Shigefusa

廚師以精緻手法演繹當造日本食材，每一道都像藝術品般講究～ 其烹調手法細膩，突出女性喜愛的清甜口感 , 每道菜皆附師傅詳細講解產地與創作理念，絕對帶給你非常好嘅體驗。北海道仙鳳趾生蠔佐柚子魚子醬與青橘金柑果凍🦪，酸甜交織如海邊微風～ 慢煮磯煮鮑魚突破傳統醬燒做法，搭配淡路島洋蔥的天然甘甜，溫柔不嗆喉💫 岩手縣石湖貝當造僅6-8週的，由於正值當造期，鮮甜度爆表，彷彿含住一口海潮🌊！壓軸的 馬糞海膽creamy如雪糕🍦，仲要非常鮮甜！靜岡蜜瓜口感竟然軟滑到好似雪糕咁！爆汁香甜完美收尾…Read More

廚師發辦重點從來係「驚喜」，而呢間絕對滿足到呢個期望。由食材、食物賣相、味道都好出色。師傅對每位客人嘅需要敏感度高，會貼心調整菜式嘅份量、次序等，都令我好欣賞。Dinner Omakase @$1580先付有沖繩縣水雲配蝦肉 。水雲酸酸甜甜，蝦肉鮮彈。另配北海道白粟米，好清甜。首道刺身係愛女魚刺身口感爽嫩，好少筋。面頭配上少許梅昆布漬。北海道仙鳳趾生蠔好得我心。肉身肥厚、質地爽滑口。海水味適中，配上土佐醋寒天同魚子，十分鮮味。哈夷牡丹蝦配夢黃蛋醬又一深刻之作。晶瑩剔透嘅牡丹蝦掛上香濃夢王蛋蛋漿已經好吸睛，再配上以蝦殼蝦膏製成嘅醬汁真係無得輸。炸蝦頭部份都非常美味。磯煮哈夷鮑魚，以醬汁同昆布等材慢煮鮑魚。鮑魚鮮嫩彈牙，同時有濃郁醬汁香。師傅將鮑魚不同部份分開，先品嚐軟腍裙邊位置，再品嚐爽彈鮑魚肉，最後先食索哂啲醬汁嘅大根。再有稀有嘅時不知刺身，油脂豐富，配上明太子昆布醬一同食用。沙錐魚天婦羅，同時有視覺同味覺嘅享受。碟邊紫椰菜汁加上檸檬汁後，色彩鮮艷，好吸睛。口感方面外脆內嫩，蘸上碟邊嘅汁甜甜酸酸，非常出色。幾款手握壽司分別有赤貝/鰝鰺/火炙金目鯛配柚子胡椒/北寄貝。最後來一客北海道根室紫海膽海膽壽司杯，配上紫蘇葉、三文魚籽同柚子醬油漬。愛媛縣大善吞拿魚，同時品嚐赤身/ 中拖羅/大拖羅，大滿足。店家招牌魚湯。以三十多種魚，加上白胡椒、芫荽等熬上6-7個鐘，味道非常濃郁，最後以巨峰提子作餐後甜點。…Read More

今次朋友升職請食飯，帶我去咗間Omakase，成餐嘅體驗真係有被震撼到！仲好食過我上次喺東京食嘅廚師發辦，食材新鮮，壽司有唔同嘅配搭，俾到新鮮感我哋😋前菜有沖繩水雲配北海道蟹肉同煮螺，蟹肉鮮甜，配上酸酸甜甜嘅水雲，為呢個味蕾旅程打開序幕🤩開始食刺身，首先有愛女魚刺身，加上梅昆布漬，帶出魚肉嘅鮮味。青柑桔啫喱配仙鳳趾生蠔，好creamy，啫喱酸甜好平衡！磯煮鮑魚旁邊有鮑魚肝醬，味道濃郁，鮑魚彈牙😋鱒魚配明太子昆布醬🐟北海道牡丹蝦：賣相已好打卡，牡丹蝦鮮甜到飛起！仲有自家製鮟鱇魚肝同中拖羅、大拖羅，拖羅無筋，油脂香濃🤤熱食有燒吞拿魚魚鮫：上菜時店員會倒檸檬汁，同碟邊紫椰菜汁混合就變食，顏色變幻好靚😍🍣 壽司有帆立貝 、深海池魚 、金目鯛 、黑鯥 🍣最正係北海道馬糞海膽呑拿魚蓉三文魚籽丼🥹鐵三角組合，啖啖鮮味啖啖滿足🥹最後仲有魚湯同巨鋒提子，食到好飽🤣要多謝friend 請我食呢餐，仲要多謝師傅，成餐都好食！
…Read More

🍣 高級Omakase｜隱世廚師發辦！稀有食材大滿足 🍣🍙🦪🍈今次試咗間超隱世嘅Omakase，師傅精心挑選當造食材，每道菜都係驚喜，即刻同大家分享！ 七星盧魚✨ 肉質細嫩，淡雅鮮甜，完美打開味蕾。 北海道仙鳳趾生蠔配柚子魚子🦪 生蠔肥美Creamy，柚子魚子爆開帶微微酸香，超醒胃！青橘子果凍🍊 清甜爽口，食完生蠔後refresh味覺，準備迎接下一道。 珍味｜鮮味爆發自家製慢煮鮑魚配淡路島洋蔥🐚 鮑魚煮到軟嫩入味，淡路島洋蔥浸過汁，甜到似水果，完全冇辛辣感！ 白時不知（富士山靜岡產）🎣 超級稀有！肉質細緻帶淡淡油脂香，配明太子昆布漬同蘿蔔蓉，鮮味層次更豐富。 岩手縣石垣貝🐚 4-8星期當造期，爽脆鮮甜，簡單配Wasabi已經夠正！ 熟成｜濃郁油脂香北海道野生18日熟成中吞拿魚（菠蘿漬）🍍熟成後魚味更濃郁，加咗菠蘿漬帶微微果香，超有驚喜！ 吞拿魚下巴配紫椰菜汁酸汁🔥 燒到外脆內嫩，紫椰菜汁酸香平衡油膩感，超惹味！ 網燒深海池魚🐟 皮下脂肪被火炙逼出，入口即化，油香滿溢！ 金木鯛配柚子醬🍋 燒過後魚皮香脆，柚子醬清新解膩，完美襯托魚肉鮮甜。 野生鰤魚配七色胡麻🎨 肉質緊緻，七色胡麻增添香氣同口感。 馬糞海膽🍦 鮮甜到好似食緊海膽雪糕！Creamy到震，入口即溶。 吞拿魚蛇腹（近肚臍位）🔥 生熟部位結合，油香爆炸！師傅火炙技巧超班，外微焦內軟嫩。 甜品｜完美收尾靜岡蜜瓜🍈 爆甜多汁！食完咁多道濃味嘢，呢個清甜收尾簡直係天堂～ …Read More

今日嚟到左期待左好耐嘅重房食omakase! 師父真係好風趣幽默，刀功又了得，仲好用心機咁同我哋介紹每道料理。無論係食材揀選定係擺碟都好用心！師父仲會觀察我哋食嘢嘅進度，會根據我哋嘅喜好調整，好貼心！🔸蟹肉秋葵伴麻醬：蟹肉好鮮甜，配埋秋葵嗰種滑滑地嘅口感，好開胃呀～麻醬都唔會太濃，啱啱好！🔸蘿蔔螺肉串個螺肉超入味，好鮮甜呀！蘿蔔炆到好軟身，吸晒啲汁，濃味到不得了🔸土佐醋北海道帆立貝帆立貝嫩到不得了，貝柱火炙過有少少焦香，土佐醋配埋青柚子皮，係好清爽嘅微酸，好開胃🔸愛侶魚刺身：白身魚超滑，唔會黐牙，配個梅子昆布醬好特別，有梅香又清新，好鍾意！🔸北海道岩生蠔一上枱就雙眼發光😍個蠔好大，食落好creamy好甜，配埋啲三文魚籽同青橘子啫喱，清新得嚟又唔會太鹹，正！聽講個三文魚籽用柚子醃咗三日，令到三文魚籽唔會咁鹹，師父好用心呀！🔸稀有純白時不知：第一次食呢種魚！師傅介紹白色嘅時不知係好稀有，表面燒過好香，油份比較重，滑身，配埋牙蔥同明太子醬，會冇咁油膩🔸磯煮鮑魚配蘿蔔：個鮑魚煮咗好耐，又嫩又彈牙，亦都好入味，個鮑魚肝醬超濃郁，蘿蔔都好甜。🔸北海道噴火灣藍旗吞拿魚中拖羅：今晚嘅主角！夾埋沖繩菠蘿食好創新，減輕左吞拿魚嘅酸味，更加鮮甜！🔸赤貝壽司個赤貝好大隻，爽脆彈牙，配青檸汁好refreshing，個壽司飯溫度啱啱好，微微酸味，好開始！🔸紋甲魷魚壽司厚身魷魚，師傅刀功好勁，微焦香又彈牙，好香甜🔸金目鯛壽司厚身有油香，配柚子胡椒啱啱好，唔會搶咗魚嘅風頭。個魚好肥美，入口即溶！🔸醬油漬鰤魚壽司個芝麻鹽好香，京蔥清甜，個魚嫩滑油香，食完仲有回味，超正！🔸馬糞海膽壽司呢個海膽creamy到飛起，甜度啱啱好，配埋烤海苔，口感滿分！我最愛！真係好奢侈嘅享受🔸特製魚湯用咗三十幾種魚煮，奶白色好靚，青甜又有香菇，微辣層次，超鍾意呢個湯！🔸夕張蜜瓜：最後嘅甜品，多汁香甜，vnd綿密，糖度好高，完美ending！…Read More

在這個雨夜造訪重房，體驗史提芬師父精心打造omakase。師父將傳統融入現代創意，每道菜都會清楚講解做法。蟹肉秋葵伴麻醬：開胃前菜選材精當，蟹肉鮮甜與秋葵的滑膩口感形成層次，麻醬調味恰到好處蘿蔔螺肉串：螺肉調味恰到好處，鮮甜滑嫩，汁煮蘿蔔充分吸收湯汁精華，濃郁入味土佐醋北海道帆立貝：醬汁淡雅清香，帆立貝質地嫩滑鮮甜，貝柱經火炙後呈現微焦香氣，層次豐富，青柚子皮的微酸恰好提鮮開胃。愛侶魚刺身：白身魚質地極佳，入口順滑無黏膩感，配搭梅子昆布醬展現獨特梅香，清新脫俗北海道岩生蠔：海水味濃郁純正，質地creamy，配以經柚子醃製三日的三文魚籽，底層青橘子啫喱巧妙中和鹹味，整體清新提鮮稀有純白時不知：罕見食材，油香集中突出，表面炙燒呈現微焦香氣，配搭清甜四國牙蔥及明太子昆布醬，味道層次分明磯蝦夷煮鮑魚配蘿蔔：經數小時慢煮，鮑魚質地鮮嫩入味，鮑魚肝煮成的醬汁香濃醇厚，青甜蘿蔔吸收精華，微苦蘿蔔苗讓味蕾清新一下北海道噴火灣藍旗吞拿魚中拖羅：當晚主角，以沖繩菠蘿調味頗具創意，野生吞拿魚有少許筋，魚味濃郁赤貝壽司：特大，質地爽脆彈牙，配青檸汁提味，壽司飯溫度適中帶微醋香，是壽司環節的完美開端紋甲魷魚壽司：厚身切法展現師傅刀功，微焦香氣與香甜彈牙口感並存金目鯛壽司：油脂豐富，配柚子胡椒調味恰當，醬料不會喧賓奪主醬油漬鰤魚壽司：七色江戶鹽芝麻增添口感層次，京蔥清甜，魚肉嫩滑油香，讓人回味馬糞海膽壽司：質地creamy，味道濃淡適中，配香烤海苔，口感搭配滿分特製魚湯：採用三十多種魚類炮製，湯色奶白，味道鮮甜，配香菇提鮮，極為出色夕張蜜瓜：多汁香甜，綿密口感配合高糖度，為整餐劃下完美句號…Read More

已經係第三次嚟銅鑼灣嘅「重房」食Omakase，香港好難得有咁高質嘅廚師發辦！每次嚟都有新驚喜，價錢合理，食材新鮮，擺盤精緻，絕對值得一試再試✨🔸 前菜：沖繩水雲配北海道蟹肉同煮螺，好鍾意食水雲，滑捋捋酸酸甜甜清新開胃！🔸 愛女魚刺身：屬於淡口啲既魚配上梅昆布漬，魚肉軟嫩😋
🔸 青柑桔啫喱配北海道仙鳳趾生蠔：師傅好貼心將咁大隻生蠔切開咗，貝柱位置爽口，蠔身creamy，啫喱酸甜平衡，好有層次！
🔸 磯煮鮑魚：配鮑魚肝醬，濃郁又鮮香😚🔸鱒魚：師傅話係稀有魚嘅一種，配明太子昆布醬，隻燒過充滿魚油香！
🔸 北海道牡丹蝦：用上夢王蛋蛋黃同蝦膏，鮮甜無比🥹係今餐最難忘嘅一道菜🥰
🔸 自家製鮟鱇魚肝：混入黃蘿蔔漬，口感豐富，味道層次分明！
🔸 中拖羅與大拖羅：軟綿綿嘅口感，入口即溶，幸福感🈵🈵
🔸 燒吞拿魚魚鮫：上菜一刻好似變魔法，店員會倒檸檬汁同紫椰菜汁，顏色變幻超有趣！仲可以點旁邊嘅酸汁，味道更突出！🍣 壽司🍣帆立貝配青檸，清爽又鮮甜。深海池魚、金目鯛加上白胡椒提味，配搭好獨特。黑鯥魚火炙過逼出油脂，配鰹魚蒜頭漬，超香！北海道馬糞海膽，份量唔少，好鮮甜😋最後有魚湯，暖一暖胃，好滋潤。甜品有巨鋒提子 🍇唔覺唔覺就食咗16道菜，好豐富🥹…Read More

店舖位於銅鑼灣，門面低調。採用日本直送矜貴食材，加上師傅精湛廚藝，創作出不同高級菜式，其質素之高，絕對打入我Omakase餐廳名單三甲。Dinner Omakase 🥢沖繩縣水雲配蝦肉 - 酸酸甜甜，另配上清甜北海道白粟米，清新開胃。🥢愛女魚刺身 - 係白身魚中較少筋，口感既爽口又嫩滑。配上梅昆布漬，層次更豐富。🥢北海道仙鳳趾蠔 - 飽滿厚實，味道清甜。配上土佐醋寒天同魚子，鮮味滿分！🥢哈夷牡丹蝦配夢黃蛋醬 - 大愛‼️牡丹蝦晶瑩剔透，鮮嫩彈牙。配上蛋香滿溢嘅日本no.1夢王蛋同以蝦殼蝦膏製成嘅醬汁，超級出色。炸蝦頭勁好食，佐酒一流～🥢磯煮哈夷鮑魚 - 先品嚐裙邊位置，口感軟腍；再品嚐爽彈鮑魚肉，可選蘸鮑魚肝醬。最後再食蘿蔔～🥢時不知刺身 - 係珍貴稀有嘅食材。油脂豐富，肉質緊實，配上明太子昆布醬一齊食，非常美味。🥢沙錐魚天婦羅 - 外脆內嫩，口感結實且富油香。重點係碟邊嘅紫椰菜汁加上檸檬汁後，呈現出色彩鮮艷嘅效果，打卡必選。食起來甜甜酸酸，增添清新感～🍣赤貝 - 配青柚子汁；🍣鰝鰺 - 油脂豐富，口感爽口 ；🍣火炙金目鯛配柚子胡椒 - 將金目鯛嘅皮稍炙，迫出魚油更香。火炙醬油帶姜同蒜，好惹味；🍣北寄貝 - 配檸檬汁🍣海膽壽司杯 - 用上北海道根室紫海膽，配紫蘇葉最適合不過，味道回甘。底下壽司飯配柚子醬油漬同三文魚籽～🥢赤身/ 中拖羅/大拖羅用上愛媛縣大善吞拿魚，同時品嚐三個部位，幸福🥰當中師傅仲以少量沖繩菠蘿配赤身，稍稍中和赤身酸味，突顯鮮味～再來一碗招牌魚湯。用上三十多種魚，加上白胡椒、芫荽、其他秘製材料等熬上6-7個鐘，鮮味滿分！最後以甜品巨峰提子劃上完美句號。…Read More

想食Omakase，但又怕中伏，想正宗小小但又唔想太貴的話！可以試試呢一間🙌🏼 店員會逐一講解食材來源同烹調方式，令每道菜都更具故事性📖套餐以17-18道菜為主軸，涵蓋刺身、燒物、壽司、湯品同甜品~Dinner set✨ $1580 17-18道菜開場嘅以水雲同蟹肉組合，清爽嘅水雲搭配鮮甜蟹肉，螺肉簡單調味突顯食材原味，加超入味蘿蔔💦北海道仙鳳趾生蠔🦪來自札幌東海岸線嘅仙鳳趾生蠔真是一個亮點！生蠔入口清爽無腥，搭配青海藻醋啫喱同紫蘇花，酸香同花香完美融合，帶來細膩嘅層次感。呢款岩蠔號稱「最清爽」，果然名不虛傳，鮮甜得令人回味無窮🥹🦐北海道牡丹蝦 + 蝦膏 + 夢王蛋黃蝦甜美嘅蝦味同蛋黃嘅濃香喺口中交織 無可能唔好食！！🐟靜岡白櫻鱒魚 （對蝦敏感嘅我 稀有品種白櫻鱒魚（白三文魚）令人驚艷，油脂分佈均勻，入口有如拖羅般綿滑，比一般三文魚清爽，帶點細膩嘅甘甜👏🏽磯煮鮑魚肝醬磯煮鮑魚以肝醬調味，鮑魚軟嫩彈牙，肝醬濃郁卻不膩，口感層次豐富，驚嘆😆銀鱈魚乾 + 鮟鱇魚肝醬✨呢道菜將銀鱈魚乾同鮟鱇魚肝醬混搭，黃蘿蔔碎增添咗爽脆口感銀鱈魚乾嘅鮮香同鮟鱇魚肝嘅濃郁融合得好好 yummmm!拖羅生死戀👼🏼包含火炙拖羅、赤身同紫蘇葉，搭配淺利鹽（蜆仔）提鮮，拖羅入口即化，赤身則帶濃郁魚香，紫蘇葉嘅清香中和油脂感，三者相輔相成~燒吞拿魚下巴🐟呢一道菜式好fancy，一定要拍低佢🤣 吞拿魚下巴非常稀有，燒過之後外脆內嫩，再點一點旁邊檸檬汁，好夾！壽司份量可按客人喜好調整，展現師傅嘅細心！• 鰝鰺魚：深海白身魚，腩位爽口清淡，入口帶有細膩鮮味。• 石鯛：來自沖繩至鹿兒島水域，配自家製蒜粒醬油，炸蒜嘅香氣提升白身魚嘅淡雅，口感豐富💥• 火炙北寄貝：配青檸汁，貝肉鮮甜，火炙後香氣四溢🤤• 兩款海膽熱狗（細手卷）：馬糞海膽creamy甜美，紫海膽結實回甘 my fav!❤️• 白櫻鱒壽司：網燒手法激發皮下脂肪，入口細膩而不油膩• 吞拿魚腦天：稀有部位，肉質幼細綿滑🫱🏼‍🫲🏽超濃魚湯🐟🐠以三十幾種魚熬製七小時，無味精、糖或防腐劑，純粹靠天然鮮味取勝。白胡椒點綴增添一絲辛香，湯底濃郁卻清爽，暖胃又暖心。(注意有芫荽🤣)甜品🍧巨峰葡萄當造嘅巨峰葡萄作為甜品，清甜多汁…Read More

最近見到好多人介紹呢間omakase，呢度嘅位置好舒服，而且廚師交流得好開心，今次試完我都好想介紹俾朋友啊。呢個前菜我非常喜歡，沖繩水雲加埋新鮮螺肉，蘿蔔，酸酸甜甜咁好開胃。另外刺身都好出色，牡丹蝦非常大隻，而且蛋仲係夢王蛋，蝦嘅質感非常好，而且好新鮮，襯埋真係一流。華漣生蠔亦都好出色，原來佢係長崎縣產，新星期三同加埋少少酸汁啫哩同三文魚子，真係非常開胃新鮮。本身覺得呢件刺身有啲奇怪，原來佢叫做露天腦天+中腹，佢係拖羅稀有嘅部分，拖羅嘅額頭加埋少少嘅火炙，香氣四溢，配埋紫菜紫蘇葉真係一流啊。壽司方面，每舊都好新鮮赤貝 配新鮮柚子樣皮酸酸地非常清新深海池魚 佢既煙燻過程燙出左油脂，食落唔會太肥，不過好香大拖羅 用最肥腩位otoro,加上芝麻碎，唔會太膩之餘又好清新梳子魚不過我最欣賞嘅就係呢個梳子魚，佢既皮經過火炙，加咗少少柚子胡椒真係好香好清新。另外呢個魚湯都係好值得一讚，原來係用30幾條唔同品種既魚，每日煲6-7 個鐘，完全唔使加味精，就可以煮到呢一種奶白色嘅魚湯啦。每一啖都充滿鮮味，好明顯冇落過味精，亦都睇得出廚師每日嘅辛勤工作。…Read More

前菜 有水芸配蟹肉酸酸甜甜 好開胃 另外配有海螺貝蘿蔔 螺好入味而且好彈牙 蘿蔔好清甜 好淋 北海道牡丹蝦配夢王蛋液 牡丹蝦好大隻而且好鮮甜 配埋夢王蛋液入口更加順滑 面頭配上蝦頭膏令蝦味更濃郁北海道蠔配土佐啫喱三文魚子籽 生蠔好肥美creamy 用土佐啫喱三文魚子籽作調味更加提鮮慢煮磯煮鮑魚配鮑魚肝醬鮑魚切得都幾大粒 令到口感好好 又唔會韌 keep到軟淋 慢煮後好入味 味道甜甜地 墨魚刺身配青柚子皮及三文魚子 鰹魚及南瓜天婦羅呢道菜最驚喜 用青檸汁倒入紫椰菜汁產生化學反應而變成粉紫色，好靚～ 南瓜好甜 鰹魚厚實多肉北海道馬糞海膽食落好鮮甜 好creamy白象拔蚌配土佐醋蒟蒻順菜 白象拔蚌非常爽脆而且好鮮甜 順菜好滑 口感幾得意深海池魚刺身 池魚油脂豐富，炙燒過魚皮位置後更加襯托出魚脂的甘甜魚湯好濃郁 用左30幾種魚煲出嚟甜品有巨峰提子 超級甜 好多汁 好好食！…Read More

銅鑼灣，向來都係 Omakase 嘅一級戰區，要在呢度突圍而出，無啲功架同諗頭都幾難。今次到訪嘅「重房」，個名聽落沉實穩重，估唔到體驗完佢哋嘅晚市廚師發辦，先發現師傅喺傳統功藝之上，仲加入咗唔少玩味同創意。今晚呢餐飯，絕對係一場充滿驚喜嘅味覺旅程。先付與刺身：鮮味滿載嘅華麗序章 🌊一頓精彩嘅 Omakase，前菜就如同一本書嘅序章，而「重房」嘅開場白，可以話係寫得相當引人入勝。蟹肉秋葵胡麻醬配北海道白粟米：先以一道清新前菜打開味蕾。蟹肉嘅鮮甜、秋葵嘅滑溜，配上濃而不膩嘅胡麻醬，本已係天作之合。最畫龍點睛嘅係嗰幾粒北海道白粟米，清甜爽脆，一咬爆汁，即時為口腔帶嚟一抹清新嘅田園氣息。白象拔蚌、順菜配青柚子：象拔蚌最緊要夠爽脆，「重房」呢件完全做到，鮮味十足。配上滑潺潺嘅順菜（蓴菜）同幾滴青柚子皮，口感層次豐富之餘，柚子嘅清香更將象拔蚌嘅鮮味提升到另一層次，非常高雅。仙鳳趾生蠔配香醋 Jelly 及紫蘇花：今晚第一個高潮位，絕對係呢隻嚟自北海道嘅仙鳳趾生蠔。仙鳳趾蠔出名肉身肥厚、口感 Creamy，味道濃郁。 師傅巧妙地配上自家製嘅香醋啫喱，酸度恰到好處，既能中和生蠔嘅膩感，又唔會搶走佢嘅鮮味。最後灑上幾朵紫蘇花，增添一縷幽香，呢個配搭簡直係冇得輸！牡丹蝦配夢王蛋黃醬：牡丹蝦刺身食得多，但配上「夢王」蛋黃醬就係第一次。「夢王」雞蛋出名蛋味濃郁、顏色鮮橙，用佢製成嘅蛋黃醬質感綿密，蛋香撲鼻。 牡丹蝦本身已經夠甜糯，蝦身入面仲有滿滿嘅蝦膏，蘸上蛋黃醬一齊食，鮮味同甘香喺口中大爆發，非常奢華嘅享受。割烹料理：火候與溫度嘅完美演繹 🔥食完幾道精緻前菜，就輪到考驗師傅火候掌握嘅割烹料理。磯煮鮑魚配鮑魚肝醬：磯煮係一種傳統嘅日式慢煮方法，用昆布同醬油等材料將海鮮嘅鮮味發揮到極致。呢個磯煮鮑魚煮得非常軟腍入味，一啲都唔韌。下面墊住嘅蘿蔔吸收晒所有鮑魚同醬汁嘅精華，清甜無渣。最精彩嘅係個鮑魚肝醬，甘香濃郁，點少少一齊食，令鮑魚嘅味道更加深邃有層次。刺身二點（野生鰤魚、網燒深海池魚）：師傅一次過上兩款魚，形成有趣對比。野生鰤魚（Buri）刺身，肉質比較緊緻，師傅話解凍多少少，等魚油迫出嚟會更好食，呢份對食材狀態嘅執著值得一讚。另一款深海池魚（Shima-aji）就用咗網燒嘅方法，輕輕火灸魚皮，令豐富嘅油脂香氣瞬間釋放，入口帶有微微炭火香，魚油甘香，令人回味。赤身中拖配紫蘇葉及貝醬：吞拿魚絕對係 Omakase 嘅靈魂。呢件赤身（Akami）同中拖羅（Chutoro）之間嘅部位，既有赤身嘅魚味，又有中拖羅嘅油香。用紫蘇葉包住食，再配上師傅特製嘅貝類醬汁（估計係帆立貝醬），貝醬嘅鮮甜同紫蘇嘅清香，完美地襯托出吞拿魚嘅濃郁滋味，配搭充滿心思。魔鬼魚旗魚天婦羅：呢道菜絕對係全晚嘅「呃 like」位！用魔鬼魚魚鰭同旗魚做天婦羅已經夠特別，炸漿薄脆，魚肉極度嫩滑。最過癮嘅係碟邊嗰一抹紫色洋蔥汁，師傅叫我哋唧啲檸檬汁上去，紫色嘅醬汁竟然會慢慢變成粉紅色！呢個「變色」效果玩味十足，而醬汁本身酸酸咪咪，非常開胃，完美化解天婦羅嘅油膩感。江戶前壽司：舍利與魚生嘅終極對話 🍣嚟到 Omakase 嘅戲肉——壽司環節。「重房」嘅壽司舍利（飯）溫度同酸度都恰到好處，米粒分明，握功紮實。火灸北寄貝：火灸過後嘅北寄貝，爽脆中帶點煙韌，甜味更加突出。柚子鹽帆立貝：經典組合，厚肉嘅帆立貝鮮甜嫩滑，面頭嘅柚子鹽帶出清新嘅果香，百食不厭。目一鯛配乾蒜醬：目一鯛係一種比較少見嘅高級白身魚，魚味清爽高雅，肉質帶點實淨。 配上炸過嘅蒜蓉醬，香脆嘅口感同微辛嘅蒜香，為呢件淡雅嘅壽司增添咗唔少趣味。神戶 A4 和牛：和牛經過火槍輕輕炙燒，油脂香氣四溢，真正做到入口即溶，肉味濃郁。海膽：份量十足嘅海膽，入口甘甜，質感 creamy，充滿海洋氣息，冇任何腥味或苦味，質素極高。灸燒腦天：用吞拿魚頭頂最肥美嘅部位「腦天」（Noten）作為壽司嘅結尾，可謂完美。呢個部位油份極之豐富，火灸後油香大爆發，口感軟滑到不得了，豐腴嘅滋味喺口中久久不散。結語：暖心滿足嘅收尾 🍵魚湯烏冬：食完一系列壽司，一碗熱辣辣嘅魚湯烏冬就最舒服。湯底用多種魚骨熬製，呈奶白色，鮮甜濃郁，完全冇味精感，飲得出係心機之作。水果：最後以日本巨峰提子作結，皮薄多汁，甜度極高，為呢一餐畫上完美句號。總結：功架紮實，玩味十足，值得再三回味 👍總括嚟講，銅鑼灣「重房」呢一餐 Omakase 體驗係非常滿意。師傅喺選材上乘、處理手法正宗嘅基礎上，加入咗唔少好似「變色醬汁」、「夢王蛋黃醬」等充滿玩味同創意嘅元素，令整餐飯充滿驚喜，絕無悶場。 從前菜到壽司，每一道菜嘅配搭都經過深思熟慮，層次分明。如果你係一位追求傳統功架，但又想喺細節上搵到新意嘅食客，我會大力推薦你嚟「重房」試一試。呢度絕對係一間會令人想一訪再訪嘅高質 Omakase。…Read More

依家就算唔去日本，都可以享受到日本嘅美食，今日就去咗銅鑼灣重房享受一餐與別不同嘅Omakase。首先頭盤是沖繩特產水雲配上清甜北海道蟹肉，哈哈螺好鮮甜，蘿蔔比較濃味，最後食就最啱。酸酸甜甜嘅醋混合口感有點似秋葵的順菜，配上爽口的象拔蚌，即刻開胃晒!接着就係令人期待嘅主食，首先牡丹蝦配蛋黃醬，全隻蝦炸到脆卜卜，連蝦頭都可以食埋，配上香濃嘅蝦膏，味道令人回味無窮。來自北海道肥美嘅蠔配上酸醋啫喱，真係連我呢個平時好少食蠔嘅人都愛上了它，再配上紫蘇葉，簡直好似一幅畫咁。白國鱒又名鱒魚，屬於油份比較重的魚，肉質軟綿綿，口感特別好味😋洋蔥絲配上醬油漬鰤魚，將味道提升到另一個層次。黃蘿蔔加入鮟鱇魚乾，再配上法包非常好味，加上睇到廚師將蘿蔔切粒嘅過程，真係好似一場表演咁。火炙後的拖羅變得軟綿綿，入口即溶，再用菜包住一齊食好有創意；而拖羅刺身魚味濃郁，兩種口感完全不同。要數色香味俱全就一定係魔鬼魚鰭天婦羅，配上健康素菜汁造出特別嘅效果，好似仙境咁。之後仲有吞拿魚北寄貝壽司；而上層海膽、下層拖羅蓉手卷，食完令人非常滿足。最後仲有非常鮮甜嘅魚湯，同巨峰提子🍇爲今晚美食之旅畫上句號。…Read More

前排去日本食完Omakase，返到香港睇返相又口痕了🥹見到銅鑼灣呢間-重房 啲相好吸引🤩所以即刻book嚟試下！！！佢係冇menu所以食每道菜之前都充滿驚喜🤤但因為我本身On diet 唔想食飯，所以師傅按我嘅要求再去改咗少少菜式！#前菜**水芸配蟹肉**，酸酸甜甜，好開胃打開晒啲食慾**螺肉配蘿蔔**，螺好入味，淋得嚟又有少少彈牙，蘿蔔清甜爽口，配搭得幾好。#主菜1. **魴鮄魚魚配昆布漬**，魚肉鮮甜爽口彈牙 2. **北海道牡丹蝦配夢王蛋黃醬**，上面嚿蝦膏超級香濃！配上夢王蛋汁有中和返令成件事好balance❗️3. **靜岡白鱒魚**，肉質緊實細膩，油脂感好出！4. **北海道蠔**，喺岩蠔入面最fresh同creamy，搭配酸啫喱味道好清新 增加層次感😋仲要勁肥美！同手掌差唔多大細5. **北海道鮑魚**，磯煮效果配鮑魚肝醬，甜甜地得嚟又煮好冧🥺而且加埋大蔥絲别有一番風味。肝醬完全唔苦，帶少少海水味，而且蘿蔔煮到吸收晒啲汁又甜又入味！6. **A4神户和牛醉配鱈魚乾**，和牛碎mix蒜蓉同蔥，香味十足，有少少辛辣味中和油脂感😍好正！！！！7. **拖羅鵝肝卷**，用藍莓醬代替咗焦糖，令成件事唔會太Heavy，配埋拖羅都唔會油膩感好重。而且外面包住嘅紫菜超級香脆！8. **墨魚刺身**，配青柚子皮同三文魚子，師傅切得又細又靚！而且食落去口感嫩中帶脆，咬勁十足👍🏻9. **鰹魚南瓜天婦羅**，魚肉炸完之後仲係好嫩滑Juicy，而且嚿南瓜都好甜，炸皮唔會好厚！！！外面個汁本身係紫色淋咗啲酸汁上去，即刻變咗粉紅色😆完全係味覺同視覺嘅享受10. **北海道馬糞海膽**，非常creamy 份量又多🥹好重海水味，食落去好滿足！11. **白象拔蚌**，象拔蚌刺身口感爽脆再搭咗一種叫順菜嘅水耕植物，聽講可以養顏🤫12. **自家熬製魚湯陪烏冬**，用30幾種魚熬出嚟，味道係非常鮮甜！！！！！！！飲完係會想飲多幾碗🥹13. **巨峰提子**，又大又甜，Q彈多汁！連埋皮食都完全冇澀味### 總結整體嚟講，銅鑼灣重房完全係味蕾同視覺上嘅奢華享受，無論係前菜定主菜，每一道菜都充滿心思去搭配唔同食材，而且味道好出色🤤師傅亦都好用心咁去介紹👍🏻如果你想食Omakase呢度絕對值得一試！CP值都好高❤️‍🔥…Read More

銅鑼灣呢個位前幾手都係食omakase，依家最新既就係呢間重房，之前已試過佢地既lunch，今次又再試埋佢既dinner晚市17-18品 $1580/pp📍蟹肉秋葵胡麻醬配北海道白粟米蟹肉鮮甜秋葵配上胡麻醬，再加埋北海道白粟米，清甜爽脆有濃濃清田園氣息📍白象拔蚌、順菜配青柚子jelly白象拔蚌爽脆配上滑潺潺嘅順菜（蓴菜）同柚子jelly 令口感層次更豐富📍仙鳳趾生蠔配香醋 Jelly 紫蘇花仙鳳趾蠔肉身肥厚、口感 Creamy，味道濃郁再埋香醋啫喱紫蘇花，配搭冇得輸📍牡丹蝦配夢王蛋黃醬呢個係是日MVP ，牡丹蝦刺身已經夠甜糯，再加埋滿滿蝦膏，蘸上夢王蛋黃醬一齊食，鮮味同甘香喺口中大爆發，超好食📍磯煮鮑魚配鮑魚肝醬磯煮鮑魚煮得非常軟腍入味，一啲都唔韌。下面墊住嘅蘿蔔吸收晒所有鮑魚同醬汁嘅精華，清甜無渣。加埋鮑魚肝醬，甘香濃郁📍刺身兩點野生鰤魚、網燒深海池魚野生鰤魚肉質比較緊緻，師傅話解凍多少少，等魚油迫出嚟會更好食另一款深海池魚用咗網燒嘅方法，輕輕火灸魚皮，令豐富嘅油脂香氣瞬間釋放，入口帶有微微炭火香，魚油甘香，令人回味。📍赤身中拖配紫蘇葉卷既有赤身嘅魚味，又有中拖羅嘅油香。用紫蘇葉包住食，再配上師傅特製嘅醬汁襯托出吞拿魚嘅濃郁滋味📍魔鬼魚魚鰭天婦羅用魔鬼魚魚鰭做天婦羅已經夠特別，炸漿薄脆，魚肉極度嫩滑。最過癮嘅係碟邊嗰一抹紫色洋蔥汁，師傅叫我哋唧啲檸檬汁上去，紫色醬汁會變成粉紅色～變色效果玩味十足📍壽司6貫-火灸北寄貝：火灸過後嘅北寄貝，爽脆中帶點煙韌，甜味更加突出。-柚子鹽帆立貝：經典組合，厚肉嘅帆立貝鮮甜嫩滑，面頭嘅柚子鹽帶出清新嘅果香-目一鯛配乾蒜醬：目一鯛魚味清爽高雅，肉質實淨，配上炸過嘅蒜蓉醬，口感更有趣-神戶 A4 和牛和牛經過火槍輕輕炙燒，油脂香氣四溢，真正做到入口即溶，肉味濃郁。-海膽入口甘甜，質感 creamy，充滿海洋氣息-灸燒腦天吞拿魚頭頂最肥美嘅部位腦天，火灸後油香大爆發，口感軟滑到不得了📍魚湯烏冬湯底用多種魚骨熬製，呈奶白色，鮮甜濃郁，完全冇味精感，飲得出係心機之作最後以日本巨峰提子作結，皮薄多汁，甜度極高…Read More