農家意粉餐廳 (Closed)

我真係好佩服老闆．一個人失敗左，由零開始做起，真係唔容易．同同事一起黎到呢間餐廳，令到我覺得自己後生左．嘻．．．間餐廳同老闆畀我一種好似一個好耐都無去既地方一樣，忽然黎到，得到好多回憶．我自己就叫左個”安格斯12號餐”蒜蓉包 + 忌廉湯個包好正，又脆又香，攞黎點湯”正”．個湯好有味道，真係唔錯．Nice．凍奶茶天氣好熱，飲杯凍嘢真係唔同．不過都整得唔錯，唔甜．6安士 安格斯 拼 牛脷真係好食，味道仲係到．肉質爽，味道剛好，唔算肥．D飯都掂．真正．一餐又好食，又有回憶既一餐真係好好．有時間，一定會再來．

聽說這間的老闆以前是農場餐廳的老闆,剛巧在附近探朋友,便帶父母一試. 7:30來到,等了一陣便有位了.這兒的餐牌是手寫的,父母說比較難看,以對我來说又不會!其實食物算不錯了(以這個價錢說).點了: 蒜香煎牛仔骨拼蒜茸包,忌廉湯,意粉及凍檸茶$45----忌廉湯比較淡,沒有味.蒜茸包香脆,但太細塊,牛仔骨煎得幾香,d「根」位幾好食.意粉份量多,但應該是烚的,比較淡.凍檸茶一般. 蒜茸安格斯牛扒6安士拼蒜茸包,忌廉湯,飯及芒果班戟$53----因父母食量較少,便點了一齊食,安格斯牛扒幾嫩滑.芒果班戟皮薄煙韌,伴芒果和奶油食,一流! 埋單$98加一為$108,老闆送了一包開心果,說是即焗的,味道不錯,可當小吃.以這個價錢,無可挑剔了.

其實我好佩服老闆..一個人失敗要企番起身唔易.我覺得要好似以前咁風光就好難講番食物.....牛肉有香味.合格杯華田我好鍾意的cream好味唯一缺點.餐牌仲係寫.人客心理都係想睇到靚野而待應好生手...要好好訓練.....老闆俾心機,,,,但我去食無野送架...哈

之前看報紙有介紹過 , 農場餐廳的老闆又再在香港開業 , 不是朋友帶來也不知原來葵涌廣場有一間 , 可能店舖不大而且有些隱蔽 , 真的不容易發現 . 這裡沒有印刷的 menu , 全部也是手寫的 , 不錯 , 一來可以環保二來食物款式又可以常常更換 . 我叫了一個豬扒餐 , 豬扒切得好薄 , 煎得也剛剛熟 , 不會太韌 . 這裡的薯菜即是薯蓉再配一大個粟米和番茄仔 , 好味. 餐飲要另外加錢 , 好像是 $3. 我們再另外加多 $5 , 叫了一個 芒果 pancake , 份量當然不多 , 飯後甜品也不錯 . 如果想吃凍的 pancake , 最好早些落單因為 pancake 也要一段時間冷凍 . 有點好笑是埋單的時候 , 老闆叫我和他猜 "包剪踏", 他說有禮物 , 最後我贏了 , 他就送我一支瑩光筆 . 雖然不是什麼貴的東西 , 但是有得玩又有禮物 , 額外開心 .

見到係農場餐廳老闆開既...有D興趣...因為佢成行成市既時候無去過....但係見到食評唔太好......本物都無諗住去....唔知點解去到葵涌廣場行下行下....最後都以搏一搏既心態行左入去試下....由於星期六...又係食飯時間.....好FULL.....佢叫左我地入間"房仔"度...其實只係用間STORE ROOM...放左D好簡單既桌椅....環境都唔太好....到叫野食喇....其實佢手寫既MENU都唔係咁難睇姐....suggest最好唔好咁快落決定...睇哂咁多張先揀定啦...費事走漏眼!餐湯其實普通....本身諗住佢咁有heart做生意...會有basic西餐既質素不過無所謂啦....只係茶餐廳價錢...俾客人茶餐廳質素都好正常...黑椒汁..牛柳拼大蝦...牛柳ok wor...佢又無搵鬆肉粉lar過....都幾林呀....薯仔細細舊...一個女仔都夠食既...紅酒汁薄牛肉賣相都幾令人失望....睇落去會覺得係茶餐廳是旦搵d色素溝出黎既橙色汁....食左一啖薄牛肉.....牛肉味好濃(比起牛柳)...本來我覺得牛柳好好味....食完個薄牛肉真係停唔到口.....份量

放工去了葵芳商場行行，見餓就上了頂樓找吃，望一望，就見尼間野，這間鋪分兩部份，一邊賣雜貨，一邊做餐飲，叫了個套餐，紅酒雜菜牛舌意粉 ＋ 三文魚南瓜湯 ＋ 蒜容包，雜菜唔見有，但雜豆同番茄就見到，紅酒就唔覺有，牛舌夠林，有六塊，意粉份量大，夠彈牙，個湯除了有黃色外，其實我飲唔出有南瓜，三文魚碎都係得兩三粒，個包凍了，唔好味，環境幾靜下，坐得幾舒服。

今日夜晚到葵芳食野~想試呢間野好耐~無奈每次都俾出面d小食吸引左去...-.-"一行入去~收銀的人問我地幾多位~跟住同我講話送份見面禮俾我~surprise雖然可能人人都有...只是一個青蛙形打窿機...不過真的很特別~野食黎之前~個waiter拎住盒cookies過黎~話係佢地老闆整~請我們試試~果仁曲奇~不錯~給我很親切的感覺~叫左個蒜蓉燒汁牛仔骨柳扒 ($48)個三文魚南瓜湯幾好味~塊牛扒薄薄的有3塊~真的!牛味香濃~本人覺得很好食~可惜我覺得分量可以再多點....不過就價錢來看~都算合理~男朋友食叫左澳洲西冷 ($58)黑椒比較多~都算不錯~付錢時~收銀的(是老闆嗎?.?)問我們拎左禮物未~仲問我們覺得d食物點~有時間我一定會再黎呢間野真係幾nice~食物味道也不錯~

今日下午約o左朋友食飯, 見佢無咩人又知道佢係以前農場餐廳老闆開~(我以前讀書成日去食o架)朋友order o左 : 忌廉雞湯+黑椒西冷牛扒伴薯仔+凍OT HK$38.50評語: 牛扒無得選擇幾熟, 味道都唔錯; 不過伴薯仔份量太少~自己order o左 :羅宋湯+洋蔥咖哩羊扒伴薯仔+凍咖啡+芒果班戟 HK$50.50評語: 羅宋湯以前一樣咁好味, 以為洋蔥咖哩羊扒會好怪; 點知又幾好食喎~　　 凍咖啡加o左cream幾特別, 芒果班戟都好味~ 芒果都好甜~整體都唔錯, 如果平時返工驚會唔夠飽; 一定會order飯/意粉。埋單時老闆仲送o左個心型打O機比我o地~

同事GATHERING本來想去大快活算數, 但係突然諗起呢間野佢賣點係唔落味精一行去人去到, 坐卡位, 老實請, 卡位唔舒服, 比較迫, 老闆想開一百間分店既話真係要改善一下。有漏ORDER情況出現, 幸好D waiter夠細心4個都係食牛, 唔同部分唔同價既牛, 真係食得出係有分別, 唔係隨便比你見到老闆親自煮我地d野食, 好感度加分, 不過亦可能係冇咩人推介: 黑椒牛柳, 牛柳夠惗好juicy~湯, 唔錯飲品, 一般茶餐廳menu用人手寫,雖然係特式, 不過比較難睇仲有就係葵涌廣場d抽氣系統比較差, 食完個身有朕油煙味, 不過都唔關餐廳事既

同朋友係附近行街....晚餐黎左呢度食三文魚南瓜湯: 完全搵唔到南瓜同三文魚既味道, 飲到底係會見到小小三文魚碎...唔講可能以為係普通既忌廉湯...差d wor海蝦芥苿安格斯薄牛扒: 海蝦不是新鮮貨式...意粉明顯係就咁烚過下安格斯薄牛扒就勁有"牛"味...質地鬆軟...肉汁豐富...正薄牛扒一共有四塊 ...同朋友食完第3塊已經好full...想放棄但又唔想浪費...唯有"硬食"...原本諗住之後去食pancake作結...只好作罷飲埋杯檸茶...侍應勁快收左我隻杯...個態度勁趕客....服務真係要扣分擺低錢...拿拿林埋左張單走啦...唉

今天是父親節,到處都是人.6點幾見沒甚麼人就來到這裡食.老闆見我們就說沒有父親都可以食父親餐.聽到這句心裡不好受.甚麼沒有父親呢.如果他不說會比較好!-$38紅酒燴牛尾意粉:比我想像中好,牛尾切開了的,易咬,同幾林.但個汁就淡了一點.跟意粉汁多一點會較好.-$48咖喱羊肋粒拼三文魚飯:咖喱不辣,幾好,跟飯食不錯.但羊肋粒則沒有咖喱味因咖喱同羊肋粒係分開煮的.感覺一般!第一次食羊肋粒,感覺都沒羊排好食和香.如果是燒的話可能更好.而三文魚就只有一條,如果大塊一點會較好.不過這價錢都不能要求太高了!而三文魚跟咖喱汁又是有點怪.最後要了$3涷OT和蜜桃pancake.個蜜桃pancake幾好,賣相不錯,很好.離開時都7點40分,要等位呢!最後有一個筆盒送,老闆叫我們送比一位父親.幾特別.

農家意粉，相信大家對這個字號不會陌生，其老闆陳興濤更是傳媒追訪的人物，先後經歷農場餐廳的成功、９７金融風暴以致破產的失敗、再飽受挫敗回到老本行，當中起跌的確值得我們借鏡。在葵芳設立第二間分店，相信是看準葵涌廣場的人流，租金成本較大型商場來得化算，主攻街坊生意，賣的卻是有水準的食物，對市場的觸覺相當敏感，對事業的野心更是路人皆見。走進店內，裝修出乎意料的簡單，跟一般的茶餐廳無異；餐牌上的文字全是手寫的，不知是刻意營造的特色還是真的窮得沒有閒錢列印餐單呢？午餐選擇頗多，但當中組合是不能更改的，就連伴汁也不能揀擇，做法略為死板。三心兩思下，最終選擇了白汁煎雞扒意粉及有機芽菜咖哩汁安格斯薄牛扒薯菜。先來的是一紅一白餐湯，味道跟舊日農場餐廳相當接近，羅宋湯足料但忌廉湯稀如昔，間接勾起讀書時代的點點回憶。白汁煎雞扒意粉是標準的港式茶餐廳出品，意粉煮得太淋味道偏淡，白汁亦調較得太杰，幸雞扒煎得香口挽回不少分數；有機芽菜咖哩汁安格斯薄牛扒薯菜名堂水蛇春咁長，所謂『安格斯』薄牛扒其實只不過是大家樂早餐常見的薄牛扒，質地較韌毫不特別，味道反不及薯蓉芽菜的原汁原味，至於甜而不辣的咖哩汁甚為港式，令人有點失望

想嚟咗試好耐，以前做學生既時候成日都會去既農場餐廳終於返嚟啦！今日點咗T骨扒，三十幾蚊包湯+蒜茸包+扒，餐飲另外加錢，塊扒都ok淋，不過湯真係冇以前咁香濃！而且我叫蒜茸汁點解會有咁多黑椒架？總括嚟講，食物各方面都ok既，但係我寧願佢一個價錢有晒餐湯餐飲唔洗加嚟加去！加上加一服務費但要自己去櫃枱俾錢真係有啲奇怪！希望下次光臨會有改進啦！祝越開越多等更多人可以回味返以前既日子！

今晚睇小人國, 之前只得一支公食晚飯. 唔知食乜好. 逛葵芳好耐都唔知食乜好. 突然諗起有間餐廳响葵涌廣場上三樓0的牛雜檔後邊, 於是去試試.一去到, 見到個餐牌就覺得好熟. 好似以前農場餐廳0既樣. 原來真係同一個老闆開0既.試0左個紅酒汁5安士安格斯牛扒三文魚. 跟意粉同羅宋湯. 有片算頭包.片包唔夠熱. 但都好脆. 個湯好好飲. 牛扒好好好好好好好好好食! 意粉ok. 但三文魚都係唔夠熱.只係覺得餐廳抽風唔太好, 好似好多油煙咁, 仲有門口檔牛雜味. 同埋茶餐廳式0既服務, 俾錢出櫃台俾都要收加一, 呢0的都扣印象分. 我情願個價標高少少唔唔收加一好過.雖然我唔係俾好高分, 但我都會俾. 因為農場餐廳俾過幾多好回憶我. 希望農家意粉可以做得好0的, 去返以前農場餐廳個水平.

尋日(24-5-2009 Sun),決定同男友出街食晚飯,同佢講開呢間老闆o既故事,佢就話值得支持要o黎試,而且之前睇朋友讚過,於是o黎呢試吓.好彩再o係o度睇清楚店舖號碼,因上次我o地o黎到葵涌廣場3樓,都見唔到.呢次行到一店舖門口停低望,咁o岩就係302號舖,咁303就o係隔離啦,一望,哈,真係就o係眼前.門面好細但原來裡面大,因為佢門面大部份位置做o左賣小食.收銀o既(應該係老闆o掛),即問幾多位,我答兩位,佢就好好禮貌咁叫我o地行去o個邊舒服啲.啊.行到去唔係卡位o既雙人枱,每邊都有一張圓凳畀客人擺o野,好體貼.枱都幾闊.好,睇menu先,有好多選擇,又睇到我o地眼花同諗好耐,終於決定o左.我要$52.00o既(羊11)紅酒燒羊架拼咖哩牛肋粒跟薯菜,要三文魚南瓜湯同加$3.00o既凍檸水.男友要$58.00o既(牛5)黑椒白菌巨型(12安士)澳洲西冷扒跟薯菜,要羅宋湯同又係加$3.00o既凍檸水.等o左陣,湯同凍檸水都到o黎,先飲湯,係有淡淡o既南瓜味,三文魚味唔覺.而我件蒜蓉包都幾香同脆,但男友話佢o個件唔脆.之後主菜到o黎,先試牛肋粒,咖哩味對我o黎講算辣,但食食吓又慣o左