金鑽名軒 (Closed)

我要電子收據來claim錢, 不知為何他堅持不給我, 莫非他們要個收據來做什麼食物質素都可以入口，服務態度麻麻；感覺上是一間比較差嘅深圳店舖。不像是香港的店舖。總言之，如果唔怕難食，都可以幫襯。可能好過樓下的外賣店

今晚又來吃晚飯，發現旁邊的食客熟口熟面，都是街坊常客，皆因這裡的菜式非常實惠，蒸魚套餐只是＄168，加上茶飯錢，平均消費也只是百元出頭，比自己煮更便宜，性價比這麼高，當然要多光顧。

特別喜歡吃龍蝦，見金鑽名軒推出特價龍蝦，當然不能錯過，沒有特別期望，抱著一試之心 ，龍蝦只需＄178一客，試過卻是物超所值，肉質鮮甜，完全沒有將貨就價，好食到忘了影相，用菜單頂替 ，下次再去食。

天天找地方吃飯，確是有點頭痛，幸好金鑽名軒有實惠套餐提供，方便不少，今晚食蒸魚加燒鵝，燒鵝鮮味多汁，皮脆肉厚，蒸魚新鮮，斤兩十足，飯後還有綠豆沙送，夠熱又不太甜，合曬我要求。

肚餓，等唔到佢既下午茶時段（1:45入座），貴少少照食佢既午茶時段。搭𨋢上左二樓細廳，冷氣好行，正。我地四個人叫左六個點心加一個炒飯。好滿足，食到好飽。金鑽蝦餃皇：皮薄，入面好多粒蝦肉，入口淡淡肉，好味。蟹籽燒賣皇：正常既豬肉燒賣雞包仔：真係有雞肉架，熱辣辣，ok鮮蝦餅：啫係煎粟米蝦餅，好香口，幾彈牙煎蝦米腸：煎過腸粉，係香口d，除左點豉油，我中意沾滿甜醬同花生醬，好味好多。原籠馬拉糕：又係熱辣辣出爐，好鬆軟。石鍋鮑魚雞粒炒飯：呢個炒飯夠晒乾身，真係有粒鮑魚架，仲有好多雞肉、菜心頭同蔥，鍋底既飯仲燒到脆脆地。如果你係飯焦迷，你會中意佢。

自從轉工後，少了在天后、北角區覓食。於前公司工作時，與同時有時都會選擇到金鑽名軒食lunch，留有的印象是食物質素麻麻，員工服務態度不佳。今日機緣巧合再到訪金鑽名軒，點了數款點心食。點心上菜速度很快，而且食物是熱騰騰的，值得一讚。總的來說說幾款點心吧：雪山叉燒包味道不錯，但皮略為鬆散，一夾就掉皮；馬拉糕不太甜，可以的話會希望造得更鬆軟；可能夠熱，燒賣味道不過不失；南瓜煎堆很大，炸得剛好，油而不膩....而感覺最好味的，是半肥瘦叉燒。叉燒入口即化，重要是不鞋口，有機會再來可以翻點。或許點心味道並不是最美味，但比起既有的印象，頓覺不算很差。於食物質素，員工服務態度上仍有很大的改善空間。

難得假期今天朋友帶我試佢公司附近的一間酒樓佢極之推介呢間酒樓小食所以一坐低第一件事就叫金磚豆腐和椒鹽魷魚鬚金磚豆腐外皮有少少七味粉入面既豆腐超滑，好似炸鮮奶咁滑從未試過咁好味既炸豆腐💕褔建炒飯都好足料，好大碟好多蝦和帶子粒反而佢既米網腸就麻麻地冇乜饀咬落個味有的似加左唐芹既炸両甜品就叫左椰香甜薄餅現在好少地方整饀料都夠餅皮軟熟，但太黏

我是一個人來飲茶，但經常被安排坐門口。我不介意搭枱，飲茶不超過30分鐘，就是大堂內有大量空枱，就是我表示不滿，都被安排坐門口，我不用付錢嗎？我飲茶有折扣嗎？這樣是洒樓待客應有的態度嗎？因為這個原因，已經有一段時間沒有幫襯。豈料今天早上11點幾來，已經過了早市優惠時段，也未到午市時候，大堂內只有零星茶客，同樣地，被指定坐門口，我已表示不滿，這是酒樓對員工的指示？還是個別員工待客之道？這說明酒樓不歡迎單人食客🤬

農曆年前後，總有不少公事及私事飯局的出現。說公事，我們好幾位為公司不同子公司管理財務的同事來了一個開年聚，我們就其中一個在北角上班的同事，來到他介紹的《金鑽名軒》，中午飲返個傳統的開年茶。 飲茶，最開心當然是叫到一檯都係點心啦。不過，未過晒年，點心紙上的，臨時餐牌上的，都是賀年的 special promotion。幸好，價錢上又不是太謀財害命。其中一款點心時煎釀茄子，是很傳統的香港酒樓點心。現代版少少的出品，唔會食到成口油，味道又保持到應有的香口感覺。 蝦腸，很簡單的蝦腸，就是這樣的簡單才是腸粉的好味道。香滑，原隻蝦，而且腸粉有足夠的煙韌惑，加埋甜豉油，成個感覺好完美。 燒賣，很鮮味，豬肉、豬油夾上蝦仁碎粒。是很傳統的做法。鐘意食燒賣的人，像我，是求味道的，所以不需要花巧，味道美就行了。 來了一個發財就手，新年好意頭。這是好一個南乳豬手，味道帶甜而且炆得好腍，好入味。入口香軟，骨膠感豐富，感覺絕對可以用美妙來形容。 他們的腳手是偏甜的，所以他們的豉椒鳳爪，味道也是帶甜的，味道好，骨膠原也夠多。 炸鮮奶微甜，不過不太脆口，感覺失了少少分數。 黃金糕卻是夠美味的，很香，很甜口。入口也有令

今天兒子生日，和兩個兒子和老婆一起去金鑽名軒食晚飯慶祝，本來想散叫，但老婆見到套餐都幾抵，半圍都係一千蚊，就叫個套餐試下啦，套餐有乳豬半隻，龍蝦兩隻 更有魚翅羹， 有半隻紅燒雞和六件炸帶子，樣樣都幾好食，真係十分滿意。

鍾意飲茶嘅人 路過 見到 12點做下午茶優惠, 梗係入黎試下啦~員工們係好有善嘅, 服務唔錯的~杯杯碟碟碗碗 無一隻係乾淨嘅!!!全部都有食物殘渣黏住... 真心嘔心... 但都坐底咗咯, 又堅覺換都係一樣, 所以惟有認命 自行洗洗抹抹 求個心安咁囉... XD枱布... 都係唔知做咩嘅!激多洗完嘅紙碎... 都好嘅 叫有洗過...坐咗陣, 我對袖 (我已經唔挨枱) 同衫身經已沾上大量...T^T食物份量係超足料嘅, 碟菜一放上枱時 我呆一呆, 真心無响飲茶時見過咁大碟好耐!!! 菜嘅質量口感都係唔錯, 約$18.8 黎講 真係好讚~雞瀨味道都係正路, 雞係滑嘅, 唔腥嘅;蘿蔔糕好足料, 如果唔煎咁燶同減咸會更好~ 食物確吾錯, 唔怪得咁嘅乾淨度 (同個店名完全唔夾!!!) 都咁多客幫趁~不過, 我就驚驚, 只想快食快閃人~

昨晚和老婆兒子三個人，聽朋友講呢度好抵食， 所以上咗去試一試，叫咗一個羊腩煲，都只係98蚊， 一個套餐，包括一條細小小的沙巴及半隻紅燒雞， 另外叫多一個德國咸豬手煲，每樣餸菜嘅水準都好好及足料，都合我心意， 另外侍應嘅服務都一般啦，落樓都係四百零蚊，都合理及都算便宜。

附近無咩酒樓有灌湯餃食，得呢間。所以每次去都會食。湯好味，餃皮唔算薄，但都唔可以話厚，至少無穿～入面有蝦同豬肉～蝦唔係新鮮，但仍然彈牙。豬肉yip得幾入味，唔會咸。

XO醬炒腸粉簡直喺無得輸XO醬落嘅分量一時一時忙嘅時候少啲 唔忙嘅時候多啲炒得好香 色香味美~腸粉本身好難入味配上蛋絲芽菜韭菜等配料絕啊!!覺得喺呢間野必試臘味煲仔飯可能蒸過籠飯太乾太硬:/ 臘味都唔喺話特別出色不過勝在平嘛好似十蚊都唔使蘿蔔絲熱辣辣咬開就爆出嚟外脆內軟甘香鹹水角...呢次有啲炸過籠咬落去啲油必曬出嚟:/errrr 下次可以睇好啲火候相信今次喺失準姐餛飩啊餛飩普普啦咬落香甜 奶油香淡淡飄出不過食過古法嘅梗喺呢個同人地古法無得比啦不過喺叉燒包奶黃包等包類好嘅代替品剁椒魚頭~未必個個香港人接受得到啲辣椒超香(I mean真心要擺啲辣椒入口試) 好多辣椒醬辣椒油或者四川炸辣椒就將啲辣椒整到太鹹呢個唔太鹹只有有新鮮辣椒味 <3配上火候啱啱好嘅魚頭喺正嘅燒鵝啊!!!普遍嚟講都喺睇運數我就覺得呢間總體嚟講喺above average因為大部分時間都好似啱啱新鮮燒出嚟咁燒鵝最重要就喺新鮮出爐而唔喺燒完之後擺到2046

2015.10.23【10.23 腳仔軟，去飲茶~滋味行TASTY ROAD】晨運後，同"爸爸""哥哥""前輩"們去飲茶第一次食椒鹽豆腐唔食唔知佢原來咁好食。咬開，裡面好似豆腐花咁滑外咸脆，內嫩滑口感一流愛蝦嘅我又點可以錯過蝦餃，BB拳頭咁大嘅蝦餃就係啱我，原隻蝦彈牙。好開心，感恩，希望多啲一齊飯聚。