Michi

見到網上一片好評，特登趁佢中午落場之前去，排咗45分鐘有位。當日落大雨，店員服務算係非常貼心，亦耐心解釋，但食物質素覺得言過其實，有點失望。當日雞白湯拉麵已經售罄，所以叫左鹽味雞湯拉麵、醬油拉麵和炸雞。兩個拉麵湯底也很鹹，很油，完全不覺得湯底有什麼特別的層次，麵也只是普普通通 (雖然有硬面和軟面選擇，但不覺得特別出色)。炸雞的雞十分juicy，但炸漿有點厚，整體不算出色。食完覺得不值得排隊排咁耐同咁貴，而且食完都幾口渴吓，口味不是我杯茶，試過就算，唔會再幫襯。…Read More

尋日入去屯門做嘢，順便試吓呢間唔少人都話好食嘅拉麵店。中午12點左右去到，已經排咗唔少人，以為星期一會比較少人。都等咗大約一個鐘，先輪到我入去食。嗌咗個醬油雞清湯拉麵，碗麵一嚟到，見到個湯已經好多油係面，都知瀨嘢，食完肯定屙。試個湯，勉強叫做熱，但味道冇醬油味。再試麵，冇乜特別。隻蛋，又係勉強可以叫做溏心蛋，因為中間蛋黃部份有d位熟曬。最後，個雞叉燒，總算有少少雞味。整體嚟講，試過就夠，唔值得幫襯多次。…Read More

6點排到去8點先食得，咁辛苦先入到黎，同冇咩事唔會翻兜，所以叫左雞白湯拉麵（特盛）同濃醬油拉麵（特盛）再加左炸雞同波子汽水。ིོ雞白湯拉麵$98（加特盛去到135-178左右）個湯聽聞話用左8個鐘煲出黎，每碗都過完篩再用打泡機發泡，雞湯飲落係香濃同唔膩嘅。不過唔鐘意油脂香嘅話會食唔慣。店員建議配低加水麵，麵質爽食又掛汁。ིོ濃醬油雞清湯拉麵$118（加特盛去到135-178左右）比起雞白湯，自己鐘意呢碗多啲。醬油味會略帶少少苦味同唔鹹，食落係好清。而雞叉燒口感都好正，好似食緊鴨胸咁。兩碗嘅溏心蛋都正正常常，如果可以加埋竹荀就仲正。另外加左$48炸雞，呢個仲好食過拉麵，個皮係勁薄同好脆，唔會覺油。舊雞係一咬會滴汁好嫩。一舊都好大舊，我地咁食得都一舊夠曬數。飲品就加左波子汽水。成餐加下可下就食左400幾蚊，都幾貴，但排成兩粒鐘，唔叫多啲又心理唔平衡。🦌🐿️整體我覺好食，排下都ok。但吹棒到要特登入黎食又炒起排隊文化，個人就覺未去到呢個地步，有啲名副其實。如果唔洗排咁耐又咁多蚊，就好值得食。…Read More

之後絕不再光顧，態度高傲惡劣.令人失望. 排左1個鐘之後.走人.真係咁樣待客之道！！ 當晚你店安排失當.變成我嘅錯？一開始排隊攞飛時我好明確話三個人用餐（二大一細），店員聽錯成一人用餐.店員要我重新排隊，但我一直告之三人. 溝通過程中店內廚師態度非常惡劣，非常高傲自我.最後我哋一家三口不歡離開…Read More

睇到influencers介紹呢間拉麵店好似唔錯，今日就特登入去試試，大約2點半到達，前面約有10幾個等位，既然入到黎都唔介意等位，10分鐘後店員比籌號我哋，同時介紹咗有個山椒鹽湯底拉麵，所以朋友已諗定試下呢個山椒鹽，而我想試鹽雞湯底，如是者就等咗一個鐘，之後再有人黎排隊，店員再出黎派籌，同時聽到店員講只剩番雞白湯底，炸雞亦售罄，我聽到後出現嘅字“咁都得”？？當時只係3：15，佢哋午餐時間係去到4：00，稍後會有晚市，即係代表真哋向度等緊嘅10位人客只能夠選擇白雞湯底拉麵，或者甚至乎到我哋嘅時候連白雞湯底，咁我排黎做咩？？我唔理解嘅係到底點樣備貨，若然午餐都唔能夠應付多10個客嘅份量，晚市可以點做，或者呢間餐廳唔志在生意。所以最後我哋都係選擇附近嘅餐廳，有時就係咁橋，比我哋食到一間認為更性價比高嘅食店，完…Read More

排隊安排極差，排1個鐘隊廁所都唔俾去同職員反映，結果職員態度極差！話呢度規矩係咁架喇，你唔滿意就打俾老細同佢講。打比老闆諗住反映一下，衷心希望佢可以改善一下貴店排隊安排，唔使客人大熱天，又要餵蚊，企係度排足一個鐘，連廁所都唔俾去……老闆一句間店係我嘅，我鍾意點就點，唔使你教我。個下我先明有點嘅老闆就有點嘅職員，講野態度一模一樣。做緊日本拉麵，但連普通香港一間餐廳嘅服務態度都比唔上，咁憑咩做日本餐廳。都唔知過黎食麵定係食氣，咁嘅服務態度，真係祝你可以長做長有客人。 不過對於老闆黎講，你班肯食嘅客人都係垃圾黎，可以零尊重對待🤭…Read More

💚想食拉麵🍜又唔想出太遠嘅屯門人可以考慮試下哩間隱世拉麵👍🏻哩日喺佢一開門就去，都要排第二round😆因為佢店內只有少量吧位，好似只有12個位🤔而且係逐碗拉麵煮，所以都等左成粒鐘…11點幾排，差唔多1點先入座，其間條隊都冇停過，建議大家夏天可以先買定蚊怕水同帶定遮，排隊位好多蚊同好曬😵‍💫👇🏻餐牌👇🏻吧枱位，可近距離見到廚師做緊乜，每個步驟都好乾淨，不過佢哋只有3個人，做唔切。廚師會間唔時同你傾下計問你好唔好食😄上菜嘅靚女都會逐碗介紹，同你講用左咩材料同正宗嘅食法👍🏻👇🏻小食，龍蝦沙律沙律配紫菜 🦞🥗(內有Wasabi )味道見仁見智😬👇🏻醬油雞清湯拉麵🍜由於1點幾先食第一餐，本人覺得好好食😂老公嗰碗係濃醬油清雞湯拉麵🍜就係比較咸嘅分別🤣佢嘅煙燻雞叉燒幾嫩👍🏻👇🏻炸雞，由於佢只限一次性落單，冇得後加，我哋怕細件唔夠食，叫左4件，點知每件都拳頭咁大😂最後係格硬食😆總括來講係值得一試嘅，職員態度又好好👍🏻臨走仲會同你講等咁耐辛苦曬🥰…Read More

坦白講，呢間野完全名過其實。服務態度好似有唔該前唔該後，實際上就呼喝你坐邊度，又話無得加單懶匠心甘。最好笑係我去完廁所返埋位，我坐最岀，佢成程都唔講，我坐低先叫我去關返個廁所門，家陣我去歷奇訓練營定考紀律部隊？你哋甘講衛生度門就整自動關埋啦同埋我寧願你唔好懶認真同我介紹碗麵點整，啲肉點慢煮，啲湯底點手打，搞到我太高期望，食落去只係冰鮮肉加飲左成碗雞油，個肚滯到返屋企都未消化到。只會食一次，完全唔係日本拉麵黎。…Read More

近大半年太多人排之後冇乜再食過最近食翻，發覺衛生，師傅手勢，同成間鋪個態度同氛圍唔同曬公道講個麵嘅湯，麵整體質素係keep到嘅但係用餐體驗，同師傅有傾有講個feel 唔同曬想知舊班底去咗邊…Read More

昨日星期一中午未夠12:00已排隊，排了約一小時才可內進，門口好曬，（如果下雨天就會全身濕晒）所講謂不定時派籌？真係無啦啦派幾個籌咁囉！派籌男人串串貢無乜禮貌。仲要排隊時有位男士又話我插隊又乘，又話我假壓縮，又叫我問老闆？！排隊食過麵者，駛唔駛咁呀⋯⋯最後老闆話我唔算插隊派籌俾我。入去又規定點定，點落單，又話唔可以加單？！食過麵都咁多規矩！其實要排咁耐又受氣，幾好食我都唔會再有下次，不過都算唔錯，係好食既 …Read More

冇服務態度之餘，我地趕到時只係岩岩叫到下一個，就話冇得補，一句話規矩就係規矩就轉身走左去，無視人地未開門就開始排，排左2個半鐘！間野係後巷，夏天超多蚊，又熱，咬到頂唔順先係商場等，都係10米遠唔夠，其間都不斷睇排位同行到店門口睇下叫到咩號碼結果另一個男既出黎，直接話規矩就係規矩，拉住個男既就掉頭走返入去鋪你地賺甘多錢都完全冇諗過去優化你地自己啲系統，仲要扮曬好高檔，乜都揸到正黎做，但你地又對啲客提供過啲咩？俾蚊咬，熱，都唔可以行開，食到就食？甘真係祝你地好生意呀…Read More

評分：90/100星期六中午，我去咗屯門嘅拉麵店「道」。喺網上早就知呢間店好受歡迎，排隊時間長，所以有心理準備要等。門外紅磚地上，十幾個客井井有條咁排隊，旁邊綠樹成蔭，陽光灑落，等嘅氣氛唔算太壓抑。不過，等咗差唔多2個鐘先入到去，雖然有準備，但覺得整個用餐體驗唔值咁長嘅排隊時間，係今次最大嘅敗筆。入座之後，店內環境真係好有驚喜。開放式廚房設計一覽無遺，木吧枱配搭灰色石牆，現代同日式傳統融合得好好。貨架上擺滿清酒同日式裝飾，背後有環形燈光，增添咗幾分時尚感。廚師忙碌嘅身影同整潔嘅工作區，令人對食物品質好有信心。我叫咗招牌雞白湯拉麵同唐揚炸雞。雞白湯拉麵一上枱，濃郁嘅乳白色湯底即刻吸引眼球，湯頭散發濃濃嘅雞香，表面有少少油花，湯色濃稠得似奶白色。店員講解話，湯底只用咗雞同鹽，大火煮咗8個鐘，冇加其他調味，但飲落去真係好濃厚，入口時感受到雞嘅鮮甜同濃郁嘅骨香，湯頭滑順得似奶湯，鹹鮮適中，後味仲帶點甘甜，層次豐富得令人驚嘆，完全唔似只用咗咁簡單嘅材料。麵條係幼麵，軟硬適中，吸咗湯汁後好彈牙，咬落每一啖都充滿湯頭嘅香氣。配料有溏心蛋、紅洋蔥粒同蔥絲，溏心蛋半熟蛋黃呈橙黃色，滑嫩得入口即化，蛋香濃郁，完美融入湯頭。紅洋蔥切成細粒，微甜中帶點辛辣，為湯底增添清新嘅層次感；蔥絲則細嫩清香，食落爽脆，進一步提升整體嘅口感。特別一提係旁邊小碟嘅紫蘇碎，食到後半段加落湯，紫蘇嘅獨特香氣同微微苦味即刻令湯頭風味大變，彷彿食緊另一碗拉麵，驚喜感十足。唐揚炸雞都好出色，金黃酥脆嘅外皮包住嫩滑雞肉，咬落時外層「卡滋」一聲，雞肉多汁鮮嫩，配山葵蛋黃醬，微辛同濃郁嘅味道完美中和油膩感，擠啲檸檬汁仲添咗清新感。不過，除咗排隊時間太長，另一個小缺點係飲用水無過濾，飲落有啲雜味，略為影響咗用餐體驗。如果可以改善呢兩點，會更加完美。整體黎講，「道」嘅拉麵同唐揚炸雞都好有水準，環境舒適，細節用心，值得一試。畀90/100嘅高分，如果可以縮短排隊時間同提供過濾水，相信會更加吸引食客嚟朝聖！…Read More

其實都唔只食咗一次都幫襯過幾次我覺得都幾值得推薦本來因為朋友住九龍琴日特登帶朋友入嚟食我哋7:50幾分開始等位佢哋完全冇人出嚟派飛如是者我哋等咗大概一個鐘我哋再問一問佢哋點解冇派飛嘅時候佢哋先講已經截咗龍我覺得咁嘅安排好唔合理你截龍嘅話應該一早出嚟通知排隊嘅人唔係浪費咗我哋時間之後話俾我哋聽冇得食我覺得就算食物質素好唔好我都唔會再幫襯真係好嬲排隊我覺得唔係問題你哋嘅安排同處理完全係浪費時間…Read More

《道 Michi》雞🐓白湯拉麵🍜📍屯門青菱徑7號華興大廈地下H號舖上次黎呢間店大概係兩個半月前，當日係平日lunch，我12:15到，籌號 21，排左 20 分鐘有得食。今次黎，係紅日嘅晚巿，我同個女 6:05pm 到，籌號竟然係 60。因為本身又未肚餓，所以同個女兩個人响附近食下小食，7-11買下零食，飲吓野，時間不經不覺到 7 點幾。雖然我知前面有 59 個人，都冇可能7點幾就有得食，不過我心諗，前面總會有 d 人唔等走左，心存僥倖地諗，應該8點幾有得食啦呱？點知，以我觀察，職員出來叫 number 時，只有2個人冇等😅，其餘 57 人全數都係乖乖地等待。結果，我等地到 9:35 分先入得 😵😵😵😵😵。等候時間係 3 小時 30 分鐘⏰。當然，有人願打有人願捱，冇人強逼我地一定等，我地大可以一走了之，所以等得耐，並唔係店家問題，只係呢間店真係太受歡迎。從職員口中得知，晚巿雖然開6點，不過4點幾就有人開始排，所以原來我6:05先到，係何其的遲。言歸正傳，上次食嘅係《塩雞🐓清湯拉麵🍜》，我比嘅評分係⭐⭐⭐☆☆，因為個雞清湯唔單單係清，仲相當的淡，雞味並唔濃，亦唔出，所以一直冇刻意再去食。因為今晚同個女拍拖，所以想帶佢試下呢間神店，想知佢又覺得如何。今次食嘅係《雞🐓白湯拉麵🍜》，亦係menu上面數落黎嘅第一項，照道理應該係最招牌。食完之後，我嘅評論同上次類近，湯嘅雞味唔夠濃郁，以雞白湯來講直情係淡。我去評價啖湯得唔得，我會主要分5個角度去睇，香味，濃度，鹹度，質感同溫度。唔少人會將濃度同鹹度混為一談，其實佢地係唔一樣。濃度指嘅係食材味道嘅濃度，鹹度係指鹽分有幾高。簡單形容就係，一碗滿滿肉味嘅肉湯但冇加鹽，就濃而不鹹；反之，一碗清水加左勁多鹽，就淡而過鹹。呢間店嘅湯頭，既淡，鹹度偏低，比人嘅感覺唔夠力。另一方面，因為佢嘅雞油幾香，同夠熱，所以大致上都算討好，但對我而言絕對唔算驚艷。另外，雞白湯同雞鹽湯用嘅麵係唔同。呢款麵相對比較深色，全粒粉，口感較粗糙，加上唔知係咪我當日係食全日最後一碗麵，我覺得個麵冇煮透，仲係生生地，所以我覺得唔好食。雞叉燒方面，軟軟嫩嫩，不過調味略嫌過淡。溏心蛋就幾好，生熟度控制得好，enjoy 食。全碗麵令我最印象深刻嘅，竟然係佢嘅蔥，質感同蔥味都同平時食到嘅有明顯唔同。整體 - 不推薦。如果你真係食得好啖口，可一試，不過要注意排隊時間。無論點好食，要排太長時間，食龍肉都冇味。我個人接受到嘅等候時間係大約一小時，今次等左三個半小時實屬偶然，可一不可再，下不違例。…Read More

30/3/2025星期日從網上得知有這一間拉麵店，便專程從外區到來品嘗。現有以下評論：1.排隊時間的確很長，我們12時50分到達，眼見有20多人在排隊，我們排在最後。五分鐘後剛好職員出來派籌，按人頭派籌。成功取籌58,59号。店員說這個籌號都要3時才輪到。因我們從外區前來，所以都照排隊。2.2時55分入座。因雞白湯已售罄，故我們點了鹽雞清湯拉麵兩客和唐揚炸雞兩件。3.5分鐘後，先送上來的是唐揚炸雞，剛剛炸起，香酥嫩滑。然後兩碗拉麵紛紛送上（十分鐘內全部食物送上）。店員詳細解釋這碗拉麵的創作靈感和特色，以及品嚐拉麵的最佳方法。4.雞湯很香，入口鮮香甜。拉麵偏軟。叉燒帶有淡淡煙燻香味，溏心蛋全隻沒有切開，蛋心是冰凍的，蛋七成五熟。5.結帳時收錯數，應該是：98+98+28=224但店方收我四件炸雞的錢：98+98+48=244見店員用ipad落單，為何結帳會錯？6.用餐後三小時內都沒有異常的口乾。總結：只談論食物本身：7/10.整體經驗：5/10…Read More