金都海鮮酒家 (新豐路)

Open Now

Now Closed

今天下午跟新舊寫字樓的同事茶聚，一行六人齊齊開飯，由我發辦叫了一個午市六人茶芥加一全包套餐，只需二百二十八元巳包一碟燒腩仔、一碟干炒牛河、六款點心及一兜海皇粟米湯。點心有蝦餃、小籠包、蝦腸、潮州粉棵、鳳爪等等，足夠六個人食到飽飽，味道方面合格，點心因房新鲜熱辣送出，整體感覺唔錯了，每人平均三十八元全包巳經有這樣多食，實在抵食！食物於下單不久後有序送上，絕無漏單情形出現，侍應添茶已很快手，服務方面都冇間問題。今餐Y姐請客，多謝阿姐！

今日放假,約左2個中學同學去飲茶e間酒家我已經好耐冇去過嫁la...我地雖然得3個人...但都食左唔少野.足足食左14碟!!!!有蝦餃,燒賣,鳳爪,牛肉腸,蝦腸,小籠包....等等但,發覺d野唔係咁熱,只係暖暖地咋!!好似我叫左碗"叉燒懶"...佢黎到個陣都只係暖暖地= =而且d服務態度好差...咁耐冇黎,原來差左咁多!!!

尋晚我們一行三人本來想食火但去到先知當晚唔做火，所以只好點小菜。我們分別點一個燉湯和三個小菜。包括：秋梨川貝燉豬肺、味道鮮甜湯夠足料。 蜜豆百合桂妃蚌、味道好但嫌百合太小。 菠蘿咕肉、炸粉嫌太多口感不好。 北菇花膠鵝掌、份量足花膠和鵝掌好入味， 最正的是用生菜墊底抵讚！呢間係我食咁多間之中加價最小的最合理而又好食，另外呢間茶市都好抵食有好多特價點心都好好味哦！

今日飲早茶，喱間酒樓都係第一次食，都算多人飲茶。古法馬拉糕喱度個馬拉糕真傳統啡色隻，好鬆軟，熱辣辣，又唔會太甜，正！另外，叫粥、鳳瓜排骨飯、小籠包、燒賣、油麥菜等等，心都唔錯。朝早有好多特價心都係$5.8，都好抵食！喱度有兩層，地方都算大，坐得舒適。Remarks:地下燒味外賣部，逄星期一& 四脆皮燒腩仔只賣$32斤，好香脆！好好味！抵食！

之前無線播ge飲食節目(即係周汶錡同歐陽應霽做果個節目)有介紹過ga~~~果日特登慕名而來試下~ 果然冇令我失望!!!呢度d 馬拉糕個顏色比平時食到果d 深色d平時馬拉糕通常都係黃色ga ma~ 呢度就係啡色ge~ 啡色ge 先係正宗ge 馬拉糕~件馬拉糕大大件~ 面頭有d 好香ge 欖仁最重要係......超級鬆軟!!!!!食落唔太甜~ 又有黃糖ge 香味~ 超正!!!咁高質素ge 正宗馬拉糕已經冇乜地方有機會食到ga 啦~ 不過除左馬拉糕特別好味之外....其實野食ge 質素都只係普普通通....不過不失咁我次次黎金都飲茶都係為左佢件馬拉糕ja~hehe.....講起都有d 想食添....^^"但係其實喺金都飲茶都幾抵~佢d 野幾平~ 同埋成日都有優惠推廣大家不妨去試下呀~大家如果去金都飲茶ge 話~ 記住要叫馬拉糕黎試下~包你話好味!!!

最近去食晚飯，d小菜都ok，有些都幾創新而份量又大，早排飲茶有擦擦咭送，早了乳豬一碟，原來有半隻咁多，真抵食。

8:30後火鍋配料$12一碟連生蠔等海鮮都係$12一碟, 好正!!!d 湯低又好味真係好抵

星期一至六特價點心到十一點半,$3.8, $5.8 幾抵食, 燒賣大大粒都是$5.8, 味道唔差,早上飲茶最抵,但星期日八個人都係飲了約$250, 又幾抵食.

之前都冇為意佢轉左名,因為好少行開果頭,係睇雜誌介紹懷舊食品,有佢份(好似話個大廚好巴閉架喎)先知...今日一家四口去飲茶,叫左個所謂嘅懷舊點心--甘露酥,個皮係類似合桃酥咁,入面就係一大pat蓮蓉同一大粒蛋黃,真係食到呆左,因為又唔係熱食,D蓮蓉唔係好軟,其實食一個就好似食緊半個月餅咁,另一懷舊點心--金錢雞包,好難食!!係一塊包對摺,入面有一舊豬膶,一片肥肉,一舊冇味又柴皮嘅叉燒同D唔知咩汁,咬左兩啖就頂唔順啦~叫左D大路點心都係普通啦,最衰個流沙包冇哂啦,冇得試下正唔正得過客家好棧,但呀媽話以前君爵D野好食D.(我好少去君爵)好想講呢到D service認真麻麻,知客小姐你係側邊叫佢,佢好似聽唔到,就算忙緊都唔會叫你等等,唔理就唔理,又冇笑容,行動又慢,好似未訓醒咁,D侍應呀姐又冇黎醒目,傻下傻下咁.

改名後叫金都海鮮酒家，開頭以為換老細喇！點知原來係換湯唔換藥，d 經理同伙記都係果d人，連點心紙都跟番以前君爵一模一樣。