Thung Tawan Thai Food ทุ่งตะวัน

Had a quick lunch there and ordered their chicken rice.   I wasn't expecting much but it was mediocre at best.  But what was terrible was their attitude.  Being first time there, the lady taking the order (which btw you need to get a table first and then order and pay at their cashier, which is impossible going alone), was very impatient taking the order when there was only 2 people in line and expecting me to already know their ordering process.  Even adding a drink is like pulling her teeth.   So that would be my first and last time going for sure.  …Read More

同親戚去完主題樂園，老公就話帶我們去近近地的地方醫肚，然後搭了一個站來到南朗山道熟食市場。南朗山道熟食市場是全港21個熟食市場的其中之一，樓高兩層的熟食市場早於80年代末落成，並未有增設冷氣供應，連電梯也沒有，只能行樓梯上1樓。高樓底的舊式建築風格夠通風，彌補了沒有冷氣的不足。由於已有目標餐廳，所以也沒有好好在熟食市場內逛逛，慢慢揀餐廳。老公之前曾跟同事光顧過農民泰國菜，覺得好食而帶我們來吃晚餐。雖然熟食市場內並未太焗促，但我們還是選了可被大牛角扇吹到的座位，這就不至於吃一頓飯都大汗淋漓！一入座，店員就即時奉上一大壺冰水，讓大家先降一降溫！！夏天沒有冷氣地用膳，當然不要期望舒適度好高。店家的梳化座位比起膠櫈座位稍稍寬敞一些，但梳化座位有點殘破。店家看似有點破舊，餐牌設計卻好精美，而且菜式選擇充足。馬拉盞炒芥蘭，馬拉盞味道香而不鹹，炒芥蘭充滿鑊氣，好惹味！！泰式蝦膏炒飯，平時食泰菜多數點菠蘿炒飯或椰青海鮮炒飯之類，是次應該是第一次試蝦膏炒飯，因老公說這款炒飯好惹味而推介大家試試！老實說，蝦膏鮮香味並不突出，但配料用上炒蛋﹑蝦仁﹑臘腸及肉鬆，組合層次幾有趣～～炒飯亦夠香夠乾身。泰式鐵板燒蠔餅，蠔餅份量十足以鐵板盛載送上，保持溫度，蠔餅一直香香脆脆！蠔仔份量多又飽滿，很好吃！與潮州打冷的蠔餅不同之處是，蠔餅蘸的不是魚露，而是泰式是拉差醬雖沒魚露的鮮香，但有著是拉差香甜辣椒醬的惹味～～整份蠔餅以芽菜墊底，吸去了大量油份，墊底芽菜又稔又油就不太好吃啊！！沙嗲串燒，3串雞3串豬，沒有牛，串燒的肉大大件，肉件醃得入味，不會燒得太乾身。沙嗲醬未算十分香濃，但味道都還不錯的！酸辣椰子雞湯 (大)，酸辣味比椰香味突出，用料充足，有雞肉﹑菇﹑蕃茄及香草，帶點南薑香，味道溫潤微辣～～鮮青檸蒸明爐烏頭，明爐魚可選烏頭或鯽魚，鯽魚較為多骨，就選了人人都容易吃到的烏頭啊！熱騰騰的原條魚上桌，味道酸酸辣辣，烏頭魚沒有泥腥味，魚肉更吸滿湯汁的味道，愈吃愈過癮～～～奶茶涼粉冰 ($20)，奶與茶取得平衡，味道香濃不會澀，加份涼粉後，增添口感層次之餘，消暑一流！龍眼冬瓜茶 ($20)，龍眼冰或冬瓜茶就飲得多，首次試龍眼冬瓜茶，味道更為清香，嚐到龍眼的清甜，還有冬瓜茶的溫和可口啊！！在熱辣辣的街市食泰國菜確有風味，仿如置身熱辣辣的泰國一樣！菜式沒搞太多花臣，都是大路菜式，最重要是緊火喉夠鑊氣而覺得好吃呢～～～…Read More

喺袋鼠都預約咗時間仍然還要遲到1小時，第一個送貨員到了仍然未煮起，下午預約7:15至7:45，呢段時間佢先至開始煮，第一個送貨員到咗，跟住等咗四個字，見啲嘢食未，出應該走咗！（因為Apps入邊完全會睇到晒，有冇人去，等咗幾耐，跟住個人又走咗嘅訊息）跟住次次都沒有外送員幫手又等好耐！等到有外送員又要等好耐、最大問題係下午已經預約夜晚的送貨時間佢係送貨時間先至嚟慢慢注意下先令人討厭！最終我係8:30左右先至收到嘢食！呢啲咁嘅餐廳以後不會再光顧！最大問題係我打去問可唔可以自己過嚟拎我寧願搭車過去拎，佢話唔得，叫我自己同返袋鼠嗰邊溝通處理，問題在於係…佢哋煮得好慢，同埋不負責任咁如果你做到咁樣嘅，咁你就唔應該同呢啲外賣公司合作，自己搞掂佢啦！錢就收咗我，但係就要我慢慢等！仲要佢哋嘅態度衰到…之後佢哋個手提電話應該由我來啲顯示我中間打過兩次去完全唔聽仲要no link…嬲到我爆炸…Read More

星期二晚叫外賣，一個炒飯，炒麵，炒芥蘭。我等左一個鐘，話得一個師傅整，但我見到有10枱客，5個人等外賣。唔明如果得一個師傅嘅話點解仲比咁多人坐底叫野食，根本就負荷唔到。野食還好，但如果你冇時間的話，真心唔好過嚟。…Read More

南區美食多，其中黃竹坑都有特別餐廳，雖然一聽到認為係工業區，係入面有個{南朗山道熟食市場}，2層的檔鋪有幾間都係泰國餐廳，今次揀左1樓既鋪頭，咖哩蟹要book先會有，今次唯有試軟殼蟹咖哩，味道濃厚，但要快d食，因為一上枱時新鮮熱辣辣，可以食到軟殼蟹既口感同脆度，當軟殼蟹浸住咖哩太耐，會變成軟綿綿口感，另外叫左雞肉串燒+芝士蝦球既小食，串燒味道正常，反而芝士蝦球有驚喜，芝士流心，味道又夾，整體感覺好，價錢中等，Good Try 無壞…Read More

今次嚟咗位於黃竹坑港鐵站行1分鐘就到嘅熟食中心，我哋嚟食農民泰國菜。呢間餐廳係位於係一樓嘅，對面仲有另外一間泰國餐廳。我哋見呢度多人啲，所以就嚟咗呢間食啦。咁我哋就叫咗一個雜錦海鮮金邊湯粉，同埋一個干炒雞河。佢個餐牌有埋圖片，真實同相片都差唔多樣，唔錯。湯河唔算好辣，但係原來佢啲海鮮都幾ＯＫ，蝦係可以甩殼，亦都有青口同埋魷魚， 60幾蚊有呢個質素，係唔錯㗎。另外加$8仲有一杯椰汁涼粉冰！椰汁涼粉冰好好味呀。我呢就叫咗一杯熱嘅青檸水，潤一潤返過喉嚨先。干炒雞河呢，係即叫即炒㗎，都幾有鑊氣。呢度真係有泰國人廚師主理㗎。同埋，佢系會有例湯一大煲，可以比顧客自己不來飲，先到先得。但係，就好似係普通雞水咁樣，冇乜味㗎。有機會，會試吓其他嘢，再叫返佢嘅椰汁涼粉冰！…Read More

今次又發現新大陸，話說唔知港島有咩好既泰菜食，朋友介紹南朗山熟食中心有好多。那日午餐入到去全部都係好似我咁既麻甩佬，雖然我最靚仔可以脫穎而出，全場都冇女呀除左泰國姐姐🥺叫左香辣肉碎煎蛋飯，都需要啲時間同耐性，事關好多外賣一箱箱做出來，亦是沒有冷氣的，相信夜晚都比較適合我。黎到熱辣辣出哂煙，好有鑊氣真材實料之餘仲好夠味，實在驚為天人巧巧痴！已經懶理出哂汗都要鯨吞碟飯，搵晚要再試下其他菜式同小食😋😋-📍農民泰國菜 (香港仔)香港仔南朗山道1號南朗山熟食市場1樓8-10號舖…Read More

黃竹坑返工想搵平靚快嘅野食選擇唔多，建議去南朗山熟食中心，呢到好多間餐廳俾你揀，價錢適中，總共兩層，而二樓就係泰國菜嘅集中地。今日午餐因為太短時間，所以就黎呢到食個快嘅Lunch Set。熟食中心呢到係無冷氣架，夏天會比較熱同有蚊。熟食中心環境比較無咁乾淨，同大排檔差唔多。同一層有另一間泰國餐廳，農民比起另一間價錢較高但坐位比較闊落舒服啲。但都係睇下邊一間岩自己口味重要啲。▶️青咖喱豬肉撈金邊粉青咖喱非常香濃，好夠味無溝水，但唔會好鹹。啲餸好足料，有茄子、南瓜、豆等等。豬肉新鮮而且好多片。金邊粉份量亦都好足，軟硬適中，配搭青咖喱就非常夾，每啖都會食到咖喱但唔會索哂汁發脹。▶️椰汁涼粉冰套餐加8蚊就有一杯泰式特飲，椰汁香，涼粉好多，就嚟滿瀉咁，亦都唔會太甜。仲有好多其他地道泰式飲品俾你揀，唔錯唔錯。雖然環境唔算太好，但味道都ok，係呢區比較好食嘅泰國嘢。建議秋冬天天氣比較涼嘅時候先黎食，夏天就外賣啦。…Read More

黃竹坑站旁邊有個南朗山道熟食中心，環境開揚，唔似其他熟食中心講係密封，剩係得風扇，呢個熟食中心四處玩到開揚，半身牆，無窗，所以呢個星期天陰陰，有啲風，其實幾舒服。熟食中心2樓有幾間泰國菜，但星期日只有呢間開，所以今次試吓呢間。星期日人流都多，諗住好好食，滿心期待。打開餐牌，價錢其實並不便宜，普遍都要$50-60一碗麵。以熟食中心黎計，其實價錢偏貴，但黃竹坑附近餐廳，一般粉麵唔包嘢飲都要$90 ，所以呢度相對來講又叫做價錢相宜。叫咗一碗冬陰功炒飯，佢寫住需時製作，要等15分鐘，所以有好大期望。點知等左唔使5分鐘，啲飯放喺眼前，食落唔太熱，相信佢係求其炒兩炒，令人失望。味道方面， 聞落有香茅味，但食落唔夠酸，唔夠香茅香料味，微辣，完全唔似冬陰功湯味。加上啲飯濕濕地，唔夠乾身，令人失望。成碟飯有金菇、紅椒同三隻蝦，肉質比較實，唔彈牙，叫吾係「霉」咁啦，以性價比來講，唔特別抵。起初以為幾涼爽，但食食吓飯，都覺得熱，一額汗。忍唔住叫咗杯嘢飲飲，特飲加$10 ，價錢來講同一般泰式餐廳小店差唔多。如果純粹以風味來講，可以試試，但唔建議夏天過黎。…Read More

用外賣app order，按原定時間等左1小時15分，app突然顯示已送遞。之後多次致電也沒有人接聽，非常不負責任！無論如何也應接聽電話交待一聲如未能處理訂單，也應通知客戶，這是很基本的東西！…Read More

今日行過黃竹坑，之前聽過朋友介紹呢間唔錯所以今日揀咗呢間食夜晚。我地兩個人叫咗皮蛋炸蝦球，椰子雞湯，炒雜菜，Pad Thai，炸雞翼。皮蛋炸蝦球係新鮮炸出黎，外皮好脆，完全唔油膩，好好味。平時成日都飲冬陰功湯所以想試下飲泰國嘅椰子雞湯，嗰湯有好香濃嘅椰奶味，湯好香滑。至於泰式金邊粉喺我地嘅最愛，同出面食到嘅好唔同，一見到即刻心心眼 啲醬汁超得好入味，酸甜度適中，唔會過淡，而且裡面仲有大大隻嘅蝦球！！次次去泰國都一定會叫Pad Thai嚟食出餐都幾快手，等咗大約20分鐘就差唔多上齊啲嘢整體嗰價錢唔貴，人均消費100樓下，CP值都幾高，好足料抵食。店員原來全部都係泰國人，親切友善，埋單嗰陣原來仲有甜品送添！得閒會再嚟…Read More

做運動就係為左可以食得更多！所以放假去左港島區行南朗山。上山前食飽d先💪。去左熟食中心搵食。應該係近日疫情影響，有一半舖頭都無開。不過都有選擇嘅，有茶記、泰國野同中菜。。揀左食泰國野。店員係泰國人，廣東話十分流利。同我地寫單落單後放底左張泰文手寫單🤣我地叫左海南雞飯同冬陰公蝦球炒飯海南雞可以揀配油飯/白飯，怕肥揀左白飯🤣海南雞肉質嫩滑、唔錯。至於個汁就太辣，點左少少試都忍唔住嗌媽！好辣丫🔥冬陰公蝦球炒飯鑊仔上熱度十足。一黎就聞到香辣味。裡面有4粒蝦球，係彈牙嘅。飯粒乾爽不膩，加上冬陰公香辣野味，重有d乾蔥、蕃茄。。味道豐富鑊仔上果然驚喜。貼住鑊仔嘅飯粒重脆脆地。係飯焦丫食完熱辣辣飲埋杯龍眼冰。正丫！充滿力量！！食完野上山飽覽港島風景。實在超級滿足…Read More

星期六霖住行南朗山，就黎左呢個熟食市場食泰國菜。一點黎到，點左個冬陰功同埋青咖喱豬肉飯，等左半個鐘都未上，咁我地就催下啦，個姐姐同我地講話好多外賣單，問我地頭先點左d咩.....原來係佢頭先太忙唔記得左我地張單.....催完之後好快就上左黎。冬陰功粉上到黎，發覺.....係我食過最難食既冬陰功粉，冬陰功湯底完全是淡到無味，感覺是溝了很多水，蝦是黑色的，粉也完全未煮熟，食左幾啖就無食。以後都唔會再黎。…Read More

放假行完南朗山，順路去熟食中心搵野食，見到一間食泰菜就坐低🙈3點鬆去到冇茶餐食，只有午餐，但款式種類都多，價錢$45-60左右－－－－－－菜式1. 泰式炸豬扒米粉 3.5/52. 泰式青咖喱雞撈河粉 3.8/5份量都大碗既，米粉同豬扒都多，但豬扒好似醃左好耐，腍但有點梅梅地既感覺，同埋捶得太薄，冇左豬扒原先既口感😖我跟餐叫左凍華田，勁稀，真係好一般😕泰式青咖喱雞比較好，食落幾惹味同埋好香，咖喱唔會太辣，雞都滑身既😋…Read More

我今日放工同個Frd入咗南區包玉剛泳池游水。游完水開始肚餓，要馬上「大開殺戒」。我哋由泳池出黎行咗一陣間，見到南朗山道熟食中心，於是立即入去坐低嗌野食，馬上填番飽個肚。 原來，全棟南朗山道熟食中心都係主打泰國菜。咁實在太好喇，因為我個Frd同我都鍾意食泰國野！我哋揀咗呢間「農民泰國菜」。 一打開Menu，樣樣野都好想食，因為睇落餐牌入面，款款美食都好吸引。我哋揀咗「菠蘿炒飯」同埋「泰式炒通菜」。 「菠蘿炒飯」熱辣辣，賣相吸引，睇落勁足料。一啖食落去，飯炒得好好，一粒一粒飯嘅，唔會癡埋一舊。而且，果炒飯口感獨特，望真D，原來入面有一D類似蒟蒻或者係棷果嘅東西。 「泰式炒通菜」聞落香噴噴，食落都幾辣架！鍾意食辣嘅朋友可以試下！ 由於通菜好辣，我後尾嗌咗杯「龍眼冰」飲，重點係呢杯「龍眼冰」只係$16，龍眼肉大大，勁大杯，超級抵飲！ 埋單都只係$123，大約$60 per head。食晚飯黎講，「農民泰國菜」CP值相當高！…Read More