金滿多餃子店

Open Now

Now Closed

上網睇下太子個頭有乜嘢食, 見到依間食餃子🥟, 好似幾吸引, 於是行去找佢的位置, 望下餐牌, 都有幾多款式😂👍, 有幾款都想試, 我今次叫左西洋菜餃拼芝🧀士粟🌽米餃, 加$要上海麵, 等左一陣湯麵送到, 賣相都ok, 飲啖湯先, 話係青紅蘿蔔🥕猪踭螺片湯, 飲落好清甜唔肥👍, 但都會有口渴的感覺, 再試下佢d麵, 質素還可以😝, 試下d餃🥟先, 西洋菜餃🤪🥟, 出面比較少有, 咬開入面饀料非常豐富🥰☺️, 味道唔錯, 都幾多菜😍, 食落亦唔會覺得好咸, 再之後食芝🧀士🌽粟米餃, 用芝士🥟做餡, 我都係第一次試, 咬開有拉絲的感覺, 喜歡芝士🧀的話, 食落會幾鍾意, 因為都幾香芝士🧀味, 二者味道唔差, 皮薄餡又豐富, 真係算幾好味😘👍, 鋪頭位置唔多, 但坐得也舒服, 下次再去太子, 都會再來試下其他口味😝👍😍

舖頭招牌以餃子為主，輔以自家煲靚湯，仲有原條魚湯米線同各種雲南米線。今次一心想食水餃就唔諗其他啦，睇完餐牌就決定特色牛肉餃。不論煎餃水餃，都有7隻同10隻揀，唔夠食的話，仲可以加$8加麵底，另外嘢飲半價。今次嘅選擇係，特色牛肉餃10隻加上海麵加凍豆漿一支。唔使10分鐘，出住白煙水餃麵就上菜啦。單憑擺盤，就知一定健康，最重要係湯夠唒熱辣辣。 講返水餃，大隻飽滿，同個匙羹俾，大嗰個匙羹，睇落份量十足。即啖咬落去，發現特色係指西芹牛肉特色餃。一開始會先淆到爽脆嘅西芹，再嚟先係牛肉。餡料調味適中，唔會偏鹹淡，而且牛肉餡都有gel頭，所以食落又滿足嘅感覺。唯一美中不足係，水餃唔夠多汁，要配埋湯嚟食會最好。湯底青紅蘿蔔粟米豬踭螺片湯，係家嘅味道，湯唔算好濃郁，螺片味唔係好覺，但係飲唔出有味精，係值得一試。上海麵+$8 ，麵質煙靭，本身味道淡口，主要靠湯底味道，所以都唔錯，但可以同湯底滾多陣更加入味。總結，食物質素中上，如果你行健康路線，又喺附近經過而想食餃子，值得一試。

🥟香菇豬肉餃 ($42/7隻)價錢嚟講算唔錯，淨係碗湯都值回票價👍🏻當日碗湯係青紅蘿蔔粟米豬踭螺片湯🥕🥣淨係我呢碗都滿滿嘅湯渣，落足料煲呀！飲落清甜暖胃，好有呀媽煲嘅感覺餃子大粒飽滿，皮都幾薄👍🏻不過個餡可以多啲菇，會香啲惹味啲，同有多啲口感，而家甚少感受到菇嘅存在🍄‍🟫每枱都有口水汁同埋菜脯，今次我淨係試咗菜脯，佢唔算好辣，但係因為佢切得比較碎，所以如果你都係鍾意食菜脯嘅人，就要不大啖啲先有feel！

太子區有好多餃子店～金滿多餃子店相對比較少人講～今次買左佢既下午茶餐～.堂食$30 外賣+$25隻湯餃，跟一杯指定熱飲～煎餃加$2最後叫左外賣～.要左粟米湯餃湯係粉葛鯪焦豬骨湯底係好淡淡既湯底。.而佢既餃子好大隻～😮唔係浸湯浸到發大隻嗰款佢個皮邊係實淨內餡偏淡 會好清楚食到粟米味肉比較少 亦無乜太大既調味.整體來說～係屬於較為健康嘅type~如果你係喜歡淡口味嘅，呢間餃子店會好適合你.亦都跟一小兜既辣菜脯～（堂食應該係可以自己加嘅～）如果覺得佢淡就一定要加上佢既菜脯～成個味道又唔同。

1）職員西口西面    見到佢啲規矩簡直唔想幫襯2)轉左位要收加一服務費3）主要係三姊妹打理，食餐飯都要係客面前數臭客4）落單冇筆問佢攞 又叫我直接落5）麵份量比之前少左一半6） 三姊妹都係黑面神7）食物越嚟越貴

我老公嗰碗餃子有只見到有蟲痴左喺只餃子上面，店員換過一只俾佢，都算了，我咬多兩淡我啲餃子，一睇個餡，透明粉紅的，根本就係生，叫店員再過黎佢已經唔耐煩，並堅稱豬肉新鮮係咁嘅色，不過我唔想食可以換過俾我，然後身處後方嘅店主已經好串咁向我地方向大叫，之後我話我唔係想麻煩，唔想換了，結果店主繼續喺後面大叫話我地好麻煩，坐喺周圍啲客都聽到。我地都冇諗過食幾只餃子都要貼錢買難受，冇所謂嘅，你咁串人地咪以後都唔黎食囉！串仲要睇下自己串唔串得起，你連清潔同煮熟食物呢啲咁基本嘅事都搞唔掂，仲當正自己係土皇帝咁，我想講，你串唔起囉。我貼喺度幅圖已經啲肉俾啲湯浸熟左啲，我第一下咬係更透明。

雖然顧客入黎睇到就唔好受但呢d規條都合理架不過為左防止西客就做到自己既門面咁樣有無必要呢?然後語言上又有無必要咁倔強呢?想人用餐愉快,首先唔係同我講左你有咩規則, 而係令人入黎感覺放鬆先啦入到黎就西口西面至落餐.上餐... 諗起都怕怕不過是但啦, 無犯佢既規條都係咁晦氣都食左咁多次啦. 睇住佢初頭態度惡劣,之後有改善架點知今日黎又故態復萌, 無下次了!!算皮薄既, 餡就見人見智啦食左新出既菜心餡, 好似西洋菜仲好食d不過個無味精湯就比起岩岩開鋪時淡身好多啦檸檬係角切, 好難督同區咁大競爭

今日去咗朋友屋企拜年，拜完年之後同老公去咗附近搵食，見到這間間餃子店人氣十足，所以入去試吓。西洋菜餃配酸辣湯底（10隻）餃子超級大隻，隻隻份量十足，餃子皮十分煙韌，而餃子餡西洋菜和肉的比例恰當，一咬進嘴會爆汁，配上獨特的酸辣湯底好滋味，酸辣湯底唔會太辣，啱晒我口味生煎芫荽牛肉餃（7隻）加烏冬煎餃做得非常之出色，每隻煎餃子色澤金黃望落去令人覺得充滿食慾，食落去唔會有油膩嘅感覺，煎餃都可以keep到肉汁豐富，食完一隻好想馬上食第二隻。烏冬的湯底係粉葛鯪魚湯底飲完唔會覺得口渴正正正檸檬水蜜桃紅茶估唔到紅茶入面有少少水蜜桃，果肉一路飲一路食到果肉好特別。檸檬鳳梨綠茶原來綠茶同檸檬非常之搭配，飲落去有種清新嘅感覺。這裏的餃子令我回味無窮早知買啲生餃子返屋企煮麵的時候食。下次要再去幫襯。

金滿多餃子店位於太子主打食手工餃子 有放湯有煎有辣 多款配搭同選擇椰菜豬肉餃7隻 湯底粉葛鯪魚豬骨湯肉眼所見 餃子大粒 餡料滿滿湯底奶白色 豬骨味濃郁 而且帶有點點甜味熱辣辣 天氣凍 暖一暖胃粟米餃子麵同樣粟米餃子好大 內裏有滿滿嘅粟米粒面類 有紅薯粉 烏冬 米線最後選擇配上海麵 上海麵軟硬適中 份量足夠 枱面旁放有辣味菜譜 個人覺得 都幾辣幾刺激嫁雞湯蘿蔔蘿蔔入味 無根 口感軟淋臨走前見到職員即場包餃子 確保新鮮湯底無味精 食完都唔會覺得口渴

太子實在太多餃子店😍有朋友介紹呢一間 出乎意料地好味！雖然店面唔係好起眼 但餃子高質 成為區內熱店指日可待雙拼湯餃正氣菜心豬肉餃 + 經典韭菜豬肉餃湯餃非常大隻 好似元寶咁🥟足料飽滿 咬開之後皮肉完全冇分離 好實淨 外皮少少煙靭 完全唔厚粉菜同肉嘅比例都平均 豬肉味道新鮮菜心餃係獨家首創 都幾爽脆 韭菜餃就較濃味 同樣新鮮配埋粉葛鯪魚豬骨濃湯 無味精 好好飲🍲！紫菜豬肉煎餃煎餃都正😜有一面煎到特別脆 食落唔算好熱氣 內餡充滿鹹香 但又唔會太重口味 食完唔會口乾

呢間餐廳唔供應水俾客人,仲要職員態度好差,好似你食唔食到無所謂咁,係咁黑面,食物方面選擇係幾多款既,紫菜餃子入面涵料就淋身,其他煎餃味道都OK既,只係職員既態度如果可以改善一下就好D。

👍🏼 香辣魚皮 $22魚皮爽脆可口，搭配著香辣的調味，這種小吃有點上癮，停不下來 😆👍🏼 豉油西洋菜 $13只售十三塊大元的西洋菜份量也不少，全是細嫰爽口的部位，切成一口的長度，有點細心~ 👍🏼 香辣牛肉牛柏葉米線 $49米線細長軟滑，是最好的吸湯能手~ 香而不會太辣，適合不太吃辣又想吃辣的朋友們。👍🏼 粟米煎餃 $48是真正的煎餃而不是炸餃喔~ 餃皮煎得金黃酥脆，內餡粟米很甜。是很撲素踏實的傳統美味。而畫龍點晴的是餃子汁和菜脯！餃子汁濃郁甜美，菜脯香辣惹味，MUST加！

太子人氣家常餃子店！必試豆腐鯇魚烏冬、自家製粉葛湯芫荽豬肉餃子第一次來太子荔枝角道的金滿多餃子店，主打家常菜的小店。店內環境舒適，價錢相宜。-豆腐鯇魚烏冬選用新鮮鯇魚，輕輕炸過的魚肉質鮮嫩，搭配滑溜的烏冬，-再加入豆腐、芫荽等配料，湯頭清甜，有降火功效。--自家製粉葛湯芫荽豬肉餃子則是店家的招牌菜式。餃子皮薄餡靚，豬肉餡加入了粉葛和芫荽，味道鮮香，令人回味無窮。啊，仲叫了椒鹽豆腐，炸得金黃，內裡嫩嫩的,好吃。

同朋友經過太子，見到呢一間餃子店好似幾傳統咁樣，價錢又唔貴🌈即刻入去試吓先！🧊正氣菜心豬肉餃隻隻水餃都好大隻，每一份水餃有七隻🫶🏻對於女仔嚟講，唔使加任何麵食都覺得好飽😹大大隻得來入邊嘅餡超級足，每一啖都好滿足👻🧊特色椰菜豬肉餃椰菜豬肉餃啲椰菜好鮮甜😻最鍾意點埋嗰啲菜譜嚟食🫶🏻呢度嘅菜譜唔同平時嗰啲😙呢度嘅菜譜甜甜地得來好重蒜頭味！蒜頭愛好者表示超級喜歡🥰另外，佢哋嘅湯都係冇味精嘅，飲完晒啲湯都唔覺得頸渴😆🧊椒鹽百葉豆腐炸豆腐性價比幾高，一份有好多塊！🤩炸得唔算太油膩，幾乾身👍🏻椒鹽嘅份量都啱啱好，有味得來又唔會太鹹😼📍金滿多餃子店 (太子)太子荔枝角道136號地舖

餃子一向是熱門菜式，非常受歡迎，早午晚宵夜也能佔一席位，有些連鎖餃子店也是很普通，所以要找到一間令人感到驚喜，特別，吃過返尋味的餃子店不是一件容易的事，但今天介紹這間店的確會令人眼前一亮呢特色牛肉餃 （10隻） 湯餃可選7隻或10隻，牛肉餃內有椰菜及芹菜做配料，配上無味精粉葛鯪魚豬骨濃湯底，湯完全喝光，十分鮮甜入味泡椒酸菜肥牛米線 湯底酸酸辣辣，惹味又醒胃，配料有蓮藕，白蘿蔔，豆卜等，豆卜吸滿湯汁，肥牛爽滑有咬口大澳一字雞翼 雞翼酥炸香脆，雞肉嫰滑，單邊一字使人更容易吃，而且雞翼充滿蝦醬味，口感特別，令人一試忘返，必食推介金滿多餃子店太子荔枝角道136號地舖