Ginza Kagari

《銀座 篝 - 尖沙咀》原來雞白湯可以咁濃郁架😍前排睇雜誌見有介紹呢一間日本過江龍既拉麵店，每逢搭飛機番香港前都會食多碗拉麵先走💁🏻‍♀️呢度同樣由日本人坐陣監控品質，重點係喺正我返工地點附近，趁住一個人食lunch唔知食咩好，就一於去食雞白湯拉麵啦🥰本人其實都好鍾意雞白湯，平時喺香港食到嘅通常都比較水一啲，但係呢度製作嘅雞白湯濃郁到掛湯，有啲似忌廉汁嘅口感，今次我就揀咗松露雞白湯拉麵加玉子 $133 + $38，另外仲叫咗份煎餃子 $38 同埋炙燒叉燒飯 $38煎餃子作為前菜幾惹味，一共有五隻，如果一個人食略嫌有啲多，如果之後可以推出一人份就好啦💁🏻‍♀️個人覺得第一次食應該要食原味雞白湯，因為松露雞白湯拉麵個松露油味道都幾霸道，會搶咗少少本身雞湯嘅香氣，但係如果你同我一樣都好鍾意食松露嘅產品，呢一款拉麵嘅松露味道絕對係夠晒，個麵係用咗粗太麵製作，口感比較爽口同埋掛汁，個擺盤其實係靚的，但係有幾款配菜我都麻麻哋鍾意😆個麵會另外配咗薑蓉同埋炸蒜俾你提升味道嘅層次，食完個麵就可以好似日本人咁加個叉燒飯，用埋雞白湯拌勻再食，咁就唔會浪費咗咁濃郁嘅湯啦嗰炙燒叉燒飯比想像中淡味，如果唔係配埋個醋汁的話本身唔夠惹味，我自己個人一開頭係配醋汁，後再用雞白湯汁拌勻再食，叉燒唔係入口，即溶嗰一種口感，比較似我哋平時食到嘅豬肉片感覺，個人覺得拉麵比個飯出色😌…Read More

《銀座 篝》拌麵 (連湯) 🍜📍尖沙咀河内道18號K11購物藝術館B2樓B232號舖原味，松露，抹茶，都試過晒，今次試拌麵。碗麵未送到前，職員比定支醬汁我，話唔夠味可以加，我心諗，會唔會又係 d 淡茂茂嘅麵，將加味嘅責任交比食客自己話事？非也，碗麵一上，一夾，發現所有麵都上晒色，食落其實都幾夠味，完全冇需要額外加味。同拉麵唔同，拌麵用嘅麵係較粗身嘅麵，中太麵至太麵之間，口感扎實煙韌，幾有咬口。食到咁上下，撈埋生雞蛋。呢隻蛋蛋香好夠，撈埋食口感變得更滑溜，有蛋香加持下層次感又上一層。呢款麵佢會連一杯仔雞白湯，上嘅時候我問職員個湯嘅建議食法係點，職員呆一呆，尷尬笑左野，之後叫我等等，去班救兵。另一個職員叫我可以就咁飲，或倒埋落去食都得，真係唔該晒嘅。見個答案咁行，我就冇理佢，當平時食沾麵咁食。不過事實係唔太work，因為個湯太稀，個麵唔多掛得起佢，所以其實一啖麵，一啖湯咁食會好d。整體我都覺得還好，因為呢碗麵可以就咁食，撈生蛋食，同配湯食，體驗還算完整。而麵本身嘅調味都幾香，醬油鹹度剛剛好，趁天氣咁熱，呢款拌麵都係唔錯嘅選擇。…Read More

去日本食拉麵銀座篝大家都不會陌生，特別是去到成田機場通常都會碰到。銀座篝終於在香港開分店，選舖位置很有眼光，位置在尖沙咀河內道K11地庫，前往非常方便，人流亦極旺，毗鄰一蘭拉麵及三田製麵所。在日本成田機場吃銀座篝，往往又多人節奏又快，感覺像吃快餐。香港新店雖然多人，但節奏比較慢了一點，可以舒緩一下。香港店座位約有三十個，有四人座及二人座，亦有吧檯位，吧檯座位可以透過玻璃看到廚房。麵店設計舒適，空間感隨和而不侷促，麵店是開放式的設計，冷氣不強，吃完熱燙的拉麵會冒汗，亦偶有虫子飛過，外面嘈雜的人聲亦可聽到。我在平日下午5:30入店，座位未滿可以直接進入，不用排隊，被安排坐在吧檯的座位，我點選了雞白湯Soba及煎餃子，銀座篝最揚名的是擺盤，拉麵上檯時給吸引客人眼球，配菜鮮艷的顏色在奶白色的雞白湯及Soba的襯托下顯得份外美艷。雞白湯温度很熱燙，湯的濃稠度雖然與罐頭雞蓉忌廉湯相若，味道頭段不搶口不濃郁，雞味只有一點，中段滑溜，尾段没有後續沒有餘韻，舌頭雖然不留香，但似乎讓人留意到麵條質地的順滑。調味醬有特設的炸洋葱蒜片及薑蓉，而檯頭上有黑七味粉、洋葱油、黑胡椒粒及美濃有機玄米酢，各位吃拉麵到中途時，本人建議可以加入一點配醬試試，玄米酢我的建議是用來點配菜蔬果；薑蓉是用在低温慢煮雞叉燒，炸洋葱蒜片灑在拉麵上，感覺似吃越南湯河或印尼撈麵；黑七味粉及洋葱油建議多加一点在湯內，口感很新奇亦特别。副菜煎餃子一碟五隻，外形微漲似金元寶，煎餃子餃皮咬口感不俗，咀嚼時感到有嚼勁，餃肉的份量剛好夠兩口，味道平凡有點缺乏鮮味，只是一般可口。銀座篝要收加一服務費，我這份餐結帳埋單剛好$150，我用八達通支付，沒有任何優惠或免費招待。尖沙咀銀座篝我認為可以一試，銀座篝除了拉麵，亦有沾麵。副食除了煎餃子，亦有唐揚炸雞及叉燒丼。…Read More

拉麵熱潮在香港從未降溫，總有「過江龍」名店登陸。最近話題性十足的過江龍拉麵之一，就是曾獲東京米芝連推薦的「銀座篝かがり」。這間在日本長期人龍不斷的名店，如今開到香港，今天就來試試香港分店能否保持高水準！這間拉麵最受歡迎的是雞白湯，香港店同樣以湯頭的味道和質感為焦點。日本店標榜使用國產雞熬製湯頭，而香港店亦堅持此原則，每次熬煮需超過5小時，才能製出濃郁雞香、質感濃稠且奶白的雞白湯。餐牌上我最愛的是松露雞白湯拉麵，雞白湯加入松露蓉，散發濃郁菇菌香氣，味道更豐富、更惹味。由於湯底濃稠，拉麵的配料則相對清新。特別值得一提的是低溫慢煮的國產雞肉叉燒，搭配新鮮野菜，如心裏美蘿蔔、玉米筍等，令人回味。日本飲食文化與白飯密不可分，不少人吃拉麵時會搭配白飯。這間拉麵店亦提供加配飯選項，其中人氣之選是松露奶油雞肉飯。白飯拌上慢煮雞胸肉粒、松露、醬油及牛油，攪拌均勻後，牛油與松露的香氣滲入飯中，口感圓滑，帶有濃郁油香，美味程度不亞於拉麵。提到松露，另一亮點是松露炸薯條。新鮮炸製的薯條搭配松露油，香脆可口，帶有濃郁菇菌香，美味而不膩。在這間米芝連推薦的拉麵店，我享受了一場松露盛宴！整體而言，香港分店成功保持日本水準，日本師傅坐鎮，食材與用料盡量與日本同步，難怪品質依然出色！…Read More

去東京旅行時已食過幾次，在香港可以隨時去吃了！鍾情餐廳的松露雞白湯拉麵，湯頭濃郁，雞白湯與松露完美配搭，拉麵爽口掛汁，充分吸收湯汁精華，雞肉滑嫩，另可加味玉，溏心蛋黃甜甜的～松露奶油雞肉飯則以半溶的奶油和火灸的雞肉為主，經火灸後帶點焦香，加入醬油拌勻食，牛油及雞汁令飯粒微微濕潤，整個配搭不錯！炸雞外皮酥脆，肉質鮮嫩多汁，上面灑了調味再加上檸檬汁更開胃！CHOYA無酒精梅酒不含酒精就不怕醉了～對松露情有獨鍾者，一定會喜歡這個配搭！這家過江龍非常人氣，經常見到人龍！如果想去食又免排隊，可以盡量避開食飯時間！價錢參考：…Read More