Video
Telephone
28875998
Additional Information
辣媽創立于2013年，位於元郞西裕街一間不足800尺鋪面，經營川湘菜，辣媽致力於為顧客帶來不用到四川也可品嘗到正宗地道風味的川菜，亦致力於追求還原四川味，追求高品質食材，和令人難忘的綜合體驗，為顧客打造美味，放心的幸福滿足感同時亦有一個可以與親友歡聚的場所。
Opening Hours
Today
11:00 - 00:00
Mon - Sun
11:00 - 00:00
Public Holiday
11:00 - 00:00
Public Holiday Eve
11:00 - 00:00
Above information is for reference only. Please check details with the restaurant.
川湘菜成日都俾人一種 「油」怕又期待嘅感覺 😆 最近去咗呢間已經開咗 10 年嘅「辣媽」，連住喺元朗嘅朋友都話成日幫襯！呢度啱啱裝修完，環境舒適，價錢親民，份量又夠大！🍹 至尊健康水果茶 $46、🍋 金桔青檸特飲 $39 呢杯水果茶完全超出我嘅想像 🤩 裡面放滿藍莓、蘋果、哈密瓜、香橙、百香果、奇異果、火龍果、青檸、椰果、菠蘿，仲有一朵芒果花 🌼 係一杯可以飲嘅「生果盤」！金桔青檸就正常發揮，酸酸甜甜，食辣嘢時飲返啖好 Refresh！🥩 18 秒爆炒雪花牛肉 $139 牛肉經過極速快炒，鎖住肉汁，再配埋蒜粒、糖芹同荀絲，炒得夠鑊氣！🐖 糖醋酥肉 $79 熱辣辣上枱，咬落外層夠脆，入面有肉汁，鐘意糖醋味又鍾意香口嘢嘅朋友實會鍾意 🤤🐔 爆炒鹽焗手撕雞 $119 鹽焗雞絲本身已經夠鹹香，加埋香辣調味更惹味！雞肉口感同豬肉有啲相似，辣味適中。🥦 啫啫西蘭花苗 $89 上枱時「啫啫」聲，清脆菜苗配蒜頭同五花腩片，每啖都係鑊氣加肉香，好食！🍚 至尊煲仔飯 (2 人份量) $99 呢個煲仔飯有啲驚喜 👀 開蓋前店員會問你要唔要落豬油同豉油… 淋上豬油後，連埋臘腸、臘肉，底下仲有脆卜卜嘅飯焦，食落有風味！🐟 湖南剁椒蒸魚頭 (半隻) $99 呢個湘菜代表菜 🔥 本來以為魚頭細細哋，點知實際上 Si-ze 都幾大！魚肉滑溜，重點係嗰粒魚雲，OMG 🥹~超好味！底部仲有保溫設計，唔怕食到一半變凍變腥 👍🏻
continue reading
前排去左食呢間餐廳，入面環境幾有南洋風味，有啲藤製嘅燈同風扇，牆身仲有啲綠色植物點綴，坐得都好舒服，同埋見到佢牆身標榜自己係口碑好好嘅10年老店，仲推介咗啲招牌菜添，咁我就揀咗牆上幾樣嘅推介菜食吓。🥢湖南剁椒蒸魚頭（半隻） $99香辣嘅蒸魚頭好大個，手工麵可以撈埋啲剁椒汁，好惹味。🥢爆炒鹽焗手撕雞$119佢隻碟下低有蠟燭看住，可以保持溫熱，唔會因為天氣凍熱凍咗，手撕雞有啲沙薑味，送飯一流。🥢18秒爆炒雪花牛肉$139呢個我好鍾意食，入邊有啲蒜頭粒同埋糖芹，配埋牛肉好Juicy好fresh，又係要送飯先正🤣🥢至尊煲仔飯（二人份量） $99喺門口見到廚房整緊煲仔飯，終於到我哋上枱啦，職員問要唔要豉油同豬油，落豬油嘅煲仔飯簡直係一流啊，配埋臘味而且底下仲有好多飯焦，敏仔都話要食多碗。🥢啫啫西蘭花苗$89超有鑊氣！底下有啲蒜頭同埋五花腩肉片，配埋菜真係好match ！🥢至尊健康水果茶$45呢個足足有人頭咁大杯嘅水果茶，擺得超靚，面頭有啲芒果花，好似甜品咁，食食吓咬下啲生果中和下油膩感，的確唔錯，味道以百香果味為主，入邊有啲椰果有啲咬口。食評總結：性價比高，而且味道質素真係好好，我自己就好啱口味啦，好彩有啲餸唔辣啱敏仔食，所以我覺得一家大細都啱食㗎，而當中我就覺得煲仔飯好抵食， $99.2人份量，出邊啲餐廳真係做唔到，仲有大大塊飯焦㖭，我會再嚟㗎 ！
continue reading
[✨元朗辣媽·正宗地道川菜私房菜🥢]#辣媽川湘私房菜 #元朗❤️🔥芥辣魚皮 $59黎到辣媽當然要食辣，魚皮份量都幾多，好爽口，加埋唔嗆口嘅芥辣，滿分嘅開胃小菜！❤️🔥老壇酸菜鱸魚（小份） $139湯底好香濃，鱸魚魚肉入味，肉質鮮嫩嫩滑，食落好結實有口感😋都好夠2個人食，CP值好高!!🤩❤️🔥湖南辣椒炒肉 $99炒得好夠火侯好惹味😍唔會好辣，份量又多，正！❤️🔥啫啫粟米鹹蛋黃焗雞翼 $89鹹蛋黃超香濃，加埋焗粟米配搭炸到黃金香脆嘅炸雞翼，啖啖都食到濃郁嘅鹹香味，超級推薦！❤️🔥香菇滑雞煲仔飯(二人份) $89雞肉好嫩滑，微微焦香嘅飯焦非常香口，大大份幾抵食！❤️🔥膠原脆皮豬手(2隻) $49餐廳招牌豬手，外皮炸到好香脆，肉質又嫩，食落滿滿骨膠原好正！🧋抹茶珍珠雪頂奶茶 $39真係超大杯奶茶，應該2個人飲都夠😂茶味香濃，配上雪糕加珍珠，真係誠意十足😂————————♡♡♡♡♡♡————————✨總結舖頭超過十年老店，打卡網紅超強川菜美食👍🏻價錢比起好多大排檔都更實惠，大部分每菜式都係100以下，CP值無得輸；員工服務都幾親切，環境同座位都好舒服，係一間高水準川湘私房菜餐廳！📍辣媽川湘私房菜🏠元朗西菁街10號好順泰大廈地下22-23及28-29號舖
continue reading
元朗依一間川湘菜館，成日都排晒長龍。難得早收工經過未到飯市冇乜人排隊就去試吓。☺️入邊嘅座位好闊落如果同屋企人或者朋友聚會嘅時候食都幾合適嘅。而且佢每款菜式價錢都唔係好貴，性價比幾高，而且份量都好大碟🌟老壇酸菜鱸魚（小份）（$139）鱸魚肉好嫩滑，而且呢個湯底做得好好味，酸辣度好適中👍加埋入邊有啲粉絲索晒啲湯汁，好出色🌟湖南辣椒炒肉辣椒唔算好辣，撈飯食好好送飯，而且佢係會有個蠟燭仔一路食一路俾你熱住，好貼心🌟香菇滑雞煲仔飯（$89）呢一個煲仔飯真係好驚艷😍佢嘅飯焦呢係超級多，而且係軟硬適中☺️加埋特製嘅煲仔飯豉油👍啱晒我呢啲全年都好鍾意食煲仔飯嘅人🌟膠原脆皮豬手（$49）我哋呢另外仲叫咗兩隻豬手，佢嘅皮炸得好脆，而且唔會太油膩，🌟芥辣魚皮（$59）我呢都係第一次食用芥辣撈嘅魚皮，感覺平時嘅酸辣係有啲唔同嘅。佢有芥辣嘅攻鼻感覺，但係呢又有少少酸酸地滑，其實都好開胃🌟抹茶珍珠雪頂奶茶（$34）一杯奶茶真係嚇親我，佢係好大杯🤣拎出嚟嘅時候真係好似雪山🤣佢嘅雪糕沙冰係好濃奶茶味👍食住咁辣嘅嘢飲返杯真係好唔錯🍴辣媽川湘私房菜 (元朗)📍元朗西菁街10號好順泰大廈地下22-23及28-29號舖
continue reading
新一年新開始，好友話不如去試吓D少食嘅菜系，網上搵到元朗呢一間10年超好口碑的老店，令我們驚喜連連❤️❤️。✨老壇酸菜鱸魚✨$139叫了小份，但份量一點也不少，性價比超高👍🏻鱸魚片鮮嫩無刺，口感細緻滑嫩，的確好像食緊布甸一樣🤩酸菜酸香脆口，魚的鮮甜與酸菜的酸香達到很好的平衡。湯底金黃透亮，濃郁卻不膩，搭配吸滿酸辣湯汁精華的粉絲，堪稱「送飯神器」🙌🏻🙌🏻是必吃的首選‼️✨湖南辣椒炒肉✨$99辣椒香氣十足，辣味濃郁但不嗆口，帶有微微的甜味，層次分明。肉片香辣惹味，且設有加熱底座，食到尾也熱辣辣，好正😍✨膠原脆皮豬手 (2隻)✨$49賣相超吸引，豬手比我的拳頭還要大😍😍皮脆肉嫩，每一啖都滿滿骨膠原，的確是女神摰愛👩🏻💜✨芥辣魚皮✨$59口感爽口彈牙，一點腥味也沒有。芥末香氣辣而不嗆，十分開胃。✨啫啫粟米鹹蛋黃焗雞翼✨$89超有鑊氣，切件粟米及雞翼比鹹蛋黃完全包裹着。雞翼金黃酥脆，粟米微甜，食落鹹香味十足，口感豐富。✨香菇滑雞煲仔飯✨$89入門口見到師傅用瓦煲即叫即整，煙火氣十足🤩一打開煲蓋，香氣撲鼻，雞肉滑嫩。煲底的飯焦香脆可口，好正。✨抹茶珍珠雪頂奶茶✨$39非常大杯，抹茶珍珠很有咬感😋奶茶香滑，非常解膩。辣媽真的是一間超級正宗的川湘菜館，而且比深圳都要好吃，難怪極受歡迎。想睇更多介紹，馬上Follow我啦😁。#元朗 #川湘菜 #元朗美食 #香港美食 #big_big_foodie #big_big_foodie食勻元朗
continue reading