Sariel's Restaurant (Moved)

不得了! 屯門街坊仔住咁耐呢區，竟然到而家先發現到呢間隱世冰室😮。這間親民CP極高嘅冰室西餐廳坐落於近山景邨輕鐵石排站只需3分鐘路程，就好比一個冰山中的綠洲🤪👍 晚上那些浪漫醉人的燈光中，加上有如離島餐室的傳統冰室佈置的格字檯布及刀叉籃，思憶回到過去亦歷久常新。😍這晚首次來臨我倆先一反傳統，不叫那些檯檯也叫的鐵板扒餐，先來一個極尚海鮮西餐🤣首先出場的是今次的主要獵物：牛油蒜香焗蠔(半打)，上檯那般撲鼻的牛油香真心讚絕，蒜蓉粒滿多之餘，焗過的蠔身仍然大隻多汁👍 作為海鮮餐的前菜是必選之一。介紹主菜前先推介轉套餐的餐湯、酥皮湯、蒜茸包、餐飲及甜品。酥皮湯厚蓋脆香保持傳統風味，特飲只需加$10，雜果賓治有雜果粒做底，黑牛是特飲大推介，可樂加朱古力雪糕是極品邪惡飲料😍帆立貝忌廉菠菜汁意粉粒粒帆立貝多到不得了，真心食四五啖意粉就有一粒帆立貝食下。菠茶汁忌廉湯底滑溜可口。意粉份量多到大食怪都夠食😂👍咖哩焗海鮮飯除了表面的藍青口，鮮蜆外，內有磨菇、洋蔥、海蝦及魷魚，咖哩微辣刺激味蕾，焗飯芝士上蓋濃厚非常👏總括這餐超值晚餐CP中高，已定為補祝母親節的必選地方，十檯有八檯都叫了鐵板扒餐，落汁冒煙香噴噴，下次再來再介紹一下鐵板扒餐的精華食評📸______________________________👅美味: ⭐️⭐️⭐️⭐️/5✨環境: ⭐️⭐️⭐️⭐/5💫回頭: ⭐️⭐️⭐️⭐️⭐️/5💡性價: ⭐️⭐️⭐️⭐️⭐️/5💆‍♂️服務: ⭐️⭐️⭐️⭐️/5…Read More

金莎冰室喱種中式扒房係屯門好少見，此店坐落係屋村入面，要搵都唔係咁易。不過搵到你就有食神啦，佢地嘅豬手好大隻，而且用鐵板上菜，加上濃濃嘅黑淑汁倒上塊板度，果隻炸炸聲真係好悅耳，不妨大家都試下啦。…Read More

各位開工大吉！今日係農曆新年假期之後第一日返工，要去屯門山景邨附近一帶做嘢， 同事推介我去呢一間餐廳度食，話抵食又好味，就即管去試下啦！由山景邨行返過去呢間餐廳都係兩三分鐘，但如果唔係同事介紹嘅話，都可能都未必識路，因為餐廳位置都幾隱蔽。不過，一踏入餐廳，座無虛席，午市情況好熱鬧！ 好彩我地兩個人食，好易搵到位，見到後期黎嘅一班客人就要等位啦～小小一間餐廳，但食物選擇好多，鐵板、咖哩、拉麵、西式焗小食……樣樣都想試，新一年第一日開工，一於食好啲，侍應姐姐話呢到出名鐵板，我就叫左個西冷鐵板餐配意粉，再加一個香草芝士焗藍青口小食share。一個午市鐵板餐都係50幾蚊，但食物質素同味道都有驚喜！西冷鐵板份量適中，煎得啱啱好，配埋蒜蓉汁，好香好惹味，意粉唔會太淋，有口，絕對唔輸比大型西式餐廳嘅水準！焗藍青口小食又係好有水準，配埋芝士薯蓉係底一齊焗，我差唔多成個底都清晒！侍應姐姐又有禮貌，唔怪得咁多人幫趁，下次黎做野，有興趣試下咖哩，同埋燒春雞鐵板餐先！…Read More

身為大西北既原居民, 平時想搵間冰室鋸下扒, 通常都係落元朗, 因為屯門真係唔太覺有~點知原來我錯啦~ 係山景個邊原來都有一間冰室, 雖然冇元朗個D咁耐咁出名, 但其實都足以比我比過下口癮!價錢正正常常, 唔算太平又唔算太貴, 最平六十幾蚊就有個意粉餐~我地就叫左兩個晚餐, 一個係海陸空($72), 一個係10OZ西冷牛扒($108), 兩個都包左一個湯, 一個餐包, 餐飲同甜品!先試下個餐包, 發現普普通通一個餐包但就因為冇叮返熱所以有D凍, 牛油查左落去都唔溶餐湯反而幾得, 好有懷舊冰室既FEEL~ 羅宋湯微辣, 足料得黎又幾香~ 忌廉湯就係正宗港式忌廉湯, 即麵粉+牛油+奶+水, 但又幾好飲, 杰杰地, 岩岩好之後兩個重點就黎啦, 兩個都係鐵板上海陸空有兩塊炸魚柳, 一塊大雞扒同一塊大豬扒, 因為叫左薯菜, 仲有一大堆薯條TIM! 整體其實都唔差, 雖然說不上好高質, 但其實都唔錯~ $72蚊黎講我覺得幾抵食!而10OZ西冷牛扒既牛扒又係勁大塊, 肉質夠林, 一D都唔會太韌, 根雖然都有少少, 但就唔大影響~ 當然你唔可以同高級西餐入面幾百蚊既牛比較啦, 但百零蚊比到D咁既牛扒你, 算交到貨啦~甜品就有冰室必食既啫哩同大菜蛋, 唔太甜, 好味整體黎講, 價錢正常, 野食份量都幾多下, 而且幾好FEEL~ 專登黎食就冇咩需要, 但住屯門既各位就可以黎試下~…Read More

睇食評話食扒好，但覺得差過茶餐廳，牛柳竟然有筋，牛味一點都無，差不多2佰元一個餐，有湯有餐包有餐飲，餐包微暖都幾好食，但唔會期待餐包係主角，求其一間茶餐廳cp 值都高過佢，至少茶餐廳平靚正，不會再去。…Read More

呢間扒房由朋友介紹，今晚一於黎試試。晚飯時間坐滿人，好多街坊黎食，如果唔去大商場食飯，黎呢度食都係唔錯嘅選擇。我地一人叫左一個晚餐，分別係牛扒同意粉。先黎忌廉湯同蒜蓉包，兩樣質素都合格，其中一個忌廉湯加左酥皮，都焗得好香好好味。主菜係美國prime安格斯西冷，以鐵板上，有牛味，而且都幾大塊，配黑椒汁好惹味，薯條都唔錯。我食嘅係黑松露蜆肉意粉，都唔細碟，一個人食剛剛好，味道掌握得幾好，意粉粗幼適中，白汁都唔會太稀同太杰，喜歡清淡的話可以試呢個。食完就叫餐飲，我地叫左凍檸茶同熱杏霜，飲埋就飽哂，呢個時候原來仲有甜品上，分別係涼粉同啫喱，好耐無試過食晚餐有甜品送，好懷舊嘅做法！…Read More

平時都有黎開屯門覓食， 但黎黎去去都係喺屯門市中心揾野食， 好小會行去附近。 咁今次就同女友人係屯門四圍散步， 都行左好遠下去左屯門市中心既外圍。咁行行下就路經呢間冰室小店， 佢外表裝橫係一間村屋咁樸素得黎好親民，挺有家的感覺好舒服. 咁橫掂我地都行到攰晒咁就入去試下啦. 咁佢入面就主打扒餐。 都好多選擇，連T骨扒都有， 我發覺佢係鋸扒為主既。 因為佢d扒既種類繁多連西冷牛扒都分幾種，唔錯幾多選擇。 咁今次我就叫左個Prime西冷牛扒陪洋蔥汁， 女友人就叫左個黑松露蜆肉意粉.我地大家都叫左忌廉湯而我個碗加左穌皮既 先講牛扒佢size岩岩好肉質鮮嫩！ 唔錯唔錯 而女友人既黑松露蜆意粉就口感唔錯。 而個忌廉湯加左穌皮真係正好多惹味好多. 真係估唔到係村口竟然有間隱世小餐店…Read More

見到有人介紹話山景附近有一間隱世舊式扒房，搵左幾次都搵唔到，今日再去附近搵左半個鐘，終於搵到啦！！原來係隔離條村門口有一撻空地比客人泊車，行多幾級樓梯就到啦一上到去就見到有部夾公仔機入到去環境都幾企理，因為早左到關係，做左第一枱客menu係手寫幾有心機話咁快就落完單兼開始上菜，首先係餐湯，一紅一白，我果份就係羅宋湯，好多雜菜係入面，好足料飲完餐湯，之後就黎主菜。首先黎既係呢份美國prime牛柳，5成熟，配薯菜。一切落去幾下就到底，未食已經知道肉質一定夠晒嫩，一放入口，果然不出所料之後黎既就係重頭戲，德國咸豬手！未黎之前以為同出面普通咸豬手冇乜分别，黎到發覺我錯啦，隻咸豬手重大過個拳頭食落去重要又嫩又夠咸野飲叫左一杯凍檸茶，一杯雜果賓治最尾重送埋甜品，分别叫左一份啫喱，一份涼粉…Read More

咁啱嗰日放工，想同男朋友搵間特別啲嘅餐廳食晚飯。因為男朋友返工嘅地點係喺新界嘅，於是我就上openrice，睇下屯門元朗有冇啲正嘅餐廳試下。 就係咁，機緣巧合之下，就畀我睇到呢間金沙茶座， 見佢係一間村屋入面，見啲評價都話佢個餐廳嘅環境好特別，所以我哋就去咗試下啦。 我哋搵到個間茶座嘅時候第一個感覺已經好特別，因為門口有一個夾公仔嘅玩具裝置， 有啲燈飾嘅裝飾，有啲懷舊嘅感覺… 入到去搵咗個位置坐低之後，職員畀餐牌我哋，個餐牌係全手寫嘅，用唔同顏色筆喺一個黑色嘅硬卡紙上面寫滿咗唔同嘅菜式，成個感覺幾有人情味… 佢有唔同嘅精選晚餐選擇，嗰啲選擇嘅價錢就相對實惠一啲，60幾至70幾已經係套餐，包湯，甜品，蒜蓉包同埋熱飲… 我同朋友都係分別嗌咗意份，一個係 黑松露卡邦尼意粉，一個係香草海鮮焗意粉，兩個嘅份量都幾大份， 味道就一般啦… 不過個蒜蓉包同忌廉湯嘅味道就幾唔錯， 個包好脆，點落忌廉湯到配搭好好！ 熱飲又有得選擇熱杏霜，我同朋友都好開心因為唔係度度都有得點呢個熱飲:) 然後茶座又送咗兩隻吉列蠔，畀我哋食， 因為佢哋做緊答謝顧客支持嘅週年紀念整體嚟講對茶座嘅感覺okay!…Read More

現今屯門應該已經係石屎森林的新界了， 但都會有後花園的 ?講緊就是這間[金莎冰室燒烤茶座]， 今天同媽媽入屯門探姑媽，她帶我們到家裡附近的冰室食午餐， 坐下來的感覺就好像置身於懷舊田園環境當中，食物價錢都相當抵食。我們揀坐喺外面，可以吸吓新鮮空氣， 心曠神怡。叫咗個金沙鐵板雜扒餐，配意粉及凍檸檬茶，份量十分足夠，什扒都好惹味，有水準廚師推介得的招牌菜，當然係好好食，下次 一定要再來試。雲呢拿雪糯米糍，夠哂冰凍。…Read More

公司剛新搬入屯門，原來近楊小坑村有間「金莎冰室燒烤茶座亅約埋幾個同事一起去食飯，原來行十分鐘已經到，冰室很有鄉村風土味的設計，令人食飯時可暫時放下煩忙的公事，放鬆地享受一吓田園餐廳的美景同食物。鐵板金沙星級雜扒，用鐵板上可以保持雜扒的溫度，夠哂辣辣。焗咖哩牛肉飯， 咖哩汁剛好，不會太辣，牛肉好軟腍，好大碟超抵食。餐牌上仲有很多不同種類的鐵板餐提供。午餐都真係好抵食， 學生哥重可以減四蚊。食午飯都有甜品送，冰凍的雪糯米糍。…Read More

聽朋友介紹先知山景邨附近有間隱世冰室，佢話依間冰室價廉物美，而且唔同國家嘅菜式都有，於是就膽粗粗咁黎到屯門試下順便行個街。雖然隱世係山景邨對面嘅三層屋度，不過好在佢嘅banner夠大，落咗輕鐵都好容易就搵到。可能外觀唔算吸引，不過入面就好有懷舊嘅風格。見到鐵板餐淨係$50左右仲包埋飲品，我即刻就叫咗六安士西冷牛扒配薯條($55)。唔洗15分鐘就上菜，黑椒汁炸炸聲咁淋上塊扒到，真係視聽嗅味覺嘅刺激。牛扒好厚，又腍又香，啖啖都係鮮甜嘅肉汁，感覺上煮得剛剛好，因為我唔食得太生嘅牛肉，而煮得太耐又會搞到塊扒老哂。另外叫咗個肥牛餃子拉麵($40)，肥牛比較厚身同埋有少少韌，冇咩味道。餃子係對比之下就更加突出，外脆內多料，仲有肉汁爆出黎。而拉麵嘅豬骨湯底非常濃郁，配料多。最後一定要大讚嘅係飲品，好耐冇試過凍檸茶一上枱已經聞到陣陣嘅清香，因為我比較中意酸，所以見到檸檬有成5片咁多已經好開心，一飲就知道佢係用紅茶係沖嘅，唔怪得可以咁香咁好飲！！！仲有甜品芒果糯米慈~…Read More

平時好少黎屯門，所以今次就一於搵下有咩好食，結果搵到呢一間冰室，d野食既外貌又幾吸引，就同男友一齊去左試。叫左2個lunch set，有個“海陸空”既午餐，好奇之下就叫左黎試，相當吾錯，值得一試而且價錢吾系話好高，員工既服務態度都好好，不過就遠左少少，但都冇失望…Read More

不老實的食店，奉勸各位光顧前要三思，如果去食，記得帶定足夠散紙囉!一家三口去食，叫左兩個餐，埋單$248，付$500，只找回$52，找少$200，店員堅稱冇找少。店員聲稱有CCTV，但推說老細好忙冇時間睇，一時又話老細不在舖，其實廚房煎扒果個就系老細。最後唯有報警處理，店員在警方面前承諾會當晚睇CCTV。結果，當然系hea你啦，hea答你當晚CCTV冇錄到，仲懶皮冇證據都冇辦法。咁吾老實的食店，就算真系好食都系假啦，更何況食物質素只是一般。同一位置前身系一間泰國餐廳，好多年前食過，感覺幾好。現址餐廳基本上沿用舊餐廳的裝修，餐廳內感覺殘舊，細心留意很多位置好多灰塵，餐廳內亦有蚊子飛來飛去。最離譜系冷氣機滴水，店員也沒有主動替我們轉枱，我們提出轉過隔離張吉枱，店員竟說留左比人，好彩最後爭取轉左枱，轉完枱後冷氣機好似倒水咁，走遲一步一定全身濕晒。一路食感覺已不是很好，就當今次吾好彩，吾見$200當買個教訓，以後吾再亂試新店。試問一間不老實的食店，怎能說服客人放心吃下他們放在枱面的食物呢!…Read More

其實我不知道金莎冰室開了多久, 只是食物給我的感覺就像舊式扒房食到的當日幫公司到工廠區的迷李倉取文件, 突發奇想上Openrice看看山景有什麼好食!從而發現了金莎冰室算是較特別的一間, 而且好評都不少, 所以約男友來試試!餐廳是用DIY相簿+人手寫的, 超有心機呢!當日我倆都點了晚餐, 一個是"海陸空" ($72), 一個是西冷牛扒配吉列蠔 ($88)。餐包 + 餐湯 餐包有微熱, 足以在塗牛油時令牛油溶化而餐湯我們點了一紅一白, 味道都正正常常啦!主菜: 海陸空 配 薯菜海陸空包括了炸魚柳, 豬扒, 雞扒 & 牛扒。每款份量都不少, 而且一點皮不HEA~雖然不至於超好味, 但味道就跟舊式扒房一樣好味, 比茶餐廳食到的雜扒更高質!主菜: 西冷牛扒配吉列蠔  配 薯菜牛扒相當有厚度! 雖然看起來沒海陸空誇張, 但因為牛扒比較厚, 所以分量其實都不少的!而吉列蠔亦炸的又脆又不會太濕....餐飲: 熱利賓納 & 熱奶茶熱利賓納正常不會太淡, 熱奶茶的茶較澀。甜品:  啫喱 & 雪米糍啫喱雖然簡單, 但好好味, 又不會太甜!雪米糍如果可以轉做雪糕會更好~…Read More