Silver City Cafe (Closed)

點咗個下午茶：炒蛋蕃茄芝士菠蘿油配熱奶茶，菠蘿包好足料，真係有菠蘿😂蛋夠滑，溫度夠！奶茶夠滑唔澀（而家要搵杯好飲嘅奶茶真係幾難）。餐廳環境乾淨舒適，有質數，值得幫襯！…Read More

疫情前後都常光顧銀城, 近日有見佢因疫症生意略減及縮短營業時間, 都擔心佢頂唔住要摺, 希望唔好... 因為呢頭茶餐廳多不勝數, 但好吃的, 我心目中佢係首兩間~趁唔使返工, 來回顧一下我曾吃的美味：~~~~~~~~~~~下午茶~~~~~~~~~~~~下午茶餐選擇很多, 有light也有heavy的。推介有以下窩蛋焗肉醬意粉肉意一般不是我杯茶, 但加咗窩蛋就唔同講法, 吸引力倍增~ 燶芝士下有不吝嗇的肉醬, 同生蛋撈起來好細滑好香, 意粉唔係焗定, 所以無乾到咬唔到的問題, 只有時即焗係要等耐些少, 但為咗好食, 我係唔會mind~紅酒汁牛脷飯呢個飯出現放tea menu 又係好正, 而且牛脷份量唔係tea份量, 三大塊, 也唔會好薄, 牛脷兩面煎香配紅酒汁, 好唔錯~流心黃金西多上枱時以為好平凡, 但切開真係有surprise, 咸蛋漿流出嚟, 咸香加上糖漿既甜, 真係唔會理卡路里食咗先算.... 芝士豬扒 (or 咸牛蛋) 波蘿包點解波蘿包? 其實係我食嗰日無晒波蘿包, 改以厚多代替, 但呢個包的特別之處, 係佢有真波蘿,  即係：波蘿包(上) + 芝士 + 豬排 + 蛋 + 波蘿 + 波蘿包(下) 食過兩次,  用料十足, 咸甜混合加上波蘿汁係好正~同場加映我都唔記得幾時邊日食的咖哩蛋包飯 (應該係晚餐嚟),  總之, 呢間好嘢嚟, 大家有機會要多幫趁~…Read More

開張不久, 但來這裡很多次了,  疫情下的情人節晚餐, 不能去遠, 也選銀城 一人一餐, 沒因節日加價, 卻有吸引餐單。芝心吉列豬扒拼米紙卷吉列做得不錯, 炸粉平均、夠脆、不會過燶；豬排份量十足, 雙層豬排而且大大块, 啱晒食肉獸, 只係芝士用了拉絲mozzarella,  芝味不足,  夾在豬排中口感有點怪... 如果換上片裝cheddar反而更濃郁芝味。點睛的千島醬很聰明, 惹味!米紙卷係bonus, 不過不遺失卻看出廚師的用心~黑松露雞肉卷拼肉醬蛋包飯黑松露醬對我來說係最吸引之處,  而且給的不吝嗇, 大量舖在雞卷上,  增添高級感~雞卷用雞髀肉包裹甘荀芹菜菇等蔬菜條, 係心機之作。蛋包飯的蛋漿不會過熟過鞋, 還有些蛋汁, 好味~銀城的廚師勁出色,  遠超茶餐廳水準, 每次幫趁總有驚喜!  惜最近疫情影響生意, 希望佢仍做得住, 大家要支持啊~…Read More

第三次光顧銀城冰室,今次點了早餐B皇牌沙嗲牛肉麵配火腿+北海道3.6牛乳炒蛋和厚多士色香味俱全,濃郁嘅沙嗲湯底再一啖北海道3.6牛乳滑蛋,諗起都流晒口水,食指大動另外不得不讚佢個凍奶茶,好有懷舊嘅味道,滑都嚟仲要夠茶香又唔太甜。總結:真心有水準嘅冰室,地方整潔,環境舒適,有別於一般其他嘅茶餐廳,最緊要係食材新鮮同好食, 而家呢個時勢買少見少,好少有餐室做到呢個水準,下次一定會試埋佢個午餐同晚餐。我個人俾(5/5)…Read More