金寶茶餐廳

Open Now

Now Closed

老闆為人好，食物都唔差。姐姐又靚女，不錯的餐廳。食物種類繁多，最出色係羊架飯。羊架肉汁飽滿，白飯香甜可口。一個餐重有湯飲，好多茶餐廳今時今日都做唔到，上枱時熱死啦啦，令人有回家食飯既感覺。

今天下午同朋友去開紅磡一帶，又係下午茶時段，就當然要找下野食啦，見到依間叫金寶茶餐廳，可以坐店內或店外也可以，好似幾輕鬆咁，於是坐係外面進食。內外也有很多食客，看完餐牌，常餐是$40，價錢還可以，叫咗個沙嗲牛肉麵，沙嗲味幾香，幾好食，份量也可以，另叫炒蛋加西多士及火腿，炒蛋好新鮮，好入味，非常深刻，西多士都夠熱力，但味道一般。火腿也就是一般般。另配一杯凍奶茶，奶茶味一般般，不是濃味。综合各方面，還是可以接受的。

自從由紅磡搬到土瓜灣，很少回來红磡了，不過一年都有一至兩次，因為我老爺的靈位寶其利街的唐樓。今天老公一家又要到來拜祭老爺，一早起床未吃早餐，到達寶其利街，而其他家人未到，我們就在這裏吃我們的早餐，其實已經中午一點😅我叫了餐旦治、凍駌鴦($28)－凍鴦茶味和咖啡味比例剛好，餐旦治－麵包軟綿綿，餐肉夠厚，蛋就好香蛋味👌老公叫了香茅豬排麵餐，豬骨湯味($37)－豬排用香茅醃過，用油炸熟，炸得剛好，內𥚃不會太干，味道都幾好👍，至於豬骨湯底有些似出前一丁豬骨湯味粉，麵煮得剛好，共$65，整體來說都滿意

某日下午誤打誤撞到了金寶茶餐廳，叫了一個下午茶餐﹝花生醬多+凍鴛鴦﹞試一試；發覺飽身身香脆可口、花生醬非常香滑。於是在以後的日子也試了他們的鮑魚片火腿通粉早餐、鮮茄濃湯底麵餐、北海道長腳蟹湯烏東及都令我留下極深刻的印象！