Video
Telephone
24916628
Introduction
The shop specializes in tea. Customers can taste the tea which made by the owner.
continue reading
Above information is for reference only. Please check details with the restaurant.
來到發現有個暫停招待嘅告示，老細話唔招待茶飲啦，年紀大了要多些休息養身。老細人好有性格，醉心書法創作，啲作品好特別，係唔同語言用中式書法創作，靈動又富有寓意趣味，又買咗啲佢嘅大作留念下。
continue reading
一向都唔好咖啡同茶，因為會瞓得唔好。有朋友從汕頭來香港，帶他們到深井食燒鵝，老公好耐之前已經講過呢度嘅咖啡超好飲，於是順路帶他們來試試。我一入到去就話我淨係試一啖半啖，所以唔使預我。老闆就立刻用科學去解釋點解會瞓得唔好，然後豪言話飲咗佢嘅咖啡瞓唔着，你都會覺值得！老闆好好，用兩杯咖啡同兩杯茶嘅份量，分咗五碗茶同五碗咖啡，等大家都可以試！一邊沖茶/咖啡老闆一邊講咗好多歷史同知識，放心～一啲都唔悶，老闆好有趣。飲第一啖咖啡，我真心唔覺得有特別，但下一秒，老闆講嘅味道入咗喉嚨又走返出口腔嗰啲感覺真係應晒！杯咖啡冇落糖，但係一啲都唔覺得苦，又唔覺得澀，又唔覺得酸！有啲滾動眼濕濕：真係突然有杯咖啡會令自己對咖啡改觀？！完全始料不及！完全認同老闆講嘅：飲咗佢杯咖啡，瞓唔着都抵！我同老公講呢杯咖啡咁貴係絕對值得嘅！真心highly recommend 大家自己試試，我都想知本身鍾意飲咖啡嘅人有咩感覺？仲有杯茶，老闆即興玩味覺，加檸檬之後又再加胡椒粉，味道又出奇地夾😂返到嚟上OpenRice睇，原來老闆沖奶茶都係拿手嘅，已經決定下次去要一碗奶茶一碗咖啡🥰最後小tips，大家唔好當係茶餐廳，匆匆來匆匆去，預多啲時間，老闆會慢慢沖，同你吹吓水。亦唔好以為係靜靜地嘆杯咖啡，呢度似係品茶品咖啡workshop咁😉最後最後，第一次覺得值得為此寫食評！愛上老闆沖嘅咖啡！
continue reading
裕記晚飯後，食過裕記啲茶芥花生唔錯.見係隔離間鄭記士多見到啲淮鹽花生🥜賣相幾好，就問店主阿伯呢啲係咪就係裕記個隻花生.佢答係，於是買咗一包$50蚊返屋企試.開封後試咗一粒入口，完全唔係個樣嘢.好大陣油亦味又淋身，淨得少少咸味.勁難食.分明係擺咗好耐.仲要擺出嚟呃食客.成包掉咗.$50蚊當請阿伯飲茶👎除咗花生，仲有話梅、咸檸檬…零食賣.大家諗下要唔要試就自己諗
continue reading
今日終於去左試奶茶。 懷住好大寄望，滿足而回。老闆每沖一款飲品都詳細介紹說明一番。 了解左過中做法更可用心品嚐。奶茶又滑又厚，入口茶味香濃。老闆一再强調要留下半碗涼至室溫，茶香更好。果然味道更上一層樓。鐵觀音latta, 飲一啖花香在囗中爆發出嚟，唔係講笑，我真係用手撼住個咀。回甘一段時間，再飲奶茶，花香頓然消失，只有奶茶味道，再飲latte, 花香又在口中爆發。呢個玩法叫轉台。唔到你唔服。品茶之餘又學到野。不枉此行。
continue reading
放假日冇咩特別野做，就周圍搵吓有咩嘢好食..搵搵下又搵到呢間鄭記士多，睇過食評佢係出名飲咖啡奶茶，但係價錢就一啲都唔親民。同男朋友過去，叫咗一杯奶茶同埋一杯咖啡，老闆好有心機咁沖咖啡， 一路沖一路講解！睇住成個過程，又使煲到煮咖啡，完全感受到佢對咖啡嘅執着！老闆見我哋兩個人好細心咁幫我地每樣分左兩碗，俾我哋兩樣都可以試晒！佢嘅咖啡同奶茶都唔落糖，仲會叫我地分段飲感受下唔同嘅溫度有咩唔同嘅口感！係佢嘅指導之下好似真係有啲分別🤔🤔同場加映，老闆自家製嘅龍蝦湯雪糕😍仲要用烘咗嘅牛角包一齊食！龍蝦湯雪糕真係好好味， 每一啖都好似飲緊凍嘅龍蝦湯咁樣，加埋暖暖地的牛角包，勁夾！但係留意番，呢個係唔公開發售，食唔食到就睇老闆心情啦！同個老闆傾吓計飲下咖啡食下包，咁就過左兩三個鐘啦😰
continue reading