Viet's Choice (The Trend Plaza) (Closed)

其實一直都覺得屯門店既越棧出品好一般, 仲記得以前我會成日响機場幫襯! 起碼砌出黎碗河粉都係好靚仔.... 而家屯門呢間唔知係咪疫情關係, 生意又無咁好. 就直情都唔鬼理你.. 掉晒落個碗跟手放湯就算.... 味道整體係無問題既, 都係平時果個味道, 材料都唔係太差, 問心, 佢都算抵食. 但係個賣相我諗係要正視下...另外個三色冰, 老實講就真係都算差, 佢叫椰汁三色冰, 但係椰汁味唔夠.... 唔知佢用邊隻椰汁, 我下次寧願飲番青檸梳打算了.…查看更多

今次去食越南食物但今次星期公眾假期去都好多人排隊牛肉河粉可以揀有生牛肉同熟牛肉揀啱晒唔同選擇 湯也好好吃呢 不是味噌的另外試咗牛油雞翼 個人認為有點油了 但味道是可以的…查看更多

9:20入到去，9:30分開始上野食！叫左2碗粉加2個小食！9:42分同我地講收10點，（其實我係經OpenRice睇到收11點先黎）唔緊要，我地都快手快腳食，唔想阻人收工，一路食一路問你食完未又收起個碗，一隻手指插入去我未食完都唔夠膽話要返碗粉😟之後要我埋單先，我都配合晒你連錢都唔使你找！😟其實我都係做服裝性行業，我都明白難處，但你9:54分又再講多次我地10點鐘閂門！又抹晒枱又換晒衫咁！😟如果係咁你地下次應該講收9:45分，咁就可以洗埋碗抹晒枱都唔會有食客阻到你地收工！😟最後我打包埋最後嗰兩啖粉同豬扒番茄！😟…查看更多

次次去v city都唔知食咩好到到都好多人等位越南野都算係唔差既選擇入到去 地方大 又唔洗等位都算幾好...一入就坐但唔知點解就好似有d蚊飛來飛去平時我唔知係唔係甘啦好啦⋯⋯我地睇左個餐牌全部都50以上我叫左個生熟牛肉湯檬粉黎到勁大碗女仔既我估係食唔曬（因為我真係食唔曬，麵好多 肉量都多，好似食幾啖就飽）d蔥 芫茜 生洋蔥勁多個湯清清地 叫服務員拎d 辣椒仔同青檸落落去碗粉到好爽生牛肉好嫩口 又唔會有脂肪 唔知點解有塊扎肉牛肉都幾有咬口 好似食緊午餐肉甘 好味道😋但我杯檸茶明明叫左小冰都係好多冰…查看更多

今日去屯門攞回鄉證 順便行下街， 跟住就搵下屯門市中心有咩好嘢食， 唔想食咁飽所以搵咗好耐未幫襯過越棧食嘢正值食飯時間都冇咩人，任坐。 之前去過元朗食過 服務都係好差 試下呢間啦一樣係咁😅香茅雞翼香茅豬扒雞湯河加 紅豆冰， 因為成年都冇去過所以抱好大期望， 但係只係失望， 湯底一啲都唔熱， 河粉好少 雞翼豬扒冇香茅味😅值得一讚係紅豆冰， 紅豆淋 而且椰漿味濃，好飲😚這個屬個人意見， 經營者如果想繼續經營應該由服務著手開始， 收咁貴食物質素參差不定， 令人十分之失望😑…查看更多

同朋友係屯門見面，大家諗返之前去越南既味道，揀左呢間越棧，價錢唔算特別便宜，52蚊起跳，揀左呢個生熟牛肉河，牛肉量算多，唔會太多脂肪，合理，河粉量都合理，湯好鮮味，飲左半碗都無口渴，都算係咁…查看更多

平時行過見屯門越棧都好少人入去食，都覺得好奇怪，今日領教過就知道原來係咩事了。今日趕時間而其他食店又好多人排隊，所以就入咗去食下午茶。服務員不單當你透明，叫極都唔應，就算應咗都黑口黑面對住你，食物又來錯。最後仲要收我正價的價錢。我問服務員張單點解會咁收，職員負氣地說呢d唔係下午茶來的。我又問點解落單嗰陣時唔提一提。佢話寫晒係個餐牌度你自己唔識睇咩。唉！真係唔怪之得呢間餐廳無人幫襯！結論就是，如果你哋係想食氣，就一定要去越棧呀！…查看更多

今日就冇煮飯，咁就叫咗老公去買外賣，揀咗越南餐廳，咁叫咗老公買咩火車頭河粉，點知呢原來呢間餐廳唔係叫呢個名，因為我個概念上越南餐廳呢啲牛雜咁嘅河粉都係叫火車頭，咁好彩個職員都聽得明我老公講咩，原來呢間餐廳呢個叫做特別牛河，個名真係好特別。個河粉無乜特別，不過不失啦。…查看更多

其實都食過好多次一直都覺得不過不失🤷🏻‍♀️🤷🏻‍♀️但今晚真係難食到我想嘔🤮返出嚟我叫左生牛肉湯金邊粉（因為冇河粉冇檬粉）我習慣食湯麵會飲啖湯先點知係冇味加左魚露都係冇味啲牛更加唔使講啦都係冇味小食揀左豬頸肉同雞翼豬頸肉好似擺左好耐再叮返咁熱唔哂雞翼翻炸既硬過我條命😩😩😩唉冇下次啦😞😞😞…查看更多

屯門市中心越南餐廳選擇都有2-3間，呢間通常都唔駛點等位，今次黎到竟然滿座，好彩好快就有位。叫左個套餐加雙拼，特飲加4蚊。叫左札肉生牛肉河，餸既份量唔算多，野飲叫左三色冰，感覺有d偏甜。…查看更多

今日喺屯門市中心越棧食下午茶。一入門口，完全無人理。就算主動話兩位，都只獲得冷淡回應。不過已經好肚餓，唯有快快坐低點菜。最後碗粉黎咗，阿姐話係豬頸肉湯濛。我心諗，吓！我要豬排湯濛喎！原來塊豬排太薄太細，個阿姐都誤會咗係豬頸肉......最後兩三吓就食完，四十蚊，出到門口，我都仲係咁餓。…查看更多

平日要食個下午茶，越棧都不失為一個好選擇～假期同價，只係開始時間由延遲半小時，2:30pm才開始～選擇頗多！試過好幾款都好好味！最近天氣比較熱，食個雞翼撈檬開下胃就最適合不過，有蘿蔔絲，青瓜，番茄等配料～香茅豬排湯金邊粉，食過幾款，覺得豬排分量最多！中意食肉既我當然係叫呢款！湯底本身都夠濃味，唔錯！不過喜愛食辣既又點可以唔落辣椒醬？但越盞中提供最好味既調位料係呢瓶馬拉盞！少少辣，味道超香，同湯粉味道超夾！…查看更多

四個人去食越棧,入到去唔使等位任揀位,水同埋茶係自助嘅,等咗大概15分鐘就有嘢食,算快我地食咗生熟牛肉河粉×1雞絲湯檬×1香茅豬扒湯檬×1豬扒雞絲河×1香茅雞翼(4隻)×1香茅串燒(6串,3雞3牛)×1生熟牛肉河粉最緊要牛肉味道好,非常好食雞絲湯檬略嫌雞絲太小,整體係好味香茅豬扒湯檬嘅豬扒有一小塊係較硬,其餘都冇咩硬,整體都係好味嘅豬扒雞絲河都略嫌雞絲太小,其他都好食啦香茅雞翼(4隻)冇咩香茅味,不過不失香茅串燒(6串,3雞3牛)雞肉香嫩,牛肉一般…查看更多

呢間未嬲都唔多人，全日都係同一個餐牌，叫左個特別牛套餐試下，散叫$56，跟餐$62。包一杯普通飲品，叫左杯熱薑果纖試試。同香茅雞翼$38，4隻，都唔算貴，仲要全日免加一添。特別牛河，有生牛肉，牛肚絲，牛腩片，同牛扎肉，都幾多餸架。牛腩片比較肥，牛扎肉味道似貢丸。雞翼係即炸，所以好脆，但就冇咩香茅味。杯薑果纖幾好飲，好似薑密味咁。由於人唔多，食物上得快，又唔會俾人趕走。坐位又寬闊，可以舒舒服服咁食個晚餐。…查看更多

感覺好搵笨既一間餐廳。一個人食晚餐，周圍都多人又迫，行行下見到呢間餐廳，一直都對越南菜印象唔錯，咁就試試佢啦。order左一份生牛肉湯河，本人唔係咩食評家，但都覺得呢碗野極差，碗大湯多河少牛肉得4片，48蚊黎講真係唔多值，d牛肉同我係街市買既幾十蚊磅牛肉冇咩分別(以前係葵興返工成日食火車頭會覺得佢勁差)，而且我叫既係生牛河。。。但d湯多到一上碗河已經係老牛，差評。加左8蚊多碗仔湯生菜，冇咩特別。再叫左份香辣雞翼串，味道唔錯雞肉亦都鮮嫩，只可惜量勁少勁少勁少，64蚊一份得2隻雞翼，餐廳好聰明將雞翼一開2，64蚊4串，俾佢呃到暈😤。總括黎講如非必要都唔會有下一次😏…查看更多