金皇海鮮酒家 (Closed)

今晚去新光戲院看汪明荃,所以與家人在新光戲院對面的金皇海鮮酒家吃晚飯.原來金皇海鮮酒家是富臨集團成員.覺得比富臨漁港好食.這裡裝修像普通酒家,無景.服務態度一般,但有很多款新鮮海鮮可以選擇,港島區價格算合理.芝士焗龍蝦伊麵好食又非常便宜.$98有加拿大龍蝦,芝士味正好,唔會太濃.豬肺湯比較清,唔錯.$128算合理,比預期平.蜜汁叉燒出奇好食,夠甜又夠淋.總說,食物質素唔錯,環境唔錯,服務一般,下一次來北角新光戲院會再來食的餐廳.:)…查看更多

今次食呢餐飯, 勁差剛剛過左既星期日, 打算book枱食飯同老豆慶祝生日, 原本book 左另一間, 但係阿媽話北角間金皇海鮮酒家個菜單仲好, 於是改是金皇 (富臨集團的)首先講第一個菜…….芝士龍蝦伊面….勁差 D伊面都ok, 但係d龍假, 細隻都算, 但係成碟都蝦殼, 全部邊皮同尾位, 跟本冇肉可言, 食完倒返落碟d蝦殼, 同嚟個餸時既份量冇分別, 好似仲多左.跟住講脆奶伴百花球….差…….D炸鮮奶個炸皮又厚又硬, 百花球就一般燉湯….差個燉鴨 + 雞, 可能係我唔識欣賞, 好似加水滾兩滾果隻, 冇味之餘, 仲一陣鴨既臭鯹味, 我真係飲唔落口,講到條魚, 更加火都嚟埋….唔可以用差形容, 直頭係劣個餐單明明寫係龍躉, 點知嚟係普通既斑, 仲要D用係梅既, 於是就搵個經理嚟問, 我一問 “ 呢條係唔係龍躉 “, 佢停左幾秒, 跟住問:”你地係唔係叫餐”, 我話係, 於是佢就話….” 張菜單打錯左,係龍躉斑至啱”, 真係想問, 咩叫 “龍躉斑”. 宜家係唔係欺騙消費者, 到差唔多食完, 另一位訂枱既部長, 走嚟問我阿媽D菜得唔得, 我媽就同佢講條魚, 個部長又話…”喔, 條魚係上錯左枱, 唔係你地既”….一條魚都有甘多答法…勁, 呢樣都算, 跟住我話條魚D肉梅, 要求換過條, 個經理堅持條魚係新鮮, 唔肯換, 最後冇得收科, 跟住就話減100, 甘大家都係想開開心心食餐生日飯, 甘就冇再追究之後D菜不再評論, 都係一個差字講到最後一部…找數之前咪提及減我地100大元既, 點知佢地出古惑, 個餐原本2088全包, 我地另外加左一打壽包, 總數應該 2166, , 甘個餐減我地100, 即係1988啦(全包, 已包加1), 再另壽包(這個要加1), 都只係2074, 但到埋單, 收我地2144, 因為唔係我找數, 所以事後我至發現, 甘大集團, 甘大酒樓都要呃人, 而且D野食又差, 實覺得比人搵笨 . …查看更多

同媽媽兩個人去食＄３８抵食龍蝦。上湯龍蝦伊面好快就送到，龍蝦幾鮮味，份量都可以但好快就凍。送埋西瓜食埋　到埋單果一刻先話唔可以淨係要一樣餸，咩料呀食龍蝦前有個呀姐既態度已經好惡劣，我地要求換過Ｄ碗，好污糟…佢話＂因間比水你地自己洗呀，明唔明呀？＂個經理叫個低級Ｄ既泥同我地講唔可以單要一樣餸，真係＂好負責任＂喎。我要多味燒煵仔＄３８，個女人經理鬼哂面咁行開。－燒煵仔都係好快送到，都幾油下，肉味道係可以既，但個脆皮好咸。…查看更多

同大隻仔落北角買完野 成三點 就係地鐵站附近搵食先回府 下午茶市 有特價點心紙 不過只得幾款平點心:( (如選用正價點心紙 價錢變相等於午市價格)蝦餃 大大粒 外皮厚左 但味道唔差:)春卷 好香脆又熱辣辣叉燒瀨 湯底淡 叉燒薄身又嫌太瘦:(蒜香茄子 牛肉腸 腐皮卷 普普通通都可以茶都幾香..…查看更多

兒子的 summer job 已接近尾聲，還有兩星期左右便又要回復學子生涯。雖然這個暑假一家人未能外遊，但這小伙子總算過得十分充實，而且從工作中學習了許多課堂以外的知識，實在獲益良多。後生仔初出茅廬兼且只是做暑期工，薪金自然較為微薄，難得他仍一片孝心，主動邀約父母及爺爺吃晚飯，還請我們代勞，挑選心儀食肆。其實作為父母，只要孩子凡事抱著樂觀態度，主動積極，勇於面對挑戰，已是最大的回報，很慶幸兒子在各方面表現也令人滿意，著實是上天的恩賜，一頓飯亦只不過是錦上添花。兒子向來愛吃火鍋，不過往年冬季，由於他身處外地，一家人未能圍爐共話，所以這次經筆者和老公商量後，決定去北角「金皇」 吃任食的平價火鍋，既可盡興又不傷年青人荷包。說回這晚的任點任吃火鍋，每位 $88 已包加一，不過酒水就要另計，特價啤酒汽水 $10 三罐，健康飲品亦只是每渣 $8， 十分超值。由於家人都不嗜杯中物，就點了兩罐啤酒及一罐汽水。先講湯底，這兒共有 5 款選擇，包括四川麻辣湯、上湯、鴛鴦湯、芫茜皮蛋湯及沙嗲湯。由於想多嘗一款口味，就揀了麻辣配上湯的鴛鴦鍋。至於火鍋配料方面，粗略一數，可真不少啊，連每檯都會奉送的海生蝦一份，竟然多達 65 款，不過以筆者的食力，是絕對沒可能每樣都試吃一遍。就簡略挑選幾款介紹一吓，醬料方面，其實款式極少，只得蔥、蒜、辣椒等配上豉油，甚麼 XO 醬、芝麻醬、沙茶醬、麻油、黑醋等，一律欠奉。至於服務，坐下初期可說是完全零分，由於樓面人手只得幾個，加上該時段正值食客入座高峰期，向侍者落單後就再無人理會，除檯面碗筷外，想另拿杯碟就得像筆者般，起身自己動手往鄰桌吉檯攞，幸而廚房出火鍋配料十分快手，而且每碟份量也不算少，足夠四人享用，漏單情況亦並不嚴重。鮮冬菇味道不錯，咬落雖然沒有太多菇的香氣和菇汁，但冬菇煮到後期，把湯底內的精華和肉汁盡吸其中，故吃起來也頗軟腍入味。鮮鵝腸入口鮮脆爽口，烹煮過後也不失韌性，都算唔錯，可惜質地唔夠肥美，而且縮水速度奇快，若放落鍋後不緊緊盯著，眨眼間便已消失得無影無踪。另外豬夏青亦鮮甜爽口，不過內裡肥膏就稍嫌多了點；油麥菜色澤帶點枯黃，可幸的是入口尚算鮮甜。兒子愛吃的芝士腸，入口竟然沒有半點芝士味，外皮亦不覺脆口，毫不吸引；而旁邊的魚皮餃，外皮雖然夠薄，但就沒有煙韌的口感及鮮美的魚肉香氣，不值推介。其中一碟薄切的美國肥牛，驟眼看來，肥膏比瘦肉還要多，初頭確實是有點怕怕，先放湯內稍稍一灼，即放入口，原來口感雖充滿油脂，但入口甘香嫩滑，食味竟然也頗不俗。至於羊肉片，切得薄如蟬翼，色澤嫣紅中又透著點雪花，賣相極之吸引，據兒子說把羊片在湯裡涮數秒，已十分鮮甜，惜筆者素來勁怕羊肉那股強烈的羶味，只淺嘗了一口，味道當然非我族類。另外滑牛肉及鮮牛丸，入口牛味雖不算重，但肉質嫩滑鬆軟，鮮味十足，也頗不錯。雪藏的冰鮮靚雞片，顏色潤澤，脂肪分佈均勻，肥膏不多，入口滑溜軟熟，口感比雞翼還要好，惜雞味不濃。炸魚皮大碟又夠厚身，質地雖然唔多夠鬆化，幸好入口還算脆而不硬，將魚皮蘸上湯吃，也能帶出半香脆的口感。山根淋得夠快，入口無油膉味，且吸油力特強，索滿湯汁，味道還蠻不錯。鮮蝦雲吞內藏海蝦和豬肉，粒粒飽滿，煙韌的外皮加上啖啖肉，口感還算不差。至於每檯送贈的海生蝦，蝦肉肉質麻麻，入口略嫌有點霉，鮮味不足。其實對這兒的特價火鍋，當然不可抱太大期望，猶幸我和老公都出生於兄弟姊妹眾多的大家庭，由於資源分配有限，故自小已養成節儉的美德，對「吃」素來也不太講究，只要能與家人邊吃邊聊，分享逸事，就算食物平貴也同樣吃得開懷。…查看更多