Kam Tai Pan (Closed)

野食一般唔再講，態度真係差到無輪！餐具又唔乾淨！幫襯兩次，兩次都係受氣！特別係短髮金色女人，呼呼喝喝咁，熟客就對你客氣，生客就粗聲粗氣！唔會再幫襯，貼錢買難受！！…Read More

豉油王炒麵，都算多料，味道正常，未算太油。比街市好啲啲，唔算平（$46）咖喱豬頸肉飯，咖喱豬頸肉同飯分開，咁樣望落去好似好少咁...倒番落飯度其實都唔少，味道正常，都係偏多料，其實一分錢一分貨，我覺得算抵食（$46）…Read More

我本身就住呢條村，由細到大都係食另一間茶餐廳，呢間野比我嘅印象就係我最唔鍾意食嘅粥粥同粥。但自從領展入侵，導致佢短時間內裝修兩次之後，金大班終於抓緊機會搶到生意。之前佢地啲野真係唔算好食，上得又慢，但自從另一間要第二次裝修，佢地就突然轉性，啲野食好食咗，出品係熱嘅，仲要有質素，加上鋪位就腳方便樓下班巴士司機，抓緊機會搶客，終於都留到一班熟客。我好鍾意食佢地晚市個蒸水蛋，滑到不得了，雖然尋晚食個個就麻油同豉油重手咗，搞到咸咗啲啲，但個水蛋真係超正。有時茶餐鍾意食佢地個雞脾薯條，粗波浪薯條至愛，加上份量唔算少，雞脾又炸得熟，係個麵餐份蛋我唔滿意，薄到乜咁。另一間自從裝修完後啲野食差不特止，個雞脾薯條收得貴，但雞脾經常炸唔熟有血水，薯條係幼身個種仲要得好少，連唯一鍾意佢地個半熟蛋奄列都同我炒車變玉子燒，唉。。。金大班真係進步咗好多，今時今日嘅金大班，絕對食得過。…Read More

噚日(5-4-2019 Fri)清明節假期,趁天氣好,同老公入屯門探索當年外婆舊居,o衣o家係邊個位,探索完就去食晏啦,我哋選擇入良景邨商場,上咗一層見到呢間茶餐廳,就試呢間.亞姐俾我哋坐卡位,睇完menu,叫咗:1. $46.00嘅3號精選午餐,節瓜豆卜排骨飯,要湯湯係黃瓜豬骨,味道濃郁,幾好飲,有驚喜.味道: 5分節瓜豆卜排骨飯就普通啲,不過排骨都好諗同入味嘅.味道: 3.5分叫兩個粥麵系嘅食品,以半價要嘅飲品:4. $9.00嘅凍奶茶茶味夠,甜度啱啱好又滑,唔錯.味道: 4.8分5. 熱奶茶熱奶茶同樣茶味夠,不過唔夠滑,有啲嚡口.味道: 2.8分3. $30.00嘅麻醬肉絲腸粉呢個暖暖地,見到有好多麻醬,食落,濃厚嘅麻醬會漿住個口,味道梗係好夠,可惜腸粉太腍.味道: 2.8分2. $30.00嘅蔥花香滑雞蛋腸賣相有啲似芒果腸粉,側面睇有層次同幾靚,食落,味道係淡嘅,冇乜調味,所以要蘸豉油食. 味道: 5分價錢:喺飲品方面,正常熱奶茶半價係$8.00,但佢計入精選午餐嘅餐飲,即係唔使錢,將餐湯計成$5.00,咁計法係最平,收$120.00,平咗$2.00-3.00,好老實.2.8分…Read More

服務態度差，叫個外賣都比個戴眼鏡既老女人呼呼喝喝，找錢時係將d錢飛出黎，未試過咁唔好既經驗等外賣時睇到佢全程都黑面對住所有客人，堂食客人點餐問佢少少野，就叫人睇清楚先叫之後走左去，恐怖…Read More