Chung King BBQ Restaurant (Closed)

好耐無食過串燒了今晚相約友人一齊來回味一下原來平日都幾多人地方細，位置較逼，聽到隔離枱講咩。 聞到啲香味好香，搞到肚子即刻叫起上嚟。 先叫了一條燒大眼雞。 哇，來到樣子就不是太討好，面頭燒焦左咁。 不過唔要面層魚皮，肉魚又剛剛好喎，仲好嫩滑，好香，再點埋泰式個雞辣汁，超惹味。 $88 不過呢個價錢就有點貴好似。 燒鮮冬菇，哇，超正，燒左都仲係咁多汁，好香冬菇味，正。 $18。燒九菜，點解可以咁香既，燒完仲要一點燶都無，仲好多汁，加上辣粉，愛九菜既你一定鍾意。$13。…Read More

突然好想食串燒，半夜出來吃，又有友人齊齊來，好多人，好彩還有兩個位置給我們。 二人之力真不夠多人既人既聲響，好嘈，基本上好難傾到計，哈。 唔理，叫嘢食先。 先來半打蒜燒石蠔，好香呢，來到大細適中，好多蒜係面頭加點葱，熱辣辣，要小心食，多汁有蠔味，正$98 再叫一份燒茄子，唔，蒜香真係無得頂，好林，又唔會乾水，係點可以燒到咁既呢再加點辣粉，真係超惹味，$26再來兩只雞脾，哇，好好味呀，一點都唔乾水，仲好有雞肉香味，雖然面頭帶點燒焦，不過裏面剛剛好，正，肥死人了。 $26/1 …Read More

約朋友食飯聚舊不需搵理由，大家好耐無見諗住搵個坐得耐又可以輕鬆食既地方，通常都會揀串燒或大排檔，今晚近近地黎左佐敦串一串，順便啤一啤先店鋪雖然唔大，但勝在有人情味感覺，店員都好友善帶我地入座，叫我地慢慢睇食咩，落單時仲會唔該前唔該後，態度好好<<燒白鱔>> 平時燒魚都會好快燒至乾身，但依個白鱔燒完食落內爽外軟，外層塗左燒汁一齊燒，入口完全無骨仲要有少少汁，無得彈<<燒牛舌>> 牛舌要襯熱食，落左孜然粉同辣粉，燒得剛剛好，唔會食落乾爭爭，咬落軟中帶少少爽口，惹味十足<<燒銀杏>> 銀杏姐係白果，平時都係食糖水先食到，第一次食燒既，食落有點似粟子口感，個味道幾香有咬口<<安格斯牛肉眼>> 安格斯脂肪分佈適中，食落重牛味，入口唔會好鞋口仲啖啖肉 <<燒雞皮>> 不得不叫既燒雞皮，食落煙韌又辣辣地，惹味有汁，雖然膽固醇高，但被人最厭棄既其實先係精華所在<<燒韮菜>> 串得好齊整，只係加左孜然辣粉燒都已經好惹味，燒出黎比灼既更香口，食完個味道仲會係口中散不去，食完再安哥黎多一串<<果粒水蜜果汁>>除左啤酒，再叫左依個既大杯，用左啤酒杯斟真係夠份量，食落唔太甜仲有陣陣桃味，好fresh又解膩…Read More

收工夜宵磨，同朋友齊齊黎食串燒傾下計，平時都好少食串燒，每次一要食都會黎依條街食，依間串燒店有好幾間分店，總有一間有位坐，因為真係燒得好食同令人迴味叫串燒可以揀定辣度，我地叫左小辣<<燒菠蘿>>燒得剛剛好，大大件，食落好鮮甜，咬落厚肉又勁多汁<<燒墨魚咀>>平時食開都係炸，估唔到燒比炸更重墨魚味，食落爽脆，連埋醬燒汁一齊食好惹味，唔會食落乾爭爭<<燒豬頸肉>>本人好愛吃豬頸肉，因為我鍾意佢個口感，食落唔會好乾身，落左孜然粉辣辣地，口感有咬勁仲有少少肉汁無得彈<<蒜香大蜆>>個湯汁好重蒜香味，落左少少酒，蜆肉大大隻又爽口，連湯汁一啖食味道濃郁又惹味<<燒茄子>>茄子燒到好腍好軟熟，唔會食落又乾又未熟咁，面頭既蒜蓉鋪到滿一滿，一條拉起夠食方便，辣辣地夠哂香<<燒雞泡魚乾>>去親食串燒都必叫，好食又有咬勁，沾蛋黃醬食好夾，配酒真係一流<<燒檸檬雞中翼>>食落多汁大隻，肉質幾嫩，燒得剛剛好，唔會燒到勁乾，落埋檸檬汁食酸酸地又開胃<<燒雞軟骨>>雞軟骨本身食都無咩味道，主要食佢個口感，但因為落感孜然粉同辣粉，所以食落好惹味同夠脆口整體味道有水準，價錢合理同性價比高，有良心小店，同朋友黎傾計食幾串的確係唔錯既選擇…Read More

去到佐敦見一條街3間重慶燒諗住應該ok la...就入去試，我地叫左10串串燒加2個飲品咁就$360左右好似食風咁要去第二間食（食糖水，蘿蔔糕，燒賣，雞翼尖，就知道頭先幾吾飽）應該坐左冇一個鐘，價錢又吾係好平，但野食全係吾熱，瓜和菠蘿好似冇燒過咁。白鱔收$42左右，得2舊仲要係細舊過份左d羅。牛仔⻣直情凍既又冇味連辣粉都冇。鵝肝多士$68味道一般又係吾熱。鐘意西柚的我見有當然叫 #蘆薈西柚果織蜜 …飲落去係 #柚子 以為錯，問亞姐先知，西柚=柚子…O嘴！！咁蘆薈呢？？佢話冇蘆薈喎，咁仲咩咁寫呀……仲要杯野咁大杯$35……柚子勁少勁冇味，超嬲最後結帳…啤酒$60…亞姐收左玫瑰啤酒價$78…同佢講，佢比返$10我，但應該係$18……連個收銀睇都吾睇返個餐牌就咁比$10我未免過份左，連吾好意思都冇句講真一定吾會再黎，寧願去另一間，起碼我覺得係食緊熱既串燒同服務態度好返少少…Read More

之前一直有聽過重慶燒依個名，今次聞名不如見面，突燈約埋fd去試一試！店內環境都幾乾淨舒適，而且光線都夠曬充足，冷氣又夠曬涼。點完單之後，食物無幾耐高上左枱。先食個海蜇冷盤，份量不過不失，但味道都幾濃味，少少辣，海蜇入曬味，而且好爽口，做得唔錯。黑椒腸好好食，煩到外皮好脆，而入面d肉仲好嫩，做到外脆內軟既口感。味道更加無得輸，調味好足夠，黑椒味夠曬濃。三兩下手勢已經俾我地清量碟野。燒雞扒同燒雞全翼一樣燒得唔錯，調味粉令到個雞好惹味。個皮都係燒到好脆，咬落d雞肉都係好嫩😋燒娃娃菜新鮮不在話，而且唔會燒到好冧，個菜本身索左d調味既醬汁，所以咬落好多汁，唔乾身。燒蟹我都係第一次試，都幾有驚喜。蟹肉燒得唔乾身，而且好鮮甜，有時亘更發現至有蟹膏食！！滿滿既蒜蓉鋪滿係蟹上面，令至蟹肉充滿左蒜香，好味。今次整體來說相當不錯，下次再食可以試下個雞煲！聞落好似好吸引！…Read More

我同朋友都喜歡食熱氣+味濃的食物可是2個女生胃口都不大, 通常坐埋一齊是講多過食所以就揀咗每次可以點幾串的即點即燒既重慶串燒, 知道呢頭有幾間之前食過另一間分店都覺得唔錯, 決定黎番呢度!我地黎咗33店, 門口有2張室外檯, 如果再秋涼少少, 坐出面都幾舒服室內環境當晚都唔少客雖然係燒烤, 但入到黎都唔都唔會好勁油煙味串燒食物就有呢2版紙, 自己食乜就自己點另外仲有烤魚, 雞煲不過2個女仔就食唔哂啦, 同埋重點過黎都係食串燒未食, 就點咗枝冰凍啤酒飲下先, 串燒配啤酒是常識吧! 又名鬼佬涼茶, 飲完無咁熱氣呢~先點咗少少食物, 有雞軟骨, 牛吞, 雞脾菇香只噴熱辣辣, 味道唔錯全部都少辣, 不過都有點辣, 其實可以唔使要辣都得因為檯上有辣粉及孜然粉, 食重慶燒又點少得呢D香料呢~ 啱哂我同朋友鐘意重口味金菇肥牛卷都好好味司華力腸大份, 送酒啱哂蒜香聖子皇, 真係超多蒜, 黎到勁香聖子開邊都大隻, 肉質夠彈又鮮蒜香元貝都好大隻, 也很迎鮮的食海鮮至緊要保留原汁原味, 加上勁多蒜蓉, 味道再度提升花枝丸及風味芝士豆腐 風味芝士豆腐我覺得似魚蛋質感, 唔似軟淋淋狀既豆腐, 而咬開, 入面唔係溶岩芝士, 有少少失望雞中翼可能飲咗啤酒, 食食下都有點飽, 不過就想要多個菜平均下最後點多份"芝士牛油焗西蘭花"芝士份量好多, 超鐘意!!! 仲有拉絲效果, 西蘭花又唔會焗到淋哂同黃哂火喉調節得剛好, 就算串燒都係, 全部都唔會燒到燶呢度全日都唔收加一服務費, d員工都有服務, 亦唔會黑口黑面有位男侍應仲有講有笑, 兩個人埋單都係3百多, 算係抵食啦~…Read More

三幾個朋友想飲下啤酒 食少少野 吹下水    佐敦呢間重慶燒燒烤專門店幫到你店舖細細地得黎 坐落夠哂close 傾密計都唔怕啦燒烤款式多籮籮 每樣都試都咪話唔飽串燒方面都好香好惹味 有部分會辣辣地食落更吸引其中燒雞腎同燒牛仔骨一定要試啦 面頭有D孜然粉 又唔會燒得太乾另外仲有個豆皮三文治 外面豆皮烤得乾同脆 而且內軟 裹面夾住蒜蓉粒 好香仲有韭菜 必食推介 咬落仲會有D汁湧出黎 而且夠大串 抵食小食方面蒜蓉包同涼拌皮蛋都值得一試蒜蓉包又脆又香 皮蛋係四川風味 唔係甜個種 會食到辣椒同油香最後燒茄子同芝士牛油焗金針菇都好食茄子面頭有大量蒜蓉同蔥 夾埋一口食成個口都係香味金針菇加牛油黎焗都係燒野食必食嫁啦 面頭少少焦香 加埋金針菇焗完有D汁一齊食…Read More

係附近親戚食完生日飯，但又晍夠飽，就同家姐過一條街去食串燒，大熱天時梗係要揾間有冷氣的地方食。所以就膽粗粗入左去試。首先食左個燒豬頸肉，豬頸肉上枱超香，燒到外層脆脆地但又唔會乾身，肉汁都仲係入面所以會好易咬同唔會有肉卡牙縫，同係調味方面，咸咸地同落左d五香粉，所以有少少辣辣地。旁邊的係牛肉，睇落有d乾身但食落都還可以，都幾諗，如果個肉大粒d應該會好食d。好香牛味，欣賞距知要帶岀牛肉鮮味所以只係落左少少胡椒粉同鹽，所以唔會蓋過牛肉鮮味😍唔錯！另外係燒粟米，份量都有一條嫁，距會切開四件，落左d辣粉同牛油去燒，我覺得味道唔會話好濃，栗米燒到岩岩好同有少少牛油唔會乾身，咸咸地，食得多會覺得辣，因為表面唔係好睇到，但每一口都會有辣粉，都要飲野中和翻。雞翼都好正，燒到個皮好脆，入面的肉汁無流失曬，同都夠味，少少咸少少辣，我食左四隻先收到口，可以試下。我係平日去但9點幾都幾旺，座位唔會逼同都幾乾淨，上菜都幾快d最耐都係等左10分鐘倒。最後40幾蚊埋單每人。ok la😹…Read More

今日為左同我閨蜜慶祝佢嘅19歲生日 所以就去咗呢一間啦 因為我嘅閨蜜幾鍾意食串燒同埋之前有聽過我嘅朋友講話幾好味 所以就睇下系咪吾錯呀！入到去同我想像中差唔多 不過啲位就迫左少少 張枱細咗少少 所以我哋叫嗰啲嘢食都係啱啱好 所以就坐得一半半啦 不過食物方面又唔錯bo我哋叫咗普通人都會食嘅串燒 如我哋叫咗豬頸肉、牛柳粒串燒、雞軟骨串燒等等 我哋叫嘅嘢食都係即叫即整所以佢通常上菜嘅時候都係一串一串咁上嘅 而串燒嘅肉地不錯 唔會好硬好難咬開 而且上面會加上一啲七味粉等等去添加串燒嘅味道 令到味道更加入味！不得不提嘅係我哋encore左一次嘅蒜蓉包 呢度嘅蒜蓉包係我食過咁多次最好味嘅一次蒜蓉包 非常脆 本身完全係口痕諗住食下點知上邊啲蒜蓉又夠晒均勻而且蒜蓉包嘅性價又比其他地方低 所得必食！之後我同佢仲叫咗雞煲食 我哋又有叫咗一啲配料叫咗烏冬、響鈴 兩個女仔食咁多野真係唔話得 雞煲味道啱啱好唔會話太鹹或者太淡 上面有加晒小小芝麻 幾好味 不過響鈴同烏冬就一半半啊 因為響鈴唔係即炸 而且個烏冬又唔係太彈牙 係普通一包包嘅烏冬 不過勝在佢可以用埋雞煲嘅汁一齊食 所以都OK 整體上，呢度串燒當然比雞煲好味 因為呢度主打係串燒 所以我會建議你地食串燒較多。…Read More

串燒同四川為主既食店 喺渡船角範圍有3 間分店， 坐位以木枱櫈為主 唔可以話舒服但可以接受麻辣雞煲半隻 中辣118 蚊;用洋葱 麻子 辣椒 木耳等材料整成既雞煲 雞煲味濃 麻辣度就算中辣 都越煲越濃味， 雞肉比較細 但份量都足 口感煙韌 . 主要係食佢濃烈既醬汁 . 味道唔錯 要黎打邊爐應該都幾好Hoogarden大 60 蚊好抵 60 蚊杯 !燒羊肉串 16蚊羊肉大慨食得出6 成熟 羊味都算濃 再加上用香料燒成 十分惹味燒雞軟骨 14 蚊雞軟骨用左好多香料燒成 口感一咬落去九少少油花既juicy然後 最後咬入去軟骨位十分爽口 !燒活元貝 38 蚊元貝新鮮再加上大量既蒜蓉燒。好香 而且元貝燒既熟成程度剛好 所以口感好好 !燒鮑魚 38 蚊鮑魚彈牙爽口 用適量既蒜蓉同葱花調味 好味我覺得因為係燒烤類食品 所以海鮮方面叫要新鮮再加適當既調味料就好味 而肉類同雞煲都有川菜既香料製成 味道都幾好， 配以價錢相宜既啤酒 我覺得都算係食串燒既好地方…Read More

火鍋文化流傳已久，變奏層出不窮，然且《雞煲,烤魚》就是近年流行的新食法，新知舊雨擦出了不一樣的火花！•招牌麻辣雞煲，其特色是香辣、麻、鮮味，味道的口感是鮮而不膩，麻辣口感餘韻悠長，香辣味是越滾越香濃，帶來豐富的層次口感！•半隻雞份量足，香味撲鼻，光聞就讓人食欲大增！•先吃麻辣雞煲，再加湯作火鍋湯底，各款材料吸收湯底的精華，帶出獨特的香辣風味。•沒有水煮魚那麼油膩感，廚師將原條魚開邊，吃起來更方便，有些老一輩的水上人吃魚是不可反魚的，此乃不吉利！烤過的魚肉質地緊實不爛，非常入味！“無辣不歡的食家，試問誰會對川菜不心動呢！…Read More

今日放假 趁陽光普照就陪媽咪周圍遊走 輕鬆一天。同媽咪行左成日街，逛完圓方再徒步去廟街，做左大半天遊客。原來媽咪細個既時候就住係附近既佐敦文英街，媽咪問我有無興趣去睇下，於是媽咪就帶住兩個女兒踏入呢條四十幾年冇去過既回憶街。。。媽咪話文英街變左好多，以前靜英英得住宅幾房，而家地鋪近乎都開滿食市，機鋪，超市等等。行完整條街，我地就入左間重慶燒醫醫肚，聽媽咪繼續細說佢小時候既趣事。我地點左個麻辣雞煲，泡椒鱸魚，辣酒煮花螺。**麻辣雞煲**雞煲麻味甚濃，配料十足，我地點左中辣，辣度適中。略賺汁較稀，如果能夠乾身d, 更能令雞件入味，咁就perfect了！**泡椒鱸魚**魚有好多選擇，店員推介我地食鱸魚因為肉質較滑，唔易散，魚滑較幼同少。果然好介紹，魚肉吸哂泡椒湯底既香辣味，一邊飲湯一邊食魚，又熱又辣，好刺激 哈哈。**辣酒煮火螺**螺肉入味，新鮮彈牙，最重要係無沙，不錯。挑戰幾味火辣辣菜色，點可以無凍冰冰既啤酒降下溫 舒緩一下丫。同媽咪妹妹飲酒談天，說說笑笑。。最享受家庭時光。。。*…Read More

話說小妹未試過重慶燒，因為坊間真係好少做哩味菜的食店。小妹同姐妹自私約揀左哩度，原來哩度幾旺場。都算係個好地方小妹一黎就試過羊鞍先，因為羊鞍就係燒烤的俵俵者。估唔到重慶燒D調味粉做得唔錯。有風味！唔會太辣，香港人比較易接受。其實在場既都唔難發現幫襯的人都喜歡飲大杯酒或者特飲。事關佢D特飲好鬼大杯！可能因為重慶燒味道較重。 特飲選擇勁多，同埋幾特別，例如桂花果蜜等！岩哂想清熱毒的小妹！除左羊鞍外，茄子都燒得好有風味。因為內地燒烤好中意放茄子做材料，剪開茄子平放鋪上蒜蓉，的確好yummy 架！計小妹話燒烤都一定係要燒海鮮。因為海水味溝燒烤的炭火味係一流。小妹專登叫生蠔黎燒。真係好正！師傅擺左辣椒蒜蓉係蠔上面。蠔都算肥。味道非常好，有海水鹽味！正！…Read More

朋友住佐敦，話文英街成條街都係串燒。呢間重慶燒烤喺街尾，夏天的夜晚食串燒感受重慶風味，太愜意。各式閃燈招牌都係一大特色。重慶燒的橙色燈牌自有一派風格，雖然喺街尾，但指示清晰，唔怕搵唔到。入到餐廳，啲位夠闊，又有冷氣，唔洗食到成身汗，可以坐的舒服啲傾計，我鍾意侍應非常熱情，同我們推介特色菜品，仲話如果唔想食燒烤，可以揀烤魚或雞煲。份menu睇到眼花花！菜品豐富多樣，有海鮮也有素菜，選擇非常多。見隔離檯飲緊杯加大啤酒，咁大個杯好豪放！明知自己可能飲唔晒，都忍唔住叫左杯加大凍柚子花梨蜜。個杯有碗口這麼大，啱晒燒烤feel杯柚子蜜甜度啱啱好，少冰後唔會刺激腸胃，飲完唔會口乾店員推介燒整條茄子。本以為一個普通🍆有咩特別，上菜後我們都很驚喜，原來咁多調味料喺表面！孜然、辣椒、蒜蓉、花椒，還有各種唔識叫的調味粉，配上香蔥，色香味俱全。燒烤的核心就係啲調味料，味蕾的碰撞帶出食物的享受，並且🍆份量也很足，用筷子分開一絲絲茄肉，又林又滑，火候到位，冇失望！食串燒怎能不食炭烤生蠔 - 半打生蠔，個個都很肥美，蒜蓉辣椒落足醬料，剛上菜時還見到啲蠔汁沸騰著，好激動！蒜蓉燒生蠔，又不會掩蓋蠔的鮮味，每一啖都是享受！要大口吃肉，燒羊架也不能放過。羊架火候正好，外脆裡嫩，沒有羶味，很易入口。雙色醬很特別，既美觀又可口。黃色係芥辣，綠色卻唔知係咩醬，酸酸甜甜，未見過。兩種醬混合，令羊肉不再沉悶，很快就被我們消滅掉。「大魚大肉」怎能少了烤魚。因為唔鍾意多骨，叫左燒黃立倉。條魚外焦裡嫩，肉質肥美，魚肉的汁完全保留住，食落一啲都唔會乾。脆脆的魚皮點上酸辣醬，好食到想有兩個肚我地仲叫左燒大吊筒同聖子，雖然都係燒烤，但味道各有特色，因應唔同食物有唔同調味料，每到菜都令我們覺得很新鮮。食燒烤歎冷氣傾閒計，呢一餐很滿足…Read More