金山粥店

Open Now

Now Closed

星期日一早8:00起左身，諗起電視介紹過西貢有靚粥，心血來潮叫老公入去試，因為老公係粥癡，屋企一帶d粥鋪又執晒笠，老公發夢都想食粥咁我就諗住滿足下佢啦....泊低車行過去剛好9:00，橫街窄巷左穿右插，好難搵，問路人，只係知正街大約位置...結果我們都行錯路，好在村口俾我見到有個地圖，行多一次，好不容易先搵到....門口好多人排隊，店裡面又坐滿人，我地裝左一陣，見原來門口d人係排外賣的，我地就zip入鋪搵位了，因為無人得閒招呼你，問你幾多位....。見到有對公公婆婆剛食完起身，即刻坐低，結果唔洗點等位鋪面好細，但人好多，好逼，一百尺多的鋪面，d人可以逼埋坐大概30人鋪面只見有一個阿姐煮粥，一個阿姐拉腸粉，一個阿姐執檯轉菜落單....大家一d都唔好期望有什麼招呼，連問你食乜都唔會，你落單的話請大叫你要乜野吧，仲要講好多次，都唔知有無人聽到，無人會應你的....但好奇怪，d阿姐原來係聽到的，而且好好記性你叫左d乜...我地叫左兩碗艇仔粥，因坐在煮粥阿姐前，所以直接同佢落單，碗粥好快送到，其他叫傳菜阿姐落的，個個都係度催拉腸粉阿姐做唔切，我地追左好多次炸兩同蝦米腸都無來，粥都差不多食完了，所

2010-07-07 (weekday)又去早收的金山, 試咗及第粥的肉丸真唔錯彈牙添, 豬什食落放心喎, 細(半)份炸腸, 唔係自己炸, 不過都好脆, 上次全份大碟到食唔晒, 今次啱啱好.

呢間粥店如果大家未去過真係要去試下!!雖然環境超舊...但味道真的好好...粥、炸物、腸粉....所有食物都係你眼前整出黎的...我真的不明白老闆為什麼只開5點至11點....如果到下午可能會賺得仲多呢..可能老闆重質不重錢...HAHA大家真係要去試下所謂的棉粥,,,,正!!叉燒腸又好味...炸兩又唔洗講...最緊要係...平.靚..正!!

金山粥店係一間質素一直都keep到o既粥店我由細細個返學o個時都已經係佢o既fans..佢o既及第粥, 豬心粥同魚片粥係一流的,佢o既其他食品 - 油炸鬼, 炸腸, 牛肉腸第都係好好食o既..腸粉即叫即整.. 好滑, 好新鮮.. 不過勸大家早少少去到因為十一點度就會收舖架啦.. 不過好早已經有得食.. 我以前返學時.試過5點幾已經有好多人食..

數數手指，隔了剛剛一年，今天又再坐在此老店中，拿着筷子吃着炸両，感覺還是那樣的美味....今次吃到的，份量仍舊十足，一碟有大約十多件，而且每件也屬大堆頭的，order完後是真的有點後悔沒有叫"炸一"。跟上次有點不同的是，今次的油條是絕對比前次來得脆口，咬下去是卜卜聲的，很過癮；葱粒依舊很多很香，外層的粉皮仍是夠厚。吃一碟，已足可令午飯也節省掉了....吃完後果然飽撑得要命。真有點擔心上船後會嘔吐到七彩呢....

聽說這裡有全城最好吃的炸両，但又聽聞這裡在早上十時多左右便會收爐要小弟這個"城市人"找個藉口入去試試，真的極難矣近幾年又沒有安排到西貢出野外，不然機會甚微也....言猶在耳，剛好上星期竟然晨早要到西貢來個pre-trip，真的高興也來不及馬上早一個多小時出門，乘車直驅西貢....拿出地圖找了十多二十分鐘也找不着，極焦急在村屋之間的小路不斷穿插遊走，最後找着了她格局幾殘舊，枱只得三數張。大部份人大多都是來叫外賣拿走的。扺達時已九時半了，店只得一枱客，坐着一對老婆婆，邊歎粥邊在閒聊。心想 : "不知年紀大時，會否也有如此閒情逸致呢 ?"那樣辛苦找着這兒，單吃炸両好像有點浪費，就叫一碗下火 (皮蛋瘦肉粥)伴炸両同吃。用羮一掏，米是煲至開花了，但粥底有些偏稀。再喝一口，是有點"調味"的，不禁皺眉瘦肉味不夠鹹香，比紅磡生記的還有所不及。唯一可取的是皮蛋是夠"漏油"且有些溏心的，好吃....望穿秋水的炸両是即叫即做的。看見那切成差不多十多二十件的炸両，實在很擔心是否可將之一掃光粉皮很薄身，但米漿開得很實淨，絕對沒有過稀的感覺。有點失望的是內層的油條只是微脆的，不是新鮮現炸現吃的不過這也難怪，店十時

I can only eat at this place when I am early.....it closes at 11.30AM arrrr.The best dish here is the ja leung (crunchy fried dough wrapped in cheung fun)drenched in sweet soy sauce.

今日要黎呢頭開會...跟同事每人叫了碗白粥, $5, Share 炸兩, $10, 鮮牛腸, 12, 同埋煎堆仔, $4.5!白粥一般, 唔夠綿, 炸兩勁多, 油炸鬼脆, 新鮮包起...唔錯! 牛腸既牛肉幾腍, 煎堆仔既size 係一般唔係細...所以唔好俾個"仔"握左! 我無試...同事話好好食...! 鋪細細...服務唔錯, 環境就迫d !

睇到呢度d人話好食,我又住佢附近,所以試下!叫左艇仔粥同炸腸,粥好食,炸腸好大碟,好有傳統味道,不過食完飽左成日.唔知點解,晚飯都唔駛食!!

粥- 稀杰OK,略嫌味精重D. 牛脷酥- 凍咗,感覺似隔夜炸兩- 絶對掂! 好味,粉皮厚度啱啱好,入面條油炸鬼好鬆軟,又夠大條. 不過豉油多咗D

早上九時許去到, 炸兩已所剩無幾, 最後完整既一客已落在我吔枱上.可能油條炸成已有段時間, 所以不太脆兼香口.豬紅粥- 豬紅幾滑, ok lar.原本叫牛肉腸, 但無牛肉所以轉叉燒腸. 腸粉皮很滑溜, 叉燒切得比坊間厚和大粒, 口感不俗.

18-Nov-2006 9:50am昨天去了增輝吃了很多熱氣食物，今早見有時間就帶太座去金山食粥清腸胃。叫左蔥花蝦米炸兩(半條)、蔥花蝦米腸粉、白粥、艇仔粥。腸粉雖然沒有堂記的滑及薄，但這才是我們兒時吃到的感覺，不過豉油就咸了些。白粥味道不錯，艇仔粥很足料，下次試魚片及下火先。題外話1) 食粥時有位大嬸推單車在門口問店員要不要咖哩雞，門口腸粉位的女店員要了兩袋，太座便問他們這袋装咖哩雞的由來，他們說這位大嬸以前是有店舖的，後來無做便用這種流動型式做熟客生意，當然食物質素亦很好。聽罷便九秒九飛奔出去，可惜咖哩雞已售罄只有青咖哩及筍XX(忘了)。回來後店員說其實還可以Order on Demand 不過沒有時間等，還是下次隨緣吧!2) 回家時比人用雷射槍打中(over 50km)，政府見我未飽請我多件牛肉乾，令今個早餐由三十多個大洋變為三百多個大洋！

星期日朝早又掛住呢度既炸兩, 另加一碗碎牛粥and 蝦米腸.今次先留意到炸兩皮是蝦米腸粉而不是齋腸, 無上次咁脆但依然好食.蝦米腸煙勒香滑, mix with 葱粒更惹味.碎牛粥不過不失, 碎牛份量唔算多, 也不覺撈埋炸米粉一起的.

和薑餅人興致勃勃到此食早餐, 叫左:1. 我要魚片粥, 鮮甜但粥不是太綿2. 薑餅人要艇仔粥- 粥無我果碗咁鮮甜.3. 炸兩- 超大碟(用整整一條油條), 很脆(聽到刀切落去時既索索聲), 負責人先落豉油後放炸兩, 免被豉油浸淋.下次試下其他嘢先.

5-11-2005 0937與公司同事郊外遊，趁未到時辰集合，早少少入到去西貢食個早餐先，上次來既時候已經落閘放狗，今次一定機不可失。還記得條路點樣行，但始終都要迷途十幾秒。來到時候客人也不多，應該是尾聲，因為油條已經賣曬，有存貨係度都係熟客事前訂落，粥鋪油條或炸兩不一定會叫，對我來講影響不大。最後點了碎牛粥及叉燒腸。粥都幾綿下，碎牛份量也不少，粥也滿到瀉，食到一半時還是非常之熱。叉燒腸是新鮮整，腸粉沒有互相chi住，皮薄饀適中，即使只是有熟油豉油，也好好味，甜醬及花生醬可以唔駛落。埋單19蚊，總好過係巴士總站附近食港/西式ABCD早餐。