差囉1 , 一開始攞埋黎個2隻雞亦,凍既2, 鰻魚汁炒烏冬-擺明係豉油王炒鳥冬 3, d刺生一d都唔凍係暖既咁既態度加咁既食物質數重有咁既環境...佢地真係要檢討下...…Read More

:$88 團購價(要另付加一$28..8)食。打電話去book, 一知道係團購就話一般食飯時段沒位，一係5pm 或9pm後。唯有book 5pm。去到無其他人客，環境裝潢令人唔舒服，D staff又大聲傾閒偈好嘈。6 道菜 (2人)1)味噌湯2)剌身 (自選三文魚, 海膽細板, 希靈魚 6pc) <OK啦>3)燒雞翼 2pc4)自選: 鰻魚汁三文魚炒烏冬 <沒有三文魚，只可叫做鼓油炒烏冬>5)自選: 軟腳蟹天婦羅/ 鰻魚腩天婦羅 :凍的，鰻魚腩天婦羅好油，好細粒>6)雪米 <細粒>所謂2人套餐…. 係唔夠食，根本就係以低價超睞客人，等D食唔夠既人客再點多D。講真，佢地既所謂日本料理一D都唔正宗，係平價及劣質貨色，所以當時一行二人的我們即使食唔飽都係無再點野食。唉！咪當平平地、求其食餐飯就算。…Read More

第一次食放題食到咁嬲~以前都試過幾次食其他團購既放題, 都覺得ok今次見到gxxxpbuyer團購咁平就約埋班朋友去啦, 點知就出事喇買完之後見到d食評, 已經心知不妙, 叫定朋友做好心理準備, 點知去到...環境唔好o個d唔講咁多 (有朋友話個廁所污糟過公廁, 咩事??!!)一開次就安排一間最入去既大房, 兩張枱一坐底個阿姐拎d野飲入黎, 問句"你地飲咩?"成班朋友9個人, 咁大家就問對方啦, 個阿姐唔夠30秒, 就已經放底堆野飲, 好唔禮貌咁話"你地自己揀喇!!"就走左出去(更好笑係, 佢係冇正式問過係咪加$10任飲ga, 佢只係講句"你地都加任飲ga啦?"就走左出去拎入黎喇)Fine, 反正本來都會加ga喇, 由你拎紙叫野食, 望下...冇野下話???!!!得幾張細到死既紙仔??!!數埋都唔知有冇過100樣囉, 刺身得7定8種!!!ok, 既然你得咁少, 咁每樣都叫d囉叫完見唔到有人, 就叫個朋友出去遞紙啦佢出左去俾紙個waiter, 結果俾人推番去入房, 咩事先???野食等左20分鐘都未黎, 催佢一下又話排緊刺身, 會唔會叫咁多野, 20分鐘都上唔到一樣呀??另一個朋友見冇野好做, 就出去望下佢其他餐牌, 見到唔係團購會多左其他紙, 就拎起望下有咩分別啦個唔知經理定咩人既一見到, 慌死佢會拎左去咁, 搶番份紙 (真係用搶), 話"你坐入面團購ga嘛~睇你o個份得ga喇~~"終於有野食黎到...點知...唉...首先講個刺身, 基本上差唔多咩都冇味, 三文魚又好, 水母又好, 全部都冇味gxxxpbuyer個網仲介紹"活水母刺身你又食過未？水母表面滑溜、實質爽口彈牙，味道鮮美，配以特製醬汁，係難得一見既菜式。"有鬼特製醬汁~~咩味都冇~~!!!更加唔知點解, 佢個海生蝦刺身, 一隻蝦要切三份囉, 一粒粒咁, 仲要冇挑蝦腸!!! 刺身冇冰鎮只有白蘿蔔絲墊底, d刺身係完全唔凍仲有少少暖暖地囉!!!gxxxpbuyer個網有介紹既"小型牡丹蝦", 現場係冇既到佢d壽司...d飯大過人地普通壽司三份一, 仲要壓到實, 但d料得人地既三份一有冇見過由上面望落去, 有一大半都可以見到飯面既鰻魚壽司??gxxxpbuye推薦既"以A4生和牛刺身手卷，生食牛肉引出層層肉味， 絕對要試下呀!"呢個張紙係寫A5和牛, 而且食落都係冇味...完全唔知食左d咩...到熱食, 冇咩幾多樣係熱既...d串燒佢切到好細仲散修修咁上, 睇樣基本上幾難分有d咩, 然後雞肝苦到死鹽燒蝦頭係一堆好細, 好似人地食野食剩既蝦頭咁gxxxpbuyer介紹既"鹽燒牛脷:只用牛脷後方三份一位置， 肉質較嫩， 極度珍貴", 只有咸味仲好韌個炒烏冬好深色, 但咩味都冇, 仲好凍個咖哩飯係少數熱到出煙既, 但好咸炒牛肉粒第一次還好, 第二次咸死人, 仲黏住好多"鑊撈屎"個炸雞球係一舊只有麵粉味又好乾唔熱既炸肉丸燒多春魚燒到好乾好硬, 仲要唔知點解加堆蛋黃醬木魚炸豆腐, 冇豆腐味, 個炸皮好粉好醬好難食麵豉湯(係放出面可以叫佢搯黎), 似落左唔少鹽既水...冇任何麵豉味, 所幸d切到得手指尾指甲一半既豆腐還算嫩滑, 不過都係冇豆腐味比較好既係燒洋蔥, 燒蒜頭同燒鯖魚, 都係唔熱, 但還算比較好食手卷, 到走都冇上過每次叫野起碼都要等20~30分鐘每次有人出去叫人或者睇野, 都會俾人押番入房仔d阿姐講野態度非常差旁邊張枱走左成個鐘都冇人執漏單非常嚴重, 數量又黎得非常唔足要熱既野食唔熱, 要凍既刺身唔凍打死都唔會再去!!!(而且明顯gxxxbuyer係冇check過佢既cilent, 所以以後gxxxpbuyer開既團購食野都要考慮下!!!)…Read More

因為團購需要訂位，所以不需要等位。坐低，無音樂無電視，都算，佢囉左一疊紙比你畫，睇落好似好多張咁，實情得４～５張，張張都係得幾樣野食。刺身都係得４～５樣比你簡，ｄ串燒．．基本上都係雞什．．．．等等等等，等極ｄ野都唔黎，好啦咁行出去睇下有咩，見到有ｄ宣傳單張，咁就拿張去８下啦，見到有ｄ同我地房入面既落單紙唔同色既紙，　想八下係乜拿上手睇左陣，見到話團購唔簡得呢ｄ野，咁都算。個貌似經理級既阿伯見到我企係到睇，方死我會笠左佢張紙咁，係咁叫我放低，團購唔係呢ｄ紙架，係咁叫我返房等。大佬，你ｄ野快快脆脆到我駛鬼悶到行出黎八卦，成２０分鐘ｄ野都未到，又無野睇，出黎睇下者，駛唔駛趕返我入房呀下！？　你有ｄ乜唔見得人呀？========================已經火滾既分隔線============================好啦ｄ野黎到，刺身一睇，真係0晒咀，我地成９個人，你黎得果少少野，三文魚係有十幾片呀，係出面ｄ size既一半。生蝦１開４．．．你見過未？仲有蝦腸添！！！！！！！！！！！！無啦啦佢隻刺身船上面，好好心咁放左ｄ北寄貝比你，１開４～５片既。OMG 你當我地係乜野呀？？？芥末係有既，但係佢卒到好似老泥波咁放係刺身船上面囉...你無睇左係一粒粒綠色既《老泥波》！！串燒唔係一串串上，係好好人咁幫你拆成一件件 ：雞什係苦既...D魚係硬既... 上到黎ｄ野都唔係熱既.....你見過食日本放題有蝦頭食未？　初初以為係大頭蝦既頭啦，一黎到．．哇，駛唔駛咁慳家！？油炸甜蝦生蝦頭！？炒牛肉粒..　ｄ萬年油味鑊低囉味重到你跟本放唔入口。饅魚汁炒烏冬....係你無睇錯係[饅魚汁] 肉都無條架！除左凍之外，仲要係有洗潔精味．．．咖哩飯.... 係幾香...仲係熱添架..（真係好難得) 食落咸到差ｄ噴返出黎....========================已經餓到無晒力既分隔線============================媽的... 我地合共有九位，但來到既食物，四個人都未必食得飽。個個都唯有狂飲汽水..(肚餓嘛..)，ｄ汽水仲要三催四請先囉入黎．．．悽涼到呢？每次送野食同第二次送野食上黎既時間相差大約都要成２０分鐘以上，而且次次都係凍晒先囉入黎。等到悶我地ｄ人行出去，個貌似經理既阿伯就會趕返我地入黎...我幾個朋友都係同樣待遇...幾個人出去，幾個都趕返入去。好啦見到出面有湯飲禾，咁問佢我地飲唔飲得啦，佢話OK，可以自己裝或者佢幫我們裝，咁我地叫佢幫我地裝啦。@()#*()@*#)(@#*#(*#&*@()(*$ ２０分鐘都未見影....問佢佢先記得，話特別幫我開幾碗好ｄ既比我地禾～．．．．．結果．．．麵鼓湯淡如水，我只能說．．．還好它是熱的＞＾＜========================已在淚奔既分隔線============================９點幾食到１１點幾，連杯水/茶都無，隔黎台走左成３個鐘都無人執。食到１０點幾就到１１點，其實我地成堆人都未飽(因為都無乜食過ｄ乜...)，點左好多野都未到。就已經見到佢地成班員工係出面食緊飯... 食緊飯... 食緊飯... 食緊飯... 食緊飯... ))))９個人．．．串燒牛舌有出過６件，雞翼見到２定４隻，雞什若干，雞球..(成個炸粉咁)　都有９個既，茄子半條，洋蔥加埋都有半個既，蒜頭十幾粒，冬姑加埋都有６隻既，多春魚十條到啦，鯖魚加埋有１條*(即２件左右），炸物果ｄ又係黎ｄ唔黎ｄ咁啦，手卷無見過(所有)，燒鵪鶉蛋影都無，壽司倒時來齊既，當然飯多到怕你吃不飽的樣子。總之我９個人去，落單乜都寫晒九件都好，有黎既都係黎得４～６件，無黎既..當然影都無。今時今日食到咁郁悶，咁吐血既，真係好少有。你話難食，服務態度好都算，難食得黎ｄ服務態度無先吐血。奉勸各位..　真係千祈唔好去.... 買左團購卷既朋友，講真果句建議都唔好去食了，仲可以慳返加一果十幾廿蚊，同飲汽水果十蚊。講真...走果時除左成肚氣之外仲有成肚水= =好痛苦。去食任何一間快餐店都唔好入去呢間到食...!!!相片可以看其他食評，因為都是相同的，當時我們已沒心情影任何相了T___T…Read More

團購見銀菱做優惠, $88 任食2.5小時, 加$10 仲免費任飲, 聽落好似好抵. 買左2張同朋友一齊去食. 去到友光大廈地下, 覺得幢大廈好似好舊咁, 去搭lift 時就知瀨野. 架lift 舊到呢.....一入餐廳, 咩張地氈"痴立立"架..........:(餐廳間隔好奇怪, 房中有房, 雖然都接近坐滿人(大部份都係團購客), 但好似圖書館咁靜. 既無電視, 亦無音樂, 氣氛好奇怪. 如果你被安排坐到最入果間房就慘喇. 因為waiter 唔多會見到你. 你叫親野食都要自己行出去交紙.可以揀既食物唔算多. 魚生得四至五款. 三文魚 - 細片到無得再細. 水母 - 無味架. 生蝦 - 唔係成隻蝦咁比你, 係碎上. 唔好以為串燒係成串咁出, 都係碎粒上. 有d item 你叫左, 一世都唔會黎, 我地叫雞翼, 一次叫唔黎, 叫足三次都無. 亦唔會有人同你交代原因. 汽水可揀百事, 芬達, 七喜及不知名既罐裝蘋果汁或青島啤, 都算ok啦. 雖然團購, 埋單時都要再比番原價既加一服務費, 二人合共$36. …Read More

本人第一次寫食評，估唔到係唔係因為好食而寫....:(朋友於 GROUP (拜牙) 介紹呢間，睇相就好好食咁？咁咪約齊朋友一齊去試下啦！去到，佢話要加廿蚊位？下？唔係化？白紙黑字「星期五、六、日」加10蚊，黎到你就話要加廿蚊？又話大廳冇位，俾房我地坐，最多唔加房錢？唉.....由旺角去到銅鑼灣，夜晚九點幾唔通唔食咩？是但啦。到入單上菜，上得都好慢，食物又唔齊，而且又唔係好好味。尤其是帶子，我都未食過咁細粒的帶子，得個五毛子咁大，真係小食多滋味啦，可惜唔係呢？好在我係團購去食，如果唔係真係浪費車錢及時間去食。而且今次團購亦俾到一個好寶貴的經驗給我？就係對於未去過的食店，要上openrice做下功課先得囉。雖然有好多人都話好多都係請寫手寫，但我覺得，一間食店如果真係好食，又何需請寫手呢，就算有？都一定壞評多過好評啦？開頭都好好心機拍照，後來就越來越無心機影啦...…Read More

6月14日約12:30pm，與友人路經鵝頸橋側，見到有人派日式食店傳單，正值肚子餓，便前往一試。本來沒有期望，只求填飽肚子，怎知有莫大驚喜。首先發現環境清靜，每張枱之間相隔寬闊。待應生都面帶友善的笑容。我點了一份午市套餐，內有黃金蟹籽什錦碎魚生飯一大碗(魚生碎新鮮又多)，鹽燒秋刀魚一條(肥美兼有魚味，約7-8吋長)，咖啡一杯。我的朋友叫了一份鰻魚汁燒三文魚炒飯加大蝦天婦羅及豆豉湯套餐，蝦新鮮、炸槳做得好，三文魚粒多，飯也炒得好。份量偏多，我們的飯都吃不完要打包。埋單只共需71元($33+$38)。總括來說，此店用料新鮮，味道一流，取價公道(並沒有將貨就價)，吃後並沒有口渴，即是沒有落味精。明天是星期六，我已約好朋友，再去品嘗他們的下午茶餐。…Read More

選擇太少，只可食兩個鐘，但等份刺身上都用左二十分鐘，熟食都唔洗講，仲耐。order兩份魚生等勁耐，黎得兩小塊，仲要係正常size一半咁大，壽司啲味道衰到！啲飯又實又硬！想話叫個炒飯填下肚，個飯咸到呢！饅魚汁炒飯黎左個豉油炒飯，$188一位仲要加一，覺得好唔值。…Read More

今日年初三, 同mammy, 家姐, 3個人一齊出街食飯....本來諗住去大排檔食小炒, 點知好多人, 所以去左依間銀菱....見佢個menu好似好多野食, 又多元化, 所以諗住去試下~~去到時已經係7.15pm, 全間餐廳都係得2-3台客.... 心知不妙...不過, 已經上到去, 唯有坐底啦~ 個waitress話今日初三, 所以要加$20位, 即係$188位, 任飲任食兩粒鐘....見佢張ORDER紙都多野食, 咁咪話OK囉.... 咁就出事啦~~~~頭一次落單, 點左壽司, 刺身, 日式小食同串燒.....壽司叫左既都有黎, 不過其他就唔齊 or 漏單.....頭一張單已經係咁, 仲要o個陣只不過得幾台客!!!我地3個人, 叫左幾款刺身, 每款5片, 全部都只係黎3片.... 同個waitress講, 佢話你入左單之後, 廚房會睇番人數比適當既份量..... 真係O晒咀囉咁仲叫 "任飲任食" ??? 入左第一張單之後, 等左45分鐘, 串燒完全無黎過, 又同個waitress講, 佢入去廚房check, 居然話無單, 要我地再入單... 頂......再入單, 同個waitress講, 叫佢幫手跟一跟, 佢唔夠10分鐘比左碟串燒我地, 但係完全唔係我地叫o個D, 好明顯佢想"耍"我地..... 最賤係佢D串燒勁 "求其", 雖然叫串燒, 但係一支竹籤都無, 是但比一堆野就叫串燒, 下面o個堆係雞皮串燒......最係食左1個鐘左右就埋單啦~ 加1服務費, 共$620...以後都唔會再幫襯依間野!!!!!!!!!!!!!!!!!!!!!!!!!!…Read More

新地址, 地方大, 坐得舒服,就因為可能地方太大, 感覺好少人...最近新加焗飯MENU,平時食日式lunch, 就轉一轉試下中式野,,睇完menu, 叫左個焗白汁雞扒飯,加杯熱檸茶...個飯好香, 夠哂熱, 仲有芝士tim~~~雞扒好嫩, 好正呀, 仲係炒飯底....最正係, 大家估下幾多錢....埋單都係三十蚊~!…Read More

***Must read this if you are planning to dine-in at this restaurant***After a dine-in experience of their so called "All You Can Eat" dinner, I just had to open an openrice account and write a review about this place . Me and my gf went there for dinner and as soon as we sat down, one staff after the next just started selling their "all you can eat" dinner (even the owner guy came over to sell it) so then we decided might as well give it a try. Before we placed the order, we asked about how does the quantity work? Then they said 1 = 1 piece. So we ordered 60 pieces of salmon and 5 pieces of chicken kidney (I thought it should be 5 STICKS of chicken kidney cause that's what it should USUALLY mean) then what came out was 10+ pieces of salmon and 5 tiny pieces of chicken kidney . We then thought ok fine maybe they just made a mistake with the salmon and chicken kidneys are counted piece by piece as well so we placed another order of 60 pieces of salmon and 30 pieces of chicken kidney. What came out next made me extremely pissed off! 10+ pieces of salmon and 5 pieces of chicken kidney came out again and that was the time when I thought this is a scam! We then asked for another plate of salmon and what came out was 5 pieces of salmon!? So does that mean 60 pieces = 10+ pieces or 5 pieces!? We didn't wanna make anymore orders after that plate of 5 pieces because we were too fired up to eat anything after that so we just asked for the bill and also requested them to give us back the papers that we made the orders with. A male staff brought out one piece of torn and wet paper and said they already threw them away and that's all they've got left, I really wanted to laugh at that point, what is the point of showing the customer that piece of paper? To show how well your scam works? We asked a female staff if she remembered how many pieces we ordered and then she just laughed and said no idea. We told her we ordered 30 pieces and then she "black faced" and asked us if we still want it? Why would you ask a customer if you still want it? If we ordered 30 then ofcourse we want 30!? We already completed the payment at that time so obviously we didn't wait for them to bring us the next "30" pieces and left. The dishes came out extremely slow as well when there are like no customers around which is a mystery...…Read More

從來都未食過 d 咁難食ge 日式放題．．．大家千萬不要再來吃這間!! 首先~ o係雜誌見到呢間新野~（以為）因佢寫住12月23日開業... (叫 回本日式放題)去到樓下見唔到"回本日式放題" , 但個地址冇錯，得銀菱金店日本料理~入到去．．．心知有點不妙！一來~ ８點係食飯時間，點解咁少人呢？坐低，發覺 waiter, waitress 都有d 內地口音....都唔係咩問題,,細心留意身邊幾枱客都是內地人... =0=算了,, 都不管~~ 開始叫野食．．．ｄ菜係上得超慢，我地等左好耐，先得o個少少野同細細碟 =___= 真係唔明~ 又唔係多客，上菜都上得咁慢ge？！首先講下杯茶..... 係完全唔知咩黎 似係甜水！　飲左半啖已經唔敢再飲！再黎，sake~　嘩！　咩黎．．．？超希～唔知咩味，難飲！ｄ刺身．．．一開頭見佢個樣都整得靚靚地，以為都ｏｋ，但都係唔新鮮，又切得細塊！大問題ge 係我地懷疑佢個 "所謂龍蝦頭" 係recycle 的... 不衛生不衛生!!! >"<多春魚d 皮 硬到咬唔開 ！ ＊ｘ＊"所謂福果"...(即係白果) 你睇~~ 咩事呢? d 皮仲o係度ge?!盛手卷 個架的反轉睇.......超 dirty~~ 鰻魚係零口感，秋刀魚超硬　＞＜什麼 "回本放題" 啊~~食物選擇少！唔抵！難食！剩餘食物照原價雙計？好難會叫到食唔晒喎．．．:(…Read More