鄧媽媽過橋水餃 (Closed)

呢間鄧媽媽....以餃子作招牌.....所以只有水餃好食.....通常都只會 order 餃子....麵食類試過一次都唔會再有下一次.....九菜餃同椰菜餃都好味....九菜比較香....椰菜比較硬...所以食到一粒粒的效果.....而且比較 juicy.....不過要自助買飛比較煩.....

葵涌廣場真係一個好地方...無論食同買野都平過人的..我的總公司雖然係葵芳..除了上堂 , 本人都好小返總公司 !同事常說每次反葵涌都會食鄧媽媽水較的..等我又試下先~~ 鄧媽媽水較米線 : $25 碗唔包飲品...加飲品都係加$5~$7 , 水較可選棷菜同韮菜..味道一搬不過真係好大隻.. 仲叫左個雙丸河 ........

今日同o左女友去o左呢間店到食晏,叫o左個牛腩麫,一個擔擔麫,一碟鴛鴦餃,個牛腩麫分量頗多,牛腩係好淋而且分量亦多,但是沒有甚麼味的,有些失望,擔擔麫算是水準之作,唔太辣,有齊花生香,麻味同少許o既辣味,味道是不錯的,鴛鴦餃實是普通,可以不理.總括來講,呢間店係值得一試o既,但唔好抱咁大希望.

在葵涌廣場血拼後…自然要醫一醫肚…同行友人介紹來這裡吃…說又便宜味道又不錯~雖然看到餃子有點害怕…因為近幾天吃了太多餃子…最後我當然沒有點餃子…我選了冬菇沙嗲牛肉米線…大大的一碗…$25…加$5就會有大大杯的凍飲…冬菇小小的…size像磨菇…炆得很入味…不錯的呢~本來我以為沙嗲牛肉米線會是沙嗲湯底的…但原來只有牛肉是沙嗲的…湯米線是清湯….大概是把預先煮好的沙嗲牛肉加上清湯米線…牛肉都算得上不錯…只是沙嗲味不夠濃不夠香…不過要特別稱讚一下店裡的婆婆和收銀的叔叔…他們的服務態度都很好…而且很細心的~

本人大約一星期會吃一次鄧媽媽水餃每次必點1. 一打韮菜豬肉餃$302. 擔擔麵 $223. 檸蜜 +$4另有椰菜豬肉餃, 餃子可煎可淥煎的十分香口不過淥的韮菜餃才是我的至愛見到之前有食評寫道, 看到機打的饀子便不想吃我必須為韮菜餃平反饀子少肉多菜, 餃皮不太厚, 當然也沒雲吞皮那樣薄, 厚薄剛好點少許醋已十分鮮味不是太懂描寫怎樣好味只是十分合我的胃口, 一切味道也剛剛好隔幾天不吃便會十分掛念那韮菜餃的香味另外擔擔面是男友必點的我本身並不愛吃擔擔面...因不喜歡吃太淋身的麵而鄧媽媽的擔擔面比較爽口和粗身...可說並不正宗...但我卻認為更好味麵上舖了一些醬和花生碎...加上極微辣湯底...真的十分香男友有時會忍不住連湯也喝清不過有時麵上的料會時多時少有時早到了, 只有早餐供應(至11:30)吃過韮菜餃米線, 餃子因放在湯上而淋了, 便失色了米線則是十分淡味...湯底好像白開水一樣所以都是待11:30後去吃較好另外飲品是由隔離的一泡而紅提供的吧?(兩間店的餐牌是一樣的)合格有餘的茶餐廳水準~亦試過刁蠻雞翼...十分熱氣...那層炸粉勁層...雞翼無味下次不會再點

同BF夜晚去葵芳搵野食,經過呢間小雨天就入去食返個泡飯 ~~我就叫左個豬頸肉泡飯+凍檸茶 ..個泡飯D湯甜甜地咁...但覺得好普通呀..我覺得我阿媽整仲好味 .....不過D豬頸肉幾OK呀 !!又唔會太UN同硬..而且有五香味..BF叫左個水餃 $15有5隻 ~~不過佢話好普通呀 !!阿媽包既仲好味 !而且$15 5隻都唔平架MA ~~總括黎講，Ｄ野食冇咩特別 ...

非「化悲憤為食量」之徒，心情不佳，胃口自然麻麻，在後生商場走了兩轉，累了坐下來吃碗麵。看著葵涌廣場由零開始發展至今，想不到當年賣老翻電玩的三樓竟成為食肆林立之地。來到鄧媽媽餃子店，原打算吃招牌餃子，但見靚姐以現成餃子皮包著機打的肉餡，還不如清清地吃碗掛麵好了，配料有麻香牛腱。掛麵成份只得小麥粉、水，大概是北方傳下來之麵點，聽說麵皮做好後以竹子晾乾而成的乾麵，故稱之「掛」。是日的掛麵煮好後浸在味精湯中，麵粉腍不著麥香，絕劣下品，牛腱屬量產物，賣不去的放到雪櫃，日子有功水份都被抽乾，是以肉質乾削如柴，還幸有碗熱湯，將之放湯，免強能下嚥。味精多了一點、麵削了一點、牛腱水份抽乾了，此外，尚清簡的一餐，胃納也末跟自己對著幹，葵涌廣場食肆質素大概如此，想吃好一點的話，走過天橋到新都會吧。份量足夠的，連檸茶只收廿八元，予OK面。

下晝叫左冬菇豆腐肉碎湯飯..好大碗好好味丫...d 湯好正...食完唔會要飲水同覺鹹...加埋d 飯好2好味..好match..雖然豆腐 同肉碎冇咩味..但整體黎講真係幾好味..^^

聽聞葵芳好多美食，所以放工去行下。去到葵涌廣場多數都係小食店，去搵d有得坐既餐廳，見到鄧媽媽好多人食，就決定一試！地方狹窄就預左架喇.....兩個人點左一碗香姑沙爹牛肉飯、酸菜麻辣肉碎米線，同半打椰菜豬肉餃。上菜時，見d waitress帶哂手套咁以為好衛生，但點知.......食食下碗香姑沙爹牛肉飯，竟然見到係d飯度有條長頭髮!!!我地唯有眼不見為乾淨，因為知道complain都無用......但衛生程度可見一斑!! 而且份量亦不算多，女仔還可以，但男仔就一定夠食~~酸菜麻辣肉碎米線味道尚可，酸辣適中，只係肉碎較少。椰菜豬肉餃的餃皮唔算厚，而且料足，要一打都無妨原本想加單試下其他小食，點知要鮮蝦腐皮卷無....棒棒雞又無....連牛展都無!!!咁唔該你事先張揚啦!!仲要貼哂d菜名係墻度，扮哂多野食咁下次都係過新都會好過~~~

星期六早晨, 要到葵芳找銀行辦事, 所以一早過到來, 理財再理肚子.葵涌廣場除了係女仔買野勝地外, 我亦發現這裡是飲食天堂. 大餐廳, 小食店...每層都有.係二樓其中一角, 有幾間開了門, 但唔覺有收銀的食店, 奇怪地每間望下, 奇怪地發現Menu全是一樣的.....其中一間既Counter有人, 原來幾家東西是Food Count 形式經營, 先購票, 後找位....無論你食那一間的食物, 你鐘意坐邊間, 就坐邊間, 店員會找你個Number, 食物會自來.11點, 亦同家人約好了4點去食下午茶. 亦看見店員們正忙著包餃子, 所以食碗米線, 當中午.叫了焉鴦水餃米線. 有韭菜鮮肉同椰菜鮮肉, 肉質又幾鮮甜喎, 米線湯底清淡, 清淡湯底, 鮮味肉餃. 做早餐, 兼中午....份量夠, $21連飲品, 算是經濟. 早餐包既飲品一杯, 明顯是另一間鋪提供的.