金紫荊美食

是日外賣飯盒, 燒味五寶飯! 油雞, 叉燒, 紅腸, 咸蛋….日式螺肉……..由幾時開始, 日式螺肉會係燒味五寶飯其中一寶??????? 飯食唔到 1/5, 因為戒雞, 所以以 (食) 物亦 (食) 物, 雞比晒同事, 換取佢嘅少少肉餅! 叉燒夠淋, 最好味係流油的咸蛋! 不過食完呢盒飯, 肚疴咗3次! 完! …Read More

好多時會入葵芳做野，琴日下午又熱又焗，就近入左呢間諗住飲杯凍飲順便食少少野。叫下午茶，要乜無乜，雞比又無，西多又話要等，逼住叫煎餃子。凍檸茶黎到，暖既？叫個女人(應是老闆)換過就支支佐佐，阻佢睇電視咁。到煎餃子上，一咬淋既，唔脆就不如叫蒸餃子，食落去仲有陣唔知咩味，d肉霉霉地，又唔敢叫班大帝換了，個個剩係識對眼望住電視，食唔落唯有當跌錢算。咁既質素同招呼好懷疑點可以係飲食業立足。請都唔會再去！…Read More

叫豬扒炒河就比牛扒，叫雞扒飯就比豬扒，打去提醒完全無改善過，一分都比多黎間野。如果我唔食牛咁點？比錯照食？咁我洗乜叫指定想食咩呀，不如個個叫隨你心意好無？離哂地！…Read More

1）餐牌標示不清晰，已經令人容易產生誤會，都算。2）個女經理人對客人解釋的態度，可以說是氣勢洶洶！不容他人說詞！不接受意見。3）食物和標價相差懸殊，只能讓你大吃一驚，有這樣的餐牌，態度，價錢，你會再去嗎，我不會。…Read More

見完個客, 又未夠鐘到下個客, 是但搵間茶記坐低食少少野叫左個西多豬扒, 半份西多唔夠熱, 擺明係一早整好一大堆, 咁西多唔熱就已經唔好食:(到份豬扒, 一樣唔熱, 又要勁硬, 睇黎我真係唔應該係呢D地區對食有要求 …Read More

夜晚7點幾嘅工廈附近,呢間金紫荊可以話絕對係方便之選! 今次已經係第3次夜晚黎食OT飯。老闆娘好有人情味! 第1次夜晚黎,廚師已經收哂爐,但老闆以客為先,親自下廚! 雖然係指定食雞扒or豬扒飯,但好appreciate佢地專登整俾我地食!! 走嘅時候老闆娘仲俾張外賣紙我地,話我地可以打電話黎叫定先，可以食乜都得,叫廚師整定先。今次我地無打電話落定單,照舊食扒。但問可否轉通粉,老闆娘爽快話得!! 貪得意問有無得加烚蛋,又得!!再問可否半生熟,老闆娘話無現成。點知轉個頭返黎個雞扒通就到,仲話烚緊隻蛋俾我!! oh!! 媽媽呀!! 感動到直頭想叫老闆娘做媽媽!! 好有愛嘅茶記呀!! 😍 特登要獻出第1篇openrice黎歌頌下!話說一早已經寫左呢篇食評，但等左成個星期openrice都仲未批篇食評出街，原來話要講返多d有關野食。。。d雞扒應該係廚師一早yip好左，所以味道同平時午餐食到嘅一樣咁有水準。老闆喺時間上都控制得幾好，一d都唔老。隻烚蛋烚熟左，但蛋黃嘅正中仲有小小小小小小小流嘅。通粉無乜特別，其實都無乜野可以特別.....^^""…Read More

星期六的下午絕不是上班的日子, 但正正三缺一要等一個正在上班的友人, 就在他公司附近隨意一坐歎個下午茶揀左工廠大廈裡的舊式茶餐廳, 內裡似係地盤工, 工廠工等的集中地, 有時呢類餐廳總比那些高級地方來得自然及有味道睇睇食d咩先, 下午茶時間緊係揀個百搭自由下午茶餐啦, 整客炸雞肶配薯條, 係大戰之前先爆一爆氣炸雞肶炸到脆卜卜, 又淡淡肉, 配炸薯條真係無得頂, 將我d氣爆到最勁, 一陣大殺三方最衰係杯凍好立克淡淡地, 但係好彩大大杯又夠凍, 衰唔晒整體黎講有OK以上成績, 但係加埋爆氣之後幫我真係大殺三方, 我決定俾個好評佢…Read More