銀河美食屋

街坊茶餐廳 價錢平民化 附近多學校，每逢中午時間超多學生捧場餐廳應該超過廿年歷史，裝修比較舊，除左檯面有餐牌，牆上都貼有好多手寫菜單，街坊風味正常茶餐廳。 小窩酸辣炸豬扒套餐炸豬扒大大碟分開碎件上，連凍飲都只係38蚊，份量大，唔大食女士可以兩個人share。 推薦： 咖哩吉列魚柳飯套餐咖哩汁充足，吉列魚柳大大件啖啖肉，件件炸得好香脆。 普遍凍飲加兩蚊，檸茶／奶茶正常水準 雖然侍應姨姨講野會大大聲，一般典型屋邨風格可接受。…Read More

今日係附近做完嘢朋友帶我嚟食出名炸豬扒飯話呢間炸豬扒飯已經好多年係出名嘅街坊小店既然朋友推薦炸豬扒飯咁我就梗係叫咗個太陽蛋吉列豬扒飯，配咖喱汁好快就已經嚟咗塊炸豬扒真係好大塊，佢俾咗1.5塊炸豬扒就咁睇都覺得揸得幾好，又大大塊已經加晒分仲有隻太陽蛋係下面令你嗰份唔會咁單調至於佢嘅咖喱汁，就正正常常啦唔係劣質茶記嗰啲螢光咖喱汁都有啲咖喱味撈下飯食，都幾唔錯凍檸茶都係正常，凍檸茶冇乜特別買單嗰時睇吓嗰啲就真係特別啦由於我落單嗰時冇睇到幾錢咁大碟飯凍飲竟然先係$40 ？平時下午茶都唔止呢個價所以真係平靚正又好食大家黎開附近，都可以支持下…Read More

Ngan Ho Fast Food Shop is a Hong Kong-style cafe. As far as the service of the restaurant is concerned, the waitresses were very efficient. Only two waitresses were handling the ordering and payments from all customers during the busiest lunchtime. Even so, they were very friendly and attentive when serving the customers.In terms of decoration, the walls are covered with menus. There is no English menu as they mainly serve the locals. In general, the decoration is very old-fashioned, old-style cha chaan teng, outdated but very nostalgic.For the food, I ordered Char Siu Fired Egg Rice because it's a dish recommended by the chef; There were quite a lot of char siu and egg. Unfortunately, the quality of the char siu wasn't good as it didn't have that slightly burnt honey arona. Also, the fat in the middle of char siu hasn't been handled well, which made me feel rather uncomfortable. Compared with the char siu sold in siu mei shops, the char siu here lacks sweetness and aroma; the meat wasn't very firm. For the fried egg, it was average and the rice was hard. For the drink, I had lemon tea because lemon tea can best represent the quality of drinks at a cha chaan teng. The amount of lemon tea was slightly less than I expected and the taste was rather mild.To sum up, Ngan Ho Fast Food Shop is a traditional Hong Kong-style cafe with dim lighting and nostalgic decoration. The good thing is, the meal mentioned above only costs HK$45, so many students can afford that.…Read More

係葵芳個邊 有間出名大大塊豬扒嘅餐廳🍴就係銀河美食屋🤣之前都有食過一次個次叫左吉列豬扒飯 啲豬扒係多到嚇親🫣佢嘅選擇都有好多 除左碟頭飯 仲有中式炒粉麵 米線 烏冬意粉🍜今次我就叫左個洋蔥汁雞排煎蛋飯🧅雞排份量係一塊 再多一條狀嘅雞排😂依個份量幾得意嘅🤣 同埋真係多過一塊嘅份量另外仲有隻蛋配埋添🥚碟碟飯嘅餸都係比平時嘅餐廳多🥰所以吾洗驚吾夠飽😉洋蔥汁係平時餐廳嘅味道😗凍鴛鴦🥤茶底好濃郁 我好鐘意個味🥰…Read More

我係葵芳返工，每日朝早都會叫銀河早餐，食足兩年幾，大都數都係老闆娘聽電話，平時態度唔多好都算，但係今日真係忍無可忍，叫早餐我未講完cut我線，我再打返去同佢講我未講完 我想要辣椒油，講講下又話(得啦得啦，一野cut 線）之後下午再打去諗住叫炸魚柳食，一聽電話我就問（唔該想問有冇得淨係叫炸魚柳，佢答我你想點樣炸魚柳丫（態度差兼惡到我忍唔住同返佢講你答我有就有，冇就冇就得啦，洗唔洗咁樣講野，又cut 左我線）最後乜都冇叫到，話晒都係熟客啊，雖然我呢啲唔係大生意 一日兩餐，但我係比錢叫外賣，我唔係乞食丫！不過一定會有人話茶餐廳你想有咩服務，真心講所有送外賣既姨姨叔叔都好好人，已經同佢哋熟到咩都傾！永遠都唔會再食…Read More

這隱世小店地點在外街，顧客都是識途食客，要在葵芳爭一席之位，靠的唯有質素，它的手掌大🖐️x2塊吉列豬扒飯經已遠近馳名，今次我推薦他的咖哩牛脯飯，它的咖哩味道是學生時代港式咖哩味，頗多懷念，中午遲咗到往往都賣晒，可想受歡迎程度呢！…Read More

去得葵芳除咗葵廣嘅小食之外，都諗唔到有咩其他好食，新都會廣場又冇咩好食，無意中搵到呢間野下午茶香煎豬扒出前一丁大大塊豬扒又好食，圖中已經食咗兩塊，太好食唔記得咗影相快餐炸豬扒煎蛋飯 塊豬扒大塊到仲長過支叉呢個價錢來講冇得輸…Read More

隔離就係葵涌廣場平時經過好難唔食返一兩間小食店但今日選擇留肚食去依間餐廳街坊生意價錢親民合理 講得出嘅係餐牌都會搵到 清晰易睇正所謂 有得揀先至係老闆但香港地我地有啲嘢已係無得再揀最後揀咗依度出名嘅咖哩汁炸吉列豬扒配太陽蛋飯豬扒肉偏肥 好大塊厚度適中一啲都唔厚粉上枱仲feel到佢隻油溫 至於咖哩就係馬來咖哩 椰奶味多同出面啲茶記比係好啲唔係淨係得個色果然不負「美食屋」之名同埋自問大食嘅食完依餐都幾full下係唔知點解食咁大塊豬扒都無刀用🤔…Read More

_____好味指數：🌟🌟🌟抵食指數：🤑🤑🤑🤑🤑呢幾年葵芳多咗好多連鎖餐廳同大型餐廳進駐，不過自己喺呢度都係想尋找啲地道嘅嘢食，山長水遠嚟呢度喎梗係想試啲呢度先有嘅嘢啦～✅吉列豬扒飯（蒜蓉汁）我朋友同我講第一次嚟食一定要叫佢地嘅吉列豬扒飯，果然係好介紹！上來就見到吉列豬扒幾乎冚晒成個飯😂真係好大塊，而且仲有兩塊！豬扒炸得酥脆，係茶餐廳嘅味道🤤而且仲有好多汁選擇，有咖哩汁、粟米汁、洋蔥汁、蒜蓉汁、黑椒汁等等等而且咁大個飯都只係$40！呢個價錢呢個分量真係好抵食…Read More

都有幾年冇黎過，今日去開附近做野，決定再試佢既明物吉列炸魚，一如既往咁大堆頭，一如既往覺得d黑椒汁怪怪地，一如既往一大pet沙律醬，一如既既往咁食唔哂，淨係食餸都飽哂，d飯好似用黎伴碟咁....…Read More

喺葵芳收工，晚餐又唔想食大集團，所以揀咗橫街小店。睇相同之前d食評，今次就想試下佢哋嘅焗豬扒飯，果然冇令我失望外賣返到屋企一打開勁香！個炒飯底夠乾身，多汁又唔會太油膩，豬扒冇雪味，夠淋，仲有燶邊…Read More

樓面姐姐好用心，食物大份，質素有保證。如果食快餐，好以去返十年前個價。老闆好良心，所以成日去支持。附近d餐廳換左手N次，可以睇得出呢間餐廳好多支持者。推介： 早餐：豬潤面加火腿旦，加奶茶：31文午餐：吉豬飯：大份，好味吉魚飯：六件魚！ 用味足 必加三文一碗羅宋湯，勁大碗晚餐：鐵板餐 85文！ 份量好多，質素絕對上乘 ！ 仲要係即叫即整，要等一陣。餐廳外面有好大空地，好多街坊會一齊頃計，好溫暖。間餐廳有二十幾年啦，真係要支持！ 其實佢係好多街坊嘅飯堂，平靚正，環境一般，不過好整齊乾淨👍 支持本地小店。…Read More

👍🏻吉列豬扒煎蛋飯(包嘢飲) $40豬扒超大塊！雖然唔算厚切但肉質一啲都唔鞋😋豬扒調味岩岩好，唔會太咸最正係即叫即炸，熱辣辣脆卜卜🤤👍🏻外面炸粉薄薄一層，唔係勁厚粉個種吉豬🤪想試佢地既咖喱汁可惜賣哂😢黑椒汁偏稠身，味道普普通通黑椒味都重既，少少辣整體非常抵食🤪！$40咁大塊吉列豬扒，仲有多隻太陽蛋，癲呀🤩味道：7/10性價比：10/10-📍 #銀河美食屋葵芳美芳街昌鴻大廈8 號舖#hkfoodie #foodiehk #hkfood #foodhk #hkeat #hkrestaurant #美食 #香港美食 #外賣 #平食 #窮遊 #打卡 #香港打卡 #情侶好去處 #拍拖好去處 #葵涌 #葵芳 #葵芳美食 #葵涌美食 #葵廣 #葵涌廣場 #葵芳好去處 #豬扒 #吉列豬扒 #炸豬扒 #咖喱 …Read More

由於工作地點鄰近美食雲集的葵芳，所以今天特意前往一間位於葵芳較為隱世的平民食店- 銀河美食屋品嘗食店的鎮店之寶吉列豬扒飯！據說鋪位是由食店老闆早年購入持有，所以食店並沒有租金壓力，因此食物的價格十分相宜！今次和友人二人同行各自點了2個飯，分別是咖喱吉烈魚柳飯（$45）及黒椒吉烈豬扒飯（$40）！每款飯已包醬汁、熱飲，價錢十分之親民！份量更是十分之多！味道亦十分惹味！是區內性價比之選！尤其是吉列豬扒，份量多！香脆可口！…Read More

吉列豬扒拼雞蛋飯(黑椒汁)🐷$40好耐之前有bookmark咗🤣咁啱經過，當然要去試吓😎吉列豬扒真係好大塊😛味道都唔錯，新鮮熱辣😋仲有一大pat蛋黃醬響碟邊🤗煎蛋就放咗響吉列豬扒下面😅如果放響上面就靚仔好多😂套餐跟熱飲☕️銀河美食屋 (葵芳)葵芳美芳街昌鴻大廈8號舖…Read More