Kinkin House (Closed)

今晚收工後在旺角廣華街上發現有一間上海餐館，門外都宣傳餐廳供應素食系列，向來我都較愛上海菜，而且仲有素食菜式，收工後真是有點餓,吸引咗我來一試。素食的款式都有很多~包括有素食冷盤、點心（例如素菜小籠包）、年糕、炒麵、炒飯、湯類素小菜等......飲品除了豆漿之外，還有一些特飲,例如洛神花茶、青檸梳打、鹹檸七等......*素回鍋肉（$75）~點了的是小辣，剛炒起真是熱辣辣又香噴噴，椰菜都炒得夠爽脆，回鍋肉是素食，咬下煙韌嚼勁，辣度適中惹味平均，不過油份就多了一點。*素上海擔擔麵（$47）（小辣）~可以安排到走肉碎及蝦米，湯底濃稠，充滿豐厚花生醬，令麵條都好掛汁，麵條又晤會太腍身，整體香辣味都是恰到好處，麵條上還灑上粒粒的花生碎及炸菜碎，真是倍感滋味*凍洛神花茶（$30)(走甜）~入口微酸又開胃，可以減輕剛剛品嚐了食物的油膩感，冰涼透心！服務生都好細心提醒我點了菜式是素食，主動幫我問廚房菜式內的配料，感覺親切友善提示~晚上六點後要收加一服務費…Read More

服務友善，午市$49-75，有素菜選擇，質素不錯，都幾多選擇，除咗有一般上海菜，好似擔擔面，粗抄等等，仲有有栗子雞煲加飯選擇。叫左粗抄幾好，唔會太油，而且味道夠，份量中等偏大，不過另一個上海排骨麵既排骨就比較油膩，但整體尼講都推介，支持小店…Read More

和朋友去点了云吞雞煲，準備再点的時候服務員告訴我們說：很大一煲的够吃的了，別点面食了，可以点小食類。然後我們看到小食是分段收費的，1段時間分別是$20多和$50~$60多吧，最後我還是覺得她說那麼大一煲的話就別点了。約20分鐘不到我們点的雞煲上來了，真是讓我們两個大為惊訝這就是她的够我們两個人吃大大煲的雞煲云吞???🤤🤤也許惊喜在煲底也說不準呢…最後發現這個所謂很大煲的云吞雞只是包含了：5粒云吞，半邊包裝雞，1個娃娃菜分成5~6塊……雞又唔是新鮮雞，云吞只是平常云吞又唔是大大粒好好料果嘀！！！我自己1個女人仔都唔够飽啦，何況我地两個人，仲話够大煲唔好点其他野啦…最後買單仲要收百分之十服務費！！！即是$171只是得2杯水，5粒云吞，半邊包裝鹹雞，1隻娃娃菜……真是唔知你地收咩服務費，比左咩特別服務我地，使左171蚊1個人都食唔飽……真是食到火都來……絕對無下次再來…Read More

D相雖然我求其影, 不過煮果位就絕對唔係求其煮! 真材實料, 價錢合理, 好味道! 試過好多出面痳婆豆腐, 小籠包入面果D豬肉又肥又有豬臭味真係好難食, 呢間就唔會, 另外貼心地仲有埋素食Menu, 有算朋友係素食都無問題, 見到素食選擇也不少喔!  …Read More

突然好想飲雞湯，揀左里間食上海菜叫Takeout食。Lunch time 3個人叫左客雲吞雞湯+一籠小籠包+一碗擔擔麵+一客生煎鍋貼，overall都算okay，好飽，不過total 有dd 貴，成 $306。其他幾樣不過不失，唔知係咪凍左，唔太好食，外賣最好都係唔好叫小籠包 or 鍋貼嗰d好，就算自己整返熱都唔會好似人地新鮮出爐咁。重點係個雞湯，好正宗，份量都好多，雲吞同雞都好足料，加埋雞湯要分2個外賣盒裝先裝得晒。…Read More

最鍾意發掘新地方，突然想食上海嘢，又唔想去連鎖嘅食店，搵到係廣華街一間小店。佢有素食嘅餐牌，選揀都多，幾好喎。環境不錯，坐得都舒服，不過有啲迫。呢度係即叫即整，係要啲時間。好想食上海粗炒，73元，味道可以，係菜爽口咗小小。又係另一道我想食，雞絲粉皮（$49），份量多，好好味。叫咗蝦仁鍋巴，79元，鍋巴脆，個汁係好味，蝦仁都多。賽螃蟹（$89），好好味，炒得夠味，菜就普通啲，似烚過下就放落黎。四喜烤麩（$45），呢個幾好，夠淋又夠味，幾惹味。糖醋雞球（$79），呢味有啲意外，佢新整不再講，超夠入味，而且又啖啖肉，真係忍唔住要叫飯。菜飯粒粒分明，菜香，正！三個人咁樣食500元唔駛，係啲連鎖店係唔會食到咁多，而且味道都唔差。…Read More

好耐沒有行入廣華街，而家真係多咗好多食肆， 見到這間金滿居上海菜我和朋友就試下啦， 可能今日是星期五，都幾爆滿客， 侍應都好有禮貌招呼我哋坐低， 佢哋仲標明用 靚嘅大豆油煮餸 ，咁我哋都食得放心啲， 估唔到啲菜式 真係幾好味， 價錢都尚算合理， 原來仲有上海嘅素食菜式， 下次我可以帶我 媽咪嚟食…Read More

一日三餐定律，下午沒太餓！睇完醫生搵左間上海餐廳食住先，清清地點左個「油豆腐粉絲湯」有豆腐、炸菜、蝦米、粉絲及生菜，分量一個人食已足夠飽肚！健康得來味道不錯👍…Read More

今日做完GYM未夠兩點~ 兩條友係旺角就圍搵炸脾薯條下午茶, 好失望, 間間都兩點半後,咁我個飯桶朋友就提意去食飯~ 唯有係咁囉~ 睇咗好幾間終於搵到間啱食的~ 好景後面軍用品後巷一出就見到~ 金滿居小館, 食上海菜的~係門口睇下~ 原來佢有做素食既上海菜, 咁我地坐底睇下餐牌~ 價錢係旺角黎講,一個客飯+飲品 40蚊左右係叫做好平架啦~ 咁我地叫咗兩個餸,一個糖醋排骨, 一個回鍋牛肉, 醋排骨佢揀咗軟骨位黎做~ 肥瘦啱啱好~ 肉質一D都唔老 (最怕食到D糖醋骨煮到又老又乾)送飯一流, 另一個回鍋牛肉, 炒得好有鑊氣~ 而且椰菜保持到爽口, 好好味~好經濟的一餐…Read More

今日有野做去開旺角，又唔係大街果幾間人頭湧湧茶餐廳同人迫，就行入少少既廣華街，睇下有咩隱世美食！行過金滿居，見門面幾企理，今日就食下上海野啦！叫左個鎮江排骨客飯，味道酸酸甜甜，有淡淡黑醋味，但肉質比較硬，而且分量不多，但作為lunch係絕對足夠的。朋友叫左回鍋牛肉飯，十分惹味，牛肉嫩滑又不會太林，椰菜沾滿汁都十分好送飯。跟餐仲有野飲，叫左杯黑芝麻豆漿，幾好呀不太甜，可以試一試！大家如果黎開不妨一試！…Read More

是日同朋友出左旺角按摩，按完都肚仔餓，又夠鐘食晚飯啦😂但我地兩個完全冇頭緒食咩🙈雖然旺角多野食，但又有好多伏🤦🏻‍♀️行行下行到廣華街，行到金滿居前停左係門口，應該有5秒😂望入去入面，好似麻麻，覺得比較迫，之後走人。走前2步又係金滿居，但食泰國菜的😂 唔知點解突然間唔想再諗啦，調轉頭返去食返金滿居上海菜啦，就睇下佢係咪伏🤪入到去，服務員都好有禮貌，即比餐牌我地。打開餐牌，價錢貼地👍🏻2個人，食唔到太多野🤭只係叫左4樣野。小籠包小籠包味道鮮甜，但如果皮再整薄一點，就完美啦。紅油抄手呢一味小食，係我食上海菜必食😆呢度個紅油抄手，整得唔錯，個皮索晒d麻辣汁，開胃。水煮牛肉麵呢個個湯底好正啊👍🏻好似食緊麻辣火鍋咁，牛肉份量又多。回鍋肉炒粗麵呢個就普普通通啦，略嫌回鍋肉不夠辣。埋單今餐飯，整體有驚喜，味道好，價錢貼地。下次再黎試埋其他野先😊…Read More

今日同男朋友喺旺角唔知食咩好，行吓行吓行見到間上海野好似幾吸引就走左入去😳雖然依度食嘅嘢同普通上海店差唔多，不過佢就有一份全素嘅菜單，鍾意食素嘅朋友下次可以黎試吓。第一道菜係小籠包，幾好食，好多肉汁，皮都算好薄。不過就唔係好特別，個人認為叫唔叫都得～我哋另外仲叫咗個津白炒年糕，好多餸同埋都幾大份，係可能咸左少少同埋少少油膩，不過味道係好正宗嘅上海菜啊！食上海野又點可以唔叫個酸辣湯呢，依個就反而有少少失望，個湯偏辣同唔夠酸，同埋配菜我哋覺得可以多啲。最後就係擔擔麵，依個有機會係我地食過最鍾意嘅擔擔麵，好濃嘅花生醬同蔥真係令人好回味。佢哋仲會提供一碗清湯冇咁鍾意食重口味嘅朋友溝淡啲個湯。整體來講算係好滿意嘅一餐，價錢亦都相當合理。不過就可能窄左少少，同埋繁忙時間會有需要搭枱～…Read More

An excellent value for money meal! They also have a separate vegetarian menu which is quite long and elaborate comprising also of soya/ mock meats. Best dishes were dan dan noodles, chili wontons, cold chicken noodles with peanut sauce, soya noodles, chilli sliced pork. Set lunches come with a small add on for drinks …Read More

小龍包 - 唔使驚夾爛 因為個皮好硬上海粗炒 - 有特色 有生菜戰碟底雞絲粉皮 - 啲雞絲好有心機切 所以食嘅時候都幾難夾到 因為又小又細獅子頭 - 咁大個人未試過要用匙羹北起獅子頭食，因為獅子頭好似豆腐咁:(如果想食有特色嘅上海菜可以嚟試試 呢道有真正嘅泰國人 service 你…Read More

有陣時出得街多都想食下D清淡D既野上海野係一個唔錯既選擇！呢碟上海粗炒味道剛剛好，出面好多上海舖都會又咸又多油，呢間完全無呢個問題呢個獅子頭餐牌講到明係用新鮮豬肉但我始終覺得肉質差左少少令到食落去既味道都麻麻地不過值得欣賞既係呢個餸有好多菜，跟埋碗菜飯，都OK既！呢個小籠包係菜飯加錢轉套餐雖然個皮厚左少少但入面真係有好多湯，好味呀！！呢個酸辣湯都幾辣，但唔係我中意既味道因為佢係比較偏辣椒醬既味道！整體黎講，呢間餐廳既食物都唔錯會有下次既！…Read More