因為佳節關係，唔係好多選擇，抬頭見到呢間有位，就上咗嚟食。店係大嘅，有窗邊卡位，正！嘢食都多選擇，好耐無食越南嘢，價錢都可以接受嘅。我地叫咗二人餐加個粉，二百幾元三個人。生牛肉湯檬，個湯算清，牛肉好味嘅，大碗上而且係夠料。香茅雞翼同香茅豬扒紅米飯，雞同豬就油咗小小，飯算多，可以接受。小食揀左藕餅，浸蘿蔔同埋蒸粉包，小食就ok，唔錯，比想像中份量多。蘿蔔都浸得淋但淡左小小，蒸粉包藕餅朋友就話還ok。額外叫多一個豬頸肉撈檬（＄50），豬頸肉有驚喜，整得幾好味，撈檬有我最愛嘅魚露撈，係唔錯嘅。想食越南嘢又坐得舒服，行過油麻地旺角，不妨可以考慮呢間。飲品就麻麻啦，我飲嘅係西瓜柚子梳打，味道偏假，可能柚子梳打會正常啲。…Read More
本身喺旺角返工，朋友過嚟約食lunch
，想搵個好食又好坐的地方，最後揀咗呢間，新開無耐，地方都算闊落，顧客唔係好多，所以都好坐、好傾計。
我們2人，就決定叫「二人套餐」，盛惠$188，包兩碗粉麵、兩份小食、一份上湯浸蔬菜及兩杯飲品，
我們揀咗：生牛肉、扎肉湯河、豬頸肉、牛脷撈檬，小食就揀咗：蓮藕釀餅、香茅鷄翼，蔬菜就揀咗：上湯浸蘿葡，而飲品呢：椰香雜薈。聽落就好多嘢食，碗又好大，但份量極小，小食蓮藕釀餅得細細3件，而鷄翼得２隻，味道亦一般，最後埋單$192，午餐每人成$100，但仲要唔係好飽，唔係好抵食，同埋有啲失望！
我唔好意思，我都明自己好麻煩，坐低之後見到個男人同另一個女人細細聲講野，個女人又哨下我地， 嘴藐藐咁斜啤我，跟住個男人一路細細聲，擰晒頭口噏噏同個女人講，我咁樣調位麻煩。 之後我再加野，唔該個女人幫我落單，佢十分無禮貌，又係個d厭煩表情咁行埋嚟，仲要望番轉頭眼啤啤
。我明白，落左order先話轉枱係好煩，比錢亦都唔係大晒，但我真係頂唔順先轉枱，而我都講番比你地知我轉左枱，你地都係改下機姐，當日又唔係坐爆，得個2，3枱客，好清閒吖，點解要咁嘅態度呢，我嚟食野，唔係嚟睇你地面色囉！呢d係乜嘢服務態度呀，你厭我煩無問題，唔好係d客面前，比d客見到囉，以後唔會再去。食物叫左三色紅米飯(豬扒，雞翼，扎肉蝦片)及咖喱牛腩紅米飯，牛腩無味又硬，咖喱汁好多茨太杰，呢間比起其他分店唔好食。
