Viet's Choice (Closed)

第三次黎到越棧食午餐！繼續食佢嘅紅米飯套餐先58蚊有一碟紅米飯，飽肚得來又有營養，可以揀雞、牛脷或者牛腩！仲有埋餐飲！凍飲都唔使加兩蚊，抵啊！我就揀咗牛腩咖喱紅米飯配凍檸樂！咖哩勁足料，鍾意撈汁食飯嘅朋友，完全可以啖啖都撈咖哩食！好鍾意入邊連薯仔都係大大舊，好滿足啊！係牛腩略嫌有少少乾～雖然一個紅米飯套餐已經足夠飽，但係小食太吸引都係忍唔住要叫一個！之前試過越式蒸粉包同胡椒肉卷，蒸粉包略嫌個皮太厚又淡，但胡椒肉卷就做得非常出色，所以今次都要食多次半份有四件，外皮晶瑩通透， 再用菜包住豬肉同埋紅蘿蔔絲！而且入邊嘅豬肉都非常大件！胡椒肉卷真係非常好食，可能係因為有菜嘅關係，口感非常爽口又唔會漏，而且入邊仲會有少少胡椒粒，卻又唔會係令人反感或者覺得好辣嘅程度，反而會覺得好惹味，好想繼續食！真心推介！…Read More

星期一，每星期心情最沉重的一日，逃掉繁囂的午餐時段，等到1點半才離開辦公室，等待寧靜的下午茶時段。來到樂富廣場的越棧，1時55分，在廣場平台踱步，等待2時正入座的時刻。餐廳內外,也是意外的寧靜, 坐在餐廳較深處,一種遠離了人潮的感覺.同時，也邊看著下午茶餐牌，思考吃甚麼。越棧的下午茶選擇多元化，有飽肚的麵食飯食，也有輕盈的小食套餐。筆者是日點了豬頸肉金邊粉（$38）配特飲雜果賓治（+$4）。下單後，不消5分鐘，食物便上桌了。透徹的湯中，清楚看見金邊粉的幼滑質地。湯底帶點骨湯和鹵水味道，金邊粉也吸了點湯的味道。蔥花和芽菜的味道，也可在湯中隱若嚐到。爽口芽茶好吃，倒是豬頸肉有點軟梅，像是添加了化學成份而軟爛，有點失望。或者，下次試試另一款肉。推薦指數：4/5至於，點雜果賓治是出於一道童年回憶：）想在緩慢的節奏中回到童年，需要一杯好的雜果賓治。不過，只有芬達汽水味道，而沒有石榴糖水，還是有點失去想像空間。吃著數粒罐頭雜果，感覺還是停留在汽水層之>< 推薦指數：2/5在一片懶洋洋的節奏中，筆者還是以十分鐘吃畢份量較小的金邊粉。醒覺到3時要工作了，就讓自己閉上眼睛多休息一會，再回到越棧對岸的斗室。…Read More

今午來這叫了個豬頸肉紅米飯，豬頸肉涼的，也只有幾塊，飯也冇汁可配，乾乾硬硬的，叫我們用撈檬的汁配飯。這個套餐加4元就可要特飲，所以要了個珍多冰，簡直災難。以我認知，綠色一條條的應是有咬口煙靭，如椰汁糕的食物且有斑蘭和椰汁味，但這裏的是硬硬脆脆的，咩味都冇，飲品都冇椰味，好奇怪。56一個餐性價低，下次真的不再來。上次來的時候印象也不好，湯河份量極少，餸也只有數塊，不明白為何可售40多元。樂富這麼多選擇也不一定來此貼錢買難受。…Read More

樂富我都知不嬲都冇好嘢食，但係偏偏開工成日都黎呢面，冇辦法，唯有喺度不停探索 一間令我同同事都滿意嘅飯堂。 今日嚟咗呢一間食越南嘢嘅餐廳食嘢 ，叫咗個越南生牛肉河， 原來而家仲冇飲品送，要另外加8蚊 。啲侍應好似好唔想你坐低， 唔想你叫嘢食， 問多兩句都黑曬面，好似想趕你出門口咁。事實上個越南生牛肉河其實幾好味，牛肉分量雖然唔多，但係都半生熟，牛肉味濃， 入口非常好口感， 最讚好嘅係個湯底， 真係好香濃， 睇佢啲poster話係用牛骨煲制， 但 最失敗真係啲侍應。…Read More

夜晚9點幾, 時間有D夜見到越棧仲有人係入面, 所以入咗去食叫咗生牛肉湯河同札肉蝦片生牛肉湯河都幾好味湯幾好味添仲 同埋勝在平札肉蝦都幾好 個蝦片幾脆口都過到下口隱咁…Read More

Very poor service that does not care customers. Only care for them self. No water. No tissue. No seasoning sources. …Read More

呢間經常食，因為以往食物係做得唔錯的。但裝修後越來越差。今日大約1：50pm入到去，問阿姐有咩餐，答“午餐囉。”…ok,個餐牌翻暈哂都唔見有午餐揀，只得下午茶餐，又冇寫幾點開始，心諗應該有排未夠鐘所以先咁答我，於是叫個檬粉算。落單時間1：59pm。食下越來越多人，好似聽見有人叫下午茶餐，心諗唔對路。埋單時問佢（同一個阿姐）下午茶餐係幾點開始，真係，原來14：00開始有下午茶餐！！！我指指張單上13：59，問佢點解唔出聲，佢答“你可以嗌咖嘛。”真係人蠢定人串？？啲人係咪有病呀？？？貴$6仲要冇嘢飲。…Read More

又貴又難食的一間店……去了越棧食晚餐，見到應該不會差成咁掛，可是…....見無咩人，就進去點了香茅豬扒湯濛（$50），加4元叫了香芒雜飲。坐位挺舒適，等多一陣都沒問題。先來了香茅豬扒湯濛，碗大湯多，濛粉不多。另上一碟豬扒，size不大，可說是細。很快又端上香芒雜飲來，個杯也不大。先飲了一口湯，味道很淡。再吃一口濛粉，沒味道。唉，那吃豬扒吧！豬扒還算OK，幾香，但也再吃不出以往的味道了。飲了香芒雜飲後，你會懷疑他們拿錯了其他飲品來。完全沒有芒果味!!!!!!!!杯底竟只有菠蘿肉!!!!!!!我發誓這是我最後一次來越棧食嘢!!!服務差（叫Waiter來時當你無到）、食物差！…Read More

星期日同朋友去了這裏食越南嘢, 每人叫左一個飯/麵. 我食三式紅米飯(有香茅豬扒,雞亦同埋扎肉), 朋友食特式牛肉河粉,另一個朋友食炸春卷撈濛粉. 跟餐有飲品,我飲凍檸茶, 朋友分別飲凍檸樂及凍檸七.我的飯先到. 都幾吸引的賣相呀, 紅米飯一碗份量左右, 雞亦兩隻, 雞扒一塊切開了幾件的, 扎肉蝦片粉絲兩件. 豬扒都好淋, 又香, 有些香茅的蔥呀, 好味道, 雞亦都好香口呀, 惹味. 扎肉粉絲係放係蝦片上面的, 所以塊蝦片淋左. 整體係好味道的.朋友話佢的牛肉湯河都好味, 牛肉都淋及大塊的. 都幾大碗呀, 有些芽菜. 另外, 炸春卷濛, 朋友俾左半條春卷我食, 炸到好香口, 外皮係好似米紙咁, 入面係有些肉, 甘笋絲等, 好味.小插曲, 我們有一個小朋友一齊食飯, 咁我朋友想切開豬扒俾佢食, 問仕應攞刀, 仕應的回應係, 刀, 我們冇架喎, 有都生晒锈呀, 俾把叉你啦....真的好特別的, 刀會生晒锈, 有人說越棧的食物唔差的, 但係服務態度奇差, 我現在完全相信.…Read More

今天在越棧越式湯粉專門店吃越棧式特別牛河睇吓幾特別先，左邊個碗就係特別牛河：正方形是胡椒牛札肉，有胡椒香幾唔錯，還有金肚絲、牛腩片、生牛肉。金肚絲、牛腩片就無潮式牛腩咁惹味，生牛肉其餘是白灼牛肉，勝在原味。加埋芒果雜薈特飲$66。芒果雜薈特飲其實是港式茶餐廳雜果冰差不多，但係個靚名新吸引咗我試！右邊個碗就係炸蝦餅凍濛$52，因為天氣凍所以改湯濛走葱，炸蝦餅香脆夠味小小彈牙感，甜酸醬夠醒胃。加$12配少冰椰汁冰，港式食肆有好處，是靈活變通，可是走冰、少冰、少甜、走甜、飛沙走奶、走青、走葱、全走.....串燒雞、豬肉各三串$48，其實個汁最重要，汁好味份量較少，伴碟蘿蔔絲爽口夠甜酸好開胃！兩位共消費$178！…Read More

之前在深水埗吃了一餐不俗的越南菜後，今日再下一城，在樂富的連鎖集團吃了個越式下午茶餐. 店子食客一般多, 環境認真麻麻, 枱面上堆滿了未清理的餐具碗筷; 地方也不大乾淨, 地下還有點濕滑.打開餐牌, 除了大路的生牛肉河，還有較特別的牛腩片和牛扎肉, 於是特意點來一試.牛扎肉撈檬: 牛扎肉原來即是扎肉, 不過材料不是豬肉是牛肉而已. 一碗粉只有兩片薄如紙的牛扎肉, 完全沒有牛肉味之餘, 還有一陣說不出定的怪味. 撈檬份量不算多, 但味道正常得多, 起碼沒有怪味!香茅豬扒金邊粉: 豬扒尚算入味, 帶有香茅味, 不太濃; 不過豬扒切得幼身和偏細條, 入口比較乾身, 有點柴皮感覺.牛腩片金邊粉: 比牛扎肉撈檬好點, 起步有兩片半腩片! 可惜腩片又薄又硬又乾身, 比煲湯的瘦肉還要嚡身; 金邊粉的份量超小, 也不夠滑溜.餐飲方面, 柚子蜜的味道正常, 不過生薑果纖蜜卻只有薑粒味, 沒有蜜味, 而且入口較辣.侍應全埸只有兩個大嬸, 手腳慢, 就算不停手地執拾, 也見到吃完的碗筷處處. 而且地方清潔一般, 冷氣很凍....無一可取之下, 也沒有回頭光顧的理由.…Read More

 從來都好中意食越棧既越南湯河通常都會去沙田 , 水準都尚算OK有次入左樂富 , 點知就出事以為連鎖店食物水準會比較統一樂富呢間越棧無論湯底和食才感覺都比沙田的差賣點係個湯, 可惜叫來的雞絲湯河卻淡而無味服務亦係最差要叫多次先會同你加茶 …Read More

入到去咩都想試，結果就同另外兩個朋友分別叫左三碗野share...有生牛肉檬粉(上)，雞肉金邊粉(左)，同豬頸肉撈檬(右)。啲湯幾好飲，好濃好好味！我地仲叫左三杯野飲，個度啲飲品杯杯都幾有特色。個蝦餅都好值得試下！好彈牙！串燒都可以試下，有正常既水準。…Read More

夜晚走左落樂富同朋友ｐ朋友ｍ食宵夜本身佢地約左唔知７點定點我話夜ｄ食宵夜啦點知佢地一等等到十點幾（好感動）朋友ｍ為左呃我出來仲話食甜品哇我一聽到甜品口水都滴出來點知係去左越棧唉無計，局全都食少少野比面人落街個下唔記得叉電算了食左都記得食過咩就唔影相了朋友ｐ都係牛舌控佢點左個咖哩牛舌飯套餐（＄５０）我點左牛利河（＄３８），費事夜晚食太多會肥牛舌河一來，ooops，四塊薄薄地既牛舌有ｄ後悔，其實牛舌跟湯唔夾湯會溶左條舌既脂肪食落係無咁香，不過算了吧比着自己煮可能都係煎兩煎就真接吞入肚湯ｏｋ既反正係味ｘ湯，唔會難飲河過得去，都係兩啖食完牛舌口感尚可，未算林到爛，不過味道就太淡唔係佢地煮得差，只係有ｄ菜式天生ｆａｉｌ雖然我個牛舌河ｆａｉｌ但我又唔覺得咖哩同牛舌夾到牛舌可以ａｌｍｏｓｔ　ｍａｔｃｈ既天底下應該係得香草鹽﹑椒鹽﹑岩鹽呢類有少少ｂｏｎｕｓ味既鹽至於蒜鹽就算吧啦，佢浸味太大，好難用得靚所以靚牛舌可以跟薄既黑椒汁或者白汁（燒汁唔知）酸汁要睇咩生果，橘子汁好像唔錯，莓汁都好但由於本人比較少試個邊既玩法就唔獻醜了當然唔係話咖哩唔得之但係本身咖哩味濃一定會ｃｕｍ左牛舌本身既脂肪香可以用咖哩分庭抗禮既肉類唔多以羊為首，牛有時得，豬就衰硬你見正宗咖哩飯食法好多時都係得咖哩因為其他野食好難襯得起（上述講既唔係日式葡式，個類可以行埋一二邊）食完飯本身想過九龍城ｄａｐ返杯木糠布甸雪糕無奈唔小心行左去黃大仙只好作罷回家ｏｔ去了ｐｓ小弟在此跪求各位指點邊到有好食既牛利飯…Read More

樂富越棧，如果大家想試吓俾服務員鬧態度極差嘅話，你哋就嚟呢到食嘢啦。想搵經理投訴都唔得，因為態度惡劣嘅就係經理啦。食咗139蚊，我俾手$140仲想側側膊唔找錢。叫佢找錢兇神惡刹叫我等等得唔得喎！唔怪得拍哂烏蠅啦。好彩我都唔弱，話番佢轉頭，嚇到本來想入去嘅一對顧客即刻走咗。…Read More