趣苑茶餐廳

Open Now

Now Closed

⚠️⚠️請大家注意⚠️⚠️常餐、特餐加了了$5😅現時常餐為$42特餐為$41全部茶餐加$3而加麵飯不是$3,是$5才對😋食評😋特餐真是很便宜$41就有煎雙蛋豬扒麵'+豬仔包，至於味道和品質方面還算不錯

每次黎都係食呢個早餐，奶油豬仔包好好味好脆，好大方落好多奶油!! 鮮茄肉碎湯底都好好味，酸甜適中而且湯嘅濃度剛剛好，平時鍾意配螺絲粉，印象中啲餸好多，今日叫咗米粉一樣好食!! 凍奶茶都唔錯㗎，好多街坊都知掟會嚟食，平時都好多人通常要搭枱!! 店員姐姐都好Nice，見出邊落大雨叫我地坐多陣先走!!

曾幾何時經常幫襯這間小店。今日經開再次光顧，食物質素一如以往，水準仍保持著！這裡嘅早餐真的大件夾抵食，又真心好食。麵可以選擇清湯或羅宋湯底。雙拼早餐沙嗲牛肉餐肉麵羅宋湯底、沙嗲牛肉漢堡扒麵羅宋湯底和奶醬朱仔包（可選多士）真心大份。羅宋湯真材實料，齋飲湯底已經覺得好好味沙嗲牛肉好淋，好多，但其實配上羅宋湯係有點哂左！這裡的雙拼早餐通通兩件上，餐肉、腸仔或蛋都是兩件上，如果order餐蛋麵的話，就會有兩塊餐肉，兩隻蛋，我相信一個女士真的會食唔晒

真系吾好來哩間地踎餐廳今早經過荃灣路得圍，見到連門口都坐滿，以為好野，點知賴曬野。個明已經好特別，餐牌上面寫的名字系趣苑地踎，真系環境，招呼，食物都非常地踎。兩個早餐都非常吾得，～叉燒紐倫堡腸公仔麵(要爽) 紐倫堡腸好奇怪的味道和質感，公仔麵就要爽變超林，叉燒系幾好味。～叉燒雪菜肉絲公仔麵 好似無見過咁小分量的雪菜，不到五粒，肉絲可能只有兩條。咖啡睇落已經好驚，好淺色，好"希"，水汪汪，飲左一淡都無。絕對無下次。

響附近探完朋友, 食番個下午茶醫肚. 見呢間幾多人, 一於試下先.下午茶大路野咩都有, 小食同炒粉麵, 價錢唔算貴, 街坊價.要左夠懷舊既炸脾薯條$29, 炸脾炸得好脆口, 少少油, 雞脾肉夠嫩滑, 但略為肉質不夠味, 偏淡. 薯條唔脆, 較腍, 應該炸定晒放響度. 餐飲熱華田, 華田粉唔會太少, 所以飲落有華田味, 唔錯.

買外賣蒸鯇魚，返到屋企一開先知48蚊既蒸鯇魚得果dd肉，大半都係個唔食得既頭，仲要係難食果隻!另外買過佢既排骨，非常非常鹹，只買過一次，份量少，白飯就份量適中。條魚都有不少士油，但士油係油多，令條魚變得油笠笠，而且冇味。更唔好講魚既鮮味，一d都冇！間野既環境方面，間野出面成日有人吸煙，d人又粗口爛舌，環境非常差!! 老闆冇禮貌，係客面前比說話人聽!已blacklist，永不幫襯

食早餐，識食就緊係食茶記！朕之前出巡到荃灣，見到呢間趣苑要排隊，一間茶記，竟然要朕去等，無可能！今日唔知係咪見時間尚早，朕見到一間少少既鋪，雖然啲位就逼啲，不過都仲有位，於是朕就入去試下。黎得茶記，朕就一定係食沙嗲牛，要試下每間茶記既沙嗲，睇下佢地有無用心去整，飲就緊係飲熱奶茶，咁先至係食茶記！朕叫左沙嗲牛肉丁米，仲有個奶油豬加杯熱奶茶。沙嗲牛肉丁米，個沙嗲味偏淡，唔夠香濃，亦都無花生味，只係一般而又偏淡既沙嗲汁，至於啲牛肉就夠哂腍身，肉丁比較肥同埋份量不多。而跟餐既仲有奶油豬，個奶油豬就有水準，烘到金金黃黃，外脆內軟，塗上一層薄薄既牛油，同埋厚厚既煉奶，一口咬去，脆到爆炸，加番啲分！仲有就係杯熱奶茶，飲落香滑，之後仲有陣茶味飄番出黎，熱奶茶果然係茶記既靈魂！－－－－－－完－－－－－－

我發覺黎荃灣工作,真係唔洗驚無野食,四圍都有不同型式餐廳!我今天都係荃灣工作,又係做到過嗮午餐時段!為有食午餐,我入到黎睇2睇餐牌,就叫左炸魚樓多土,1黎到..點解甘細碟,算la..食落外友脆脆的,魚肉味係無,只有雪味,就算加埋沙律醬都係麻麻o地,多士算正常,整體黎講係唔多好

幾乎每次到荃灣看早場, 都定必跟豬大人來到''趣苑茶餐廳''吃早餐。雖然店鋪小、座位逼, 但我倆都不介意, 它家的蕃茄湯底實在太大魔力,豬大人更每次把湯喝光光。奶油豬水準平均, 每次上檯都是熱的~包包外脆內軟, 配上煉奶來吃滋味倍增!!!熱奶茶豬大人每次必點, 他說夠香滑呢。熱華田青蛙的華田則較為淡, 水多粉少。今次我倆都要了兩種同款的食材,分別在於豬大人要公仔麵, 而青蛙要通粉。沙嗲牛肉: 牛肉夠腍又入味, 而且吃得到點點花生的味道, 正!!豬柳漢堡: 我倆每次必配之食材, 皆因有兩塊, 感覺好抵食, 不過現在越見細塊了~蕃茄湯底: 會吃得到有蕃茄碎, 湯頭感覺自然, 不會是大量茄膏溝成的 ^^

從來沒有吃過這麼好味的早餐，火腿奄烈配上沙爹牛肉出前一丁。先說我最喜歡的沙爹牛肉，濃味得不能相信，是經過多多小時奄制嗎？為何這麼濃味好食， 加上出前一丁的烹調時間恰到好處，而火腿奄烈分量及味道也是在質素以上， 因為火腿奄烈中火腿和雞蛋的比例如果分配得好，口感極佳， 這裡的分報十分平均，你每吃一啖奄烈也能吃到火腿。真的是希望，今天的午餐也能夠在這類品嚐一下！！！推介推介！！！

飯堂是也,兩餸飯,味道一如以往,用心之作,椒鹽肉排惹味非常,份量不少,而苦瓜軟硬恰到好處,作為伴飯食物,十分配合.今次才發現,原來每次的例湯也不一樣,今天的白菜湯,雖然稱不上老火,但還不是那種只有味精的.外買員雖然在炎熱天氣下工作,也帶着有善的態度到來,勁讚也.希望這兒能成為長期飯堂吧....

今天，又在這間翠苑茶餐廳吃午飯，外賣是也。今次兩餸一湯的選擇是南乳炆豬手，以及翠玉瓜炒牛肉，豬手十分入味，而且十分軟淋淋，醬汁十分多，用來拌飯，十分美味。翠玉瓜亦見爽口 ，牛肉不過不失，整體味道不錯。37元連凍飲，抵食也。不過它的外賣膠盒用得太多， 兩餸一湯，共用了三個膠盒，有點不環保。

在荃灣工作，最近的飯堂就是米飯班主，可惜發現這間米飯班主已經結業，唯有另覓新飯堂，在眾多的外賣紙中，發現這間翠苑茶餐廳，於是勇敢地試一試吧。點了午餐，打電話去的時候，才發現這是兩餸飯的午餐，你可以從外賣紙中，選擇兩種餸菜，有趣。這次點了椒鹽骨及涼瓜排骨，外賣速到都快，15分鐘後便能到達，買相也不錯。至於味道方面，椒鹽骨簡直是我的推介，椒鹽味道濃烈，而豬扒的軟硬度也是剛剛好，非常不錯的食物。但涼瓜排骨就一般了， 涼瓜的分量不多，排骨也比較少， 可能因為中間夾著鹹酸菜，令到整個送菜的味道，變成怪怪的。。 這應該會是我的新飯堂 ，37元，算做不錯。

之前路過幾次，都見到門外有幾個人等位，心諗“係咪咁好食呀？咪茶餐廳一間！”今日終於有幾會試下啦！臘味煲飯餐（包湯同菜）原本有臘腸、潤腸、臘肉同臘鴨，但本小姐唔鍾意食潤腸，所以佢地俾多條臘腸我。芥蘭炒雞柳（包湯）芥蘭超多，雞柳數得出，得5件咁大把好菜我地唔係勁鍾意食肉，但都覺得蝕左。不過佢地服務都唔差，知我地叫煲仔飯，要整得耐，所以另一個餐都安排遲d整，務求兩個餐一齊上，好細心！所以佢咁多人等位，未必食物好好食，可能係對食客夠細心。

荃灣德華街開了幾間餐廳，午餐時段，幫襯了其中一間，名字為趣苑茶餐廳，其實海霸街那邊已經有間相同名字的餐廳，也許，這間就是分店罷了！餐廳地方細小，座位不多，中午時，這裡差點兒坐滿了。坐下後，選擇了午餐，要了白汁龍脷柳飯及熱華田，另有例湯跟餐。龍脷柳飯之魚柳外層粘上麵粉炸得香脆，芡汁味道有點偏鹹，飯粒就軟硬適中。熱華田味道比較淡，也許就是落料較少所致，可喜的是沖水夠滾熱。餐例湯，似是南北杏菜湯，師傅調味手重了，味道有點偏鹹。可能是繁忙時刻，服務有點不貼身，衛生情況就可接受。