金朝海南雞 (Closed)

香港天氣溫度突然間驟降，一定要食啲熱嘢下身，行到荃灣廣場後面嘅兩條食街，搵到一間超級抵食嘅雞煲！🥰餐廳嘅環境闊落，而且仲有兩部大電視，一路睇電視，一路食晚飯，好開心！🐔金朝雞煲（半隻）$138呢個雞煲份量好足料，唔單止啲雞肉炒到好惹味，嗰啲醬汁將啲雞炒到好香，而且配料十足，我同朋友食到最後加咗兩個出前一丁落個雞煲𥚃面，吸收晒裏面嗰啲精華，勁正！😍🐄安格斯牛小排$78食雞煲當然唔少得火鍋配料，以呢個價錢嚟講，安格斯牛小排又有啲驚喜喎，牛味濃郁，油花都好靚。🐔金朝海南雞（半隻）$99嚟到呢度唔爭在試埋佢嘅招牌海南雞，我哋同樣叫咗半隻，份量好足，啲雞肉好滑，我見到佢啲客飯只係需要$58就有一份，下次嚟會再叫呢個食😋🍢串燒值得一提，呢一度有埋即燒嘅串燒食雞肉串$15、雞翼串$20、牛肉串（2串）$48、錫紙焗金菇 $48每一件都係新鮮燒，當中我最推介嘅係牛肉串，牛味同樣係好濃郁，而且調味做得超好！👍…Read More

今晚約咗朋友嚟荃灣食晚飯，佢帶咗我嚟大會堂呢邊食雞煲～門面有個大大的燈牌夠搶眼，餐廳入內裝潢以水泥風為主，配上木系及鮮黃色餐桌，牆身掛著一幅特色維港油畫，環境簡約整潔而座位坐得舒適～金朝雞煲 半隻$138賣相夠吸引～估唔到半隻都大份咁多雞食落濃郁鮮美又香嫩爽滑，肉質細膩柔軟又多汁，仲有大量香料、洋蔥、芫荽真係夠哂惹味～牛舌串燒 $38@2表面香脆微焦，牛舌豐厚且食落牛味濃郁，加埋香料真係好滋味～雞翼串燒 $38@2超大塊～外表酥脆香口，內裡質嫩爽滑又多汁，加埋香料夠哂好味～火鍋配料安格斯牛小排 $78美國肥牛 $38黑豚肉 $38鮮蝦雲吞 $28牛小排肉質色澤紅潤帶雪花紋，食落牛味濃郁嫩滑細膩；肥牛豐厚多脂且質嫩爽口；黑豚肉豬味濃郁且香嫩爽滑；鮮蝦雲吞有驚喜，皮薄餡靚食落鮮美軟嫩又爽滑～整體食物味道不錯，食材新鮮價錢抵食，環境適舒服務周到，性價比高～啱哂人少少又想食雞煲打邊爐～仲有串燒食～真係好值得再來支持～…Read More

講到食雞煲真係唔可以錯過呢間荃金朝海南雞，雞煲、火鍋、串燒一條龍😂先叫半隻麻辣雞煲，味道好香婆，雞夠嫩滑，半隻2 個人剛好，之後就可以加湯打邊爐😂揀咗肥牛、羊肉，肥牛只係30幾蚊碟，真好抵食，牛味濃，除咗牛仲有豬肉、羊肉等都係3,40 蚊碟，所以每款都叫啲😂打邊爐必食當然唔少得炸響鈴、白菜餃、烏冬等， 響鈴一份都幾多，吸滿湯汁，真係食唔停！ 白菜餃皮薄餡靚，外滑內 爽口☺除咗邊爐仲有串燒可以揀叫咗牛舌同雞軟骨，雞軟骨香脆而唔油，牛舌口感軟嫩，多汁又有嚼勁！仲叫咗份豬頸肉 , 香脆肉嫩~整體：餐廳店員服務態度好好，食物質素高，價錢勁抵食⭐…Read More

之前住荃灣的朋友約, 所以在附近找了間餐廳吃, 因為是新開, 所以店面好乾淨企理, 最重要不太貴。快新年花錢花好凶>"<吃了金朝雞煲, 因為有人不吃辣, 所以就點了個招輩, 裡邊的雞肉很彈牙, 肉也嫩, 感覺好新鮮。新鮮雞是不同點~另外點了牛舌, 燒的不錯! 咬下時挺爽身, 口感好, 而且配料不錯, 很惹味。食完雞煲當然要加湯打邊爐, 這邊打邊爐的配菜價錢很地道, 質量很不錯, CP值頗高! 而且地方坐得幾好, 好適合一班朋友食飯~…Read More

幾個同事放假約埋去荃灣行吓，之後一齊去食飯，有同事知道附近有間抵食嘅金朝海南雞，主打海南雞、小菜、雞煲火鍋、串燒。價錢親民，餐廳裝修簡潔，家庭式經營，招呼週到好有禮貌。金朝雞煲半隻，雞煲醬汁濃郁，香辣惹味，吃完嫩滑雞件，更可加入清湯打邊爐。火鍋配料都有不少選擇，但我哋叫咗二人餐，所以只叫了生菜、鮮蝦雲吞、韭菜餃。生菜新鮮，雲吞和韭菜餃餡料飽滿。二人套餐天氣凍，飲碗姬松茸雞湯暖下身，姬松茸香味獨特而濃厚，口感脆嫩。有調節免疫、預防腫瘤和抗疲勞的作用。配合雞肉和略帶甜味的枸杞子，令這湯材料簡單，味道清潤，補而不膩。油飯粒粒分明，口感十足，有嚼勁又香噴噴。海南雞半隻，雞肉味道濃郁且已經去骨，方便食用，另外三色醬用上黑醬油、自家製薑蓉及辣椒醬。菠蘿咕嚕肉，用咗豬頸肉做比較有口感，加入菠蘿和汁醬，味道酸甜醒胃。炒菜林甜。紅豆冰不會太甜，鹹檸七甜中帶咸，冰涼感覺！燒雞中翼甘香脆口。燒芝士腸外皮燒得微焦香脆，味道鹹香惹味！…Read More

行開荃灣廣場，過兩條馬路好多野食，本身諗住食海南雞，點知發現餐廳仲有雞煲、酸菜魚、涼拌小食、串燒、啤洒等等。最後點左火鍋雞煲食。🥘麻辣雞煲 半隻$138雞煲熱辣辣上枱，半隻份量都幾多。煲蓋一打開聞到勁香嘅味道，花椒八角落得剛剛好，雞肉肉質新鮮、嫩滑，每舊雞都吸收晒香濃的醬汁，叫左小辣，勁惹味😋。食完雞煲🥘叫職員加湯變火鍋🍲，叫左安格斯牛小排$78一份同雜菜桶$48，另外仲叫咗鴨血同芋絲都係$28份。打完邊爐仲點埋串燒同小食。🍢串燒點左：花枝丸 $15豬頸肉 $48🥢小食點左：炸蝦餅🍤 $43特飲🍹🍍菠蘿冰 $28真係半杯都新鮮菠蘿肉🫣🥤青檸梳打 $28超夠氣又夠晒酸！Like👍…Read More

呢兩個星期又熱又凍的天氣難以捉摸，尋晚又再起北風🥶呢個時間最岩就一定係食返餐熱辣辣雞煲火鍋串燒!荃灣呢間海南雞專門店@cshainanchicken 金朝海南雞店主嚴選有3斤重勁足料黃油嫩滑三黃雞🐔堅持慢煮浸熟做無骨海南雞晚市主打雞煲火鍋，招牌金朝惹味雞煲、冬陰功雞煲及麻辣雞煲，另外有人氣蔥油系列、串燒、酸菜魚、精美小菜、涼拌小食及啤酒等豐富選擇。餐廳位於荃灣廣場附近十分就腳，價錢抵食CP值唔錯👍🏻火鍋配料全部平均廿幾蚊一份，除左雞煲我地叫左幾款生燒串燒系列，簡簡單單一餐都幾滿足。而且店員親民，雞煲落湯全部以新鮮雞湯refill，愈食愈惹味。🐓金朝雞煲半隻$238推介:⭐️⭐️⭐️⭐️⭐️肉嫩多汁，甜甜地調味做得剛剛好，唔食辣嘅朋友仔十分適合，開胃可口。安格斯牛小排$78 - 牛肉新鮮無雪味，兩個人hare 份量岩岩好。🥟白菜餃$28 - 自家包製有家庭水餃的住家味道、🥬雜菜桶$48 - 生菜金菇及鮮冬菇最岩吸收湯底精華。其他配料有炸響鈴$28、烏冬$168、豆腐串$18。🍢豆腐串必點，所以無論係火鍋定係串燒都點左一款。串燒豆腐串$10 落左七味粉，另外叫埋燒冬菇 $10 雞軟骨同五花腩 $15/串，串燒屬於正常表現，價錢來講就一定十分抵食。另外特飲要一讚，菠蘿冰同青檸梳打兩杯都解渴夠味，亦有罐裝啤酒選擇。💝荃灣區朋友仔要特別留意![限時優惠] 外賣自取所有款式雞煲(1隻)$198‼️買完個雞煲亦可以到附近超市加料返屋企慢慢嘆，下次來試下冬陰功雞煲，應該會更香口更美味。…Read More

🔸金朝雞煲 半隻   $138半隻雞都已經好大煲，雞肉醃得入味同埋已經預先煎焗得焦香，熟咗八成，用個gas爐燒住個鐵鍋，上枱熱辣辣香噴噴，雞件都十分美味，好嫩滑， 煲裏面配料有好多洋蔥、花椒八角、玉桂、薑蔥等香料，所以這個【金朝雞煲】係這家店嘅招牌菜，無一般芝士雞煲咁膩，清清甜甜，有多種香料混出來嘅獨特香味😚微微辛辣，較重八角味，唔食辣嘅人都食到。食完雞煲舖頭職員會幫你加上 火鍋湯底，就可以再用仍有美味嘅雞煲來打邊爐。味道：8/10性價比：7/10🔸極品牛肉粒   $68極品牛柳粒係有大理石紋嘅雪花牛肉，個樣已經好靚，一碟有9方粒牛柳肉，烚熟後都一點也不柴，一口一啖鲜甜牛肉，好好食。味道：7/10性價比：7/10🔸安格斯牛小排   $78牛小排牛肉片有8片，肥瘦均勻牛味好濃，由於鍋底已有香料，鮮牛片烚兩吓就可以入口，美味鮮甜，無須蘸調味已經好好味。味道：7/10性價比：7/10🔸其他火鍋食材蘿蔔  8 / $18    新鮮蘿蔔有8片，厚切，在鍋內滾熟點更甜更淋。唐生菜 $25   為咗要葷素均衡，應該要碟靚生菜。脆皮芝士腸   6 / $28  這款芝士腸有咸香芝士味，腸皮好爽脆。韮菜餃  $28  有半打大大隻嘅水餃，係自家製新鮮即做嘅，韭菜餡，好味又飽肚。味道：7/10性價比：7/10🔹環境： 舖頭就喺荃灣大會堂後面 享和街街頭， 做街坊生意 性價比較高抵食夾大件，出面雞煲一般都要三百幾蚊，呢度差唔多係半價所以好多街坊幫襯🤪🗣毋須加一服務費…Read More

上周和朋友到金朝海南雞敘舊，一入座便聽見鄰桌對其雞煲、火鍋湯頭讚不絕口，喊著要介紹親友，原本心想這些人也太浮誇吧，結果金朝海南雞的冬蔭功雞煲果真不得了，朋友還連喊著一定要介紹家人來，只能說冬蔭功雞煲太迷人，全靠真功夫，香氣飽滿，一嚐成主顧。冬蔭功雞煲不是一般雞煲那麼簡單，連冬蔭功醬料都是自製的，才能打造創新的冬蔭功雞煲。冬蔭功雞煲先加熱拌炒，冬蔭功酸香襲來，濃醇的醬料融合洋蔥甜美、金不換的清香，與紮實的雞肉吃起來夠味涮嘴，吃完雞煲再添入金朝海南雞熬煮的雞湯涮火鍋，超級好吃。朋友最愛的是粟米餃，朋友認為粟米餃味美有一半的原因應該在餃皮，皮的彈力完美到一個爆炸，飽滿的粟米、豬肉餡是極致經典，黃金比例，粟米的甜味與豬肉的肉味合拍到一個不行，肉汁作橋樑，讓兩者味道相當平衡，粟米存在感濃香，非常提味。鮮蝦雲吞鮮度十足，皮薄滑溜不軟爛，皺褶也好看，雲吞裡包著新鮮豬肉和完整的蝦仁，視覺效果一絕，蝦隻肥美，鮮蝦雲吞越咀嚼越有股淡淡鹹鮮味釋放，然後是肉的香氣浮現，這海陸組合有驚艷到。魚皮餃和冬蔭功雞湯是蠻登對的組合之一，魚皮餃主要以魚肉及澄粉混合再製成外皮，然後包裹豬肉餡，故魚皮餃咬下去時可以吃到明顯的肉塊，亦由於其餃皮以魚肉所製，因此自然產生彈牙感，我挺喜歡的。安格斯牛小排肥瘦比例恰到好處，肉片型態完整，油脂與瘦肉層次分明，涮三下就可以起鍋，安格斯牛小排嚼感柔嫩有彈性，且富有牛汁，牛香滿溢於口中，辣中又有著牛肉的香甜，不用醮點醬汁吃已很美味。烏冬蠻適合搭配冬蔭功雞湯，在滾燙的冬蔭功雞湯裡不用煮太久即可撈起烏冬，讓烏冬獲得最佳的口感。喜歡濕潤點的可以自己再淋些冬蔭功雞湯，湯頭會令人不自覺的一直吃烏冬。金菇菜、蘿白放在冬蔭功雞湯中，金菇菜與蘿白保有菜甜，中和了冬蔭功雞湯的辣度，蘿白浸滿冬蔭功雞湯汁，辛香味濃，嚼感綿密，金菇菜爽脆入味，冬蔭功雞湯十分神奇，要吃甚麼蔬菜丟進去煮煮，就會變成冬蔭功口味。吃火鍋就是要大口吃肉，尤其黑豚肉油脂柔和，瘦肉比例平均，涮過之後肉質纖維細緻，咬感絕佳，既有彈勁又爽口，絕對是一片涮一片，片片相連到天邊。吸收冬蔭功雞湯的黑豚肉，如貴妃出浴，宛如天仙，吃上來肉質嫩彈，還能嚐到豚肉本身的肉甜。牛舌吃到其外焦脆內多汁，牛舌具有獨特的咬嚼感和風味，這是牛舌最大的魅力，經過炭火的高溫洗禮，瞬間逼出油脂，牛舌略帶咬勁，帶給味蕾極大的滿足，百吃不厭。五花腩太邪惡了，油花充沛，份外脂味，五花腩肉質彈嫩，烤過之後的五花腩脂香四溢，尤其透過嘴巴細嚼，感受到五花腩的甘甜肉汁在口中奔流的快感，不輸其他肉品，)超讚。雞肉串光看多銷魂，雞肉本體十級嫩身，一丁點柴口都沒有，雞肉串醬汁經過炙烤後香味滿分，而且雞肉混搭了些許酒提味，雞肉串入口濃重，真是天殺的棒，雖然是晚只點了三款串燒，不過均各有千秋，愛吃串燒的話都要點起來。柚子梳打有著柚子的酸甜滋味，讓人喝起來接受度很高，對女生來說邊吃火鍋，邊吃串燒來享用柚子梳打，是一個極棒的選擇，有解飽膩的效果，朋友挺推薦金朝海南雞的柚子梳打，來這裡必點。青檸梳打帶點賣相，泰國青檸與翠綠的薄荷葉相互融合，混入梳打，青檸梳打的酸爽度更為明顯，攪拌後大吸一口，喝上來清爽暢快，好不沁涼。…Read More

新一年，繼續係荃灣開餐～早排溫度急跌，就去咗幫襯呢間新開無耐嘅餐廳餐廳專食海南雞，不過亦有雞煲食比較特別係佢有原味、冬陰功、麻辣味雞煲𓂅 冬陰功雞煲 / 半隻 ᴴᴷᴰ 148上枱時已把雞肉炒得香口，不過稍嫌雞肉太多骨食完所選嘅冬陰功雞煲再加湯打邊爐幾香𓂅 安格斯牛小排 ᴴᴷᴰ 78色澤唔錯，不過上枱仲有少少冰𓂅 極品牛柳粒 ᴴᴷᴰ 68個人覺得極品牛柳粒意外好食食落牛味又出𓂅 美國肥牛 ᴴᴷᴰ 38𓂅 羊肉卷 ᴴᴷᴰ 48…Read More

3個人係荃灣食咩好？等我呢個地膽為大家推薦下啦！ 係享和街有間小店叫金朝海南雞， 呢到除左海南雞仲有小菜，雞煲， 串燒款式選擇都夠食。大家睇下我地叫左d 咩⬇️⬇️⬇️🔯 金朝雞煲半隻 ～ 夠哂足料半隻雞，還加了紫洋蔥、芫荽、芥菜蒜頭等材料爆香， 雞件掛汁惹味。🔯 串燒 ～ 叫左牛舌、牛肉串、雞軟骨、芝士腸、韭菜， 即叫即燒可選辣和不辣夠哂滋味。🔯 二人餐 ～ 選了蔥油海南雞半隻， 雞肉滑滑配油飯食最啱，蜜椒牛肉粒，牛肉粒軟腍多汁薯仔炸過香口又沾滿蜜汁好開胃， 娃娃菜鮮甜。🍹 菠蘿冰 🍹 咸檸七…Read More

荃灣去飲食娛樂集中地, 各國美食俱備, 享和街就有很多特色小店。金朝海南雞是主打雞煲和串燒嘅中菜館, 店舖裝修以至價格都很親民。今晚家庭聚餐, 點了二人套餐和麻辣雞煲, 再加些火鍋配料和串燒, 食材都幾豐富。老火湯姬松茸雞湯真係落足料, 火候足而湯味濃厚。金朝海南雞皮滑肉嫩, 雞味濃郁, 鮮香不肥膩。田園咕嚕肉沾滿甜酸醬汁,酥脆可口。椒絲腐乳生菜惹味又爽脆, 迷你金朝酸菜魚, 魚肉鮮甜, 酸菜湯底幾醒胃。麻辣雞煲熱辣辣香噴噴, 雞件滑溜肉厚, 辣度適中夠惹味。食完雞煲打邊爐, 肉類食材好新鮮, 牛小排牛味濃郁, 羊肉卷鮮嫩肉滑, 鮮蝦雲吞皮薄蝦肉香口, 貢丸爽脆彈牙。串串燒都幾吸引, 牛舌肉厚爽脆, 豆腐串風琴般外形, 賣相幾得意, 吃落幾爽彈。豬頸肉軟滑爽口, 焦香美味。…Read More

金朝海南雞煲（半隻）$138以前食雞煲最怕油冧冧又驚味道勁鹹，不過呢度雞煲可以清晒，一啲都唔覺肥溜或者要狂飲水👍雞肉亦入味，落咗一大瓣八角等香料，仲有紫洋蔥、薑蒜，帶點微辣，食完落雞湯再淥其他肉好夠味😄唔使額外醬汁調味。姬松茸雞湯冇味精，菇味香濃，見到原隻姬松茸，飲到阿媽讚不絕口😂粟米餃子🥟一份有5粒，足料，粟米比例較多，豬肉饀扎實唔易散，唯一係要煲耐少少，食完有滿足感。安格斯牛小排口感偏瘦肉質感多d，經雞湯淥熟，索汁之餘又冇失去自身安格斯牛味，唔錯。羊肉卷肥嘅比例高d，母親大人鍾意食，雖聞落有羊味，但食落完全冇羶，今個冬天值得一試。紅豆冰紅豆泥配花奶，合符期望其他服務：每張枱有紙巾提供，有廁所，店員勤快。…Read More

餐廳就在荃灣廣場後的兩條食街，是新店來的，主打海南雞，但想不到還有香港人喜歡的雞煲可以吃，吃完還可以吃火鍋，而且配料比很多店都要便宜，還沒有加１呢！麻辣雞煲（２３８元／隻）雞煲選了中辣，吃起來比平常的小辣辣一點，沒到中辣的程度，醬汁味道挺鹹香，麻辣中帶點甜味。雞件的份量挺多的，吃起來肉質嫩滑，雞肉有彈性！吃起雞件後，加的是雞湯，這個好評！海南雞（９９元／半隻）主打海南雞的質素也很高，雞皮有彈性，肉質非常滑嫩，而隻雞挺大隻的，又完全去骨，吃起來非常方便！安格斯牛小排（７８元）牛肉味挺濃，肉質嫩滑。羊肉卷（４８元）羊肉味較濃但不會羶，口感彈牙。鮮蝦雲吞（２８元）性價比挺高的，有６粒，而且都有鮮蝦和豬肉，口感爽滑，蝦味香濃唐生菜（２５元）爽口芋絲（２８元）烏冬（１６元）出前一丁（１０元）麵配上湯汁真的一流！無骨鳳爪（４３元）這裡的不是泰式風味，味道酸辣，但會有點蒜香，口感爽脆，份量也挺多！五花腩（２８元／２串）雞軟骨（２８元／２串）串燒的火喉都燒得剛剛好，保留了肉汁，調味又不會太重！…Read More

天氣雖然無咁凍，加上今年小打邊爐，經過見到幾吸引就試下。首先呢間餐廳有樣野好方便，西鐵行過黎算近，門外又有大量咪錶，都適合揸車人仕黎食。睇個餐牌，d價錢一d,都唔貴，真心打邊黎講算平，好多野都係28蚊碟，肉都係六七十蚊。首先點左個雞煲先，三選一，有麻辣有冬陰公，有一個係佢地舖頭名既雞煲叫金朝，當然試下舖頭名架啦。三個人叫半隻，百三蚊諗住細細地試下啦，點知個雞煲上到黎都幾大下，份量十足，似出面其他舖成隻既量。味道又真係唔差喎，唔會太重口味，唔會係勁咸，咸到要狂飲水。隻雞都幾大件下，算嫩滑，加埋有不少洋蔥，整熟之後配埋d,汁好好食。食完之後叫左唔少既打邊爐料，上面講過28蚊既料都唔荒係大碟比得多，但上到枱，其實都唔少，以丸為例都有成六粒，其他店分分鐘收貴一倍價錢都係咁既份量。火鍋料唔太差，全部正常貨。我每次打邊爐必點既貢丸，都幾大粒下，食落又夠香。栗米餃都好食，入面有唔少栗米粒，加埋d肉，堅好食。鮮冬菇勁大粒，浸耐d,淋淋地先好食。白蘿蔔浸耐d,淋d入味d，又無渣。肉方面叫左三款牛：美國肥牛，酒樓用個隻水準，份量都唔小。牛小排望落算靚仔，食落都有牛味。牛粒就最重牛味。仲叫左一份黑豚肉，正常貨，唔會有浸豬既臭味。野飲放面有茶餐廳個d，有汽水，有beer，有特飲比你叫。服務方面，職員有禮，經常睇你有無其他需要。…Read More