Golden Thai (Closed)

今日同朋友嚟到一間泰國餐廳，好耐冇食泰國嘢想試吓，果然冇令我失望！😍首先叫咗 **咖喱軟殼蟹配蒜蓉包條**，軟殼蟹炸得香脆，配上濃郁嘅泰式咖喱醬，味道層次好豐富！而且蒜蓉包條外脆內軟，沾埋咖喱食真係一流，超好味！🦀🍞接住又試咗 **海南雞**，雞肉鮮嫩多汁，配搭上特製嘅醬油同香油，吃落去清新又唔油膩，簡直係完美嘅搭配！而且仲有配飯，真係食到心滿意足！🍗🍚另外仲有 **沙嗲串燒**，分別係豬串同雞串，串燒得恰到好處，肉質滑嫩，配上香濃嘅沙嗲醬，食到令人回味無窮！特別係豬串，肉味十足，真係好好吃！🔥🍢最後，當然要試下佢哋嘅 **珍多冰**，呢款泰式甜品清涼又消暑，配搭上多種配料，口感豐富，食完真係好開心！🥥🍧總括嚟講，今次泰國菜之旅真係好滿足，所有菜式都好味，氣氛亦好隨意，絕對值得一試！👍📍 金坊泰國美食 (紅磡)紅磡民泰街43號地下C1號舖#香港美食 #香港必食 #hkfoodie #hkfood #hkfoodblogger #hkfoodlover #hkfoodpic #hkfoodie #hkfoodies #foodblogger #berryfoodie #berry紅磡 #金坊 #泰國菜餐廳 #泰國菜 #咖喱…Read More

今日本來想試間小店，但太多人等位，轉戰食泰國菜。入去餐廳只係半滿但都要搭枱，睇咗陣餐牌，揀咗冬蔭公湯套餐$62，511冬蔭公海南雞鴨蛋麵，加$8轉香水檸檬茶，要鴨屎香烏龍茶底，盛惠$70。冬蔭公海南雞鴨蛋麵湯底幾好味，蕃茄酸甜唔辣，麵似平時潮洲粉麵舖啲麵，彈牙有咬口，但覺得麵既份量有點少。海南雞單食已經好入味，但套餐既雞份量看似多，但其實有一半都係雞皮，有至少4塊都係皮，下面無肉，如果餸分開另上會好啲，啲肉唔清楚係俾少咗定沉底，但揾埋個底都係得啲雞皮，呢樣勁扣分，下次點海南雞一定跟飯底。配料都係啲菇，芽菜為主，芽菜肥短幾好味。其實食完成碗都唔係好飽，但套餐有飲品，飲埋就夠飽。加錢既鴨屎香檸檬茶只有一片青檸，甜度適中好味，但飲到杯底有啲蜜糖沉底，如果一開始攪拌嚟飲應該會覺得太甜，無攪拌既情況下飲到尾，到最後先會覺幾甜。呢餐整體都好味，係海南雞份量少，用雞皮俾我呢個有啲扣分，下次唔會揀湯粉，因為唔抵食。如果可以揀既話，建議揀飯餐最抵，有飲品同例湯，仲要好快上枱，見隔離位食海南雞拼豬手飯幾正，料好多，下次想試。至於例湯方面，個待應又無講晏就食lunch有無例湯送，想揾佢問又唔知去咗邊，呢間食晏時間人勁多，要食就早啲嚟排，但預咗被人呼喝同搭枱。服務方面都幾麻麻，企響counter等埋單等咗近8分鐘，晏就趕時間返office的話真係唔會再嚟食。食飯儲分卡…Read More

好耐冇嚟呢度食，見餐牌好多新嘢食，咁咪想試吓生蠔同聖子～點知SOLD OUT!咁唯有揀返啲大路嘢～蝦醬炒飯/咖哩炒軟殼蟹/馬拉盞通菜/沙嗲（牛肉）半打/糯米雞翼。唔知係咪自己食嘢嘅口味濃，還是佢哋為咗迎合香港人口味，總是覺得無以前咁濃味同唔辣！對於我另一半係嗜辣者嚟講就大鑊咗啲！當然又係唔問佢哋攞辣椒油，一放抵就係4樽仔任揀（讚）。 最後埋單前有甜品送，仲要咁大間同咁好服務嘅餐廳竟然唔洗加一，所以坑渠邊燒烤咁bad service憑什麼收加一？ …Read More

黃埔食乜好？緊係食又平又正宗既金泰坊泰國美食啦～18蚊已經有燒蠔食豐富二人餐先係200幾蚊咋～🦪燒蠔強烈推介美食即開即烤夠新鮮，蠔身漲卜卜非常肥美又夠大隻超扺食🐣海南雞半隻海南雞好大隻下㗎味道正宗油脂香味令人難忘🍢沙嗲串燒半打推介美食，豬牛雞各二勁多肉，肉質細嫩勁滑又入味唔使加沙嗲汁都已經超好味！🦑香辣海鮮炒粉絲有蝦，八爪魚等海鮮豐富份量大🐽泰式豬手豬手夠入味皮同肉既比例恰度好處完全唔會有油淋淋既感覺🥬馬拉盞炒通菜細嫩通菜配上惹味馬拉盞而且唔辣㗎～怕辣既人都食得🧋泰式奶茶經典濃郁，唔會過甜整體而言，餐廳專注食物質素價錢親民，服務態度好好絕對會再黎食…Read More

個收銀員工服務態度真係好差，收銀時俾錯咗單我，我提醒佢打錯左單，佢反倒怪我唔係座位埋單，又話“你唔喺座位我點知你從邊座位出來埋單”，但如果我唔行出來都無侍應俾我單啊！根本無人理會😅ok，到此為止我都忍，過咗一陣，又話“八達通支付寶壞咗，只可以現金”（但門口分明寫乜支付方式都得😅）我冇帶咁多現金，問佢可不可以我先去撳錢，依家又話八達通可以使用，我：？？？俾錯張單還黑口黑面怪起客人，下次唔會再幫襯👌🏻👌🏻…Read More

放工約咗朋友去呢度食飯，好耐冇食泰國菜啦！夜晚過嚟都幾多人，店入面嘅裝修環境都唔錯，幾乾淨而且座位夠闊，坐落好舒服！鍾意食魚嘅，建議一定要燒馬友魚！以明火炭爐燒烤，原隻上，即叫即整，新鮮熱辣辣，賣相一流，肉質嫩滑，豐富多汁，香濃無比！鍾意食魚嘅建議一定要叫黑毛豬肋骨有驚喜，香濃濃厚，肉質軟腍，肥瘦適中，啖啖肉，大條又好味道～ 鹹魚炒椰菜苗比較少見，蔬菜新鮮，爽口，鹹魚炒得都幾入味，配飯一流，性價比高。…Read More

每人可以加兩隻燒蟶子，都只係$18/隻❗️而且唔係細細隻🤏🏻係真係厚肉新鮮既蟶子🤤原本只係叫左兩隻，我同朋友都再encore☺️必叫👻-生菜包有驚喜！酸酸地好開胃👍🏻九層塔薄荷葉🌿配埋肉碎洋蔥🧅搭埋生菜一齊食，成件事好prefect🥗-Pad Thai 花生碎+青檸🍋食落唔油膩而且有足夠既芽菜蛋絲葱🍝值得一讚麵質Q彈👍🏻唔會淋padpad咁，食落似去左泰國小店咁😌-上明爐烏頭既時候同時上左碗唔知咩😂我地意為上多左，點知個侍應話叫烏頭就會有👀我飲左一啖仔覺得怪怪地就無飲，點知後尾發現應該係明爐烏頭嘅湯汁🤦🏻‍♀️講返條烏頭🐟少骨魚肉質地新鮮👍🏻份量大，一班朋友食建議一試👯‍♀️-食泰國野必叫芒果白糯米飯🥭大大碟share食岩岩好，芒果夠甜😝糯米飯暖笠笠又夠軟熟唔會哽胃👍🏻-整體👉🏻海鮮新鮮推薦order，份量大大份岩晒同一班朋友一齊share，員工手腳快落單唔駛等👌🏻…Read More

樓面收銀態度超差，，外賣單漏比野，海南雞飯冇俾雞汁，電話問佢拎番，重複幾次外賣單食品之後，，，對方竟然反問有咩問題、有咩錯。最後要經理接聽先可以解決問題，，簡直離譜。…Read More

餐廳食物味道都可以的，正常茶餐廳食物；服務方便就完全接受唔到，係樓面收銀應該係老闆嗰位阿姨態度極差；樓面大把位置要人搭8 人枱，當時大2 位人客，不是繁忙嘅食飯時間，都沒所謂，都係lunch（1:45左右） ，食個快飯；後來一個人坐8 人枱位置，之後有三人進來坐我那張枱，明明就有很多位置，叫我拎起個手袋讓張凳俾那三位人客，明明就有7張凳，那3 位個客人都表示不需要，因為大把位，我唔明白個老闆娘心諗什麼，同埋佢嘅態度都非常唔好，今時今日咁嘅服務態度，絕對不會再幫襯！…Read More

曾經嘅飯堂，但因為成日要等位，大熱天時，係冇冷氣地方等位真係頂唔順，今日見唔洗等，又耐冇食，就即刻入去啦。叫咗個冬陰公札肉金邊粉，湯底同之前好似差唔多嘅，但個金邊粉就出咗事，一舊舊咁好難夾，夾夾下攰到唔想繼續食…朋友本身想叫午餐常設menu其中一項，佢都話冇（聽番原來唔係第一次），成日都冇做咩放係午餐menu啊…食食下為意到冇晒之前啲姐姐，唔知係咪轉咗手，連廚房都轉埋，質素keep唔到，所以先少咗人食，唔洗等………Read More

🦀咖哩炒肉蟹 $318推介‼️大隻入味，個汁調得好，咖哩惹味送飯，點薄餅都好好食，啖啖肉，抵食👍🏻.🐟燒烏頭 $128以鹽燒烏頭，加上香料，魚肉滑鮮甜唔乾，點泰式辣醬更惹味😝.🥬馬拉盞炒椰菜苗 $98有鑊氣椰菜苗夠嫩😝.🥥椰青 $38大個而且唔算貴，解渴消暑一流.✨環境茶餐廳佈局加泰式裝飾點綴，空間大，小區老店，我會話系抵食平民泰菜，味道亦唔錯…Read More

7月中晚上去食，唔想搭枱所以要響出面街企15分鐘焗死咁等終於入到去坐時環境都係好熱好焗冇開冷氣咁，因為用條唔知咩布抹，一坐入去卡位張枱係臭嘅，啲櫈好多上手食完嘅飯粒食物質素一般串燒好乾好硬，咖喱蟹不過不失，炒通菜超級油，叫左個香茅魚還好，正常發揮，另外有個推廣係海鮮桶，但店員落錯左單叫左冬陰功底，下面係堆滿咗公仔麵嘅另一款海鮮桶，其實即係泰式部隊鍋，湯係好飲但加個麵落去發脹晒真係唔開胃，不如唔好加麵仲好影左幾張相之後都唔想再影，因為吸引唔到去影點名年輕電髮男店員落錯單兼態度趕客，記得以前呢個位有間泰國菜，但鋪面唔係咁，食完先知原來轉左手，今次之後可以唔使再去…Read More

//04 07 23 晴天🌞20:36 紅磡 民泰街金坊泰國美食數數手指 泰國之旅差唔多完咗成個月🇹🇭(我仲有好多post都未出…)每次望返手機 拍低嘅相同片就會好懷念係當地所發生嘅一切✨✨✨(好難得集合晒；喜怒哀樂☺️😤😞😆）唉，唔知又要等幾耐先可以再飛過去呢✈️？既然個心囉囉攣❤️‍🩹今晚就不如 搵間有得食船麵嘅泰國餐廳 醫住自己嘅相思症先啦🥹~~遊船湯河 (碎豬、豬潤、豬肉丸) (‘轉金邊粉) HKD$68————————————————————————湯底色澤好似泰國嘅船麵湯底望落去非常濃郁 但越食就會有種越鹹嘅感覺中途要溝返少少清水 先至緩和到佢嘅鹹味金邊粉今次太過碎 所以好快就淋晒、變一pat 配料都豐富：豬皮比得都算多 浸完湯之後 入口依然脆卜卜豬肉丸 爽口彈牙 食到有豬嘅香味豬紅 有少少腥 但質感嫩滑豬潤可能我鍾意食泰國嗰種爽滑口感但港式豬潤嘅煮法 始終做唔到食起嚟依然有起渣嘅感覺椰青榚————————————————————————入口好似食緊大菜榚一樣咁Q彈𡁻起嚟會軟軟地 但絕無加膠嘅成份而且𢳂起成舊亦唔會散開 味道帶甜 但又充滿椰青嘅香味————————————————————————…Read More

見佢有做緊set優惠 二人餐有三款食物價錢算平 食物都夠份量炒馬拉盞通菜 炒得都算惹味烤豬頸肉 肉醃得入味同鬆軟 醬汁少少辣 幾好食濕炒河 汁唔算多 味道正常 河粉黏埋一餅餅咁呢個價錢呢個份量同質素 尚算ok…Read More

Score 總分: 70講到去黃埔花園食野，唔知大家有沒有好似我咁諗法“好味嘅，不過太貴羅” 或 “唔好味，又貴”......係羅，黃埔花園話晒都係十大藍籌屋苑之一，鋪租都反映晒係食物價錢上啦，平得去邊喎!? 其實，黃埔又有咁好行呢又？但食盡黃埔美食嘅我，一於反其道而行(反咩？有咩好反?痴左線? 還是反胃?(第二次睇之後我嘅諗法))。為左大家嘅胃，我決定括出去，係附近揾間好食嘅泰國菜介紹比大家。冇錯! 冇錯! 香港人最識食，就係這間在黃埔花園外，黃埔地鐵站外嘅泰國菜。平時佢地午餐唔算好貴，60蚊左右啦，而又午午(即中午) 好多人排隊等候入內嘅泰國菜。講堅，性價比一流。味道我比佢70分，同80分嘅泰國菜比，性價比絕對贏晒。總結: 去到黃埔，又唔想食咁貴，又想食泰國菜，選這間冇錯架啦～ 溝女，溝仔都得! 之後可以行下黃埔海濱，吹下海風添 ~ 不論渣車或搭地鐵都好方便。…Read More