金多客小食 (Closed)

天氣涼涼地,酒樓又唔想食, 就試下兆禧街市嘅大排檔. 雖然呢個街市好細,而且冇乜商戶, 但就有一間餐廳真係炒到以前港式嘅味道一個小菜連白飯加可樂,收65蚊, 今次我就要咗個椒鹽肉排, 其實可以唔要可樂要例湯, 但話明港式風味,就梗係要杯可樂啦. 嘢食好快就到喇, 原來佢唔係肉排嚟㗎, 係椒鹽豬扒咁樣 咁都好啲, 起碼有嚿肉食下. 目測份量大概有三塊豬扒左右, 雖然食得出係落鬆肉粉, 但佢係好有 鑊氣咁炒, 因為好夠火候, 所以食落好惹味 真係難得一見, 好香港大排檔嗰隻鑊氣嘅小菜, 好食…Read More

呢間應該叫佢做冬菇亭式食肆，係我食早餐嘅首選，講真，環境就麻麻地嫁啦，但勝在早餐好好食，你去食過，就會覺得佢哋煮得有誠意。我通常都係食沙爹牛麵，配個吉列豬扒，個麵嘅湯底唔似一般茶記，仲會落埋葱花，而塊吉豬，成塊面咁大，熱辣辣，香口，試過like, 塊多士都好食過人，如果你鍾意食五香肉丁，就啱晒你，你會明顯見到佢煮過，唔似部分茶記，開完個罐頭就加落啲湯，等啲湯熱熔啲肉丁醬，最後係杯奶茶，可能因人而異，但我就好鍾意嗰啲茶澀味，不妨一試。…Read More

今個星期就試下哩間隱居喺殘舊小街市的小食店，唔睇openrice都唔知有間小食店，我同老公一睇張餐牌，都覺得意外地有點小貴😮💲，兩公婆叫了2個小菜，落單後3分鐘左右，碟“蝦仁炒蛋”就出現了，好快，而且都大碟，食落口啲蛋都幾香滑，夠鑊氣，啲蝦都唔孤寒，哩碟“蝦仁炒蛋”幾好💯!! 跟住就係“咖哩牛腩”，相比起碟“蝦仁炒蛋”，哩碟“咖哩牛腩”就細碟得多了，而且入面冇落咖哩嘅精髓：薯仔🥔!!! 咖哩點可以冇薯仔㗎!!!😭 取而代之嘅係青豆同粟米粒🌽，真係未試過哩個食法😂 不過其實味道都ok嘅，又唔會太辣(我唔食得辣)，係衰份量少同材料唔合格囉❌。2個小菜送2碗白飯🍚同2碗湯，湯大大碗，又落足料，都幾好味的。…Read More

坦白講，天氣熱真係唔會走嚟呢度食，所以夏天生意應該爭啲，不過見今日出面有啲風，所以就過咗嚟食，因為呢度冇冷氣，不過有人情味，佢嘅位置係喺兆禧街市入面唯一一間餐廳， 餐牌上可以見到中午同夜晚食小菜嘅價錢唔算貴，款式又多。早餐亦有很多選擇， 味道都唔錯，強烈推薦早餐~吉列魚柳和吉列豬扒炸得非常鬆脆，好吃熱辣辣的。牛扒夠大塊，地道街坊餐廳，真心推介。但唔好介意地方一定冇咁整潔，40蚊食到個午餐，出面好多地方都搵唔到了。…Read More