金記冰室 (Moved) New Location

喺金記歎早餐，真係一個令人開心嘅體驗🌞。杯熱奶茶迎面而嚟，猶如暖陽般溫暖，個茶香撲鼻，微微嘅橙色輝光透露出佢嘅專屬秘密 – 專心嘅製茶手法。飲落去，滑過喉嚨，那種鮮明嘅茶味配合著奶香，真係得意到飛起！講到茶餐，轉牛肉意粉同埋炒蛋加烘多士就係我嘅心頭好😋。牛肉意粉嘅牛肉嫩滑得嚟有嚼勁，胡椒粉嘅微辣帶出咗牛肉嘅鮮美，意粉爽口彈牙，真係正到彈起嚟！至於炒蛋，哇！跟本就係蛋滑到冇得頂，輕輕一切，內藏嘅蛋汁流出，食落去係滿口留香。配上香脆嘅多士，真係早晨嘅小確幸。雖然衛生可能要留意下，不過對於咁樣嘅美味同埋實惠價錢，今次嘅早餐我都算係滿足到。整體嚟講，金記嘅茶餐體驗係值得推介，下次又會嚟試其他嘢！🍽️👍

今日過左去筲箕灣，知道開左一間金記冰室，晚餐又有好多選擇又有扒餐又有小菜。餐廳好多卡位又座得舒適，燈光又明亮。點左兩個套餐和一個小菜。老火湯煲到好鮮甜，羅宋湯微微辣又酸酸地幾開胃又足料。鐵板西冷牛扒配薯菜黑椒汁，西冷扒大大份，牛扒又嫩滑又唔會太熟，牛味香濃，配上黑椒汁更加香濃，薯條熱騰騰又外脆內粉好香，粟米又清甜。豉汁蒸黃花魚，蒸魚火喉剛剛好唔會蒸到太老，黃花魚肉質嫩滑好香又新鮮。欖菜肉崧四季豆，里面有肉碎和欖菜，四季豆炒到唔會太淋炒到好好味。凍檸茶

金記冰室在1967年開業,在筲箕灣屹立了45年,經過45年之後,金記亦逃不過結業的命運. (將於2012年12月27日結業)金記冰室的裝潢從1967年至今一直沿用,一枱一物皆充滿懷舊氣息,牆上依舊掛着當年的假電視瀑布裝飾,以及亮燈帆船掛畫,從椅子到餐牌,都是擁有45年歷史的古物,讓人有置身舊香港的感覺.還記得小時候,我還在讀小學的時候,我和同學都好喜歡來到金記冰室吃東西.除了食物價廉物美之外,店內的人都充滿著人情味. 店主陳伯,今年已經91歲,身體壯健,每天堅持親力親為在冰室裡工作,多年來與街坊建立了深厚感情.金記美食的確好食,我很喜歡金記出品的火腿奄列.奄列不但炒得又香又滑,而且真的很有蛋味. Yummy!!!!!火腿通粉就比較普通,味道只是一般.如果湯底可以再濃郁一點的話,我覺得效果會更加之好.茶走,意思是奶茶不加砂糖,而用煉奶去加入甜味. 這杯茶走真的好好飲,又香又滑,質素好高,讓人想一飲再飲.

金記冰室. 這名字對我來說一點也不陌生.在報紙刊登它快將結業前, 我亦曾親臨此冰室無數次了.今天再一次親臨, 又或許算是內心想向它說一聲再見.....保重 及 多謝! 亦是了卻我心中再想一試的掛牽及交代........"鮮牛肉通粉 配火腿奄列 + 熱奶茶" 已是我常常例牌叫餐的了.鮮牛肉通粉湯味濃! 而不令人口喝, 配著通粉吃是一流的選擇.....當手上的小匙一起, 湯會隨著通心粉內的半彎小孔一拼送入口中, 感覺真是美味! 每塊牛肉都是鮮味的....軟軟的.....既沒有像某些牛肉嚼完後,牙肉會帶酸痛的感覺......牛肉的軟亦不是鬆肉粉所形成的效果. 加HKD$1 是值得的唯獨美中不足的是....在本次最後一嘗時, 牛肉件塊略少了,及較之前的塊件面積細小了.....或許是大家當知道它快將結業時....都趁墟來一試, 人多自然材料有限, 這是我有點遺憾的....但味道的水準亦是保留不變....火腿奄列雖則多油了一點, 但蛋邊脆香, 內裡的火腿絲,混著蛋汁卻是細滑的.港式熱奶茶熱呼呼的....香中帶甘.....相信只有這種老牌冰室才能造到及做到了!!! 實在令人忘懷, 喝完更是齒夾留香!

長短周的周六下班後，按預定來到這間快結業的冰室見証歷史。來到冰室入口，果不期然大家都來懷緬舊日時光午餐時間，等了半小時多就能入座，比我想象的快了。店內座無虛席，人頭湧湧，侍應都忙不過來，就算已入座，等侍應幫我下單都等了十五分鐘！我選了的是茶餐($24 轉牛肉+$1 轉多士+$1)炒蛋多士: 加錢轉了多士，結果令人很失望…多士只有半片，而且送上來時是冷的！牛油塗得很少，多士只有單面烤烘，而且只是在表面烤了一層，再加上冷掉了，面包片咬下去是韌的… (這一元花得很冤枉…)，本來點餐時我還在考慮要不要多點一客奶醬多，吃了這片多士後，立時決定不追加了！也還好沒有先點了！至於炒蛋是ok的，炒蛋很滑有蛋香，不會太油，撒點胡椒粉和鹽來吃味道更佳牛肉通粉: 通粉跟牛肉都煮得很軟，牛肉有彈性也吃得到牛味，通粉是無坑那種，現在已很難在別的茶餐廳已吃到這種舊式通粉了熱奶茶: 奶茶有茶香，奶味不會過濃，味道剛好整頓午餐像處於打仗環境中，我讓自己盡力保持在下班後的悠閒心境，好好感受這舊冰室原本那種脫離時代的感覺；在這裡，時光應該是緩慢的、靜止的…

睇報紙得知金記冰室將結業，搵左好耐，先搵到間舖。嘩，超多人同小妹一樣，專登前來懷念那些年的味道，排隊等位人龍頗長﹗傳統、殘舊、經典、衰老足以形容金記冰室內的人或事，時光彷彿回到七八十年代的香港。小妹見同枱一對中年夫婦說：「根叔，兩碗豬扒麵，兩杯熱奶茶。」噫，熟客喎﹗馬上照跟落order。奶茶($11)用厚身瓷杯上，香滑而不膩，喝後有回甘感覺，果然係好嘢﹗豬扒麵($21)湯底香濃鮮甜而不鹹；麵條有麵香、軟硬適中，有嚼口；豬扒有3塊，煎得頗香口。這頓午餐共花費了$32，係筲箕灣區黎講，唔算抵食及特別，純粹係為左支持傳統食店而已﹗

今朝睇報紙見到話又有一間傳統冰室因抵受唔住加租的壓力而要結業時心情真係有啲難過同不捨。所以晏晝就專程去到呢間金記冰室食野, 希望係佢結業之前好好體驗感受一下冰室呢種香港特有的文化。睇報紙話金記已經開咗成45年, 店鋪入面的裝潢亦都真係充滿住歷史的痕跡, 有好多而家已經好少見的裝飾物都可以係呢度見到。攝係玻璃下面張餐牌上的電話號碼仲係停留係6個數字的年代, 一切都真係香港歷史的見證。坐低同朋友一人叫咗一個火腿通粉同埋要多個奶醬多share。朋友就飲凍檸茶, 我就叫咗個奶茶。後來見到金記竟然仲有賣支裝的維他奶, 實在忍唔住要叫返支, 懷念一下童年。火腿通粉的感覺好傳統, 用的係最普通的無坑通粉, 煮得啱啱好, 唔會過”淋”, 個湯的味道都好好, 火腿絲又夠, 好食兼抵食! 個奶醬多都好得, 麵包烘得脆脆, 上面搽咗一層頗厚的花生醬, 唔似而家啲茶餐廳只係搽得薄薄的一層, 再加埋煉奶一齊食, 好味! 不過我呢個煉奶怪就覺得煉奶少咗啲, 再落多啲就仲好味~ 杯奶茶香濃又夠滑, 好難得搵到啲又平又好飲的奶茶。朋友都杯檸茶茶味夠, 檸檬片落得唔孤寒, 係名符其實的檸檬茶。而家香港真係好難再搵到又平

有時都會喜歡到此店食個早餐, 西灣河老冰室，餐類不多，但絕對有傳統風味兼好味。一早叫左個火腿通跟炒蛋再加杯凍奶茶.喜歡佢切到d火腿條夠厚加上d通粉煮得岩岩好唔會過淋, 好有兒時味道.奶茶依舊濃滑, 一早起來有這一個早餐絕對令到我能量值增加至...中午.

五月下旬‧晴下午三時，驕陽似火，在街上行走不是優差，最好就是找個地方坐一下，飲杯咖啡。這裡沒有什麼客人，輕易的坐在卡位，來一杯熱咖啡。用上的是厚身奶茶杯，香濃，帶點酸味，但還不錯。10元，在今時今日而言已是偏平的了。

成日經過筲箕灣, 都想試試呢間冰室, 終於有時間去試一試.一份茶餐, 一份乙餐呀唔該.室內環境真係好舊式, 我都好鍾意去舊式茶餐廳, 覺得特別有feel~~先黎餐茶, 我飲凍華田, 其實好多茶餐廳沖華田都麻麻地, 呢度就沖得好岩我口味, 正!!加左一大元轉牛肉意粉, d牛肉好鮮味, 呢一大元真係好抵俾! 哈哈!總括黎講係無得彈!

又一間由細食到大既老店,,利害的係..佢地既伙記依然係我十幾年前見過既果班..真係時光飛逝得好快..入面既裝修完全冇再整過..原有既風貌原有既味道,,哩d冰室…買少見少,,每一次都係食乙餐,,火腿奄列+牛肉通粉要煎,凍好立克..不過味道的確係遜色左.. 奄列有點乾,,不過牛肉依然入味!!都算唔錯餐牌重係十幾年前果張..電話都依然只係得六位數字!!經過時間變遷,,原有的六字電話已變到宜家的八字,,相信真係會有人唔知~

下午茶叫左杯熱奶茶加奶醬多!奶茶好好飲, 飲完個口唔酸..仲有d甘甘地,,gd!!用傳統嘅厚瓷杯, 更加加分件奶醬多嘅包都算外趣內軟, ok的!!地方清潔麻麻, 不過為了奶茶一定會再去!!

真係食到一肚火!!!呢間野唔好話服務!!! 禮貌都無囉!!!今日同朋友如常去食早餐, 點知個侍應拿左個餐既omelette給遲來同枱既人, 咁我就提佢仲欠兩個omelette, 佢無理我地, 點知食哂所有野都未黎, 仲要唔同人黎示意我地要走, 咁我地又分別提佢地仲欠兩個omelette, 點知終於黎左一個, 我又話仲欠一個, 佢地就好惡勁大聲話唔早講, 係佢地聽唔到仲話人, 同枱既人都聽到叫兩個啦....雖然係老字號, 都唔係咁做生意囉! 不知所謂!!!

3 款餐都係全日供應叫左 2 個蛋治,麥皮, 凍奶茶火腿痷列, 牛肉通, 熱奶茶再加件奶醬多呢度 d 食物就普普通通, 但杯奶茶就好好飲

8-11-2009陪朋友到太古城問 d 嘢, 失敗後搵地方飲杯嘢. 唔想幫襯連鎖店, 又記得西灣河尾有間舊式冰室未去過, 又拉了朋友上叮叮過嚟坐吓.Lunch 仲未落格, 多士都食唔落了, 一人只叫了一杯熱奶茶 ($9)... 色水幾吸引, 飲落茶味 vs 奶味約 7:3, 質感滑溜, 好飲喎 唯一唔好就係飲完之後個口好似有點酸, 唔知點解? 而朋友喜歡飲「奶」一點的奶茶, 佢就覺得太「茶」...冰室衛生不敢恭維 (好在椅背上隻曱甴係 "mind your own business" 類!), 環境內外一樣舊到無輪, 連檯上 menu 都「古董」過人, 食店電話號碼竟然係 6 個 digits!? 招呼就夠晒街坊 feel, 果然係老冰室.一杯奶茶 $10 有找真係好耐無見過, 冰室喺香港亦真的買少見少, 不過我應該唔會再來了... 還是覺得海安 (http://www.openrice.com/restaurant/commentdetail.htm?commentid=1870778) 好.