金杯泰國菜館 (Closed)

難得到深水埗一轉買電腦去，因時間不多，本打算求求其其吃點東西。怎料，朋友得知我來這區，極力推薦一泰國餐館。好吧，橫豎很久也沒吃泰國菜。友人說是在松記附近，其實很易找，一來到便見到一間裝修簡單，一點也不起眼的泰國餐館。（其實我很喜歡來這類食店吃飯，總覺得別有一番風味，而且很有驚喜）到了餐廳門口，，金杯泰國菜館，是這間了！店內一眼望哂，四張二人檯，共有八個食客。看見有一張快埋單，我們便在門口等會。終於可入座了，環境裝修都麻麻地，但檯面食具等都尚算乾淨。因只得二個人，所以只點了三款食物，但都足夠令我們捧住個肚走！冬蔭公(中) ($60)。來到泰國餐館又怎少得冬蔭公啊！橙橙紅紅的，看見已令人食慾大增！本身想點小的，怕喝不完，但想想看，更怕不夠喝。還是點個中的吧！滾啊滾！我們初時還怕滾得太久會把湯都蒸發掉，怎知，吃到一半，已燒完了！哈哈！火喉控制得真好！冬蔭公尚算足料，蝦、草菇等都很入味。剛搜尋了一下冬蔭公的資料，原來自己弄也不是太難，弄得我現在心癢癢的，很想試試看！哈哈！再來，泰式炒金邊粉 (約$40)。這個較普通，一般餐廳的做法，但鑊氣足，上檯熱騰騰的啊！但份量較少，而且味道不是太突出。（或許是剛喝了冬蔭公的緣故吧！：ｐ）最後來個小食併盤(大) ($88)。我最喜愛併盤類的菜，因可一次過滿足我不同的願望！絕對適合我這個甚麼都愛試試的人！嘻！魚餅、蝦餅、香葉包雞、春卷及三串串燒（豬、牛、雞各一）。魚餅、蝦餅都很香口，炸得剛剛好；香葉包雞個人不太喜歡，內裡的雞過鹹，而且十分鞋口；春卷正常；串燒麻麻地，不夠熱，而且肉質較韌。吃完後，因感覺太煎炸，我兩喉嚨都蘊釀著，像快要喉嚨痛似的......我們不停的吃著，旁邊也不停的埋單，出面也不停的有人等著位，哈哈！食客進進出出，四張檯一直也未空過，相信這裡定是附近街坊的開飯食堂。…Read More

本來想去食保安道的四季日式料理, 但去到先知道佢早關門 (可能係國慶). 見到頭先行過的泰國菜好似不錯, 男女侍人也講泰文, 就去試試~生蝦刺身: 好爽好新鮮, 十隻生蝦味道剛剛好, 不單辛, 亦鮮~中冬蔭公: 雖然唔係海鮮冬蔭公, 但內裡已經不少蝦. 不會太辛辣, 又唔會有好重的椰味, 唔會太咸, 在香港食到這個味道比在泰國不少地方也好~牛濕炒河: 蔬菜多, 牛也不老~ 但size好大, 好飽~小食拼盤: 細的小食拼盤已經咁大, 2條咖哩卷內裡的咖哩味好好, 唔會好辣. 魚餅蝦餅都做得好好, 件雞好滑, 好多地方都做唔到~班蘭椰絲糯米池: 好正~ 有好多汁~…Read More

每次來松記買甜品, 都要在門外排隊..除了看門外的大電視機, 有時我會望著旁邊的泰國餐館.它將一包包芒果燸米飯 和 一些泰式甜品如 椰汁西米糕等等..糯米飯 20蚊一盒.. 其他甜品十多元一盒.終於 今天我買了一盒來試試看!!椰槳咸咸甜甜的.非常香口呀!!! 椰槳仲有d碎碎既椰絲係到. 應該係新鮮整既.跟著個芒果批得好靚.佢仲好體貼咁係粒核既上層&下層 切開. 方便我地食用.糯米飯軟硬適中,腍腍的. 很飽肚 20元的一個泰式甜品, 雖然是一個甜品 但當正餐吃也不失禮 非常飽肚! …Read More

又要清下d食評, 上星期朋友為小妹補祝生日, 就黎咗呢度食...呢間係一間小店, 預計只可能容納10個人到...不過感覺好地道, 因為係thailand人開既...我們叫咗生菜包 - 份量都幾多下, 初時入口覺得幾好, 不過食完後就開始辣, 仲要係好持久個隻紙包雞 - 係炸既..配上酸甜汁, 味道吾錯, 幾好又吾太油酸辣鳳爪 - 嘩, 一上真係嚇親, 因為勁多辣椒絲連籽, 不過食落都ok..係辣..但吾係勁辣個隻, 夠酸...蝦醬炒什菜 - 好味, 但佢d蝦醬吾同香港個d, 吾太濃, 幾好食下..還有thailand茶供應, 味道幾特別..係凍既...都幾好飲...overall黎講, 幾好食..幾特別..不過如果吾食得辣既人, 記得叫店主走辣呀..…Read More

年30個晚 .. 同男友去完年宵 .. 打算食米線.. 去到長沙灣 .. 點知全部都冇開 .. 得番呢間 . .男友又話好多好評.. 咁就食啦 .. 叫左生蝦刺身 .. 其實唔係話特別平 .. d蝦食落唔算好新鮮..唔係好爽(我地坐係出面 .. 見到個人係到'meet'生蝦 ..唔知係咪for刺身 .. 不過見到唔算好衛生 !!)冬陰公(小)叫左個細 .. 不過2個人都係應該叫中因為好細碗..冬陰公 ok酸 .. 不過冇咩送.. 拼盤(小)冇咩特別 飛天通菜呢個又係細細碟 .. ok啦 ..有得比較之下 .. 呢間唔係咁值得推介 .. 因為d野細細碟 所以價錢較平同埋普通only反而kowloon city 間 泰好味就yummy啦 ..諗起就想食啦…Read More

收工與友人簡單晚飯, 人在長沙灣偏偏想食泰菜, 嫌九龍城太遠, 記得松記旁這家近似路邊攤的小店. 幾個操半咸淡廣東話的泰姐經常坐在店前放在路邊的方摺枱處打躉, 心忖這到底是泰國人的店, 該可以吧? gogogo.泰菜酸辣惹味, 份量輕盈, 加之一般小店價錢相宜, 我經常一個人吃三四道菜. 這裡的價錢則更便宜, 生蝦刺身十隻僅五十元, 最貴的蝦蟹亦不過一百左右, 適合我這類喜歡大開殺戒的戰士. 可惜是晚友人胃口非常不濟, 基本上不想吃, 故是次僅小試牛刀而已.先來生蝦刺身, 十隻僅一張大青蟹, 爽口是說不上, 但充份冰鎮後夾住大蒜指天椒一口一隻, 爽辣兼俱足矣! 生菜豬肉包的生菜太隨意了點, 很多小片根本包不起來, 菜也不大新鮮. 豬肉碎筋多了點, 然而三十五元來說這道菜是過關了. 炒金邊粉也可以, 粉條分明沒有粘成一團, 酸味的味道也對位. 最不得了是那兩個開八件的糖心皮旦蝦餅, 蝦膠不是很彈但表面炸得金黃香脆. 皮旦溜著糖心, 味道濃厚無以尚之. 我不知道下次是不是糖心, 但眼前此刻的一道則是四十五元的佳品. 一般燒烤之物是少不了, 不過門前玻璃櫃內的存貨令人卻步, 唔係即燒當然咪制. 一個人歎足一小三大, 埋單僅百多元, 大滿足也.…Read More

其實我地今日主要係去隔離松記食甜品,食完甜品經過呢間泰國菜館,見到老細係泰國人,又好鬼想試下喎...不過由於食甜品食飽左,所以叫左幾樣野拎返屋企食...我地點左炸蝦餅,冬陰公,蝦醬炒飯...3樣野加埋$108..炸蝦餅好鬼正...好有蝦味,又夠彈牙...good...可惜拎到返屋企外表已經淋左,唔係一定更加好食..下次一定要堂食先得...蝦醬炒飯一般般...都係普通嘅蝦醬炒飯囉...冬陰公好味...本人愛辣,呢個湯都ok夠辣呀...我地點細嘅冬陰公,都有2,3碗仔....裡面都係草菇,蝦,同埋其他香料啦,都見到有5,6隻蝦..算唔錯啦~~~~~~我一定會再去幫襯,下次仲要堂食添...肯定更加好味呀!!!…Read More

辣椒女最近看到這間食店的食評，感覺都幾好，雖然現在天氣還是比較熱，但因剛打完風，還是可以接受。店鋪真係好細間，而且給人的感覺很濟迫，所以最後還是選擇了在店外食。我們選擇了拼盤(小)、泰式飛天通菜和干炒豬肉河。拼盤(小) - 包括有魚餅、蝦餅、香葉包雞和春卷，魚餅很香香料味、唔會太辣、口感也不錯；蝦餅很彈牙爽口、可惜沒有什麼蝦味、但也算幾好食；香葉包雞、雞肉好韌、好在都幾入味、但只是好一般；春卷炸得好脆、餡料新鮮炸起、熱辣辣當然更加好食；價錢唔貴，值得一試。泰式飛天通菜- 菜新鮮爽嫩，炒得也很香口又入味，幾好。干炒豬肉河- 份量偏少，肉質偏韌，好在味道幾好，河粉炒得很入味。價錢平，食物質數唔錯，如唔介意坐街邊或店內濟迫的環境，也值得來一試；但當然天氣涼一點會比較好，尤其是食辣的食物。服務如何？好搞笑，侍應好像聽唔清楚，又或者沒有用心聽，每一樣菜都要說幾次，才下到單；但最後還要再來問多次：[炒河是跟豬肉還是雞肉？]，真係好笑。…Read More

20-5-2007 1621上完堂，過SSP一帶搵好野食，先前食到一肚氣的麵，要搵的辣野消消氣，便想起了泰國菜，諗起松記糖水總店隔離有間地痞泰國食店，食少少野應該都唔會太貴。入到去後，只有一個泰國人主持，播著泰文KTV，入型入格，餐廳好細，環境真係麻麻。我就點了酸辣鳳爪及冬蔭功湯。鳳爪睇到已經夠辣，有辣椒絲連籽、荽茜、中國芹菜，食落比其他食店辣，加埋夠凍、夠香、食極都有，26蚊真係好抵食，強例推介。冬蔭功湯望落去都辣，裡面有指定的香料，還有幾隻細蝦、草菇等等，冇乜椰汁味，如果愛辣的一定喜歡，喜歡椰汁味的就未必啦，我就識隨專便。埋單共51蚊，食得相當滿意，不過都係差一杯凍奶茶，行過青山道為有，幾方便！…Read More

24/6(日) 7pm到深水埗尋寶後,我倆步向長沙灣覓食.據說這間市井泰式小菜水準不俗,既然途經,一試無妨.店內環境窄狹惡劣,背部經常"中箭",不太好受!見勢色不對勁,還是速戰速決.要了炒什菜$30,燒鰂魚$40,雞肉濕炒河$30.炒什菜--起初端來的是炒通菜,繼而是蝦米干炒什菜,但我們點的卻是蝦醬炒什菜呢!什菜味道毫不惹味,各款什菜味道單一乏味,口感蕩然無存!燒鰂魚--討厭鰂魚那過份滑潺潺,而全沒咬口的質地;鰂魚,我的胃納始終無法容納你!雞肉濕炒河--相對地較能放得進口的一味;雞肉無味沒質感,芥蘭不爽且帶澀,草菇粒亦然;幸而粗厚身河粉質地尚且滑溜!有食友讚這店風味地道,究竟是地道?還是地踎而已?本人傾向相信後者居多...…Read More

一見鋪面，實在太小了吧，愈夜桌子開得愈多。還是要決定一試才心息，坐下又覺得可以的。４個人吃了──拼盤：有沙爹蝦餅魚餅包雞，好味又抵食啊！沙爹：牛雞豬中牛豬都好好味，豬就好味！蝦醬炒通菜：無蝦醬味，清清的。海南雞飯：一般，我不知如何為之好。燒雞翼：好好味，既惹味又香口，ＢＢＱ！泰式炒通菜：辣辣的，不過又好惹味！泰式炒金邊粉：好味！很醒胃！椰汁冰、三色冰：都好好味！如果你不嫌它的環境和服務如大排檔一樣，這家間實在去得過，去完可以再去再去再去！…Read More

金杯可以話係香港數一數二地道既泰菜之一.係深水步長沙灣一帶都係好有名架.雖然佢地鋪仔細細,堂食只係坐到30個人.但係都無減我地呢d愛食泰國菜既人..特別推介佢地既冬陰宮湯(如果嫌太大碗可以叫冬陰宮河,超好味28蚊only).小食拼盤同埋燒魚..嘩...簡直一絕.同我地去泰國食既係一樣味架..Yeah!!!食完飯之後,再叫多個椰汁芒果Lor米飯做甜品.真係滿足晒.…Read More

今晚本來以為要開通頂,點知意外地可以早d走,剛剛見有個住深水埗o既同事就走,就問佢\有冇興趣一齊食飯,意猶未盡又想再去金杯. 坐的士去二十蚊唔使.去到好彩冇咩人,有位坐. 上次食過串燒好味,一於再叫豬,牛,雞各一串. 味道依然咁好,再加上豬頸肉辣汁,冇得彈!! 同事要叫冬陰公湯,有大,中,細size,問店員兩人要叫幾大,佢\話中就每人有兩碗,點知o黎到係好大煲,完全飲唔哂,可能又叫再支大啤原固. 湯內有蝦,不過有蝦腸...可以接受啦,味道帶甜,不過唔夠辣,但都係好味,同事讚不絕口.泰式拼盤只係四十五蚊,有魚餅,蝦餅,香葉包雞同春卷,份量好多. 每樣都好好味. 最欣賞魚餅,好多香料味,而且鬆軟. 蝦餅彈牙得o黎唔會太硬. 生菜包鴨鬆有混入豬肉碎同肥肉粒,有啲失望,不過味道酸辣,依然係我喜好. 包生菜食口感一流.泰式鳳爪一樣好味.同事不停讚食物味道好地道,話一定要叫家人o黎試.…Read More

去完強記,大家都一致話去松記食糖水. 由強記行去松記都唔算近,幸好穿平底鞋. 不過S小姐到步時已香汗淋漓,因為天氣實在悶熱.本來已有飛仔等位,不過門口太多人,S小姐同P先生走o左去隔離呢間泰國小店望望o下,最後忍唔住買o左串燒牛同串燒雞過嚟俾我地一人咬一口. 大家食落覺得好正,所以一於過檔去食泰國o野. 其實大家都係想食甜品,不過d串燒太令人回味,再加上強記果餐都未食得夠飽,所以除o左叫泰式甜品,再叫青木瓜沙律同泰式鳳爪. 串燒好味唔使再講. 佢o既鳳爪好入味,又好夠辣. 嘩,我敢話係香港食過最好食o既酸辣鳳爪. 我一定會再去食或者外賣. 希望佢可以保持水準啦! 青木瓜沙律o既蝦米仔好咸香,雖然冇咸蟹仔,但蝦米仔o既咸香味已經好足夠. 又係水準之作.席上本來大家興起話再繼續食,有人提議去大角咀打邊爐,可惜S小姐要趕返屋企陪姪女,最後少一隻腳就告吹o左. 但S小姐話一定要記低,下次一於奉陪!!…Read More

留意它，除因它是在24小時麥當勞正對面，與松記糖水店為鄰外，便是因為某晚見到有一行四人在它戲院消防出入口「潛建」的「四人雅座」大快朵頤…。賣的，都是地道泰式小食；入內，有炒粉面飯的「無字天書」（可能餐牌有細字吧，但至少都「有相為證」…不用擔心跟店主溝通不到- 何況他們是會說廣東話的）。一盒芒果椰汁黑白糯米，大份重手；黑糯米同白糯米分別用椰汁煮過，且用糖調過味…雖然是雪過，糯米邊有點硬，但中間仍是軟綿綿、煙韌韌的。再加那杰一杰的椰漿（已結成布甸狀），和那劃了幾刀、熟得剛好的芒果，四管齊下，百般滋味在心頭。[ 價錢牌印有CHEONG FAT 二字，未知跟「昌發」有否關係乎？]…Read More