Ginza Enzo Yakiniku

同朋友一齊喺荔枝角呢個商場，嚟咗呢間日式燒肉店諗住食燒肉晚餐🤣$38「枝豆」：「枝豆」只要夠新鮮簡單加啲鹽就會幾好食😋$48「清酒（大嶺）果凍蕃茄」：蕃茄去咗皮味道非常清淡，食落感覺好健康，仲有啲有少少甜嘅透明果凍可以食🤣$68「北海道熟榮螺」：螺應該係簡單灼熟咗，螺肉肉質爽滑，簡單沾醬油同埋芥末，幾好食😋$698 舞◎特盛（2-3人前、スタンダード）MAI・和牛4点盛り Assorted 4 Kinds of Wagyu 和牛4點拼盤・豚の盛合せ Hokkaido Pork Platter 夢之大地豚三味・鶏の盛合せ Japanese Chicken Platter 日本産鶏肉三味和牛4點 包括「和牛友三角、和牛上等肋肉、上後腰脊肉、和牛龜之甲」，厚薄同埋脂肪含量各有不同，全部都好牛味🤣夢之大地豚：都係有不同部位，都係厚薄不同，全部都幾甘香，夠豬味🐷🤣日本産鶏肉：三種不同部位嘅雞肉有不同口感，基本都軟熟，好雞味🤣$68「蝦」：有兩隻好大隻嘅蝦，夠新鮮，肉質鮮甜又爽滑🤣…查看更多

今日同朋友去咗荔枝角D2 Place附近嘅「銀座炎蔵燒肉」試吓佢哋嘅燒肉定食！餐廳環境幾舒服，日式木系裝修，座位寬敞，幾適合同朋友慢慢食、傾吓計。我哋試咗三款定食，每款都跟沙律、湯、白飯同前菜，整體質素唔錯！和牛極致定食（推薦！）和牛油脂分布均勻，燒到五成熟左右，入口即化！肉味濃郁得嚟又唔會太膩，蘸少少餐廳特製嘅醬汁或者鹽已經好正。定食份量適中，女仔食可能剛好，男仔就可能要加飯（但白飯可以免費追加！）。配菜嘅沙律清新，可以平衡返燒肉嘅油膩感。夢之大地豚肉盛合定食豚肉盛合有幾款唔同部位，包括豚腩片、豚肩肉同豚頸肉。個人最鍾意豚頸肉，爽口有嚼勁，燒香之後油脂味好出！豚腩片肥瘦適中，燒到脆脆哋邊最好食。呢款定食性價比高，豚肉控可以試吓。極尚牛舌溫泉丼定食牛舌厚度切得剛好，燒完之後保持到爽嫩口感，唔會韌！溫泉蛋撈飯再加埋燒香咗嘅牛舌，蛋漿包裹住每粒飯同牛舌，入口超滿足。如果鍾意食濃味啲，可以加少少七味粉或者蔥花，味道層次更豐富。整體評價－服務：店員態度友善，會主動換燒烤網，上菜速度合理 －環境：乾淨企理，抽風系統不錯，食完唔會成身油煙味 －價錢：中上價位，但質素對得住價格（定食約$150-$300） －回頭指數：★★★★☆（4/5星） …查看更多

藏身長沙灣D2 Place的「銀座炎蔵燒肉」，宛如工業區中的精緻綠洲。掀開和風布簾而入，深木色調與靜謐光影營造出低調奢華的日式氛圍，隔絕了外界的喧囂。「極致」和牛6點拼盤，嚴選六款頂級部位：濃郁緊實的「和牛芯芯」，肉質緊實卻不失細嫩，獨特的纖維感在火熖輕吻後，散發深邃濃郁的肉香。天鵝絨般柔嫩的「和牛友三角」，幾乎入口即化，油脂甘甜在舌尖溫柔漫開。油花如霜「和牛羽下」，肩胛部位的精華，只需短促炙烤，豐腴脂香瞬間迸發，肉汁飽滿欲滴。紋理如藝術的「和牛龜之甲」，其名如形，油花分佈堪稱藝術。口感在彈牙與柔嫩間取得絕妙平衡。經典軟嫩的「和牛上等肋肉」。佐以岩鹽或秘製醬汁，純粹肉香已令人沉醉。日本產豚三味：厚切豚腩肥瘦相間，烤至金黃焦脆，脂香豐盈；梅花肉柔嫩多汁；赤身肉則肉味醇厚。三味交織，滋味無窮。月見紫菜飯（配蘭王蛋）：劃破濃郁如熔金的蘭王蛋黃，蛋液溢於熱飯與烤海苔。裹上剛烤好的和牛，蛋香、肉汁、米飯甘甜交融昇華，是絕配亮點。炎蔵沙律：以新鮮蔬菜與開胃醬汁，適時洗滌味蕾。從嚴選頂級食材、寬敞靜謐的日式空間、到講究的器皿細節，處處體現「精緻」真諦。這不只是一餐燒肉，更是該處一塊飲食文化的綠洲。…查看更多

上個月去到日本旅行，由於老婆食嘢偏向少食紅肉，而和牛一類油脂咁重嘅就更加唔啱，所以，一餐日式燒肉都無試。而日式燒肉都好一陣子無食過，搵番好此道嘅親友聚一聚兼食番餐。今夜，就嚟到「D2 Place One」嘅「銀座炎藏燒肉」探店，佢喺東京銀座嘅過江龍，主打日本和牛同多處罕有部位，值得一訪。一室傳統日式嘅木系環境，配以柔和燈光，感覺幾舒服，我哋被安排坐晌卡位，感覺寧舍闊落，最鍾意喺挨背加高咗個屏風，令前後嘅騷擾度大大減低。此外，近門口有個凍櫃，放滿唔同部位嘅和牛，望上去蠻吸引。餐具、紙巾、簡單嘅調味早已放好晌枱上，玄米茶亦由侍應緩緩送上，下單可用枱旁嘅二維碼。而烤爐抽風採用下抽式，且夠強力，所以，食完成晚都唔會一身油煙味，讚。講到食物選擇，單喺用嚟烤肉用嘅黑毛和牛就已經非常之多，有啲更喺稀少部位，睇圖都令人留晒口水。當然，食烤肉就仲有豚肉、雞肉、海鮮、野菜……等等供應啦。此外，食事、一品料理、飲品、酒類及2、3、4人套餐，都一應俱全。不過，掃二維碼進入點餐版面，會發現選擇仲會多啲。菠蘿乳酸梳打、草莓番石榴乳酸梳打 $42食烤肉咁熱焫焫，梗喺要飲凍飲啦，所以，我哋同樣揀嚟冰凍嘅梳打邊食邊飲。小弟向來甚好菠蘿，加埋乳酸，甜酸爽集於一身，襯烤肉真喺非常夾；而親友杯草莓番石榴乳酸梳打賣相靚仔，味道清新酸爽，配烤肉真喺無得輸。炎藏和牛「極致」4點拼盤 $398啲和牛有多款拼盤，揀拼盤當然比散點划算，我哋就點咗一份4點盛，唔使擔心唔知自己食咗乜，每款肉都有個牌仔介紹，包括：和牛上等肋肉、和牛肋肉、和牛龜之甲同和牛鞍下，睇到個賣相同啲和牛嘅色澤，已叫人心動。和牛上等肋肉有個「上等」二字，信佢喺好嘢嚟，試試佢先。睇上去油花好靚，加上厚切，燒到微焦，入口既有肉味，又有脂香，肉質細膩且極富肉汁，不失上等之名。和牛肋肉呢一款裁出嚟更厚身，外型就好似平常食韓燒嘅牛肋肉咁，但就切成一件件，而且，仲鎅晒花。比起和牛上等肋肉，呢個肉味更濃，口感軟腍有嚼勁，沾點鹽，肉味更突出。龜之甲好特別嘅名，唔止第一次食，個名都喺第一次聽，原來喺大腿一個位置。裁成薄切，輕輕焫一焫兩面就食得，油脂無咁重，肉質細緻嫩滑，油香跟肉香都較平衡。和牛鞍下又喺一個未聽過嘅部位，但賣相真喺吸晴，薄薄嘅一大片，油花如大理石紋般，稱為霜降更有意境。入口油香澎湃咁晌口腔湧流，甚有入口即化嘅感覺，沾上燒肉汁真喺一流。海鮮三味 $188食完4款和牛，可謂各有亮點，每款都好精彩。跟住落嚟，就唔少得試試海鮮，選呢款「海鮮三味」就最好，一份海鮮試晒帆立貝、虎蝦同大魷筒，睇見色澤閃爧爧就知新鮮貨，童叟無欺。帆立貝雪白嘅帆立貝喺連殼成隻擺晌爐上燒，燒至收收哋水就差唔多，入口口感鮮嫩，甚具彈牙感，此外，味道鮮甜帶點點海水鹹鮮味，絕對食得出喺新鮮靚貨。虎蝦超級大隻，真喺有成隻手掌咁大，燒至轉色，再焫一焫背脊厚肉位就食得，因為背脊位已鎅開，食用方便。咬落肉質爽口，甚富蝦嘅鮮甜味，蝦頭仲帶有少少豐腴嘅蝦膏。大魷筒大大隻魷筒已經剪成一圈圈，燒到焦黃，沾上燒烤醬汁再烘一烘，更加惹味，而食落柔韌有咬口，卻唔會好似軔到擦子膠咁，同樣好食。蔬菜拼盤 $68食咁多肉，唔食番多少少菜平衡吓好有罪惡感，一份蔬菜拼盤有齊多款蔬菜就最好喇。啲蔬菜燒過之後，跟平時灼菜、烚菜風味唔同，又跟炒菜唔一樣，有少少焦香味，而且，收咗水，粟米、南瓜更甜，菇菌更香。石鍋拌飯 $88淨喺烤肉、燒海鮮，怕唔夠飽，所以，嗌一客食事，簡簡單單叫咗石鍋拌飯，嚟到滾熱焫，飯面鋪滿唔同嘅蔬菜，夠營養又健康，仲加隻日本蛋，將所有食材撈勻，食味一流，飯底仲有少少脆口嘅飯焦。日本產柚子雪糕 $28、季節限家軟雪糕（芒果、蘋果味） $38最後，追加兩客甜點作結。小弟覺得柚子雪糕比較有啲似雪葩，但估唔到，咪睇佢白潺潺，好香柚子味；而另一款軟雪糕好軟滑，淡雅嘅芒果同蘋果味，食落唔錯，仲灑上少少脆筒碎，添幾分脆口感。總結而言，呢度唔單環境舒服、雅致，招呼好到位，侍應亦有禮，而食材喺極具質素，尤其主打和牛，牛肉控嘅朋友值得嚟一嚟。午市會供應一啲和牛燒肉套餐，相信性價比更高。…查看更多

🥩銀座炎藏燒肉🥩每個月盡量安排一日不帶小孩的約會❤️ 今個月安排咗位於荔枝角嘅銀座炎藏燒肉😎吃到很多和牛稀有部位，大滿足🥰.🥩和牛極致定食（3種）$248廚師嚴選3個部位，選擇困難症嘅解決方法係，將問題交俾專業人士決定😂1️⃣龜之甲：第一次食，原來係和牛大腿四頭筋，油脂分布較少，口感清爽，食多玫塊都唔怕漏☺️2️⃣和牛肋肉：肉味更濃郁，油花更重，有嚼勁，食肉獸的摯愛😍3️⃣和牛友三角：牛腿肉中一個三角形的部位，油花極多（欣賞下佢優美嘅霜降紋），卻同時吃到瘦肉的強烈肉味，雙重享受💕.🥩和牛羽下。貝身燒肉定食 $198我仲專登google邊個位置比較油先order😎1️⃣羽下：和牛肩胛位置，油花分布如羽毛細緻🪶，口感軟嫩有彈性😋2️⃣貝身：和牛中腹接近腰脊位置，肉汁豐沛，吃著齒頰留香🤤.🍳月見紫菜飯（配蘭王蛋）$48已經叫了定食（有白飯）還是要另外點的月見紫菜飯，總覺得吃和牛燒肉不能缺少它🙈 餐廳超有誠意地選用蘭王蛋，美麗的橙紅色蛋黃，蛋香撲鼻，這樣的蛋才經得吃生吃的考驗👍🏻.🍹白桃乳酸梳打 +$22🍹巨峰提子乳酸梳打 +22…查看更多

這家 d2place 的烤肉店絕了店內裝修優雅沒有油煙味色彩採用高級日本和牛🐮現在午市定食低至$6x追加烤肉每碟$4x起真的是性價比之選😻點了份午市定食和烤肉定食🌟極尚牛舌芯溫泉蛋丼定食🌟和牛霜降．赤燒肉定食✅追加和牛羽下+上等牛舌午市套餐配上沙律，泡菜和湯牛舌芯是整塊牛舌最軟滑的部位丼飯裏面的牛舌都是厚切很大片米飯配上溫泉蛋吃一碗真的不夠一百多塊的烤肉零食居然可以那麼高質其中包括鞍下及牛肋肉的部位𩣑下肉質有彈性油脂剛剛好牛肋肉的油花就會比較重追加的羽下是肩胛部位中較軟嫩的一塊牛舌薄切的口感非常彈牙不會難咬重點來了，不要忘記這家的打卡飲品！💛菠蘿乳酸梳打💜蝶豆花青檸梳打這兩杯都是我推薦的顏色鮮艷又很解膩😉…查看更多

銀座炎蔵燒肉（荔枝角）環境舒適，肉質新鮮嫩滑，燒肉味道香濃多汁, 中午定食有好多選擇！ 午市定食包括湯同前菜，好暖胃開胃！燒肉和牛極致定食（三款）：三種和牛部位各有特色，油花均勻，肉質嫩滑，鮮味濃郁，入口即化，烤得恰到好處，配湯清淡又鮮甜。燒肉和牛肋肉定食：肋肉油脂豐富，肉香濃厚，入口多汁，配搭簡單前菜同滑溜湯底，食完超滿足。燒肉和牛肋肉&日本座豚助肉定食：豚助肉肉質鮮嫩帶點彈性，配合和牛肋肉雙重口感，醬汁鹹香平衡得好好，前菜同湯提味又醒胃。…查看更多

超級推介呢間日式燒肉店，喺香港都食到高級日式和牛🐄！呢間店喺荔枝角D2 Place，位置超方便，附近又好多特色小店，行完街食餐好嘅真係一流👍🏻我哋叫咗「黑毛和牛嚴選（3選）定食」$248， 同埋「和牛上等肋肉定食」$198。 定食當然有飯、沙律、湯，當日仲有泡菜，夾住燒肉同飯一齊食，超正🤤如果你鍾意食軟熟啲嘅牛肉，強推和牛上等肋肉！唔好睇輕呢六片肉，我個大胃王食完都好飽🤣至於1516唔知食乜好？梗係揀有三個選擇嘅「黑毛和牛嚴選」啦！三款都好好味，牛味超濃，其中和牛友三角口感特別啱我，唔會韌，咬落去又香又juicy！其實唔使我多講，睇張相都知啲牛肉幾靚😋 所以如果你有機會去D2 Place，一定要試下呢間！…查看更多

假期去D2行市集順便食餐好嘅！今次就食和牛燒肉，主打多款黑毛和牛，餐廳座位寬闊，裝修別致。我們點了2款燒肉定食，追加了和牛舌心及2杯飲品先上套餐沙律，湯及泡菜。和牛極致定食（3種），一次過滿足晒三個願望～牛友三角，比較有咬口，肉味香濃和牛龜之甲，薄切，一燒即食和牛肋肉，個人最喜歡，入口充滿油香黑毛和牛,北海道豚, 日本產雞定食，北海道豚肉，易入口，有豬肉香味但不會肥膩日本產雞，比普通雞肉有嚼勁和牛舌芯，呢款真係大推一定要試！ 平時燒牛舌好易燒到好韌好難開，但呢款絕對不會。而且牛舌味濃，非常好食。飲品：巨峰提子乳酸梳打及白桃乳酸梳打，加配每款只需$22，梳打與燒肉是絕配！好欣賞這裡的套餐配菜沙律，泡菜及珍珠米飯也非常好食。服務質素很好，店員有禮亦會主動收拾枱面及加茶，值得一讚。…查看更多

生日要對自己好啲，今晚嚟到D2 Place One嘅銀座炎蔵燒肉，一入到嚟已經有種置身日本嘅感覺首先點咗舞之特盛，有和牛4點拼盤、夢之大地豚三味同日本產雞肉三味，另外加咗一客上等牛舌，和牛、豚同雞都食到唔同部位，幾款和牛香味濃郁突出，口感軟腍，油脂分布平均，牛舌爽口彈牙，最想讚店員好殷勤，主動換烤網，仲會搽一層油等啲肉唔痴底，少見嘅貼心和牛烏冬口感綿密，湯底清甜沙律好新鮮，柚子醋調味酸甜開胃，泡菜辣辣地經典口味店入面嘅佈置好日式，座位乾淨闊落，好好坐好舒服套餐同單點嘅選擇都好多，款款都好吸引好想試，已經期待緊下之再嚟…查看更多

D2 Place呢一間日式燒肉，有好多唔同特別嘅和牛部位，除咗牛，仲有雞肉，豬肉，海鮮，其他一品料理，價錢絕對唔貴餐廳抽氣做得好好，唔會食完成身燒肉嘅味道，而且好多卡位，枱和枱之間空間感十足，仲有個半開放式嘅包廂，好啱一班朋友過嚟聚會傾偈✨炎藏和牛「極致」6点盛$588六個部位分別由上後腰脊肉，和牛肩三角，和牛笹身，和牛鞍下，和牛羽下，和牛友三角，全部都係比較少食到嘅部位，每一款都各有風味，和牛友三角，油脂最突出，和牛笹身牛肉味最濃，油脂平均✨日本黑豚腸$48腸仔肉汁爆發，外皮香脆✨日本產豚里肌$88呢個部位嘅豚肉脂肪比例較少，但肉質細緻、口感Q彈、有自然肉類的甜味，食落完全唔會有油膩感✨蕃茄沙律🥗$48食咗咁多燒肉，當然要叫個沙律清吓腸胃，蕃茄好鮮甜，沙律菜好新鮮爽脆✨韓國泡菜$38帶少少酸味和辣味，仲食到蔬菜本身的甜味✨巨峰提子乳酸梳打$48✨白桃乳酸梳打$42果汁比例好多，飲品仲有少少果肉，食燒肉飲乳酸梳打係一流銀座炎蔵燒肉地址: 荔枝角長義街9號D2 Place ONE3樓302號舖電話: 37098150…查看更多

尖沙咀荔枝角D2 Place的《銀座炎蔵燒肉》以豐富多元的食材和精緻日式風味著稱，今晚和友人點了「舞@特盛」套餐，專為2至3人設計，是燒肉控的必試之選。🔸沙律前菜:採用新鮮蔬菜，清爽開胃。🔸和牛4點拼盤：包括和牛友三角、上後腰脊肉及和牛羽下龜之甲，切片厚薄適中，油花均勻，燒烤後肉質鮮嫩多汁，口感層次豐富，充分展現和牛的頂尖品質。🔸夢之大地豚三昧:包括豚助肉、豚里肌和豚頸肉，豚肉切片厚實，肥瘦比例剛好，肉質細膩鮮甜，經過燒烤後外焦內嫩，充分保留豚肉的鮮美與彈性。🔸日本產雞肉三昧：雞腿肉、雞頸柳和雞胸肉三款部位，各有特色。雞腿肉嫩滑多汁，雞頸柳帶有彈性，雞胸肉則較瘦但不失鮮美，每款雞肉都充分鎖住鮮味。🔸帆立貝，其鮮味濃郁，燒烤後氣味誘人。🔸月見紫菜飯：配上濃郁的日本蘭王蛋，蛋黃鮮黃飽滿，與紫菜飯結合，口感滑順豐厚。🔸牛油粟米粒香甜油潤，與燒肉相得益彰。…查看更多

同朋友黎食個燒肉lunch，餐廳入面寛敞坐得舒服。🥩黑毛和牛定食和牛油脂分布幾靚，燒完入口軟嫩，肉味濃得來唔會過膩。配埋白飯同麵豉湯，平衡得幾好。如果份量可以多返少少就更完美。🍲海鮮豆腐泡菜鍋定食湯底酸辣度適中，海鮮有蝦、魷魚同帶子，都尚算新鮮。豆腐吸晒湯汁好入味，泡菜爽口，幾開胃。🍚石鍋和牛伴飯定食上桌時石鍋熱辣辣，和牛片撈埋蛋汁同甜醬油好夾。味道唔錯，但相比前兩款稍為普通少少。整體來說：環境乾淨，上菜速度夠快。適合一兩個人想簡單食燒肉或韓式料理嘅時候試下。…查看更多

呢間餐廳超級正，兩款定食餐都呈現超高質嘅和牛🤤🐮嚴選黒毛和牛定食，包含三款頂級和牛部位：和牛芯芯、和牛友三角和和牛鞍下。這三款和牛各有特色，肉質嫩滑且油脂分佈均勻，層次豐富😋，好適合想一次品嚐多種稀有和牛部位的人。每口都感受到高級和牛嘅濃郁和牛西冷薄切大判燒＆赤身定食🌟。這裡的西冷薄切大判燒切得超大塊，食落有濃郁嘅肉汁🤤。雖然是薄切，但油脂豐富牛油入口即化，口感香滑而不膩。另外鮮嫩的赤身牛肉，肉質緊實又不柴。🔥火焰炙燒的視覺效果都令我食慾大開🐮呢間餐廳啲日本和牛真係好好味🇯🇵，環境舒適，服務周到，和牛愛好者千祈唔好錯過啦。食過一次肯定想再來回味！🫶🏻…查看更多

荔枝角高質日式燒肉店【🐂和牛控必試和牛稀有部位】位於荔枝角D2 PLACE ONE的日式燒肉店，除咗有平時食開嘅和牛款式之外，亦都有啲稀有部位可以試吓～和牛極致六點拼盤($588)一次過試勻6款稀有部位｜每款4-5塊超滿足✨ 拼盤包含：1️⃣ 和牛龜之甲（大腿四頭筋赤身）· 油脂少卻清爽｜每隻牛僅取2成· 油花如龜殼紋路｜入口即化2️⃣ 上後腰脊肉· 運動量少部位｜嫩度適中油花細密3️⃣ 和牛鞍下（近臀部）· 軟嫩帶彈性｜肉鮮味突出4️⃣ 和牛芯芯· 赤身首選｜細膩柔軟無筋膜5️⃣ 和牛上等肋肉· 高級肋骨位｜油花均勻如雪花6️⃣ 和牛肋肉· 經典肋骨部位｜油香平衡和牛里肌芯($268)油脂紋好靚，食落都好有油脂上等牛舌($98)牛舌厚切彈牙，牛味濃郁！…查看更多