Golden Traditional Noodle

做完運動又係搵食時間今次三個人，可以試新野最興奮係這店不是十點關門食得好放心，可以慢慢食話晒都係烤魚，火煱，真係急唔來🙊這店主打食米線的另有雞煲和烤魚可以做埋火煱又有套餐我們點了2-3人烤魚套餐包括：前菜2選1: 雞絲粉皮粉皮較厚，一般烤魚：選了泡椒烤魚小辣另外還有兩款辣魚，水煮和三椒蔬菜2選1有：菜或菇主食：可選飯或米線魚不錯，好多肉辣度係bb辣之後加了火煱料套餐無包飲品但指定飲品半價，任叫檸樂和咸檸七都係$10一杯好抵飲！整體ok是普通米綫店座位一般好坐性價比不錯的…Read More

阿姐一視同人，對每個客都奉上極差嘅服務態度，落單嗰陣已經想走。 叫咗胡椒豬肚雞湯米線， 豬肚得幾舊仲超級老，食咗一半就放棄咗。總結 ： 服務態度極差，味道稱唔上好食，CP值又唔高，一定冇下次。完。…Read More

晚上9:00點落單，叫左個烤魚餐，到9:40分來收錢，話因為系B類餐廳要提早埋單及10點前要食完⋯其實可以落單時提一提呢，食客亦可自行決定。是日烤魚套餐店家因為話啲魚大左幾兩，所以要加$30⋯其實又點分呢？所謂魚大左，加錢之餘又要45分鐘內食完？食物一般，衛生一般，啤酒唔凍，價錢唔平，冇下次…Read More

入咗去等咗超過15分鐘不停講要落單，但係個阿姐淨係顧住同另外一個客傾偈。個枱既兩個客 仲要唔戴口罩走來走去都唔出聲！蒜泥白肉同譚仔嗰隻style係唔同嘅不過好食。紅油青瓜幾好食。腩肉OK。米線比較林但係味道好食。玉子豆腐nice. 外脆內軟. 後尾發現佢留咗單仲要廚房出錯單. 明顯溝通不良而且忙着做外賣單 另外後尾嚟嘅幾位客都要起碼等10分鐘先至落單完全唔理Walk in客. 態度差果然名不虛傳 唔知係咪落錯單所以叫唔知道自己有冇食到金仔湯底. 蕃茄湯底唔錯 男侍應生態度唔錯亦都盡力幫我哋追單呀姐係講嘢傾偈多個做嘢…Read More

金仔出名食雞煲，酸菜魚煲👍🏻👍🏻看似一間茶餐廳，其實根本就係一間火鍋店😁😁當然除咗雞煲同魚煲之外，佢哋仲做好多各式各樣嘅米線及唔同嘅飯類其實大大話話都幫襯咗佢成10年，由以前36酒店開始食食到嚟長沙灣😎😎土佬雞煲嘅水準仍然keep得幾好，味道唔會有太大嘅變化，更重要嘅係佢嘅價錢的確係非常之合理👏🏻👏🏻見到有人留言，話啲服務態度好差。唔知係咪早更同晚更嘅分別呢，夜晚有個戴眼鏡嘅哥哥應該係店長，佢嘅服務態度真係冇得輸個喎（如果唔係都唔會由36酒店食到嚟呢度）另外其他嗰啲幫手EE服務都好好喎👍🏻👍🏻…Read More

時間18:15左右，walk in攞枱，行入去3至5分鐘好似睇唔到我咁，間舖一眼已經望哂啦，終於寫飛仔比我等枱我係第4張，等了45分鐘頭3張已入，跟住入了幾張訂枱，咁我就入去問:還有幾多張訂枱，如果多我們就唔等喇，店舖員回應:好多呀，好呀咁你走啦！兩公婆冇話可說！…Read More

系元州村附近搵早餐食，啊媽想食米線，就去金仔，因為食評比三哥好。去到門口，早餐餐牌其實大部分系同茶餐廳差不多，只有一種係米線的餸，有D失望。9點鐘可能街坊都食完早餐，得幾臺客，但都比新開的南記多，可能亦系佢點解要有茶餐廳早餐的選擇。豬扒煙肉太陽蛋多士餐($36)2分- 豬扒系炸得好新鮮，但太多油同埋有D”油益”味，但肉質算肥同鬆，；煙肉都幾真，多士的麵包比較普通；但D番茄豆系”冰凍”，非常大問題；咖啡就好淡同無香味。酸菜腩肉生菜米線（$32）2分- 餐牌有一隻手指公辣，但食落吾算辣，但酸菜味吾夠，起碼入吾到舊豬肉；豬肉系淋咖，好適合老街坊食，米線系比較幼同滑。…Read More

今日老公黎接收工 經過金仔見到呢張poster7:00前落單只係$109仲要係一隻雞～超抵即刻衝去食見到煲野嘩左一聲 因為都幾大煲好足料 呢個價錢有呢個分量非常唔錯味道方面麻辣味恰到好處 雞都幾滑咁岩見到啤酒做優惠兩個人兩罐啤酒一個雞煲加一碗白飯先$140左右埋單平靚正之選 絕對會返轉頭再食…Read More

一向不喜歡食米粉嘅我⋯竟然俾我搵到一間令我食完會一定要再返轉頭食嘅米粉。因為個米粉并不是一般米粉好鞋好粗個種⋯係入口非常滑個種⋯呢個早餐係自家酸菜肉燥米粉⋯仲加配任何2款腸/蛋/餐肉/火腿等⋯再加半份超厚多油厚多士⋯跟埋熱飲都只係$29⋯不過我叫咗杯凍飲+$3。呢個價錢非常合理⋯我簡直覺得係抵食添。…Read More

之前經過好多次一直都好想食 今次終於試到佢既烤魚啦！我同朋友2個人食 叫左三辣味烤魚佢有得揀魽魚或者烏頭 仲分左4個size 小/中/大/特大因為我地都好中意食魚 所以叫左特大($288)魚就聽店員講揀左少d骨既魽魚 跟住額外加左 薯仔片 芽菜 蟹棒 芝士腸 同午餐肉烤魚本身已經有d芽菜 洋蔥 香茜個魚d肉好滑 而且真係冇乜骨 啖啖肉雖然叫左特大但都係覺得唔夠喉 好快就食晒d魚芽菜配呢個湯真係好夾 其實佢仲有好多火鍋配料可以揀 不過我地都係中意食d加工食物 蟹棒佢就真係比蟹棒唔係d劣質蟹柳 索晒d汁好好食埋單2個人每人200蚊下次我諗可以一人一條魚必定會再黎…Read More

今晚食烤魚，朋友帶左我去呢間叫金仔，餐牌有呢D。烤魚有魽魚或者烏頭選擇，我地揀左魽魚，因為比較少食。泡椒魽魚 （中 size) $188魽魚英文叫 cat fish , 可能因為佢有鬚，亦可能佢係貓最鐘意食的魚，等我得閒 google 吓有冇典故先。魽魚先煎香表皮，裡面啖啖肉無乜骨。肉質唔算嫰滑，但配上泡椒汁，香口配料如洋蔥、芹菜、芽菜、芫茜等，應有盡有絕不馬虎，少少辣又夠重口味，都唔錯架。兩個人食一條中 size , 唔多夠，如果大食朋友可能要叫大 size 。四餸清湯紅薯粉（牛丸+蟹柳+生菜+豚腩片）$59仲叫左碗四餸紅薯粉，加入烤魚入面食。其實所有配料都係好普通的貨式，賣成六十咁滯，感覺搶錢。但朋友話咁叫法係平過點火鍋生料，仲可以試多幾款喎。都有D道理，明顯係慳家的人........將D餸同薯粉加入烤魚內滾兩滾，沾上泡椒魚汁，即時美味提升，吸引左好多。可樂$7 一罐，ok 啦。有卡位，冷氣足。衛生一般，D餐具全部要自己洗吓。服務冇乜，上菜亦唔算快。呢一餐剩惠$260左右， 八分飽，不過不失啦⋯⋯…Read More

無人可以阻止到香港人想食雞煲+打邊爐既慾望夏天熱辣辣都會想食！呢間金仔米線夜晚會賣埋雞煲/烤魚，唔洗出去旺角排隊排餐死先有得食！琴晚同屋企人4個人去食，叫左個$299雞煲套餐，包一隻雞，小食（雞絲粉皮or蒜泥白肉），肥牛/豚肉，牛丸墨魚丸拼盤，蔬菜籃/雜菇籃，兩碗飯/米線，飲品半價。套餐好抵食，一隻雞份量好多，一上檯已經聞到濃濃香味，我地叫左小小辣，食到後面，越煲越濃味，正！但媽咪去到後面就食唔到，要係咁飲野，但我覺得雞煲都係辣d好味d打邊爐部分，加湯用上湯，抵讚我地仲加單叫左韭菜餃（6隻）、鮑片（碌一碌就食得，第一次打邊爐試鮑片，點知都幾夾！）餐廳係小店，得兩個樓面侍應，但佢地講解都好細心，手腳動作快！坐得舒服，唔會好嘈，傾計食左三個鐘都無趕人走…Read More

忽然間好想食烤魚，就見到呢一間米線餐廳就有雞煲或者烤魚食，我哋就一於去試吓烤魚有套餐揀，無奈入面有啲餸我哋係唔食，問過店員一面啲丸類又不可以轉其他款嘅丸類，牛肉唔可以轉做其他，唯有散叫吧🙁🙁🙁🙁烤魚呢有幾款味揀，不外乎係麻辣味，另有唔辣嘅選擇例如番茄或者與燒汁因為有朋友唔識辣，所以我哋叫咗番茄烤魚，但番茄味道唔算好濃，面頭鋪滿晒青椒紅椒洋蔥，雖然色彩繽紛，但總係覺得同蕃茄格格不入🙁🙁🙁…Read More

諗住簡簡單單快食一個外賣午餐，於是心想米線都應該唔會伏...點知出事。先講等候時間...普普通通一個兩餸米線要等成半個鐘...但眼見樓面亦唔係高朋滿座...心諗可能係對食品要求，要確保高質先可以比客啦。點知返到屋企一睇...嘩!!! 搵晒成碗肥牛豆卜米線...得到4”粒”肥牛...無錯係4粒...你無睇錯係粒...成碗味道方面係okay既...但分量方面比我既感覺似係琴晚打邊爐剩底既料...坦白講， 雖然土地問題令租金高昂，但都唔好咁過份做生意丫…Read More

讀書時候放lunch 最鍾意食呢間既米線，原因係我唔食麻辣同酸辣湯底，佢個沙嗲湯底係超好味。呢日留左學既同學仔放假返尼香港，機會難得於是就去金仔回味佢既米線。分店愈來愈少，好彩市區仲有位於長沙灣呢間分店。以前食係有1 set set 叫既，而家就全部自選或者全部都有。我就揀左豚腩片同雞絲，沙嗲湯(+$2)豚腩片同雞絲落得幾多，雞絲好滑，豚腩片都唔軔跟湯既腐皮同芽菜好入味其實麵底夠飽既，不過實在太好食，食完有少少空虛感，如果有得加底就好啦~食完晒D麵我竟然不湯尼飲因為冇餐關係，飲品要加$7姨姨問我地有冇學生證，我都想仲有><學生飲品+$2凍檸茶檸檬新鮮，茶味唔澀，正話說以前既燜湯(少辣)即係而家既招牌湯，餐牌見唔到唔洗失望呀如果佢開間分店係我公司附近就好喇!!!!…Read More