金興潮洲飯店

這間潮州菜館看似平民，價格卻不便宜，環境衛生欠佳，用餐後的碗碟直接堆放在地上，為了方便店家結帳，菜單選擇非常有限，只有基本滷水菜式，蠔餅亦淋而不脆，味道偏咸淡，不會再訪。…查看更多

🔸鹵水拼盤 $140有紅腸、豆腐、豬腸、鵝腸等，滷汁香味突出，每款食材都滷得入味，分量十足！🔸潮洲凍蟹(時價) $140蟹身色澤新鮮，蟹鉗同蟹腳都完整，蟹肉雪白彈牙，冇腥味。🔸白灼東風螺 $80螺肉爽口彈牙，份量唔少，每隻都肥美，簡單白灼已經帶出海鮮味。加埋甜醬、辣醬味道即刻昇華咗。🔸炒蜆 $80蜆肉好肥美，有鑊氣，又大大碟，極抵食，冇咩沙。環境方面，唔係咁好座，同埋衛生麻麻，張枱好油。但係老闆好好人，上菜又快手。依個價錢食到咁多好食海鮮，絕對值得再嚟。…查看更多

我覺得係全港性價比最高的潮洲打冷店（金興潮洲飯店）。食咗五個餸（韭菜豬紅，滷水鵝，白灼吊桶，椒鹽九肚魚，炒薄殼）加一支啤酒、一罐可樂。500蚊有找！金興好多年，街坊店。食佢傳統野啦！個價錢對得住，正宗打冷店。環境簡樸，但係做嘢超級爽手。夜晚六點先開舖，現時賣晒就閂門（以前開到夜晚三四點）七點後好多人等，所以早啲去另外老細係好人嚟㗎，成日幫啲附近老人家啲老人家街坊落去買飯，他會盡量平啲。人間有情。希望大家多啲幫襯佢。現在香港環境好差。好人好事，買少見少。…查看更多

今日黎到西環傳統打冷店，只做晚市既平民打冷店，星期日過到黎都要排隊，大概排左十分鐘左右就可以入。價錢比一般打冷店同大排檔平，我地今次兩個人叫左三個餸😝蝦醬炒通菜只係$60，味道啱啱好，唔會過咸，而且份量非常足！平時出面叫碟菜都要過$100🤣潮式凍烏頭魚價錢牌寫時價，問左職員係$120，價錢合理，條魚有魚味，而且好肥，啖啖肉，一點都唔腥，而且同佢俾個個醬好夾。滷水我今次叫咗有骨，好入味，而且有滷水花生係底！好味😝…查看更多

西環呢度唔止西餐多，打冷都唔少而且都好食，除咗德記之外，仲有呢間金興。呢度環境就冇咁舒服，似喺大排檔食嘢，但啲嘢好食，而且好平，人均大約$200就食到好飽。呢度嘅滷水好出色，去骨滷水鵝片好入味，又唔會有臊味，鵝皮下面嘅脂肪亦唔會好多。另外滷水鵝腸亦都好爽口。蜆肉炒韭菜花好香口，平時食韭菜花通常係小炒王，今次用蜆肉炒好惹味。而豉椒炒蜆個汁夠晒香濃，收汁亦都做得好好，唔會話太杰或者太稀，蜆肉雖然唔係好大隻，但係冇沙好乾淨。#saiwan #saiwanfood #chiuchow #chiuchowfood #西環 #西環美食 #潮州 #潮州美食 #潮州菜 #打冷 #滷水 #滷水鵝 #滷水鵝片 #傳統潮州菜 #傳統潮州美食…查看更多