Kam Kai Seafood Restaurant (Closed)

年廿七朋友突然吹雞食團年，都有好一段時間冇見，臨急臨忙唔知買乜上去食，突然想起朋友們都好喜歡羊腩煲，呢個疫情應該大家都冇乜機會食到，我自己都好幾年冇食過.朋友好喜歡特登過來明星，以前經常來，話佢的羊腩煲好好食，真心講我以前覺得好難食😅 不過佢地中意🤷🏼‍♀️ 我尚且打過電話去明星看下有冇，點知佢話冇賣好耐，明既，疫情的變化令食肆的模式都轉變曬. 然後沖落去金溪問下啦，因為平時經過會見到門口有貼紙寫住有羊腩煲，老闆娘竟然話有，仲有八折，大鍋折後$263，仲跟一包生菜，即比錢，等十分鐘左右就有.原本以為呢個價錢唔會有好多羊腩，食開羊腩煲的朋友年年都講話加價（因為佢地真是好中意食），而且味道份量都麻麻！本來冇乜期望，去到朋友屋企到出來，結果裝4人份量盤菜的盤滿咗😬 👇 食之前煲咗大概半個鐘之後的色澤，好多羊腩，6人每人都食咗6舊左右，呢個價錢我覺得好抵食，而且食完唔口渴，支竹超入味，但是馬蹄同冬菇就唔多，真是羊腩多😋然後年三十經過特登看下幾時開，佢寫年初二，到時再買來開年剛好！然後初二又沖落去，都擔心佢第一日開舖唔知有冇，點知佢話有，又要咗個大鍋，而且新年唔加價之餘仲繼續有八折，即刻比錢$263😍😍👇年初二的份量，剛好年三十晚食完盤菜，有個盤可以用，未煲的樣👇 返去我覺得要煲半個鐘先會淋d，屋企四個人食，羊腩食唔曬，但是食曬咗d支竹😅…Read More

前日(25-12-2020 Fri)晏晝,同老公由西九文化公園返屋企,就喺喥買隻$78.00嘅鹽焗雞做餸,由於重係o緊,我哋要等半個鐘至有.老闆娘問使唔使幫我哋斬?不過佢提議唔好斬,因怕啲肉汁流晒出嚟.咁唔斬啦.拎到返屋企,嗅到一陣炭燶味,其實喺買嘅時候,門口焗緊時已嗅到呢陣味.到開餐喇,我哋切開食,都係食到呢陣臭炭燶味,鹹香味極少,肉質係OK嘅.但雞腳同我食嗰隻翼腿係有瘀黑,而內臟又未清晒,感覺麻麻. :(唉!今次俾錯機會佢.上次食評係09年7月25日刊登嘅呢篇: https://www.openrice.com/zh/hongkong/review/%E5%8A%AA%E5%8A%9Bsell-o%E9%87%8E-e2014958…Read More

呢間餐廳係每年都只會食一次，就係新年親戚聚餐，因為呢啲茶樓先有大枱畀我哋，最少要坐兩圍枱，叫咗幾個家常小菜，畀啲評價大家睇下啦魚香茄子煲，送飯一流，味道好惹味，呢一個係我哋最快清晒洗㗎另外粟米魚塊就覺得都幾香，而且量多，我哋都夠分黎食。嗌咗個乾炒牛河，但味道一般，冇乜特別蒜蓉開邊蝦仲弊，佢上枱嘅時候聞到好香嘅，但食落去嘅時候，發現佢啲蒜蓉唔係每一隻蝦都有，變咗有啲蝦真係清蒸...反而簡單嘅菜西蘭花鮮尤仲夠味過佢。…Read More

琴日晏晝五點20幾分黎，，見到出面都仲有lunnch 牌，、但問個女人，就話lunnch 下午2點半後就冇㗎啦，、雖然我覺得我好似俾人呃左，唔通一間茶餐廳下午就要人哋叫小菜？但都唔理啦，點知叫左餸後，有個伯伯入黎外賣lunnch set，、咁我問返啦，點知話，外賣可以，堂食唔得😂😂係咪㗎，，以前老闆做收銀時，我覺得好好，有心做街坊生意，、但自從一個貌似老闆娘嘅人落咗黎之後好似變曬，早幾個月前一家食左七百幾、個女人收我八百幾、、問返，佢話係加一，，食左咁多次，都未試過加一，，原本以為生意難做、加一幫補下、、點知琴日埋單時、老闆坐收銀、、冇收我加一、、當時就知係個女人呃我，超級衰，想俾老闆知道，有咁樣既人落鋪真係會好影響你生意😤😤…Read More

每次回媽媽家，當媽媽堅持煮飯，我們兄弟姐妹就會呱呱叫，太辛苦了，到金溪買外賣吧。這裡外賣很便宜，30多元一個小菜，十個400不到，不要煮吧。薰蹄必點，例湯5元一碗，還有碟頭飯也是28。味道，中間尚可，30多元即做小菜，不要要求太高了。…Read More

今日中午同男朋友去咗金溪食lunch,我地叫咗兩個餐！😌😌😌一個係時菜豆卜斑腩飯，另外一個就係燒味三拼。呢兩個菜都幾好食既，特別係三拼中的燒鴨，幾香幾入味，同普通茶餐廳嘅味道唔會相差得太遠，保持返基本應有嘅水準。😃😃😃但我最主要係想講，呢度有一個侍應阿姐佢好冇禮貌，之前黎過幾次都唔見佢，今次見到佢，凶神惡煞咁樣，成個黑面神咁！😥😥😥全程都冇乜見過佢笑過！最後就黎食完餐飯既時候，終於睇到佢一笑啦， 但就係係佢差d啲打爛嘢嚇親個客， 畀人鬧嗰陣時，🤣🤣🤣佢以笑遮醜 ！！！唉，無言……😞😞😔平時我都有係呢度食飯，唔會特登寫食評。但今次因為呢個咁經典既阿姐，我點都要操筆寫寫加啦！😂😂😂…Read More

今日因爲要就下老人家，所以就係金溪食團年飯，金溪真係由我'細細個就聽過呢個名啦'，細個時記得一到大時大節就會多人到d檯開到出舖頭出面。但其實轉左老細之後我都好少黎食，因為質素每況愈下。先講今晚嘅餸先。白灼蝦：新鮮嘅都，冇一隻蝦係梅嘅，不錯。燒味拼盆：雞肉幾好味，燒鴨就肥多過肉，海哲都係現成嘅當然蒸星斑：係新鮮，蒸得老左少少，但咁都要400蚊就唔抵囉。豉汁炒蜆：一d都唔似係炒，完全冇鑊氣，似烚熟加個汁咁。蒜蓉粉絲蒸扇貝：扇貝係新鮮嘅因爲仲係痴殻嘅，味道就剛好，粉絲夠入味。炸海鮮捲：因為有小朋友先叫呢個，我冇食到但見到碟底有水....我老公食左會入面好淡好水。黑椒牛柳：牛肉係未熟嘅，直到係得3成熟....味道就一般。竹笙蓮藕：竹笙好一pat野，味道好啖。西蘭花炒花枝片：味道不過不失。成餐飯要1668大元，其實真係完全唔抵食，但真係因爲要就老人家先會黎。…Read More

真係無計，幾十年來，大時大節唔想煮飯，就近近地梗係幫陣佢！今日唔知咩事，係幾十年來食得最貴嘅一次！一行11個人，當中有1個係BB, 2個係中童，買單竟然1千六百幾，以前都係差唔多嘅餸，講緊都係每人1舊水，今日唔知做咩？個傻傻地嘅亞哥比錢又唔check單喎！除咗價錢外，今日d餸都偏咸，廚子搞咩呢？:(…Read More

回香港這2年多以來都好忙,今年更有了點新嘗試令訓的時候都沒有,和兩老吃飯的時間真的很少(加上他倆都是大忙人,更難)!冬至食飯在袓老父母公公過身,婆婆又腦退化的情況下,也不用和家人吃了,不過大時大節…也想和爸爸媽媽一同吃飯,一年一回,一家三口坐低吃飯吧!上次和師妹們吃羊腩煲時其中一位學妹提起一間熟悉的店,金溪!屋村仔出身的我在那個石圍角村住到中三才搬到現時的住處,小時候每年總會在這個地方吃幾次飯,過時過節一家人吃飯的地方,都在這!那時大的坐一桌,我們幾個小孩在另一桌!不經不覺我們都已長大!下星期,就是我二姐出嫁的大日子了!早幾天就和媽提起,到這裡三個人吃冬至飯吧,反正搬走後,很少回來…因為得3個人未能訂位,說來慚愧,因為我工作關係,吃飯還是要他們先行等位,我就趕及8點左右抵達,幸好他們不用等太耐就可以入座!媽笑說是晚由我作東,所以就由我來點菜!做冬當然要吃雞,就點了半隻鹽焗雞(爸媽說從前這味好出名的),也點了一客蓮藕炒咸肉,芝麻醬烤骨,媽不想吃白飯就點一份芝士海蝦伊麵(本來想點糯米蟹,可惜是晚做冬,不供應)! 鹽焗雞($55)很快就上桌,一見就知少了一行肉,不過半隻只須$55,相信大家也不會投訴,用的是冰鮮雞,但肉質是結實的不會散開,調味也做的不俗,不用沾鹽醬和薑蔥也夠味,整體來說是滿意的作品! 吃過第一味要一等半個小時才有第2味, 芝麻醬烤骨變成了蜜汁欖菜一字骨($58),反正很餓也不要緊了!一字骨炸得剛熟,掛上偏甜的汁醬十分惹味,份量十足!其實骨不多都算啖啖肉的!肉質帶點油脂十分香口,這件肉的梳打粉下得不多但也做得很軟熟,除了較甜拿來拌飯吃會好吃一些!雖然來錯了但爸媽都滿意,不要緊啦!蓮藕炒咸肉($48)這味其實不少地方也有供應,包括媽媽常到的食得喜!咸肉做好後走過油才下鑊與蓮藕同炒,不是不好吃不過比較硬身,蓮藕炒得十分爽口,味道不俗!而最後來的就是我們的主食~芝士海蝦伊麵($68),從面看到芝士醬汁做得十分杰身,不過一拌麵條問題就出現了!麵條沒有嚼勁倒有點硬身,同時一拌麵條醬汁就變得很稀,吃不到什麼芝士味,幸好吃的蝦雖然很細但味道是做得不俗,整體也是合格的作品! 也許這個地方不值得大家特意前來,不過因為對這個地方有著深厚的感情和回憶,我還是會再來的,平心而論,做冬這樣忙的情況下其實水準是不俗,如果經過附近又找不到地方吃飯,吃這個小酒家,不會令你失望的!…Read More

今晚屋企無飯開,就去金溪買咗個西芹雞柳飯,雖然依家加咗價,但係都仲係算平,份量都ok西芹雞柳飯賣相唔錯,西芹唔會有根,幾爽口,雞柳好滑,味道剛剛好,獻汁唔會太多,…Read More

今日(25-7-2009 Sat)o係同爸爸,男友o係屋企整o左成日o野,都煮唔到飯食,未夠7:00pm,三個就一齊o黎呢o度食晚飯.由於時間尚早,所以未係好多客,亞姐就係咁企o係o度hard sell蒜蓉蒸扇貝同唔記得咩o野,但由於我o地唔可以食,所以唔要.而爸爸驚眼闊肚窄,就只叫兩餸一湯同三個白飯.有:1.魚香茄子煲呢個好快就到,份量好多,係一滿滿o既一個煲.茄子夠腍,入味,味道又好濃,送飯一流.味道: 4分3. 粟米魚肚羮都幾大碗,魚肚同蛋花好多,粟米比較少,而羹就唔係太杰,味道一般,唔好又唔差.味道: 2.8分2.啫啫滑雞煲熱辣辣,雞唔係好多件,有好多乾蔥,幾件豬膶同冬菇,呢個算惹味o既,不過硬係覺得仍欠啲o野咁.味道: 2.8分而白飯好彩係軟硬適中.呢餐埋單$167.00…Read More

** 此 食 肆 的 第 四 個 笑 **尋晚(28-11-2008Fri)放工去醫院睇完媽媽後,除o左大哥大嫂外,家中各人同男友一齊返o黎食飯,今次叫o左:1.羊腩煲唔算好大窩,味道都濃o既.2.蒜蓉油麥菜都炒得唔錯,味道都好.3.鹽焗雞(例)唔會好大碟,不過味道又係唔錯.4.燒鴨皮脆肉厚,冇問題.5.魚香茄子唔辣,呢個適中.6.例湯係菜乾湯,味道清清地,OK的.7.生炒排骨爸爸講到好好食,但我覺得冇酸味,麻麻地咋.最後送糖水,今次又係所謂喳咋,不過好味過上次,所以我連姪女o個碗都飲埋.我o地叫o左3個白飯,兩罐汽水,埋單: $285.00…Read More

** 此 食 肆 的 第 二 個 喊 **尋晚(18-11-2008 Tue)放o左工又同男友去醫院睇媽媽,之後同爸爸,大嫂,二哥一齊o黎呢o度食飯,唉!今次我o地叫o左:1.$78.00o既大豬骨窩有好多蘿蔔片,粟米,雞腳,豬骨係好大舊,湯已落o左胡椒,覺得辣,但豬骨冇味.蘿蔔就好食.味道:3.5分2.白切雞(例)係前晚o係o度食完飯後,畀張coupon我o地o既贈品,送叉燒,白切雞同油菜其中一樣,二哥見叉燒好乾,所以要白切雞.呢個成餐最好o既,不過都只係中上.味道:3.8分3.生炒排骨唔夠酸甜,唔太吸引.味道:3.3分4.沙薑雞腳咬唔開,以為係我問題,點知原來個個都係,根本都未夠腍.我o地放埋入豬骨窩o度煮都重係唔腍,攪咩?味道:1分5.後加$78.00o既泰式明爐倉魚其實係叫$58.00o既泰式明爐烏頭,亞姐話冇晒烏頭,改倉魚要加$20.00.啊,男友話冇問題(因為今餐佢請)等好耐,以為漏單,終於到o黎,又係用窩上,因為係冬蔭公湯,一嫂同男友先試有好多指天椒o既湯,話好辣.所以我o地先撈起條魚o係碟o度食,免得越滾越辣,個個食唔到.條魚唔大條,不過啲肉好滑.味道:3.5分今餐叫o左5個飯同兩罐百事,埋單$32X.00.服務:1.其實佢o地見啲豬骨大大舊,應該主動每人畀隻大少少o既碟o黎食,因為碗同茶杯碟都好細,(呢o度o既茶杯碟比正常o既細好多),叫人o係枱布上食嗎?2.問人要唔要送o既例湯,爸爸答o左要,點知都冇o左影,冇畀到.3.冇晒糖水,話下次補返,心諗唔通你認住我o地5個人?其實只答冇晒就夠,唔做話下次補返囉,因為呢啲送o既o野,我o地唔係應份有.4.亞姐掛住執o野冇理我o地舉o左好多次手.環境:唔知點解今次又畀我o地坐大枱喎.不過依然同一人o地椅背貼椅背.衛生:張枱布啲潰,咦……:(…Read More

** 此 食 肆 的 第 一 個 喊 **尋晚(17-11-2008 Mon)放o左工去醫院睇媽媽,除大哥大嫂工作中冇o黎外,我加埋我男友,一行六人返荃灣食飯,又到爸爸o既飯堂.佢一坐低就話要$68.00o既支竹羊腩煲,要唐生菜同蓎萵我要叫藥材醉雞窩,姪女要椒鹽鮮魷,二哥叫籠仔糯米蟹.1.支竹羊腩煲都幾細,不過羊腩真係好腍,佢唔羶.內裡當然有支竹,馬蹄,冬菇,筍.我o地將唐生菜同蓎萵加落去煮o黎食.味道: 4分2.椒鹽鮮魷都唔係椒鹽o黎,只有炸過o既蒜茸o係面,冇味,要蘸豉油食o既.味道: 3分3.藥材醉雞窩有杞子,紅棗,買肉,淮山呢啲藥材,酒味好濃烈,男友同二哥飲o左話好難入口,半隻雞就好有雞味,不過唔覺有半隻.味道: 2.5分4.籠仔糯米蟹到o黎時,二嫂好愕然,至知道原來亞姐一直sell o既,糯米飯係呢樣,一個中籠蒸住啲糯米飯,上面放o左一隻蟹,糯米飯好香,可惜唔好食.至於蟹,由於我o地12日晚o係家中食o左好多大閘蟹,所以冇人想再食,就由我同男友分,男友話食到鮮味,我覺得一般啦.味道: 3.5分最後送6碗糖水,係咩o黎?綠豆沙?男友話咋喳,亞姐答係咋喳,’嗶’吓,唔係o掛,呢啲叫咋喳?多多紅豆,只有一兩粒蓮子,加埋椰汁就係o架o拿?食落,紅豆只有殼,唔甜,又只有椰汁味,好差呀!味道:1分另外我o地又叫o左三個白飯同兩罐百事,埋單共$330.00,唔抵.服務:我o地去到時,剩返一張大枱,咁我o地去坐低,亞姐好唔願畀我o地坐咁,叫我o地坐埋一邊,一陣有人o黎先要搭枱.之後有張細枱,佢o地叫我o地轉過去,吓?咁細張坐6個人?我o地叫o左o既o野食o黎齊晒,都係o岩o岩好擺到,你o地都得o架喇.最好笑係,由我o地轉枱至食完走,都再冇客人o黎,o個張大枱一直都冇人坐.:(…Read More

** 此 食 肆 的 第 三 個 笑 **今晚(3-11-2008Mon)同爸爸去醫院睇完媽媽後返o黎至買o野食,爸爸話呢間o既飯好食過有利,佢買雞鴨飯同一個例湯,共$27.00.返到屋企打開飯盒,燒鴨外表明顯靚過有利,食落,味道濃啲啲,雞都OK啦.而湯係合掌瓜,南瓜煲豬(月展),湯淡淡的,瓜煲到好腍.…Read More