Rice Corner (Closed)

時間：星期日 9pm人數：2<< 食物 >>雞扒流心蛋飯勞動完一日，食呢個飯真係好正。最底係飯，飯上面有一層流心蛋，最面擺上岩岩煎/焗香嘅雞扒，旁邊擺少少西蘭花椰菜花，再淋汁。擺好之後，啲雞係高過個盒少少架。如果唔唔係要外賣，就唔使ut低啲食送kum蓋。食果時啲雞皮係香脆架，正。 7成熟嘅蛋，真係有流心效果。堅好味，雖然唔知有冇味精。偏鹹。<< 服務 >>😮 可以，係老闆有啲心急，因為好忙。😊 佢問我地係咪第一次食，我地話係，佢就介紹我地試呢款。😮 我地話轉外賣，佢問點解唔喺度食。😊 見佢有行埋去同食客傾偈。🙁 我地叫完之後，周圍行下，總共等咗15-20min先有。等咗咁耐都值嘅。如果可以叫外賣/叫定黎拎就好啦。<< 環境 >>已經係星期日九點，都仲有幾個人排隊 & 有食客坐喺度食緊。平時經過成日見人排隊。本身想喺果度食，但佢得8-10個位 & 係有啲迫嘅。拎飯時得兩個分開嘅位，咁唯有外賣啦。<< 總結 >>流心蛋飯好味，服務 環境ok。以普通一個飯盒比較會覺得佢貴，但佢係好味嘅。而份量都夠男仔食。…Read More

行過太安樓見到佢大排長龍人氣咁盛，所以試一試。老闆個人都幾熱情，不停介紹食邊款飯最好食咁我即管就試吓佢個王牌啦。至尊流心蛋飯，有豬頸肉同埋雞扒，仲有幾粒西蘭花。一打開分量十足超多肉！其實香味真係無得輸，而且個蛋都係堅滑既，但係個飯真係扣左分，直情係豉油撈飯好咸！而且充滿着味精豉油味。雞扒亦都係偏鹹，食到人好口乾，唔怪得送紙包飲品😂另外整體效率都好慢，足足等左半個鐘。所以如果好肚餓或者趕時間真係唔好制。價錢仲要成＄50咁滯，大家可以參考下，如果你鐘意濃味同埋食肉獸都OK嘅…Read More

由細到大都成日都去太安樓搵食，基本上九成食店都試過曬，今晚一個人食晚飯唔知食乜好，就黎左逛逛睇下有乜啱食。行左一個圈，見到呢間鋪有賣卡邦尼雞扒意粉，就諗住試試。又好彩6點幾冇人排隊，即刻就可以落單了。點知老細同我講呢期芝士唔靚，所以唔賣有芝士既野，我呆左呆，老細就同我介紹佢地自創既鹽燒汁，咁我問佢鹽燒汁係咩，佢就話咸咸地，好好味架😂😂😂根住我問配意粉得唔得，老板好老實咁同我講配意粉唔入味，最好揀烏東。見佢咁盛意拳拳，雖然唔鍾意食烏東，但都揀左雞扒烏東，點知老板又同我講牛肉靚，叫我揀牛，仲話陣間要我試食，唔好食唔收錢，所以最後揀左牛(心諗老板既推銷能力真係好勁，哈哈）買完飛見前面仲有人等緊，就四圍逛逛，番到黎仲未到我，前後大概等左十五分鐘終於到我啦。跟住就見到我盒外賣上面係雞扒👇🏻我呆左呆問老板，老板話做緊推廣送俾我食的，仲拮起d烏東叫我試食😂😂😂叫我唔好食話佢知。我試落口，d烏東熱辣辣，咸淡適宜，唔知係咪因為mix左蛋口感好滑，仲有種淡淡地講唔出既味道，有dd似沙律醬味，但又唔會好濃烈，很特別。(唔怪得之老闆唔識形容😂無理由話我知落左咩配方架嘛）多謝完老板我就番歸開餐，好彩番到屋企仲熱辣辣。烏東入面有好多菜絲，感覺健康d，味道非常好雞扒皮脆肉嫩，但真係咸左d，越食越咸入面仲有四塊牛牛，果然唔係普通肥牛，有厚度，唔會一pat都係肥肉總結黎講我會推薦鹽燒汁烏東，同埋老闆😂😂😂個人覺得雖然老闆唔識講野，但個人非常誠懇，有自己既堅持(睇住佢每個餐都即叫即整就知佢有幾堅持，有別於市面上既快餐）如果大家有機會去試，記得幫我提下老闆雞扒要少咸🙈🙈🙈同埋如果唔怕地方烏糟最好襯熱堂食，我食野食得慢，佢份量好多，食到一半凍左就唔好味了…Read More

食叫A飯,老闆狂話B飯好味,因為5粒星,完全唔俾人決定就收錢OK,俾你。一路等,等左我半個鐘,佢每次只係整一個飯,完全無效率可言老闆仲要一味係度吹水,包裝都包左1分鐘我會勸大家,如果趕時間,千祈唔好食呢間再講佢盒飯,豬頸肉+雞既蛋包飯,再加西蘭花話就話炒飯,但一D都唔少,D飯咸到......好似落左成枝豉油咁豬頸肉同雞都係咸,食完應該腎虧…Read More

老闆雖然粗聲粗氣，但人很好。第一次幫襯諗唔到食乜就幫我配搭，最後揀咗佢力推的黯然消魂飯，其實係燒豬頸肉煎蛋飯，料多又大碗，最正係個汁，有兩款，一個配蛋，一個撈飯，仲有啲西蘭花同粟米做配菜，好好味四十幾蚊仲有飲品…Read More

打算問老闆 ，大碗跟細碗有什麼的分別，他竟然跟我說 「大碗咪大碗囉 ，細碗咪細d囉！」擺明是趕客！以後也不會幫襯那個男人！東西又不是便宜，去其他地方食不用受氣好過！！…Read More