Sakaya Ippaiki

今晚走進天后清風街這間居酒屋食晚餐，這家以木系傢俬配上柔和燈光，中間有個大型投影屏幕播放着MV，感覺很像日本街頭居酒屋風格。適逢是星期二仲有live band show，high爆🎸🎶看着吧台後方，廚師凝神切魚生的身影，正是新鮮的最佳保證。我們點了個每日都唔一樣嘅[神秘炒飯]，連職員都唔知道內容係乜，每晚由第一位顧客揭盅先知，夠晒神秘‼️由於我哋係第一個顧客所以有幸由我們揭盅，今日神秘炒飯係🌟鰻魚炒飯🎉超美味😋🌟炸蛋白松露油薯仔沙律帶顆粒咁嘅吞拿魚薯蓉，加上糖心炸雞蛋同白松露油十分惹味。🌟吉列蠔隻隻蠔都好大隻，師傅炸到外面酥脆之餘入面仍然保持軟嫩，蠔味鮮甜。🌟忌廉芝士鰻魚卷鰻魚芝士卷經常食，但係這家有驚喜，卷物上面加咗柚子皮同柚子醬，多咗一種清新嘅感覺，一食落口好驚艷。🌟海老天婦羅香脆超薄麵衣，包着大大隻爽脆甜美大虎蝦。🌟鐵板海鮮大阪燒外皮酥脆，內餡柔軟，味道豐富。🌟燒菠蘿店員推薦必食，真係冇介紹錯，好清甜。串燒點選了🌟雞胸三角軟骨和雞腳筋，兩款都很脆口，好味道。這家居酒屋，絕對是追求高質日式料理和熱鬧氛圍的必選之地！下次想找個有氣氛又好食的聚腳點，記得來試試！…Read More

🏮好耐冇同貓妹兩個人出街食飯喇。帶貓妹出去食好嘢梗係要揀間高級餐廳配合名貴食材先襯得起佢。熊妹近排發現天后清風街原來有間好有feel的居酒屋《酒屋一杯喜》，會開到凌晨兩點，逢星期二仲有live band show🥁🪗🎸🎤，係天后區都好少有。📌居酒屋環境都幾大樓底又高，中間有個極大螢幕播放着MV，柔和嘅燈光💡勁有氣氛，仲有一台吧枱位望住廚師👨🏻‍🍳用心製作食物，成件事充滿日式氛圍。青瓜片明太子小龍蝦沙律，$68小龍蝦口感彈牙，撈上鹹味的明太子沙律，放上青瓜片上拼食，一款濃味又清新嘅餐前小食。魔鬼魚翅乾，$68魔鬼魚翅乾塗上燒汁燒起，燒得夠乾身又保持醬汁味道，再加點蛋黃沙律汁，係佐酒小食佳品。芥末鰈魚鰭邊，$48平時食開日本小食前菜芥末八爪魚，而鰈魚鰭邊都好爽脆，芥末味嘅攻鼻會令人為之一振，所以熊妹都幾鐘意食芥末味小菜。自家製玉子燒串 - 明太子，$48玉子燒有好多款口味，明太子控當然就梗係揀明太子啦！鹹香嘅明太子醬塗上玉子燒串上面，鹹香嘅明太子配合淡淡嘅玉子蛋，味道絕配。甜薯，$48日本地道甜薯燒到剛熟但又無燒焦，功架不錯！口感粉粉的，本身甜薯的天然甜味反映出係真正的日本產品，而不是後期加工的假甜，喜歡吃甜薯的貓妹讚口不絕！軟骨豚肉丸，$58一串三粒豚肉丸，肉丸入邊放入軟骨，加多重爽脆嘅口感。雞肝，$48雞肝得好熟透，外皮燒得好乾身，粉狀的口感，好重內藏味。墨魚香腸，$42表皮燒到外脆內軟，帶點墨汁墨魚味。黑豚沖繩苦瓜炒蛋，$78沖繩苦瓜非常翠綠爽口，廚師切到薄薄一片，同日本雞蛋炒起，一啲苦澀味都冇，係甘甜嘅苦瓜味再帶有日本蛋味，仲有幾片豚肉增加肉味，炒得好有香味有鑊氣，做法不錯。秋刀魚，$88店員推介，秋刀魚貨源肥美，可以一試。果然好大一條，脹卜卜魚肉，唧上檸檬汁，再點一下跟上的柚子醋，確實提升了魚嘅鹹鮮味，送飯做餸一流。一杯喜秘の炒飯，$98主食點了鎮店秘製炒飯，原來加上鰻魚粒一齊炒，炒飯粒粒分明夠乾身，但係又唔會好涸口，食食吓又會食到好爽口嘅蘿蔔碎粒提升感，成份炒飯嘅調味非常特別，果然係神秘嘅炒飯！蕉糖香蕉，$58最後，飯後甜點嚐了蕉糖香蕉，挑選了非常熟透的香蕉面頭再鋪滿砂糖，熟透嘅香蕉非常軟熟，充滿功濃烈香蕉味，加埋燒焦嘅焦糖，成分甜點真係甜到漏，可以消除成頓飯的鹹味。菠蘿，$38再點埋燒菠蘿，一件切成五小件，燒烤後清甜爆汁，偏熟的菠蘿唔會好酸，菠蘿中獨特的enzyme 能一解食物的油脂膩濟。📌《酒屋一杯喜》環境大，氣氛濃厚，居酒屋應有嘅前菜、小食、主菜、主食、麵食、飯食、串燒、刺身、壽司、鍋物等等通通都有，仲要做做通宵，確實係下班後放鬆飯聚的好去處。…Read More

[ 酒屋一杯喜 ]放工去咗天后呢間日式居酒屋🇯🇵食嘢飲返杯，主打串燒🍢、拉麵🍜，另外有小食、刺身、壽司、鍋物、天婦羅等等款式。飲品🍻✿ Asahi Sour有汽果酒 $68/杯✿ 燒酌Highball巨峰梳打 $78/杯坐低緊係先叫杯酒飲，呢度清酒、燒酌、啤酒都有得飲。漬物/酒菜🍶✿ 沙甸魚乾 $48✿ 芥末碟魚鰭邊 $48✿ 青瓜片明太子小龍蝦沙律 $68再叫幾款前菜小食，沙甸魚乾鹹香超酥脆，另外兩款小食鮮辣交織，喚醒味蕾，佐酒一流。天婦羅🔥✿ 沙錐魚 $48天婦羅炸衣夠輕薄酥脆，裹著細嫩魚肉。熱鍋物🍲✿ 牛汁大根 $68牛肉及大蘿蔔燉得通透，吸飽和風高湯嘅清甜。串燒🍢✿ 雞頸 $42✿ 胸三角軟骨 $48✿ 軟骨豚肉丸(3粒) $58✿ 明太子燒飯糰 $38✿ 鵪鶉蛋(3粒) $28✿ 豆腐 $28串燒簡單以鹽燒調味，火候恰好。雞頸肉嫩滑彈牙，胸三角軟骨爽脆，鹽燒豚肉丸揉合軟骨脆感。烤明太子飯糰有脆卜卜飯焦，鵪鶉蛋好特別有酒香味。刺身/卷物/壽司🦐🐟✿ 三文魚籽海螯蝦 $128✿ 月見海膽拖羅杯 $178刺身擺盤精緻，海螯蝦刺身甜潤透亮，配搭三文魚籽提鹹鮮；海膽與拖羅蓉佐以生蛋黃攪拌，濃郁滑順。拉麵/沾麵🍜✿ 【鹽喜】柚子鹽味叉燒拉麵 $98拉麵同埋沾麵都係呢度嘅主打，湯底係店內自家熬煮，夠哂有誠意！柚子拉麵嘅柚子清香平衡濃醇，叉燒及雞肉軟嫩，幼身麵條爽彈有嚼勁。總結🫦 呢間日式居酒屋有室內、室外座位，裝潢糅合現代酒館風格。逢星期二晚有live music有氣氛，逢星期二至六營業時間去到凌晨2點。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿酒屋一杯喜地址：天后清風街1A-1B號美城花園大廈地下KL6號舖電話：6689 8581✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿…Read More

.‼️❤️ 記得CLICK我PROFILE關注我呀 ❤️‼️.🏮 餐牌好多選擇嘅居酒屋 @ 🌟 IPPAIKI SAKAYA 🌟.💁‍♀️ 圖片展示美食為：刺身盛合五點 HKD 268鰈魚邊海膽卷物 HKD 138吉列蠔 HKD 98豚肉提子 HKD 58雞胸 HKD 58胸三角軟骨 HKD 48燒明太子 HKD 88柚子鹽味又燒拉麵 HKD 98.🏮 呢間居酒屋門口有紅噹噹嘅喜字招牌好搶眼，晚市氣氛好，主打高質、時令、日本直送嘅食材。.🐟 今次個「刺身盛合五點」有牡丹蝦、油甘魚、赤身、鯛魚同帶子，樣樣都超新鮮！牡丹蝦甜到入心，油甘魚啲魚油香到漏，赤身魚味好濃，鯛魚就爽甜，帶子厚切到一啖食晒，滿足感爆棚！.🍣 特别嘅「鰈魚邊海膽卷物」，鰈魚邊燒到焦香又入口即溶，入面嘅海膽鮮甜到震！兩樣夾埋，口感豐富。.🦪 超惹味「吉列蠔」炸得超靚仔，金黃脆皮咬落去咔嚓聲，入面隻蠔大大粒蠔味好濃郁，邪惡但真係忍唔住一隻接住一隻。.🍇 夏天特別啱食嘅「豚肉提子」、呢個配搭好得意！燒香咗嘅豚肉片包住粒大大粒嘅提子，一啖咬落去，鹹香嘅豚肉同爆汁清甜嘅提子撞埋一齊，口感又軟又爽，好過癮！.🐔 串燒「雞胸」唔嚡，表面燒到有少少脆邊，簡單落啲鹽已經帶出晒雞肉嘅香味。鍾意咬骨嘅就揀「胸三角軟骨」，軟骨位脆脆哋又有咬口，咬落索索聲，送酒真係一流。.🍜 最後食返碗「柚子鹽味叉燒拉麵」，個湯底好清甜，有淡淡柚子香，叉燒夠淋又入味，成碗食晒都唔會覺得膩，係個完美嘅收尾！.😚 呢間居酒屋用餐氣氛好熱鬧，可以好悠閒咁一路嘆靚酒美食一路傾下計，餐牌選擇超多，值得試試。.📍 天后清風街1A-1B號美城花園大廈地下KL6號舖.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.…Read More

嚟到呢間勁有氣氛嘅酒屋🏮逢星期二仲有 live performance 又可以點唱，仲有啲客人即興一齊 jam ，樂而忘返（仲開到2點添㗎！）見到間嘢叫酒屋，都知道一定係主打飲酒~佢哋嘅 Happy Hour Highball/威烏（要用包青天嘅氣勢嚟講 lol）都係買一送一仲要由6 點到收鋪都有，好抵呀！同埋雖然話係酒屋，但係佢哋嘅食物一啲都唔揸流攤㗎！款式勁多！蟹籽野菜沙律 - 簡單經典不敗組合，清爽美味夏天必食吉列炸蠔 - 酥脆得嚟個蠔仲係keep 到軟滑又 creamy，幾欣賞佢哋伴碟嘅沙律都係新鮮唔頹㗎~紫蘇葉柚子甜蝦 - 紫蘇葉真係大加分，個香氣令綿滑甜美嘅甜蝦層次提升咗好多，唔膩口超讚月見海膽拖羅杯 - 是晚最愛💯呢個組合無得輸~建議要 mix 埋一齊夾紫菜食多種嘅鮮美同口感一次過喺口入面爆發~（而且美美的，睇見都開心）海膽蟹肉甲羅燒 - 蟹殼上放滿蟹肉、蟹膏、海膽、香蔥~蟹膏味勁搶好濃郁，配脆包好夾軟骨豚肉丸 - 軟骨雞肉棒試得多，配豚肉又真係第一次。相對口感會更加扎實彈牙，係會越嚼越香~（送酒一流）墨魚香腸 - 入面有啲花枝粒，口感彈牙又鮮味雞三角軟骨 - 其中一樣我食串燒嘅最愛，見到一定要叫返串！屋台廣島蠔炒麵 - 好有大阪風味嘅炒麵，建議上台盡快撈混~有蠔有菜有麵加埋個醬，屋台嘅回憶翻曬嚟呀❤️…Read More