金龍餐廳餅店

Open Now

Now Closed

雖然間嘢睇落唔算光光猛猛，又唔乾乾淨淨，但住附近耐唔耐都幫襯，諗住屯門友幫襯吓地方小店。平日有個後生啲阿嬸都幾健談，上次買果陣仲好好嗲問我點解買一個咁少，但又講吓笑話自肥都幾好，所以我都耐唔耐經過幫襯吓。今日星期日本身心情好好地，好聲好氣買個蛋撻，第二個女人似係個老闆娘定唔知邊個黑曬口面晦晦氣氣，入個蛋撻個樣黑口黑面好似邊個殺佢父母咁，有冇必要咁對客呢？間嘢垃圾態度，普通貨色，附近大把選擇，呢間金龍我就一定唔再幫襯！

臉書谷話金龍蛋撻冠絕屯門, 吹到咁大? 一試便知龍與鳳!未入去已經見到餐牌碟頭飯50蚊起跳, 即刻想打退堂鼓, 姑且俾次機會佢, 點了乾炒牛河和牛肉通粉全日餐。 實情係:是日飯餐有四款, $45起 / 碟頭飯飲品要加錢, 加$5有紅豆冰 / 牛通配多士包熱飲, 杏霜不是特飲不須加一 /堂食蛋撻加五毛, 4蚊一隻 / 其他包餐平均廿雞, 飲品貴過麵包, 例如雞批配紅豆冰就要28蚊。 成日講錢太俗, 試試佢:牛肉嫩滑, 味道好獨特, 並非一般茶記貨色, 通粉似乎用了出前一丁的味粉和加了麻油, 香氣撲鼻, 乾炒牛河的飲片尤其惹味, 河粉乾爽完整, 沒有很多油, 穫氣雖然不及大排檔, 但整體不俗戲肉:蛋撻得酥皮撻, 較為嬌小, 一咬開就見撻底酥皮層次不分明, 至於蛋漿份量及格, 但蛋味不足, 偏重白糖味其他包餅外形大隻, 價錢吸引, 味道不得而知。堂食人流較稀少, 包餅銷情反而較佳。

麻煩友昨晚先比文件我，太夜冇睇，一心諗住辨公時間是9點，早少少出門嘆個早餐，上左車先諗起睇睇文件，原來10點先開門唯有食慢啲個早餐啦！路經金龍就呢間啦特餐（全日供應）$40豬扒+煎蛋+時菜+通粉牛油多士熱奶茶街坊小店出品，一切正常

One of the waitress (looks in her 50s, chubby and short) was very rude in their attitude and tone of voice.  Sternly and impatiently ask us what to eat.She missed one of our orders so we waited a long time for nothing.Not many good/filling dishes to choose from too! When my mother-in-law just sat down with us, the same rude waitress curtly told her that every person has to order at least a drink eventhough there were already 2 people that ordered a meal each! She should at least say sorry at fir

那天大概12點多到的，已經没有早餐，因為早餐時間到11點，看到餐牌上的特餐與平時食嘅早餐差不多，而價錢只需要$36, 就點來試下。餸方便可以在十幾款餸之中選三個，我選了午餐肉、雪菜肉絲及煎蛋配米粉，多士及熱檸檬茶。米粉先上，三個餸嘅份量都算頗多，有兩片頗厚切的午餐肉，雪菜肉絲量多味道亦不錯，煎蛋有蛋香味，米粉軟硬度適中。多士夠脆，熱檸檬茶茶味同檸檬味都好平均。呢個餐整體感覺唔錯，大份亦好食，只需$36，都幾抵食！

是日十五, 下午, 當然要陪著太太, 到佛堂一趟. 出門前, 太太點一點雪格的東西. 她的齋也食得七七八八. 於是, 決定早一點出門, 來到置富呢一頭, 找那一家相熟的素食食品店買野. Skip了午餐的我們, 當然也就地找一家茶餐廳, Tea一Tea.好快就有目標啦, 因為上次泊車係街市, 對面就有一家古色兼古香的茶餐廳, 呢間茶餐廳仲要傳統到賣麵包西餅. 而家, 真係買少見少. 我們入來, 一片舊既色彩已經籠罩著我們, 帶點懷舊, 又帶點殘舊.食素的太太, 點了一個鮮油多. 看圖中的一片大牛油已經知道是傳統的從一大盒鮮牛油中, 厚厚的剖開一層油, 再夾在兩片多士中間. 啖啖鮮牛油香, 啖啖脂肪, 啖啖膽固醇. 齋妹吃完投訴....都是你, 又害我減唔到肥........ 我大食, 就叫一個公仔麵餐. 點選的, 是豬扒公仔麵. 以前細個食茶餐廳, 食傳統的叉燒湯意, 係會用一個飲西湯既碟仔上的. 而呢一間古老茶餐廳, 保留了呢一個傳統, 我的豬扒公仔麵, 也一樣的用碟上. 早知佢地咁傳統, 我也來一個叉燒湯意.公仔麵, 有肉有菜, 有點佩服呢一隻碟仔

星期日，無街去，留喺屋企做家務。通常我會 11:00 起身，只係食 Brunch 同埋晚飯兩餐！如果，4:00 左右肚餓，走去搵餅乾食！真好嘞！4:30 媽咪買咗半打蛋撻返嚟！簡直係雪中送炭呀！我見佢話蛋撻返到屋企已經凍哂，要攞去叮。酥皮蛋撻 $15 半打我都攞去叮一叮先食！酥皮有恆香老婆餅嘅酥皮味！有多層酥皮，撻底夠薄！啖啖蛋，蛋嘅甜味適中！我食咗兩個。