金寶美食 (Closed)

今日返學校繼續做埋d後期工作前, 就去0左我0既飯堂<金寶美食>食個車仔麵先. 我上次寫食評0既時候都已經係七月0既事, 不過去到依家我真係差不多一星期最少食一次, 哈哈:):):)!!! 1. 積奇梨的車仔麵 ($24) ~ 我今次食酸齋, 豬腸, 餃同埋通菜配米粉 + 凍奶茶!!! 酸齋口感不錯, 加上浸一浸d湯先食, 效果更正. 豬腸就普通啦, 都是<唐記>比較好味. 餃就的確新鮮!!! 今次0既凍奶茶進步了一點, 茶味多了, 最少不是奶水, 繼續努力!!!P.s. 今次加少0左沙爹, 所以有d影響味道. (各位去食記住要加呀!!!)整體評價：乾淨的車仔麵, 沙爹多少決定勝敗!!!…Read More

我係第一個為<金寶美食>寫食評的食家, 真的好開心同好榮幸, Hehe!!!其實我食呢間車仔麵都有七年時間啦, 係我0岩0岩入行做救生員0既時候, 食到依家, 證明0左佢有幾好食啦, 以前曾經顛到一日三餐都係<金寶美食>0既車仔麵, 哈哈!!! 不過依家冇呢個機會啦, 因為佢0既營業時間轉0左為: 7am - 6pm. 仲有依家雖然加0左價, 不過我都覺得算抵0架啦. 三餸一麵 ($19) , 四餸一麵 ($23) 以上價錢已包括一杯熱飲或豆漿, 凍飲加$1, 罐裝汽水加$3. 1. 積奇梨的車仔麵 + 凍奶茶($24) ~ 豬腸, 菜肉餃, 酸齋及生菜配米粉. 豬大腸乾淨, 質感唔錯, 好味. 菜肉餃(有兩款, 可以每款一粒), 依家0既酸齋會有一個碗仔分開放的, 咁樣就唔會失去0左酸齋本身的味道. 至於生菜, 米粉都唔錯. 不過飲品方面, 水準會比較飄忽, 凍奶茶, 凍檸茶有時茶味不夠, 有時更會平淡似水, 哈哈, 所以飲豆漿及罐裝汽水係會安全d!!!　 2. 祖安的車仔麵 + 熱好立克($23) ~ 牛肚, 牛腩, 魚皮餃, 及生菜配米粉. 牛肚洗得好乾淨, 而且好鍾意佢切得夠幼, 好"淋", 一d都唔韌. 至於牛腩比夠乾身. 魚皮餃都不錯. 仲有個沙爹湯底好正!!!記住: 一定要加沙爹呀, 因為加0左先有最好的效果(不加, 後果自負, 哈哈!!!)整體評價: 好味, 乾淨, 抵食 (一星期最少一次)…Read More