剛開張時夜晚11點都仲要等位，好好生意，食物種類多，近排唔知咩事唔見，環境衛生好差，枱都痴淋淋，地下又濕濕地，米線都冇以前咁好食了，員工態度又差，冇心做好快要執了，近排淘大開左好多新野，唔洗再幫襯佢了…Read More
The above review is the personal opinion of a user which does not represent OpenRice's point of view.
Like
Dining Method
Dine In
Golden Thumb (Closed)
金拇指米線
Golden Thumb (Closed)
呢間舖頭開係附近所以間唔中會食下，開業個時食物服務各方面都好好，但呢一兩年差左好多。staff既服務態度差，特別係收銀個位姐姐。有次叫外賣唔知佢落錯單定我講錯，我之後同佢講返話落錯左。 之後佢就發哂癲咁話係我講既，ok，咁算啦可能真係我講錯左，我話咁唔緊要啦照單出啦廢是改。 之後係等既途中佢就係咁俾說話我聽我真係滴哂汗。自問都係幫襯幾十蚊都已經冇乜要求，但唔expect要俾錢俾人罵。之後過左一排我先再諗住幫襯返，見到小左好多人幫襯。 最近幫襯返一次，食物質素真係每況愈下，衛生情況差，服務又依舊唔好。認真如果呢d基本因素都唔嘗試改善，應該好快做唔住。…Read More
The above review is the personal opinion of a user which does not represent OpenRice's point of view.
Like
Dining Method
TakeAway
下午茶有主食既餐廳買少見少! 依間由2點開始做到6點既下午茶, 其實一向都好好, 做街坊生意不過近來水準下滑得好厲害......:(服務, 食物, 衞生,,,,都退步哂, 食過好多次, 今日忍唔住要講一講講食物, 只談今次: 今日食左個蕃茄芝士焗豬扒飯.其實除左咸, 我都唔知講啲乜好喇.....超重口味, 個飯無乜問題, 問題出係個炸豬扒度, 醃到過哂火, 完全食唔到, 咸到一個點講服務, 依度啲姐姐態度上未叫超無禮貎, 但就成日掛住傾計唔係好理你, 仲要自己傾得好開心好嘈, 上餐永遠都飛隻碟過泥 好馬fu....講衞生...啲枱抹左好似無抹過咁...就係咁....…Read More
The above review is the personal opinion of a user which does not represent OpenRice's point of view.
Like
Date of Visit
2018-04-15
Dining Method
Dine In
Spending Per Head
$30 (Tea)
今晚打算去九龍灣運動場做運動，做運動之前去左地鐵站附近既米線鋪食晚餐。唔知係未時間尚早關係，唔多人，顯得有d冷清。兩邊卡位，都坐得舒服:)職員服務都算唔錯，見到員工好細心介紹每一樣菜式俾隔壁枱唔太知食咩既人。至於餐單方面，佢都算多選擇，除左有米線，仲有其他小食，日式定食，中式焗飯等，見到仲有雞煲同韓式部隊鍋添，下次可以試試。今次分別同老公叫左麻辣米線，跟雞肉片同金菇，份量都算多，金菇都有4，5串，麻辣夠入味
另1碗叫左清湯米線跟雞肉片，鮮冬菇，豆卜。冬菇同豆卜大約都有4舊，米線韌度偏韌。最後叫左個蜜糖烤雞翼，略為過火，有d乾身，蜜糖味淡
…Read More
另1碗叫左清湯米線跟雞肉片，鮮冬菇，豆卜。冬菇同豆卜大約都有4舊，米線韌度偏韌。最後叫左個蜜糖烤雞翼，略為過火，有d乾身，蜜糖味淡…Read More
The above review is the personal opinion of a user which does not represent OpenRice's point of view.
Like
Dining Method
Dine In
Spending Per Head
$50 (Dinner)
食過好多次這間餐廳，但食物質素确實很一般，而且價錢有點貴，凍飲要加8塊錢，但勝在晚上有套餐優惠，沙茶牛肉鍋配白飯，里面有蘿蔔豆腐牛肉作為配料，送飲品。而那泡菜鍋湯底既鹹又酸，味道很一般，而且里面的配料又無泡菜，衹是普通娃娃菜，…Read More
The above review is the personal opinion of a user which does not represent OpenRice's point of view.
Like
Recommended Dishes
牛肉鍋
Dining Method
Dine In
以前係九龍灣讀書個陣初嚐金拇指，lunch會食佢咖哩飯冇咩特別。但有次遲左去食先發現2點－6點下午茶時段焗飯先係平靚正！焗飯係平時lunch dinner時段唔係特別平，40幾蚊，但下午茶只係30蚊送熱飲！抵食！推薦佢既焗豬扒飯下午茶焗飯係迷你dd既，但係其實都夠飽炒飯底，豬扒係炸過既，絕對有誠意唯一缺點係有時會多太蕃茄汁，會甜左dd去到九龍灣遲左食飯，又想食個平平地既下午茶可以試下！…Read More
The above review is the personal opinion of a user which does not represent OpenRice's point of view.
Like
Recommended Dishes
焗豬扒飯
$30
Date of Visit
2018-01-17
Dining Method
Dine In
Spending Per Head
$30 (Tea)
點解咁多人都鍾意食雞煲嘅？朋友生日指定生日要食雞煲又要喺九龍灣區所以選擇少之又少👀幸好發掘了一間好隱世的雞煲店！何謂隱世呢，因為它的位置真的非常偏僻，是在一條小巷的盡頭再盡頭！💁🏻♀️加上店舖細細應該只能容納20多人！其實有點逼👉🏻👈🏻.已經打去一早預約但老細說星期可以六日是不能預約的只可以ᵂᴬᴸᴷ in去碰碰運氣！去到的時候有八個男生說預約了！聽到後有一點生氣😡.我們同行一共八人總共叫了一個烤魚酸辣小辣一個雞煲麻辣中辣！🤓入座後每人會送兩串 串燒🤔我認為燒雞翼是非常好吃的十分惹味至於燒腸仔墨魚丸及冬菇就普普通通啊沒有驚喜首先上枱啲是酸辣烤魚煲，看上去比我感覺是不錯的！整整齊齊 配料充足！但這條魚的品種是十分多骨每一啖好像也有骨！食得有點辛苦雞煲也隨即送到一上台香味已經泊晒出嚟！看得出用香料烹調所以十分惹味！雞件數量多!我們極速清完就再加湯落去打邊爐啦！出面火鍋配料任君選擇,大約二十多款吧!沒有太特別的配料只能說每樣食物也算合格！老實講一分錢一分貨！1.5小時 $118 ！任飲任食火鍋放題呢個價錢食到咁算係唔錯！老闆同老闆娘服務態度都算係好㗎啦😬😬…Read More
The above review is the personal opinion of a user which does not represent OpenRice's point of view.
Like
Date of Visit
2018-02-03
Waiting Time
30 Minutes (Dine In)
Type of Meal
Dinner
Celebration
Birthday
本人係此餐廳附近居住由於上班時間不定時加上常開夜班⋯不時會在此餐廳購買外賣回家享用⋯在九龍灣居住四年巳食過此區既餐廳無數次⋯但金拇指既狀況愈來愈差⋯ 在這一年不時比人追數⋯甚至連外賣叫的配菜都可以亂七八糟⋯價錢$49食個三餸米線唔係貴⋯ 但在此餐買幾次錯幾次仲要少咁樣餸⋯ 唔知係佢地有心定無意⋯冇果樣餸就求其拎⋯可能我本人多心多疑⋯ 但本人覺得如非必要此餐廳不能外賣只能堂食⋯ 因外賣根本唔會有人去打開個外賣逐個檢查先走⋯認真野食唔算太差⋯ 為生存叫食得落肚⋯ 但比錢買難受真係唔會有人想⋯ 請各食家三思而外賣…Read More
…Read MoreThe above review is the personal opinion of a user which does not represent OpenRice's point of view.
Like
Recommended Dishes
比錢買難受
貨不對辦
Date of Visit
2017-12-06
Waiting Time
20 Minutes (TakeAway)
Spending Per Head
$49 (Last Night Supper)
是但入一間諗住茶記應該唔會難食，但未試過難食到寫食評，呢間真係第一間。自己衰，叫咗個撈米線，一嚟到真係滾完一堆米線就放上嚟枱面，啲炸醬係分上，好細碗，得啲辣油同肉根本無醬。個烏冬又係，啲調味真係一啲都唔節省，個朋友鹹到不停飲水，食到係落鹽好重手。飲品都算正常，另外仲有天使面等到杯嘢都飲完都仲未到，效率有待改善。相入面2個都食剩一半，茶餐廳唔好食都有個譜，但難食到忍唔住打負評我真係未試過，大家最好都不要中伏。…Read More
The above review is the personal opinion of a user which does not represent OpenRice's point of view.
Like
Dining Method
Dine In
12點先係九龍灣穩晚餐食真係好難架
間到2點既金拇指令我晚餐有着落
環境整潔衛生
仲有大電視睇
佢既食物種類同菜式偏多:)一開始見佢食物選擇咁多 會擔心會貪多不精最後叫了佢個
重慶酸辣炸菜肉醬米線重慶酸辣炸菜肉醬米線拼芝士丸雞翼湯底(中辣)夠香夠麻夠辣
好正宗 辣得夠爽夠舒服
芝士丸五蚊有三粒都算幾多架la
雞翼(十蚊兩隻)自是炸完再擺落湯
但炸前應該用左鹵水浸完:)因為係入味到連d骨都有鹵水既甜味:)豬軟骨
好冧好冧好冧！一咬落去d肉好入味又鬆軟
兩個人埋單不過100蚊:)滿足的晚餐…Read More
間到2點既金拇指令我晚餐有着落環境整潔衛生仲有大電視睇佢既食物種類同菜式偏多:)一開始見佢食物選擇咁多 會擔心會貪多不精最後叫了佢個重慶酸辣炸菜肉醬米線重慶酸辣炸菜肉醬米線拼芝士丸雞翼湯底(中辣)夠香夠麻夠辣好正宗 辣得夠爽夠舒服芝士丸五蚊有三粒都算幾多架la雞翼(十蚊兩隻)自是炸完再擺落湯但炸前應該用左鹵水浸完:)因為係入味到連d骨都有鹵水既甜味:)豬軟骨好冧好冧好冧！一咬落去d肉好入味又鬆軟兩個人埋單不過100蚊:)滿足的晚餐…Read More
The above review is the personal opinion of a user which does not represent OpenRice's point of view.
Like
Recommended Dishes
重慶酸辣米線
Dining Method
Dine In
牛頭角近淘大一帶，向來有不少食肆。自從之前試過觀塘金拇指米線的雞煲後，今次來牛頭角這間試試。入到鋪頭後，便問侍應姐姐這裡有冇雞煲食，她回應指吃雞煲要到另一店鋪，並引路到後街的分店，甚有隱世feel!隱世分店的坐位比觀塘少，但放題選擇卻不少，而且飲品櫃更有樽裝可樂和雪碧！樽裝汽水好飲之處，在於比罐裝或膠樽裝夠氣，是另一種享受！雞煲除了可用電池爐外，也可選石油氣爐，可以明火，更加入味！可能由於鋪位較隱秘的關係，收費也較觀塘店為平，更加抵食！…Read More
The above review is the personal opinion of a user which does not represent OpenRice's point of view.
Like
Recommended Dishes
明火雞煲
樽裝可樂
Date of Visit
2017-08-19
Dining Method
Dine In
Type of Meal
Dinner
以前都會幫襯佢嘅酸辣米線，因為佢開到好夜味道都唔錯，消夜時段人山人海，佢酸辣同平時嗰啲唔同，平時係酸菜底佢地就似蕃茄底多啲。無黎一排之後呢，見到大把位已經神奇，發覺地方真係越嚟越污糟，啲侍應又冇服務，做嘢又慢又黑口黑面🙈琴晚仲要得一個侍應，近門口啲枱全部都無抹😨個樓面叫我地入去坐就算😰寫左張點菜紙，個侍應行嚟行去見到我哋幾次，又特登轉身扮睇唔到😤之後叫左幾次就Hea應我哋話得啦得啦😒之後走左去整外賣同抹枱都唔攞走張單入左先😡原本想走人，但就諗唔到咁夜附近有乜食⋯⋯so sad廢話太多，講野食叫左清湯雞肉木耳米線，麻辣蘿蔔冬菇米線，雞肉切都好碎，木耳又係特別幼，面都有啲酸菜同芽菜嘅但個賣相真係亂糟糟，個清湯嘅死鹹。麻辣冬菇米線呢個麻辣就幾辣但係就真係唔麻。蘿蔔大嚿無根都甜，鮮冬菇就少啲兩三粒仲要對切開，米線都夠軟嘅。奶茶同檸檬茶就好飲過之前，不過都係果句啦，如果啲服務同地方都仲係咁樣就好難叫人再去。…Read More
The above review is the personal opinion of a user which does not represent OpenRice's point of view.
Like
Date of Visit
2017-08-07
Dining Method
Dine In
Spending Per Head
$50 (Last Night Supper)
今日去開淘大睇戲，睇完戲見間間餐廳都咁多人，就諗住慢慢行返地鐵站睇下有咩食，點知途中就見到金拇指米線，就決定入去食返碗米線啦。坐低見到餐牌，咦，68蚊有鐵板食咁抵？即時決定改變主意唔食米線，轉食鐵板雜扒餐。先來餐湯同餐包，餐包微暖，應該有用微波爐輕微叮過，餐湯味道有d過酸，但勉強可接入口。等左15分鐘，主角既雜扒出場喇！一上檯嘩左一聲，因為真係好大份，雜扒有豬扒，雞扒，腸仔，火腿，再配埋薯條同蕃茄，份量十足。豬扒同雞扒都唔會煎得太韌，用刀一砌就開，配埋黑椒汁食真係一流，食晒成個雜扒真係有少少飽到行唔郁。鐵板餐仲配埋餐飲，味道當然無得同專業扒房比，但以68蚊有咁既份量同質素，絕對超值。…Read More
The above review is the personal opinion of a user which does not represent OpenRice's point of view.
Like
Dining Method
Dine In
Spending Per Head
$68 (Dinner)
過了晚飯時間, 一查之下九龍灣附近很多食肆都大約營業至十點但未需失望, 因為大拇指是營業至零晨二點大拇指不只是食米線, 還有很多少食及鐵板餐, 川式食物等由於我倆都是怕肥一族, 所以決定一碗麵兩份食, 另再多加一份小食我們的晚餐來了重慶酸辣炸菜肉碎湯底 +$3轉水晶薯粉 +$5豬軟骨 (大辣)味道其實不太辣, 湯底酸maymay好開胃內裏酸菜比較大件, 味道帶甜豬軟骨最出色, 軟骨極腍而且入味!!只是比較偏肥了少少另外叫的豬頸肉, 厚切而且入味, 非常香口惹味, 不過份量就不值$35…Read More
The above review is the personal opinion of a user which does not represent OpenRice's point of view.
Like
Date of Visit
2017-05-08
Dining Method
Dine In
Spending Per Head
$41 (Last Night Supper)
Ok food but completely put off by disrespectful service, extreme uncleanliness. Also menu items are unavailable with no prior notice (no apologies or rumorse, told rudely to pick something else).On the minor plus side, there is a wide selection. Both meals ordered also tasted fine, but not what we wanted as indicated above. Food came fast. …Read More
The above review is the personal opinion of a user which does not represent OpenRice's point of view.
Like
Dining Method
Dine In
