5
3
1
1-min walk from Exit B2, Shau Kei Wan MTR Station
continue reading
Payment Methods
Above information is for reference only. Please check details with the restaurant.
超級難食，肉絲炒麵超咸，炒飯無料。服務態度差，啲樓面嗌極都唔應，再唔係就鬧返客轉轉。隔籬枱入咗嚟10分鐘，無人執枱，叫樓面執枱，個樓面鬧返個客轉頭。唔會再幫襯。
continue reading
星期日筲箕灣東大街超多食肆真係有排試。如果冇早餐時段限制可試吓金東大，有中式點心，有排骨粥，人多又可配炒粉麵。除咗中式茶之餘，至特别係有latte, cappuccino哩啲特式咖啡添。真係多花欵。隔離兩位剛行完山的朋友一坐低就要支大啤加炒麵，爽呀!我哋三個人就叫咗是日白粥，中大碗。煎旦牛肉盅頭飯，飯底多，煎旦是煎定的，情願以前窩旦或太陽旦更理想。牛肉球算大件，棉花鷄內裏有件似花膠的小驚喜，但不肯定。义燒包三小件一籠，因放在counter耐咗忘記拿來，所以凍咗都算數。食物不過不失，價錢合理，可以再去。
continue reading
先飲一口湯， 湯底用大量大地魚和梭羅魚長時間熬製， 色澤淡白奶色，入口時湯面上的蔥花將魚味進一步提鮮。如用蛋麵底會變黄色及鮮味減少，建議河粉底。叉燒偏瘦帶少許肥， 入口仍有少許蜜汁甜， 整體有咬口，不過不失。 鮮蝦大小不一， 咬開明顯見到蝦腸未有被處理，猜測用養蝦整作，如用海蝦或會令海鮮過敏者不適。 放筷子盒位置上方有玻璃樽裝辣菜甫， 辣味輕快， 菜甫咬口爽身， 加入粉中並沒有過辣搶走鮮味， 可加少許在匙羹上配以鮮蝦及粉，一口食完再飲啖魚湯， 儘量別讓辣油染到湯中。 河粉比正常較幼， 晶瑩剔透，入口嫩滑絲柔， 堂食時充分吸收魚湯， 如要外賣請記得分湯。
continue reading
肥叉燒飯少汁加姜蓉(盒/碟)$48白切雞河$35湯另上加$2滷水雞腳每隻$6，叫咗六隻$36.啲人通常去金東大食海鮮，金東大呢，我就由細食到大啦，不過係食燒味😂.單雙拼同價，自己次次都係去舊舖食，叫親叉燒都會叫肥叉，呢度嘅肥叉係好食嘅，出邊係一舊舊，佢呢度係一塊塊為主，白飯做得好軟熟，夾埋啲肥叉再加埋啲汁，甜甜地，另外我會叫佢加姜蓉，真係好開胃，一啖一啖咁爬落口，真係好滿足😊.好老實講食燒味睇彩數，特別係叫白切雞或者豉油雞雞髀同雞翼都差好遠啦，我每次去都會食雞河，河粉好嫩滑，最緊要佢個湯底好鮮甜，啲人成日都講話要食艇仔粉，自己食過咁多間呢間個湯係最好味，不過提一提大家食完都要飲啲水🙃，另外點解會叫雞做配搭，因為有雞油，雞油會令到碗粉更加香☺️.雞腳同以前比差好遠，以前個滷水汁食落會帶甜，而家就略嫌鹹咗少少，不過炆到好淋，自己就好鍾意個口感😊.CP值及夠飽飯有兩個size，碗(粉只有碗，唔可以加底)，碟/盒，碗黎計份量比較上小，碟/盒就比較貴.翻啅自己好鍾情佢嘅味道，所以點都要返嚟食😌
continue reading
午餐時段，成條東大街永遠好多人，金東大附近有間燒味小檔，平時外賣多。燒鵝飯貪佢平，亦有肉。燒鵝飯大大份。白飯偏硬，不過呢頭都好多老人家鍾意黎食。相信都系有時候飯軟度不同。都可以叫其他粉面，唯獨是燒鵝會比較貴，38元，其實燒鴨就相對平好多，但其實燒鵝食黎皮脆干香，外面肥肉不膩，而肉質細嫩。 燒鴨則肉質比較厚實，很多燒鴨皮水不好，燒制後更是表皮不脆。燒鵝河粉。肥而不膩，肉質不會韌。最神奇系呢兜汁，酸梅醬系自己調製，佐料黎食燒鴨燒鵝系在呢間餐廳最多人問噶醬。撈飯都好呀。
continue reading