金銘潮州粉麵

五香崩沙腩飯：一排腩肉切開約有十件，約有四件白蘿蔔墊底，份量可以接受。崩沙腩稍稍偏瘦（可接受範圍內），筋膜Q彈，肉位腍身，醃味夠哂入味（所以咸味冚咗啲肉味）。白蘿蔔無渣，夠淋，但唔甜。飯底夠哂多。凍檸檬茶：正常。蜆蚧鯪魚球：有六粒，唔算好大粒。即炸，夠實在，咬落去唔會空心，魚肉肉質尚算紮實，帶有少許鯪魚魚味。蜆蚧醬汁夠哂咸香。…Read More

佢最近嘅鮮牛肉粥轉成用肥牛，以前真係新鮮牛肉，又淋又好味，而家嘅肥牛又肥又韌，咬都難咬。點知打去問個侍應仲話而家呢款先至係新鮮牛肉，兼且貴過之前，以前嗰隻反而係雪藏喎..鬼信佢咩，以後唔再食！…Read More

生菜牛六寶幼麵（$66）因為見到有豬雜，所以叫唔到牛腩、牛雜各一，見到餐牌有牛六寶，包含牛腩、牛筋、金錢肚、沙瓜、牛腸、牛膀，樣樣有啲，咁就啱嘞。牛腩有2舊，勁失望，又瘦又嚡又韌，講衰啲仲差過煲湯瘦肉；牛筋有2條，好腍好軟身，反而少咗口感；金錢肚有4片，爽口彈牙；沙瓜有2舊，有咬口（真係好鬼似豬肚）；牛腸有兩款，竹腸粉腸各2舊，竹腸有肥膏，但無咩牛脂甘香味，粉腸唔太粉；牛膀有1片，普通，正常粉。另外仲有兩塊生菜。湯底都算清，味道唔太濃亦唔太咸。麵條好少鹼水味，咬落尚算彈牙。潮汕新鮮什錦豬雜幼麵（$46）先講湯底，清爽，好足芫茜芹菜味，少咸帶有生滾過豬雜嘅味道。豬雜有豬潤、豬粉腸、肉片、豬心、豬肚、札肉片。豬潤軟嫩、粉腸唔苦、肉片軟身好滑、豬心爽口無腥味、豬肚有咬口、札肉一般，另外仲有一舊豬腰（有少少尿壓味）同埋一啲豬肉碎。凍檸茶（+$8）凍檸茶得三片檸檬，冰多，茶少。最後講吓啲潮州辣椒油，見到佢話自家制，仲有得一罌罌賣，但即場食落，唔辣兼且唔香，無咩特別。另外枱面仲有罌咸冬菜，都幾咸。真心講，有啲失望，牛腩完全唔得，牛雜無亮點唔算出色，豬雜一般般。比較好嘅係坐得幾舒服，樓底高，空間感足，裝修亦幾骨子。PS：有八達通。…Read More

今日經過屯門虹橋，忽然想起我一向鍾意嘅潮州粉麵，於是決定去附近嗰間24小時營業嘅金銘粉麵餐廳。雖然平時半夜嚟過幾次，但白天嚟呢度倒係第一次。我叫咗一碗雲吞牛腩河粉同一杯凍奶茶🥤。首先講講呢碗河粉，味道保持住金銘一貫嘅良好水準👍。不過，今日嘅湯底似乎稍微有啲唔夠熱，令整體口感稍有影響。呢碗麵意外咁配咗通菜，呢樣喺平時嘅粉麵店中好少見。至於凍奶茶，茶味算濃郁，都唔錯。金銘係一間方便又有水準嘅餐廳，要求唔太高嘅話，真係值得再嚟！😁…Read More

红橋金铭幫襯左超過廿年每逢肚餓，收工，半夜三更都会吃它原因樓面醒，快靚正自從搬左铺一日比日差有时樓面口交五次有3次落错单連鱼旦米都等十分钟算吧。失望盡頭永不回頭一路好走…Read More

買肉碎湯飯冇肉碎！ 不論堂食或外賣，都出現無俾肉碎嘅情況。之前一直都有幫襯開，都有食過肉碎泡飯，之後一次堂食，叫咗碗鯪魚球肉碎泡飯同蠔仔肉碎泡飯，都發現裏面冇肉碎，同店員反映三之後佢即刻去廚房攞返一碗肉碎俾返我哋，話師傅忘記咗放。今次外賣返屋企食，一打開入邊只有四粒鯪魚球同泡飯，即刻打電話去鋪頭反映，店方話下次去會補返一份肉碎俾我喎🥲🥲奉勸大家下次買外賣要自己檢查清楚先。如果唔係買魚蛋粉，冇魚蛋 ，咁就弊啦…Read More

早排上網見到屯門虹橋有間好抵食嘅湯河於是糧尾放lunch就同同事一齊去試食我叫咗個牛腩河38蚊勁大碗你冇睇錯，我冇講錯，係38蚊一大碗牛腩河！份量超多 無論男女都一定會食得勁飽牛腩炆得好入味 夠腍湯底睇落都算幾清飲落就比想像中濃加埋佢哋秘製嘅辣椒油都幾惹味不過舖頭店面坐得唔太舒服佢係傳統圓枱圓木凳嗰種潮州粉麵店放lunch時間好多客人坐得有啲迫不過整體而言真係大件夾抵食而且舖頭啲姐姐同師傅都好犀利記憶力超好 落單唔使寫低都記得仲要計數超快😂😂感受到香港人嘅效率同人情味…Read More

話說小弟深夜肚餓 諗住去金銘食碗牛雜河醫肚因為一向都有食開，有質素保證！點知入到去坐底 無厘頭見到個廣告寫住廚師推介 沙姜雞飯！試問邊個人會深夜走去牛雜舖入面食雞我就係果個傻仔 落左單係等待期間已經好後悔，好想改單........碟雞上到枱果然冇令我失望！生菜係底，然後斬到好亂既雞擺上面！最神奇既地方，佢居然放左好多沙薑汁落去！我係出面食沙薑雞，絕大多數餐廳都係另外拎個碗仔去放沙薑汁...... 否則碟雞只會咸到福街...其次就係薑葱油舖係面....呢個係咩食法....薑葱油係凍既，隻雞翻蒸 入面仲有小小凍...其次就係d肉太un......最慘係成碟雞跟本就食唔到，我食左兩舊雞真係頂唔順....d沙薑汁咸到我成杯奶茶飲哂...最終食剩大半碟，投降了！侍應收碗碟真係快！呢碟飯唔怪得餐廳，要怪就怪自己低能！居然會走入一間食牛雜粉面既餐廳內叫沙薑雞無厘頭就冇左60幾蚊...真係諗起都好笑…Read More

金銘潮州粉麵歷史悠久，今晚專登晚上8：30去了井財街那間買了三個外買，1.牛肚米、2.牛雜和3.牛雜粗；我見店內不算多人但都等了15分鐘，餐廳來說算等得耐。👇牛肚米他的外賣全部分湯，牛肚份量適中，牛肚好新鮮夠彈牙，湯底味道都夠濃，但米粉份量不算多，可以多一點就更好。👇牛雜河、牛雜河不夠餸，但牛肺牛肚牛腸牛磅味道算OK，湯底味道也合適不會太鹹溫度也很適中，河粉也不會太碎，不過蔥花就多了一點；粗麵面質也很爽口，邊菜粉量很足夠。…Read More

夜晚同老婆肚餓但冇乜胃口又想食粥，但附近傳統既粥店已經變左做眼鏡舖！食粥真係冇其他餐廳可以選擇最後去左金銘餐廳！牛肉皮蛋粥 及 牛肉魚片粥各一碗真心講句味道係唔差，但真係太細碗！d料又少44蚊食一碗粥真係太貴...食完都好似冇野落過肚咁真係好想有其他舖頭可以有粥食而家搞到金銘獨市生意就算加到50蚊都要焗住幫襯！離開金銘餐廳後感覺好空虛，好肚餓真係後悔自己點解會想食粥，真係抵死呢次之後我一定要學識點樣煲粥…Read More

金銘潮州粉麵 地址:屯門井財街15號金銘大廈地下紫菜四寶 $45麵質彈牙，好有口感。而且 @kamming_congee_noodles 啲料又多， 紫菜多，手打潮洲魚蛋爽口彈牙，不錯！金錢肚撈粗 $34粗麵份量多，一條條，醬油撈落麵到甜甜地，而且金錢肚都炆得入味，入口都軟腍，不錯。#nicefoodie屯門 …Read More

今日約左朋友食飯，等左佢成粒鐘先黎話飛機仲要出到屯門紅橋呢啲我唔熟既地方，成肚火既我決定搵野食填左肚先咁我就搵左呢間「金銘」，見到menu有東坡肉飯，心諗香港好少見有蘇東坡食，就一於食佢啦黎到估唔到個汁又幾香幾好味，東坡肉夠晒肥本身成肚火既我都無咁嬲，因為朋友既飛機令我搵到好野食，今次就算數啦！推廌！…Read More

想搵間黃店牛腩河食，見到呢一間金銘潮州粉麵喺社交平台都幾雀躍就去試吓。但見到黃page都有質疑過呢一間嘅立場（因為佢哋大部份員工都政治偏藍）🐮牛雜河-Hkd38湯底都重味精食完都幾口渴，牛雜所有嘢都係薄切，牛肚質地好奇怪，最勁係佢個豬腸唔知點解有浸羊騷味🤮成碗最好食既竟然係河粉。雖然我個碗味道咁奇怪但出奇地間鋪人流keep住多，而且分店都有三四間，所以希望只係咁係嘅牛雜係咁，但對我來講都冇下次。🤢…Read More

見大家都話好食，我就去試下啦，真係好有驚喜。叫左個推介，沙薑雞飯，啲飯落唔夠水唔在講，啲雞老到榮休之喜都過埋，我咬都咬唔入，防禦力高過一般既坦。飲啖好立克，成個人立刻想嘔，因為我剩係飲到糖水。金銘，靠害朋友俾必然選擇。…Read More

返工返得夜，附近都冇食市開門，聽同事嘅呢間係24小時，於是就嚟買碗食下。點左一個牛雜河，外賣佢係分湯上，份量正常。基於佢主打係粉麵牛雜，所以期望有返咁上下，但食落我就覺得普通啲，冇乜驚喜，牛雜唔會話好香入味但口感方面都煮得夠稔嘅。:)反而個湯底就有啲失望，因為食得出好重味精同少咸左啲，食完之後成晚都好口渴，飲左好多杯水。但要讚嘅係，衞生方面都算做得足嘅，餐具都係獨立包裝，堂食可以買筆自己畫唔怕會共用。…Read More