金雋鍋貼大王 (Closed)

金雋鍋貼大王要自己搵位坐，雖然有幾張望到街的卡位，但只要多人，都要搭枱。除左野化飲之外，價錢都算中等(平均$30)我叫左$11 5隻鍋貼 但鍋貼不夠熱，裹面的肉有點粉紅，也很肥，而且鍋貼亦煎得不夠脆(相比八方雲集)。炸豬扒通粉米線就分開豬扒同通粉米線上，豬扒幾大塊，但有好多油，都算係咁。個通粉米線唔多索味，但小辣的湯底就好辣下，好有麻辣味，有少少痺，有機會再黎試下薯粉。…Read More

今日同屋企人黎食lunch,叫左個豬扒雞翼麵,$23凍飲加$8,依家既市道咁價錢算平嫁啦!!有一塊豬扒兩隻雞翼,炸得好脆,醃得都夠入味,但個上海麵就唔得啦!個淡而無味,d麵太林無口感,下次會試下其他,希望會有驚喜;)…Read More

早2日收工去食佢d鍋貼 平就真係幾平 但感覺好油膩 叫左4隻鍋貼 同埋唔知個咩麵 太油完全食唔落但係又叫左都唔知食唔食好 ..........最後都係決定唔好難為自己去第2到再食過…Read More

事隔4日我又來幫襯喇!上次招牌豬扒賣晒好激氣,今次再來買過叫男朋友買外賣返黎俾我食,叫左炸豬扒菜飯佢地將炸好既豬扒同d菜飯分開載,d飯就唔會變到好油啦:)我覺得個豬扒如果堂食一定好正!由於係外賣,所以返到黎都只係微暖亦冇岩岩炸好既果陣香味,但佢d豬扒真係好腍,一d都唔un唔痴牙!(但會唔會係用左d咩粉去腌豬扒呢 ?)我好鐘意d飯呀,一來唔油,二來好多菜,d菜撈埋d飯唔知點解食落仲有陣wasabi味,好正!而且晚餐$24真係好抵,食得好滿足!以後我一定會多多幫襯 …Read More

晚餐諗左好耐都諗唔到食乜見到出面價錢牌好平,諗都冇諗就入左去睇睇餐牌,好想食佢個招牌炸豬扒面點知佢話賣晒,真係有d嬲嬲地於是叫左個炸醬面個炸醬面唔係話特別好食,仲幾油添,但$20都好抵丫!$17有4隻餃子,餃子皮厚,但仍然好味抵食:)皮厚,但肉多汁,食落香口,都係一個字,抵!晚餐兩個人食有埋野飲仲要食到咁飽都係$57,抵到喊呀下次一定會再黎試佢個炸豬扒!!…Read More

見佢好似開左好耐..咪入去試試lo....我叫左鍋貼,朱扒粉仔點知黎左...個鍋貼先...點知...凍既...@.@...心諗..算la...之後黎左個朱扒..正,,好脆..最緊要係...熱架.....緊手黎埋個粉仔...我食左一啖..點之..個炒仔d湯好臭唔知係咩怪味...我飲左半杯豆漿先冇咁臭ja......唉....冇下次la...…Read More

被門面海報裡既通心米線吸引了去試叫左炸豬扒米線和鎮江排骨麻辣通心米線(大辣) $16好抵, 不過份量似乎太少炸豬扒超讚, 真係好脆夠稔好好食 呢個$24大碗d+$8有凍飲鎮江排骨好稔好入味有一件有軟骨大辣麻辣湯底能夠滿足到我通心米線係組組既中間通心比普通米線滑好多好多好食又特別抵食menu十幾蚊有收易…Read More

是日星期天中午，和母親又來到「金雋」吃午飯。這時候通常都不用等位子。坐下，點菜，很快就到。- 炸豬扒、雞翼上海麵($21): 豬扒有一塊，雞翼有兩隻。豬扒沒有之前來吃時那份「超鬆脆」感覺了，雞翼也沒有了像m記「脆香雞翼」的質素。麵的量明顯的少了。- 鹹豆漿($10): 母親說不夠鹹，因為太少炸菜了。我覺得很淡，不像鹹豆漿，像「無糖豆漿」。- 鍋貼($10五隻): 水準依舊。(如果連這招牌菜也失準的話，真是死得人了~!)- 生煎牛肉包($4一個): 我母親吃了一小口後，說:「凍既~？」我用手指輕輕觸碰一下，感到真是凍的。叫伙計來，我說: 「牛肉包凍既~!」伙計把那碟(兩個)牛肉包那回去......一分鐘吧，那兩個牛肉包(有一個有我母親牙印)原裝拿了回來，熱了~該是用微波爐幫我「叮」過了吧~…Read More

友人從英國回來, 想食餃子類既野.. 就過黎一試啦~見住個menu. 樣樣都好平, 樣樣都好想食..擔擔麵不是太辣, 惜個麵整得林左少少, 如果硬身一點有口感會好食d菜肉雲吞米線雲吞皮薄多餡, 雲吞爽口炸鏝頭甜甜的練奶, 鬆軟既鏝頭, 仲係星星形, 好食!!煎鍋貼一心見佢個名叫鍋貼大王, 應該鍋貼好好味, 點知好凍唔好食, 而且好乾...:(熱豆漿甜的, 幾滑~ 不過豆味唔濃, 偏水...不過以每人唔洗$30呢個價錢有呢個quality.. 就覺得好抵食了。…Read More

今日跟朋友外出了元朗,,想不到食乜好~於是萬無目的地走走走走走~之後就比間五彩繽紛既招牌吸引到,,,原來就是金雋鍋貼大王!我地馬上飛奔過去看看,,出面有好大個餐牌,,又整得好靚..所以我地決定吾理好醜入左去先算~^________^~入到去吾洗等,就有位1u~不過係同人搭枱-u-'之後同朋友各自叫了野食...我叫了個'韭菜水餃米線'~朋友叫了'炸豬扒粉仔'..!等左5分鐘到,,野食尼到1u~我個碗麵超大的,,,有4粒大水餃~椰菜,雪菜~之後同朋友交換了來吃~餃子味道吾錯,,好多肉同菜,好足料!不過我認為個皮太腍了,,米線普普通通,,個湯底就咸左啲~bad之後個炸豬扒~幾好味,,熱辣辣,,好脆~不錯不錯^0^整體尼講,,其實哩間店仲有好多美食,,不過小妹未能盡錄xb下次有機會,一定會再去食哩個野!!住哩區既朋友仔可以去試試架,,!價錢又吾貴~…Read More

星期六晚同阿媽黎左呢間「鍋貼大王」食晚飯，當然叫了鍋貼，仲叫左其他野食。鍋貼: 10蚊有五個，難得外脆內嫩仲充滿肉汁，必食之算。(你知啦，依架實在周街都有鍋貼賣，但好多都係又膿，又硬，入面又乾。所以係呢度食到d咁正既鍋貼，真係好難得架):)炸雞翼($15四個): 嘩~!我仲以為食緊「麥記」d脆香雞翼，不過呢度d雞翼大d~!配埋d甜酸醬，真係好似去左「麥記」哈哈~!炸醬麵($18): 我呀媽話好味，我覺得一般，都係d罐頭香菇肉醬味(不過肯用香菇肉醬算係咁，因為依家d罐頭咁貴，叫落本架喇~!)。一碗撈麵跟碗味精湯，幾大碗下，ok啦~四川擔擔麵($15): 好大碗~但味道唔夠「四川」-即唔夠麻香。湯太多喇，又再次將擔擔麵醬稀釋 :(。如果再去食，我一定、一定、一定會叫佢「少湯」。(又唔可以無湯 ，因為無左湯就唔係擔擔麵，變埋炸醬麵~!)總共用左HK$58，價錢合理，飽肚。會再食鍋貼，下次試埋炸豬扒~!…Read More

呢間野d野食勁平，平得黎又有咁既質素，真係唔差。鍋貼一咬就勁多汁流出黎。正。炸雲吞炸雞翼都好食。炸饅頭。Nice。=]碗仔翅同埋酸辣湯。呢個咸豆漿好難食，千萬不要點這個來試呢。…Read More

琴日休息, 早點起身找女朋友仔食lunch~女友仔講左好多野食.....我就想都不想就選了食鍋貼, haha, 一向都鐘意食ma!!呢間野成日經過, 但本人就冇食過, 女友話ok la, 又平~開門, 爆晒人@.@ 侍應示意入去坐, 有位, 但入去之後其實係冇人安排位俾我地的....我地見有台4人剛走, 就走左落去, 因為都冇其他位...但坐低冇耐, 侍應姐姐就話我地不如坐另一張撘台......okok.....算.....睇睇menu, 真係好平wor, 鍋貼十蚊5隻, 紅油抄手都係十幾蚊有六隻, d粉面都係廿幾蚊~於是我地就叫左十蚊鍋貼, 抄手, 我就食擔擔面, 女友仔就食酸辣米粉d食物時間都ok la, 唔算快, 先來的是鍋貼, d鍋貼皮值得一讚, 個底係好脆又唔會好油, 幾有咬口, 不過就略嫌d肉餡唔夠juicy jei~之後就是抄手, d抄手一般, 不過個汁就唔錯, 酸酸辣辣的, 幾好食我碗擔擔面就中規中矩la, 夠花生味, 但唔夠辣....女友說她那個酸辣湯好似街邊既碗仔刺......普普通通....埋單61蚊, 好平xd 以呢個價錢黎講, 唔好要求咁多了, 所以都合格吧, 會再來的…Read More

星期二晚等老婆理完髮後一同吃飯, 原本打算到品味餐廳處食小菜套餐的, 但去到後突然又不想吃了, 在元朗廣場週圍行了一陣, 結果選擇了廣場對面那間金雋鍋貼大王.這間鍋貼大王, 我們之前曾經幫趁過它在阜財街的店子, 那店無論是環境及食物均完任唔掂, 今次本著給它多一次機會而再來. 入內後, 發現這裏size比阜財街大, 而且有卡座, 枱與枱之間也沒有這麼擠迫, 環境好很多. 食物價錢卻沒有分別, 我們首先點了鎮江排骨麵, 招牌豬扒麵和鍋貼.鎮江排骨麵:(:(:(每碗賣20元, 味道普通, 排骨無味, 沒有正式鎮江排骨酸酸哋的味道, 麵質比較硬身, 不夠爽滑. 湯底更加是非常淡, 是正式的清湯底, 要添加豆辦醬來調味, 整體而言, 水準很一般.招牌豬扒麵:):)這個賣16元, 比鎮江排骨麵更平, 卻反而比前者好. 豬扒自動另上, 沒有浸在湯內, 好! 豬扒是雪藏貨, 肉質一般, 但剛剛炸出來, 熱辣辣, 扒身表面很脆, 最驚喜的是沒有炸到豬扒很乾, 還有些肉汁在內, 以這個價錢有此水準絕對是合格有餘. 麵質和湯底跟鎮江排骨麵相同, 都是一般.鍋貼一碟(5隻):)賣10元, 不算出色亦不太差. 一啖咬下去竟然有些肉汁流出, 不致完全乾踭踭的. 但餡料的豬肉嚡嚡哋, 肉質一般, 外皮煎得不夠香, 而且並不是剛煎出來, 不夠熱, 生煎牛肉包:)食完以上的東西後還未飽, 所以再加多生煎牛肉包一碟, 每碟3個, 賣10元. 包size很大個, 是剛剛煎出來的, 所以熱到吃不到. 餡料的牛肉不少, 但很乾身, 沒有肉汁, 只是一團乾牛肉餅. 但勝在大件, 我們原本不飽的, 吃完這個都飽了, 很抵食.吃了這麼多的食物, 總數竟然只是56元, 實在抵食得交關!! 整體而言, 這店的食物水準只是一般貨色而已, 但抵食程度則絕對是滿分了. 而且環境尚算整潔, 又幾好坐, 以這種價錢的食肆來講已經是不俗了. 難怪我們幫趁時已經是9點, 它仍然爆場, 還不斷有人進來, 証明它大件夾抵食的策略是成功的, 再次印證了在元朗, "抵食第一, 味道其次"是食肆生存的重要原素.…Read More

轉左葵涌上班後..放工去荃灣元朗都好方便! :)星期六一早放工..去元朗行下先..:)冇意中見到有間平平地又大間的上海野..生煎長鍋貼 :肉好多...此中都是別一間(XX雲集)的好食..:(本人未食過粉仔家..見10元..就試下...其實都冇咩特別...都係粉黎吧..不過上面有D一粒粒肥肥地唔知咩黎的..幾得意 其實有其他野都好想試.不過已經好飽了 …Read More