越棧越式湯粉專門店 (Closed)

一直以來 都不太喜歡連鎖店的食物總覺得都一式一樣💪🏽而且過度遷就香港人對食物的口味而且失去左本身越南的味道😣。本身已經食咗午餐 再食下午茶叫咗兩樣食物💥。生牛肉湯河上到枱時啲牛肉 唔會太熟 剛剛好👌🏽。炸蝦餅好多地方的蝦餅都充滿炸粉和麵筋呢個炸蝦餅冇令我失望食得出蝦味之餘 好有咬口🔥。如果下次去旅行的話🤔我會再嚟呢度食早餐或午餐。特別一提呢間店的枱好大張😂我哋四個人坐咗六人枱枱係大大張的木枱心諗 如果呢度係自修室的話喺呢度睇書的話 一定好爽😂…Read More

一行五人加bb，經過入去試。入到去，得兩個侍應，hea帶位，hea答，hea應，全程黑面。自己攞水，問攞紙巾俾兩塊，我地六個人啊！！！上飲野同粉，放低就走，我地要自己估估下邊個係牛肉粉，邊個係特別牛，邊個打邊個。中間有個插曲，bb大聲扭計，導致佢上河粉時拿多幾秒碗粉，淥親佢，就講‘你地幹好先啦，你地幹完我先上，幹啦！’。真係第一次遇到咁服務。:(不過講真，菜式出品都幾好味，不過咁態度，再好味都唔去，咁受氣。…Read More

今日3號風球，諗住同小學放暑假的仔仔食飯。想食越南野。之前去將軍澳間越棧都唔錯，油旺區又冇咩選擇，所以帶咗佢上一間喺油麻地上樓舖既越棧。一上到黎，一個人都冇，都已經有啲驚驚地......嗌左一碗生熟牛肉湯河、春卷撈檬、半份粉包、同埋一杯椰汁。侍應阿姐態度兇狠唔耐煩....㬨親仔仔。粉包可能係隔夜，叮到過晒時間d皮硬到痴碟!椰汁紅豆冰d椰汁是酸的！仔仔飲了一半才發現春卷檬春卷皮硬檬粉「縮」味！絕對絕對冇下次了！我為咗佢開咗OpenRiceAccount 寫食評，人生第一次，真的太差了（唔怪得lunch hour冇人食，中伏）…Read More

同先生偶然經過食咗個晚餐, 諗住上嚟俾返個comment, 先發現原來呢間餐廳都幾多負評🙈先生話之前同奶奶嚟, 叫咗個卓越河套餐, 都幾抵食, 我問佢有冇譚仔套餐咁大碗, 佢話大好多! 我聽完即刻想試試😂我哋叫咗一個卓越河套餐, 一杯椰汁紅燈冰, 一杯椰汁珍多冰個面個份量真心大, 材料超級多😁我哋兩個其實都算大食, 但都食得超飽! 材料有生牛肉, 牛腩, 牛扎肉, 雞絲, 扎肉同埋牛脷雖然湯底唔係話好濃郁, 但以牛肉河嚟講都算係中規中矩😋個珍多冰我專登叫咗少甜, 因為通常街飲真多冰都非常甜, 結果冇令我失望, 甜度剛剛好椰味好濃👍🏻👍🏻$136 食到兩個人捧住肚走質素又唔差, 推薦! 😁…Read More

同女友經過，睇落去環境好好就唔理三七廿一試試啦。叫左個湯河同撈檬，食落個湯河都勉勉強強，食個撈檬，唉呀，出事。感覺食材完全唔新鮮，豬頸肉又無一種煎味真係得個環境可取一d…Read More