迦拿

檢視較大的地圖光顧日期：2025年3月26日 (晚餐)及4月5日 (午餐)深水埗欽州街37K號西九龍中心8樓美食廣場36號舖Shop 36, Food Court 8/F, Dragon Centre, 37K Yen Chow Street港鐵南昌站 D1 出口, 港鐵深水埗站 C1 出口付款方式AlipayHK 支付寶 現金只要你：1)只求效率，但必須合乎意大利式的烹調；2) 不計較 food court式環境與人搭枱；3) 經濟為重要凡考量因素那末，迦拿很切合伙的需要了。我是日點了鮮茄菠蘿鴨胸意粉。食評：鴨胸的肉，咬口好；鮮茄及汁液多，所以十分醒胃，再加上菠蘿，令醒胃感倍增。羅宋湯多料，只是湯底較稀。…Read More

今日我喺西九龍8樓美食廣場，去咗一間我由細食到大都好鍾意嘅西式小店。呢間店一直都係我嘅最愛，今日特別想試下佢哋嘅下午茶。點咗半個奶油豬加白汁素火腿意粉，仲有包裝飲品，成個價錢淨係$33，真係超級抵食！首先，奶油豬真係好正！面包外脆內軟，搭配住豐富嘅奶油，食落去香滑得不得了。而且裡面嘅豬肉切得剛好，肉質鮮嫩，味道好足，真係令人食得停唔落手。再加上白汁素火腿意粉，意粉煮得啱啱好，白汁醬料濃郁，味道香醇，素火腿嘅口感亦都唔錯，讓整碗意粉更加豐富。仲有，呢個價錢真係好吸引，$33包埋一個奶油豬同意粉，連飲品都包，性價比真係高得出奇！飲品方面，我叫咗一杯包裝飲品，清新又解渴，搭配住咁好味嘅食物，真係一個完美嘅下午茶。總之，今次喺西九龍呢間西式小店嘅下午茶體驗真係好滿意，食物質素高，價錢合理，絕對值得推薦！如果你喺附近，記得一定要試下！我一定會再來！…Read More

$38芝士蕃茄焗豬排飯包羅宋湯或盒裝飲品，即叫即整，仲要好大盒，d飯雖唔係炒飯底但唔會淋扒扒。$38焗飯雖同兩餸飯差不多價錢，但好味好多，比起連鎖店平成十幾蚊仲好食過佢，食飽好滿足。…Read More

作為一個「西人」，經常外出都會選擇意粉🍝、漢堡🍔等西式食物為主～今日拍拖想行下啲小店，所以去咗深水埗西九龍中心蘋果商場，行得攰攰地就去8樓尋下啲隱世美食 😋8樓有各式選擇，中、西、日、韓、東南亞都有，揀到頭都痛埋 🤢 最後揀咗迦拿，因為見到 food court 啲人好多都食緊意粉，心思思就想試下啦～今次揀咗 F 餐芝士吞拿魚煙鴨胸意粉$36，加$2轉配罐裝可樂 (8樓美食廣場大部分都會送紙包飲品, 食物又唔貴, 其實真係好抵)！$40都唔駛就食到個餐又包飲品，都算係窮人恩物了~ 因為太多人，就轉咗做外賣🥡加$1去6樓蘋果商場入面坐底食。意粉上面啲芝士焗到小焦好香，食落仲可以「拉絲」😱 鴨胸份量好多 (起碼有10件)，吞拿魚碎配上白汁，豐富得黎仲好 juicy~! 份量好多，食到尾有啲「漏」，如果加少少菜平衡下就會再加分 🥦總括：平、靚、正～ 下次想試試一人 PIZZA 🍕…Read More

上次喺呢到叫左個pizza餐，有一塊6寸嘅pizza，一塊多士同一盒飲品，咁都只係收28蚊，喺香港已經少有啲嘅價錢雖然聽落好少野，但係食曬其實都夠飽(利申:本人女仔，少少細胃) 講下塊pizza先啦，嗰啲粟米真係好多，係鋪得滿嘅份量，粟米上面有層白汁，然後用勁多芝士覆蓋住佢地，芝士控應該會食到好開心。塊多士係厚嗰隻，烘得脆脆地，加埋啲煉奶係無得頂，不過有一個不足位係啲邊有啲硬，嚼得辛苦一啲。整體嚟講唔錯，雖然老闆娘一手包辦，落單煮野出餐都係佢，但係服務態度都好好。一定會再幫襯，下次會想試下芝士類嘅焗意粉(p.s. 掛住食唔記得影相...)…Read More

提到西九龍中心，受推廣的#素食友好 店舖就只有2家，但其實這邊還有很多小店被忽略卻又值得光顧，#迦拿 便是其中之一。由於熊貓最近太想吃茄醬義麵了，所以特意來試試他們的手藝。🍝 鮮茄青椒香草扁意粉 - HK$30 (連飲品/羅宋湯) 首先份量很剛好，蕃茄片 跟 青椒絲都給得大方，扁意粉亦沒有煮過腍。口味較健康，清淡不油膩，是家的味道，撒上一點香草碎，味道剛剛好 (如果有TABASCO就更好 🙈) ；飲品是配250ml盒裝飲料，加$2可轉罐裝。湯品方面，說是羅宋湯，實際上是雜菜湯，沒有肉但店姐姐特別提醒裡面含洋蔥，屬五辛素。椰菜量足但很鹹，下次還是點飲料好了。營養估算 (僅就一份扁意粉計算) ：440 Kcal 12P / 1F / 96C推薦指數 (5分為滿)：🐼🐼🐼🌟 他們家有多達7款義麵種類可供選擇 😋🌟 熊貓覺得店姐姐很有禮貌，而且對素食有一定認知，值得加許 👍🏻🌟 他們家還有素火腿配搭的素食材料，但素火腿多屬奶蛋素，純素者還是點 #原型食物 類的比較好🌟 上菜會有點慢 (至少等10多分鐘) ，但人家是一人店舖，即叫即做 (連蕃茄青椒都是現切的)，不是那種一下單就隨手拿一堆有的沒的去煮的那種。光是這種誠意、這個價錢，等等又何妨？ 反正我不趕時間 😌📍迦拿 🇭🇰地址：深水埗欽州街37號西九龍中心8樓美食廣場36號#instafood #veganfoodporn #hkfoodie #foodiehk #foodlover #hongkongvegan #hkfoodshare #veganfoodie #veganhk #plantbased #linguini #香港美食 #美食 #素食 #純素 #香港素食 #深水埗素食 #深水埗美食 #travelgram #飲食日記 #whatveganseat #veganfoodblog #hkfoodblogger #蔬食 #西九龍中心 #食評 #抵食 #卡路里 …Read More

呢排返工勁忙，忙到無時間慢慢出去覓食😭，所以唯有近近哋去西九龍中心嘅Food court買個外賣。其實呢到真係超多選擇，如果每間食匀，一個月都未必食得哂。呢日試咗間未食過嘅迦拿，選擇多到一個點，超過50款！有薄餅仔🍕、焗飯、意粉🍝、長通粉、螺絲粉、等等等。而醬汁有蕃茄、白汁、芝士、肉碎、黑松露，又係好多組合。我要咗鮮茄菠蘿煙鴨胸螺絲粉($31)，外賣加$1。由於制作需時同都多人買，所以要等大約10分鐘先有得拎，都ok啦。小店由2位姨姨主理，佢哋都好nice，有笑容😊，我個粉係螺絲粉，但佢話唔係好夠，問我轉唔轉意粉，但我又唔係好想，佢就話咁長通粉溝螺絲粉好唔好呀，無問題啦👌。後尾問先知其實飯、意粉、長通粉嗰啲係可以自己搭配，所以唔一定要某樣餸先可以配螺絲粉。十分鐘後就有得攞，拎返office慢慢食，因為唔係焗，所以用發泡膠盒裝。個餐真係超抵，仲送紙包飲品或者羅宋湯🥫。我就要咗湯，味道都唔錯，夠熱，都幾多蔬菜，唔油，少少酸。到正餐喇，鮮茄菠蘿煙鴨胸螺絲粉，個餐盒都幾大，裝到滿滿的！啲餸就鋪面，都好多下，包括蕃茄🍅、菠蘿🍍同煙鴨胸。蕃茄雖然切開咗，但份量應該有成個，少少扣分位就係無切走中間啲核。餸下面就係螺絲粉mix長通粉，佢比我想像中好食好多，因為勁多汁，唔會唔夠，兩者好夾，唔會粉還粉、汁還汁。而且兩種粉都大大粒，好彈牙，唔係好淋無質感嗰種。呢個粉比起好多餐廳都好食，份量又多，臥虎藏龍😋。總括嚟講，呢間小店性價比無得輸，食物定價超平，大部份$3x搞掂連飲品或湯，下次想試埋焗野添。而且我見到pizza只係$2x-$3x，仲要奉送厚多士🍞，真係傻的嗎？味道方面，我呢日食嘅呢款，係稱得上好食，平民滋味。好開心我又發掘多一個飯堂喇🤤。五星推介小店！…Read More

眼見呢間舖係兩公婆嘅小店有焗飯 焗意粉 薄餅，全部唔超過$40仲要係自家製Pizza🍕 大約等咗10分鐘6吋大🍕- 芝士粟米火腿Pizza套餐 -連飲品/湯 + 多士 都係$30價錢相當平民💰足料！好多芝士 仲可以拉絲🥰多士係奶醬多 多醬，好食😋- 芝士粟米Pizza套餐 -連飲品/湯 + 多士 都係$27飲品有果然系紙包飲品 / 罐裝可樂…Read More

其實西九都幾多野食下 是旦食一間都覺得ok而且價錢偏向大眾化啲 所以食咩都可以醫飽個肚🙈🙈而且野食嘅種類都幾多元化 所以唔使驚揀唔啱食啲咩鋪頭細細 餐牌都貼晒喺鋪面嗰度 想食啲咩都可以慢慢揀 佢主要係以西餐同埋Pizza為主 都好多選擇 平時我食呢一間多數都係食Pizza為主 間唔中都會食下佢啲焗嘅意粉嘅 但我比較鍾意食佢嘅Pizza多啲 佢啲焗飯或者意粉嘅份量都幾大 二Pizza就覺得係啱啱好今次我都係照舊食pizza 芝士栗米辣肉pizza 配奶油多 同野飲個pizza味道正正常常 爆多芝士🤤 食完個Pizza就食買個奶油多都幾飽肚 唔錯 如果嗰排窮窮地又想食pizza其實佢都算係一個唔錯嘅選擇🙈…Read More

哩間都幫襯過幾次，因為夠平，3x蚊有焗飯或意粉，仲跟埋紙包飲品，唔會每個屋企都有焗爐，有時想食焗野就會揀哩間，份量都夠多，意粉種類都有幾款，間唔中轉下唔使咁單調。…Read More

今日黎到西九龍中心其實未黎之前已經好想食熱辣辣PIZZA不過自己一個 附近又無便利店個D所以上左黎8樓美食廣場呢間叫左個PIZZA餐佢個餐包1個PIZZA, 半份奶醬多加飲品等左我諗5分鐘左右, 因為心急叫佢唔洗整太耐PIZZA底係用一家好出名既公司既彼得包做底烤得脆 我叫左既呢個係芝士吞拿魚, 佢D吞拿魚絕對唔少, 好重手我自己最鍾意既係佢用係水浸吞拿魚夠哂健康, 加埋芝士係上面已經好夠味因為如果用左有沙律醬或者油浸既吞拿魚就會太濃味OVER哂而奶醬多亦都好多醬簡簡單單咁樣24蚊, 抵過去快餐店食…Read More

老公話一場黎到西九龍, 點都要試下D新野!我地見到個Meun寫住$26一個PIZZA+奶油多+飲品已經不自覺地走左去揀餡料啦XDPIZZA ga選擇都幾多, 配料都系比較大眾化GA食材好似系吞拿魚, 蟹柳, 蜜糖腸等等而我地2個就揀左[芝士什菌粟米]啦等左10分鐘到, 就有得食啦!!!一望到個餐, 件奶油多真系超吸引, 仲要熱辣辣一咬落去! 勁脆勁甜! 冇得輸啦>^<之後就試個PIZZA啦成個配搭比想像中更match, 更fresh完全五覺得肥 XDDDD加上唔似出面D PIZZA甘落沙律醬所以整個口感都好好, 芝士味濃而不漏! 超級正!…Read More

我可以說，以一人之力去撐起一家三口的我，絕對是一個窮撚，不過窮還窮，我間唔中仲可以窮風流，去下旅行買下衫食下靚野既。在食方面，好多時都偏向草根，不用一百元一餐，就是我的所好，所以，一家三口出街，好多時都會來到西九龍中心，在這一個多姿多彩的商場 food court 內，尋求味道好的小店，而這一次，太太給我介紹了一家意粉小店，名字很開心地叫《迦拿》。《迦拿》，名字的意思就是 Gala，也就是 party 的意思，所以，我個人覺得這名字很開心。有意粉，有薄餅，有焗飯，小小的 food court 檔口仔可以說是乜都有，我作為一個香港人，食意粉，梗係食肉醬意粉啦，這兒的焗肉醬意粉，勁多芝士，鮮蕃茄醬也勁多，味道濃郁，十分之香口，而且，肉醬粒也十分之多，不用狂撈也有每一口都充滿肉醬、蕃茄同芝士的味道，絕對能令人得到滿足。這不是飯，是意大利粉，是 Pasta，是一種像米粒，名字叫 Risoni 的 Pasta，有時候，當這些米意粉煮成意大利飯的樣子是，有少少弄假成真，不細心去咀嚼感受，的確會吃不出是麵粉 rather than 米飯。這一個是火腿加腸仔的米意粉，也是一個充滿了忌廉汁的意粉，飽肚感覺絕對是滿分，for 中學生哥，這一碟意粉的確啱晒份量。在細心咀嚼時，你會發現 Risoni 十分之煙韌，cream 味道濃滑得很，當然，也漏得很。太太的素食，是什茵加粟米的一個忌廉意粉，這一個意粉，有少少 fusion 中國式，原因就是因為有冬菇的出現。味道，同樣是非常之 creamy，但多了一種可愛的味道，而這就是粟米的甜味，同樣的，這意粉因為勁 cream 而令人覺得好漏，但，份量指數，味道指數，飽肚能力指數都甚高。意大利雜菜湯，看得出這應不是用粉開的，不過是蕃茄湯加了生粉再加少許雜菜。正常的是料同水各一半，但這一個，明顯地水多過菜。西九 food court，是一個抵食指數甚高的地方，而好食指數也同樣高的店，我可以說這 《迦拿》只是眾多小店中的其中一間。以前說過，這兒是飲食創業者的天堂，所以，這一個 food court，絕對是一個臥虎藏龍之地。…Read More

店名：迦拿地址：深水埗欽州街37號西九龍中心8樓美食廣場36號好味指數:7.8/10價錢：$30菠蘿珍寶腸煙鴨胸茄汁意粉 配羅宋湯意粉份量很大，味道不錯，配料很足，略嫌意粉質感太腍，咁的價錢係香港好難搵到。…Read More

位於西九嘅一間小食肆抵食又好味只係等候時間略嫌有d長但勝在服務態度好所以我都覺得值得推薦架今次我就點左份芝士菠蘿粟米比薩加2蚊換左杯可樂其他包裝飲品就唔洗加錢成個餐都係30蚊有找仲絕對飽肚添個比薩好足料又夠大多士烘得岩岩好上面d醬又惹味實在值得一試架…Read More