金禾閣餐廳 (Closed)

去沙田第一城探朋友，他帶我去附近茶餐廳醫肚先。商場雖然得兩層高，但餐廳食肆都好多間，有不同類型日本菜、台灣菜、酒樓、快餐店咩都有，真的落雨都唔怕無野食。午飯時間，有快餐、午餐等好多選擇。我哋簡單揀了午餐有餐湯同餐飲。羅宋湯，湯底幾濃配料多。薑蔥炆魚塊 $48薑蔥味濃郁，魚塊大件炸得香脆。洋蔥汁豬扒拼金帶子 $51豬扒厚厚唔韌，洋蔥汁香甜兩粒炸帶子鮮嫩。日式金菇肥牛飯 $51惹味日式醬汁配金菇肥牛好夾。熱利賓納熱檸茶熱奶茶…Read More

晚上10時後這屋邨內多數餐廳都關門了，只剩下24小時的美式快餐店及金禾閣，金禾閣是我不二之選，因食物種類廣泛，由輕吃如一份多士、一個麵，至重量級的扒餐都有。而晚上更有宵夜餐，較為輕量，剛好滿足到我未吃晚飯但又不想臨睡前吃太飽的心情~沙嗲牛肉烏冬 $41我愛吃日式手打煙韌烏冬，也愛吃這種廉價的港式烏冬，這烏冬沒有手打的滑，較為挺身。圓滾滾的，帶點咬口，與沙嗲牛肉挺相襯。沙嗲汁如多點更好，圖中份量未能足以讓整個湯底充滿沙嗲味。簡單一個宵夜，是加班後最好的安慰~…Read More

住喺呢頭，耐不耐都會幫襯金禾閣，今日食個早餐。環境其實唔錯，大大玻璃窗可以望到出面環境，有自然光，都坐得舒服。早餐都有好多選擇，呢度嘅蕃茄肉碎湯通粉喺阿女至愛。諗來諗去，揀咗沙爹牛肉麵，牛油餐包，腸仔煎蛋同熱奶茶，早餐呢個價錢($33) 要算係呢頭附近最抵食。欣賞佢有獨立包裝牛油，喜歡搽幾多都可以。可惜條腸仔凍咗，煎蛋熟晒ok啱我， 鍾意個餐包，軟綿綿，搽咗牛油好香。沙嗲牛肉麵大大碗，麵質夠爽，沙爹牛肉汁香濃，牛肉都淋。熱奶茶，茶夠濃加奶夠滑等於"香"，不錯呢！其實佢嘅選擇都算幾多，有湯拉麵、焗飯、台式肉燥及鐵板，仲有鮮魚湯飯。…Read More

星期日朝早，諗住食個開心早餐，路經金禾閣，未食過，就入去試下先。早餐選擇都算多，揀左早餐C配餐肉多士熟蛋。因掛住玩電話關係，不經不覺都等左10分鐘，侍應哥哥見到我個早餐咁耐未黎，都有自動幫我去催單，服務都算唔錯。餐肉煎熟蛋都幾多油，餐肉口感好粉，熟蛋正常，烘多士唔夠脆，番烘得唔夠耐，多士唔夠熱。我覺得最麻麻地既係沙嗲牛肉通粉，湯唔夠熱，只係暖暖地，牛肉分量正常，但切得有d大塊，食物質素麻麻，下次未必再黎。…Read More

本人可以大膽地說見證第一城的發展，尤其是金禾閣，80年代是在銀城商場開始營業直到多年前整個商場大裝修，才搬到現在第一城中心，基本上來說第一城二十九年的變化，金禾閣的地位可說䇄立𣎴倒，但是最令人想𣎴通的是竟然在這裡可以算是開山祖師，應該係食物和服務上比其他食肆優秀才是，而且在往時銀城商場的時候，𣎴論係食物質素上和服務都保持得很好，但是現在一搬到第一城中心後，𣎴論食物質素和服務態度，簡直和以天淵之別，又可以分兩方面來說:首先，先講食物，以前在舊商場叫任何嘢食，𣎴論三文治又好，或者飯餐都好，都保持得很好 ，現在就𣎴相同，食物除了牛扒以外，其他都唔知道個廚房攪邊科?究竟係個廚房換咗 ，定係個廚師老了，唔識煮餸。其次，就是服務，亦是致命原因，等於我之前講過，他們的態度都還過得去，起碼有笑容，現在，一行入去，好似變了打Game咁，成班行屍走肉咁，除了一個貌似老細和一個負責收錢的阿嬋之外，點解咁講，每次嚟到食嘢 ，成班人以足喪屍:一個一路行個頭唔停係度搖，好似食咗搖頭丸咁，一個一路行，神情和目光呆呆滯滯，一個裝聾扮啞 ，一個特別少少，可以一心二用，一邊執枱，一邊幫客人落單，個女夥計和收錢阿嬋，自己做錯嘢，可以反駡番個客，好似昨晚咁，一坐下來，剛剛有一個男夥計在我身邊正在收拾餐枱，跟著我叫佢落單，佢說等一陣，咁我想正常吖，但是擰轉頭見到頭先個男夥計正在送餐，跟著我又叫第二個夥計落單，呢個就好D，識得一心二用，叫佢落單，佢可以走咗去執枱，跟著個女夥計又走埋同個男夥計傾計，即是前後差不多五分鐘有多D夥計係度做乜，次次落完單，D夥計攞食物放下食物時，老是眼睥睥，係咪唔順超呀?係就唔好做啦。其他客人就好聲好氣，咁擺明有心玩嘢兼玩針對啦。係咪?…Read More

諗住試下在茶記食海南雞飯，誰料到有點失望。首先，嚿雞咬落口感似鹽焗雞多，完全沒有海南雞應有皮爽肉滑的口感，真心建議餐廳應改名叫鹽焗雞飯會較適合。其次，其配菜，除左生菜正正常常，酸瓜的酸味吾夠味，而成碟海南雞的賣相更是一般，可能大家樂的更抵食。唯一的賣點是個鮮香油飯算是吾錯，望落出色澤均勻，咬落口都有陣陣油香味。整體而言，我認為味道一般。…Read More

夜晚喺城門操完龍舟，去到屋企附近搵野食、不過時間太夜，第一城宵夜冇咩選擇，就去金禾閣坐低食宵夜。金禾閣係第一城唯一開到凌晨嘅茶餐聽，所以就算去到12點都有唔少住喺度嘅居民幫襯，喺度食宵夜。乾炒牛河都算大碟，不過牛肉份量唔多，河粉就夠多喇！穫氣就一般般，唔算太咸或者太多油。我朋友就點咗咸魚雞粒炒飯，可以炒得唔夠耐，有d飯仲係凍凍哋，而且味道比較淡，不過飯嘅份量真係好多，一個人都未必食得哂！兩個人加埋$100有找，而且食到飽哂，算抵食，不過味道就麻麻地，有改良嘅空間。…Read More

多次帮衬呢间，始終觉得奶茶好饮，去過太多香港茶餐廳，念念不忘就係呢间的热奶茶，香醇，係香港的独特味道！其他食物都可以，算不上特色，但也唔难食！侍应反應有D慢，不過整體算ok啦！…Read More

第二次幫襯金禾閣食到一肚氣！在一間普通到唔普通嘅茶記食嘢，落咗單十分鐘都未有嘢食到，同伙記跟跟單也許是常識罷！收銀個阿嬋態度嘅差，睇一睇張單即話叫咗十分鐘咋喎，好耐咩？又唔係得你一枱客……只好谷住度氣等咗十五分鐘，啲賣相好差嘅食物終於送到！可能見我哋等咗咁耐，所以隨金銀蛋浸菜苗奉送曱甴一隻！梗係嬲到爆但叫極都冇人理，個著便服疑似經理或老細嘅男人態度極差咁在遠住喝我哋，話等陣啦！整埋啲嘢咪嚟囉……我即刻好崩潰好大聲咁講：你啲食物有曱甴呀！附近幾枱客都望哂過嚟，個便服男先九秒九趕過嚟……當然佢好想盡快咁收走有曱甴嘅食物，但我哋阻止咗佢，佢跟住話唔要咪取消囉，洗唔洗打一身呀？真係覺得又貴服務態度又差嘢食又唔好味賣相又衰 嘅茶餐廳點解仲可以做咁多年，唔係話啲租好貴㗎咩？點解咁嘅質素都仲頂得住？真係冇天理！…Read More

搵左一陣先搵到的茶餐廳，雖然鐵板餐做八折，但我都係覺得蒸雞吸引。小菜跟餐湯和白飯，埋單63，不算實惠，但足夠兩人飽肚。等了大約20分鐘終於上台，白飯軟糯，雞很滑，豉油甜度也不錯，開胃。…Read More

距離annual dinner仲有4個鐘，點都要食啲嘢，順道嚟第一城行一行，未嚟過，四圍行都好，呢度都有十間八間食肆選擇，不過最終我都係選擇左有港式奶茶飲的地方。。。。看看餐牌，都係對鹽點有興趣，叫左碗魚片角、魚旦米線+熱奶茶，這個奶茶是多奶，都OK，不過我覺得可以再熱一D，魚片角及魚旦都好爽吾錯，米線腍左少少但都可以接受的，個湯清左D，但我吾太好鹹也不喜歡味精湯就冇乜所謂。呢度D環境都幾乾淨，見D員工都好勤力清潔，抹枱抹地，服務都OK。但每個下午茶餐星期六日、假期都要加2元。…Read More

the french toasts and the condensed milk toasts are amazing! I also like the red bean milk drink served in the cafe! The experience brings back childhood memories! We also had the baked ox tail which was very delicious.The sizzling hot plates smell really nice! They are actually on discount now since it's their 30th anniversary! Will definitely try it out next time!…Read More

是日打風，下了班之後想要吃好一點，看見金禾閣有八折鐵板餐，就點來嘗嘗。名為蒜茸包，但其實只是牛油塗麵包；羅宋湯有點稀，但味道尚算可以；而熱巧克力只是粉劑沖水，就不評論了。牛扒一大一小，小的那塊上菜時已經變成全熟，好韌，吃不岀牛肉味。整體而言，不是太好吃，但考慮到價錢，就還行啦。…Read More

經常光顧，週末食早餐首選。尤其杯奶茶，我已經飲咗好多年，每次來光顧必點。食物都唔錯，服務態度應有小小改善，仲有呢間嘢係幾十年的老店，營業到半夜，老闆用心經營，值得信賴。…Read More

平時食到啲中伏野都唔會特別寫食評，今次食完真係難食到忍唔住要寫出嚟警惕大家唔好中伏。叫咗個常餐有叉燒芝士麵但冇晒叉燒轉可以轉腸仔/火腿/蛋，點知嚟到中哂伏，芝士麵話係出前一丁隻芝士面，但係個湯淡到好似清湯咁。問完夥計仲口口聲聲話落晒啲粉一定會比少你，真係寸嘴到。希望大家唔好中伏，千祈唔好叫呢個面。希望餐廳可以改善一下個面，咁嘅嘢都比得人食不知所謂。唯一好嘅係個後生男仔侍應服務幾好，肯問廚房冇晒叉燒有冇得轉其他嘢，值得一讚！…Read More