農家日式便當專門店 (Closed)

    我唸好多食友都有同感,愈係出外搵食年資愈耐,就會發覺d餐廳野食愈來愈平凡,好難搵到令你覺得好好味,有發現新大陸的感動..繼小弟重新食牛肉後,上次發掘的牛腩飯後,其間試過很多牛肉食店,有正常,亦有強差人意的終於,昨日比我有番一路食,一路讚的興奮呢間小店坐落係大家一定不陌生的商場內,"地獄壽司".."斜椅"等奇怪野都成話題,而我也是第一次踏足呢度food court店鋪大字表明"安格斯牛扒",6oz只賣$42...foodcourt會有安格斯,仲要咁平??好!!唔好食都係輸一次,問老闆我想食生d得嗎??佢問要幾成熟,我話"5成"!,佢話你想3成都得,(心唸,怕你質素問題,太熟會過硬咋,3成係我最like)取飯後老闆問要咩汁,蒜蓉/黑椒.聞上去有日式燒肉店燒牛肉的香氣,心中已打個突,先揭開中間一塊,生熟度對辦再放入口,不得了!!!!完完全全係一塊和牛口感(你有在吉豬島買過一d和牛片便知)入口鬆化,充滿油香,完全唔係梳打扒的味道(我原本唸住佢咪又係金鳳d豉油扒質素)牛扒油花分布均勻,完全無渣,因為係西冷位,邊位有根,飯係偏軟,汁夠濃一路食,一路笑,我又搵到了!…Read More

是日特意來到西九龍中心，貪其選擇夠多。由於事前曾看食評，所以選了吃這一間的安格斯牛扒。店主非常有禮貌，落單後叮囑我五分鐘後取:)點了蒜蓉汁，牛扒質素不錯，煎的剛好，嘗到肉汁及肉味，$42值得，但略嫌汁醬太濃味以及飯煮得太淋，而且沒意粉及湯供應:(但衝牛扒，店主就值得好評。…Read More

一向作為開飯。cd rom的我，第一次寫食評竟然主要不是為了食物(當然食物也好好味)，而是為了還大廚一個公道事發於2014/3/13號晚上八時左右，我在太子補完習後想起近日看過關於農場餐廳陳先生的報導，便決定來他西九龍的店鋪支持一下，當我下單以後，站在一旁等待外賣，有一個男人粗聲粗氣地向大廚:喂！了一連幾聲大廚叔叔說唔係喂啊！接著便幫他下單，當下單以後，男人得寸進尺，又一連喂了幾聲叔叔忍不住，便說你唔買就算啦，接著退回金錢，男人一臉不忿，罵了一串粗口，叔叔也置之不理，便埋頭繼續做事不一會兒，男人又氣沖沖地走返轉頭，此次明顯是挑釁，說：喂！x你老母接著叔叔才忍不住回嘴，兩人對罵其他food court的客人可能不清楚，以為叔叔沒有以禮待客，但實情是男人無禮在先，還多次挑釁，挑起事端，因此作為目擊人的我想在此為叔叔澄清。不論什麼職業，都希望獲得別人的尊重，將心比己，無人希望被人喂喂喂甚至粗口對待!即使自己是顧客，是付錢的一方，卻不代表可以橫行霸道，也不代表人家一定要受你氣！望當天在場的食客沒有誤會叔叔!叔叔對其他客人都是很nice的說回食物，今次食的是安格斯牛扒飯，只需42元，是外賣，叔叔好貼心在牛扒煎好以後才落汁，平野不一定無好野，小妹歸途較遠，回到家中，飯已變成微暖。但美味猶存，我選的是蒜蓉汁，味道好濃，而且很香，誠如之前食評所說，可能真的是用了煎牛扒的油。而牛扒真的是一個大大的驚喜!完全不是42元的貨色，真的是安格斯的水準，完全勝過任何平價甚至中價扒房，肉味濃，夾雜著脂肪，配上汁，完全就是滿足的一餐!是次沒有拍照，不過很快就有照片可以上傳，因為我很快會再拜訪叔叔第二次…Read More

本身只是因為受到店子的價錢所吸引:)於是膽粗粗和朋友一起叫了幾個飯!最平的飯只是$16嘩! (不好食也抵)我個人喜歡吃牛, 所以點了個蒜香牛粒飯$22, 老闆會叫人等候5分鐘才來拿用上的當然是蒜汁, 蒜味好濃, 也有點過咸, 但撈飯好OK!汁量剛好, 不會少呢而主角當然是牛! 份量不少, 這個價錢絕對值得!牛肉咬落不會太硬 (熱食一定肉質更好), 肉味十分豐富!!想不到便宜的價錢, 但肉的質素那麼高! 很有牛肉味, 吃起來很香! 絕不是街邊的貨色! 一點兒雪味也沒有呢good~肉味拍得住貴價牛!另外, 老闆人也很好, 對客人滿有笑容, 也十分細心他會待客人來取飯才落汁, 令汁不會冷掉, 飯又不會林掉…Read More

依家要搵過地方食塊似樣既牛扒真係好難去什麼OXXBXXK , RXXY TXXXXXY幾百蚊落樓都係食牛渣今日經朋友介紹 , 去到深水步西九龍樓上呢個FOOD COURT專登就係想試一試呢個牛扒先講下間店既外觀, 好大塊BANNER寫住6OZ安格斯牛扒38元呢個價錢真係抵, 十年前去大家樂都係呢個價, 仲無噤大塊添但因為間野主要賣牛扒同埋得一個UNCLE係度看店所以可能會有錯覺, 覺得佢好似拍晒烏蠅噤但我地因為有朋友介紹, 知道一定好味當時就係立即幫襯啦!!UNCLE亦都即係大廚, 係我地落左單之後, 佢就開始煎牛扒同幫我們裝飯仲好NICE噤叫我地五分鐘就好返來拎啦點知我地自己吹水吹到過晒五分鐘, 發覺去拎牛扒時UNCLE仲話「我招手招左你地好耐啦, 見你地係度掛住唱歌噤 XD」於是佢仲NICE噤問我地要咩汁, 其實只得兩款我要左蒜蓉汁, 我朋友就要左黑椒汁, 一人試一款我朋友仲加多左22元既鵝肝添一望份牛扒個樣已經好對版, 不過都係要食落先知味道既我第一啖試左個汁, 已經知個汁一定係用煎過牛扒既油來煮既, 肉味濃郁立即再試一試D牛扒, 無論係牛味, 質感, 生熟度全部都係超晒班, 直頭係酒店水準(不過坐就唔係酒店...係FOOD COURT...)肉既脂肪分佈平均, 有咬口等來又唔UN, 肉味十足!! 一定靚過你去超市買70-80元個D!!38元就食到, 仲唔洗自己煮自己洗, 真係抵到爛!!外加UNCLE既煎牛扒手勢真係一流, 生熟度掌握得非常好!! 大家都明白一件牛扒過熟會點架啦~太正, 無野可以彈!!! 簡單總結一句, 我聽日再去幫襯!!…Read More