Viet's Choice (Closed)

剛在大埔越棧午歺，order左三色反，豬扒唔新鮮，好似昨天豬扒，同时，炸过火，店長重話無問題係咁，如果你覺得唔好，可以换其他，要唔要去試，自己念!公司剛上市一週，股价比上市价升左六倍，如果這樣食物材料，都可以使公司股价大升，都真係幾奇怪？？？…查看更多

超鍾意食撈檬，好耐無食啦，今日提早放工有機會食到越棧下午茶既撈檬，我prefer下午茶既撈檬，因為份量啱啱好，正餐時間48蚊一份撈檬太大了36蚊，岩岩坐低，無餐牌，阿姐直接問你食咩，叫做豬頸肉撈檬熱檸水，好快送到，雖然下午茶餐36蚊，豬頸肉唔少喔！加酸酸辣辣甜甜既汁好爽口！好快就食玩啦！PS 我一直以為越棧下午茶去到五半，買單果陣時特登問下先知去到六點，好似係延後左，幾年前我明明記得係五半架，唔錯喔，下次再黎食撈檬，不過豬頸肉卡路里太高，本身撈檬比較健康，所以為左更加健康，下次叫雞絲，高蛋白低脂最健康哈哈！牛百葉好似都算健康，越棧既豬扒係炸既，都係小食d…查看更多

:)店名：越棧越式湯粉專門店Viet's Choice地點：大埔南運路9號新達廣場第一層9A號舖，電話: 2653 2400(1)豬扒金邊粉；(2) 半生熟牛肉湯檬；(3) 玫瑰柚子蜜；(4) 熱奶茶；共二人享用本餐，合共八十四元。食物的色香味如何：l  粉麵的味道不錯，湯底可口，但不是很地道，因為沒有芽菜、青檸和薄荷葉；l  玫瑰柚子蜜夠創新，很清甜。l  豬扒金邊粉的豬扒軟韌度適中。環境：貼滿了越南的風景及人文生活照片，裝修美觀，白磚牆阬人企理的感覺。服 務：收銀員只顧跟員工談話，遲遲也未理會客人。抵食：價錢普通，和親友聚會可以選擇。…查看更多

今天我們頂著大雨過後地面溼滑的危險去行山，總要行頗具難度的八仙嶺（鶴藪水塘-大美督），我們食飽早餐後出發，到了山上發現居然唔記得帶補給，所以行完成段路到達大美督又從大美督轉到大埔的時候，人已經餓得兩眼昏花了～所以，當我的晚餐上來的時候，我覺得簡直係人間美味，將一個餓得垂危的人拉返人間的必定係美味～份量夠足，味道也很好～這碗河粉必須贊一個，肉超多，湯也很好喝～我加了個蘿蔔，味道都幾好～…查看更多

響大埔剪完頭髮, 行去火車站搭車順便食野, 食得簡單D所以入左越棧. 有下午茶檬粉餐, 都係三十幾蚊, 仲有野飲.扎肉撈檬, 扎肉比較少, 清清淡淡, 旁邊既配料就幾多, 材料本身無咩味, 全靠支魚露, 呢間整得酸酸地好開胃.檬粉軟硬度適中, 幾爽口. 跟餐仲有飲品熱奶茶, 正常味道唔太差.…查看更多

同朋友想食越南野就食附近既越棧啦我地叫左一個特別牛河同一個二人套餐特別牛河入面有生牛肉、牛腩片、金肚絲同胡椒牛扎肉！岩哂鍾意食牛既人！最正既係牛腩片！非常肥美但肉質又唔會un!好好食！胡椒牛扎肉 我係第一次試！好香濃既胡椒味！又唔會蓋過個牛味！少少辣 好惹味！二人餐我地叫左兩個生牛肉河同三個配菜食越南菜唔少得既蝦片！好好食！ 香脆蝦片上有粉絲、扎肉、炸蒜同香蔥！味道豐富而且有層次，但又唔會太油！好食依個豬頸肉係另一驚喜！睇落好乾身，但食落就好juicy !外層烤得乾身，入而既豬肉呈粉肉食，一咬落去就食到好多肉汁！生菜其實冇咩特別，但生菜既同伴豆菜就好令人難忘！芽菜吸哂湯汁，十分美味，但口感仲好爽脆！…查看更多

剛剛在太和店點了一碗金邊粉，吃落有益…味，同待應反映竟然話係咁，是我吃唔慣。我信架，即是唔啱一般平民口味，所以以後不會再去光顧了！如果是今次D粉有事仲可以接受，下次希望冇嘢，而家徹底怕了！…查看更多

自從囝囝在大埔上學後，的確是多了機會在附近出沒。趁中午一齊食午飯，新達廣場可說非常就腳，不過餐廳就馬馬虎虎。卓越河套餐生牛肉、牛腩片、牛扎肉、牛脷、雞絲及扎肉配金邊粉份量足有平常的兩碗，不過質素就只是一般，生牛肉夠薄，但牛味同樣淡薄，牛腩片及牛脷總算有嚼口，金邊粉一夾，碎濕濕的，敗筆。飲品囝囝點了三色冰，但賣相不倫不類，自已的青檸梳打夠凍又夠氣，天氣熱最啱。…查看更多

黎開呢頭買野, 就響附近食個午餐, 費事食太飽, 所以去左食檬粉.午餐要左豬頸肉湯檬$50 ~ 豬頸肉無咩味,份量得果４塊,而且重似溥切,口感可以話無,只比日本翅身厚dd,湯底比較清甜,反而湯底做得唔錯,清香入味,不太濃,檬粉太麻沒有彈牙感覺,應該是煮好左,放左好耐才上檯的,如果唔係點會甘林身的,係1夾就爛開果種,…查看更多

除了老麥KFC大家樂美心大快活吉野家等連鎖快餐店以外，「越棧」是個質素超穩定的選擇。香茅豬扒紅米飯與三年前所吃的一模一樣。豬扒面頭的香蔥油及炸蒜相當惹味，送飯一流。豬扒大大件份量十足，「碎上」吃得方便，豬扒本身不過不失，畢竟以此價錢不應要求過高，主要係食香茅醃料味道，調味算好，煎得夠香脆乾身。紅米飯口感佳，如紅米比例提升會更健康。上湯蘿蔔腍甜好味，是時菜的另類選擇。配菜亦可揀生菜或津白。拌碟的酸菜絲（應是紅和白蘿蔔）很清新，跟肉食撘配，少有的吃光。與其吃「茨汁碟頭飯」，我情願吃充實，有肉（起碼不是香腸火腿之類）有菜的越棧呢。萬物皆有其用，欠缺越菜的靈魂，但有快餐的優點，而且比快餐較健康一點點，確是不錯的午餐之選。 …查看更多

吃完早飯，等會下午去行山，所以在集合地去找吃。因為時間太早了，店還沒開門便在門口等候，與朋友一起吃個4人餐，又不錯。這裏環境也不錯，也方大又坐的舒服。味道不差之餘，HKD308未計加一，價錢又不貴，大家也能吃飽飽，有氣有力去行山。:)***********************10:55便來到店門外，才發現11:00才營業，我只好在門外等候。這是4人餐，HKD308，這是越式雜錦大拼盤，抱括扎肉蝦片、雞翼、豬扒、春卷和蝦餅。雞翼和豬扒都是以香茅調味，而吃下時很香香茅的味道，此外肉質也很滑不會乾身，做的不錯。蝦餅入口有淡淡的蝦味，也不會過油，不錯。春卷炸的香脆，可惜外皮多了點油。最清的是札肉，這札肉蝦片，把扎肉放在蝦片上一起吃，吃下時想肉的惹味，蝦片的脆口，口感和味道確實一流，這個拼盤是值得一吃。還有雙拼材料粉麵飯共4碗，飲品也是4杯，凍飲也不需加錢。材料可以選擇生牛肉、牛腩片、香茅雞翼、香茅豬扒、豬頸肉、札肉、雞絲、牛脷、牛札肉、金肚絲，任選2款。粉麵飯提供了湯河、撈檬、湯檬、金邊粉、紅米飯或咖喱飯。我這次選了豬頸肉和札肉配上撈檬。沒想到來到時這撈檬份量是這麼大碗，材料十足。豬頸肉調的香口，札肉又惹味，配上撈檬的甜酸辣汁，開胃又醒神，好吃。飲品要了一杯凍檸茶，茶味不會很濃，也不會很甜，味道適中，檸檬茶又可以解渴，是不錯的選擇。還有一個上湯浸生菜、蘿蔔或芽菜，只選其中一款，所以這個4人餐不會只有肉食和主食，還有菜類提供，份量又是大大碗，絶對足夠4人享受，生菜又新鮮爽甜，這4人餐都很健康。…查看更多

今天天氣非常好又很藍卻沒有很曬而且略乾燥最適合去行山了之前老婆仔一直說很想去大埔的梧桐寨瀑布今天就是最好的機會出發前先在大埔吃點東西我們遲了出發時間不太多選擇了吃越棧下午茶餐只是34元非常合理我要了個豬頸肉撈檬老婆仔就要了雞翼撈檬食物如預期般高速送上還是熟悉的那種撈檬味道很香口很美味再加上醬汁就更是完美不過我覺得醬汁好像比以前稀了點老婆仔卻說一直都是這樣不知是我記錯了還是什麼我的豬頸肉撈檬也有很多片豬頸肉有點硬不過還可以接受最重要是那些醬汁很能融入豬頸肉裡至於老婆仔的雞翼也是高水平雖然只有兩隻但也很能送撈檬因為也算煎得香下午茶時段人流不多但我們都要趕路出發去梧桐寨瀑布事後也證實我們選擇今天出發非常恰當而梧桐寨瀑布的確很美很神奇是一個不錯的旅程…查看更多

平時不多吃越棧，感覺質素很普通今次水太太點了生牛肉湯河粉牛肉不夠滑最重要的湯底是味精的一般的越南粉湯底是極濃郁的牛味、胡椒味、香料味但這個通通欠奉水爺就點了扎肉湯河扎肉不夠彈牙普通質素吧這下午茶餐$34附飲品算是抵吃的…查看更多

下午茶時間唔想食飯又唔想食漢堡包，不如食撈檬喇下午茶時段有套餐優惠，連埋飲品係$45。我叫左豬扒撈檬加凍啡，碗檬粉份量同正價一樣，豬都係一塊，唔會太乾太硬太咸，但冇乜豬味，唔可以話香脆，不過也不至於唔好食。撈檬的菜丶青瓜丶花生碎丶蔥油等等都多，淋上辣椒醋，好美味，如果辣椒浸耐啲醋應該可以更好味因為冇辣椒味。碗粉的份量，我覺得女仔食的話一定夠，男仔可能未必夠。凍啡就真係麻麻，好水下。…查看更多

昨天與友人到大埔新達廣場分店吃下午茶本人叫了豬排湯濛走蔥走洋蔥, 友人叫了扎肉金邊粉另加2杯凍飲, 見圖是我的豬排湯濛, (註: 是完全未吃的狀態, 用筷子拿起的就是所有的濛粉, ,大約有家用飯碗半碗, 湯下面還有少許牙菜,豬排約是細size半塊連骨分成小小3件) 友人的扎肉金邊粉還算正常, 但巳比我的多一倍了 (可惜忘記拍照)(當然比之前少, 因全線巳減份量, 本人是大埔中心分店常客, 下午茶由HKD26吃到到現在HKD32了, 但新達廣場分店只是剛開幕時吃過2-3次同今次)叫來店長問點解2碗差太多? 回應是金邊粉只是發漲了, (我們當場被吹漲!)再問我碗濛粉是否正常, 她堅持說平常也是這樣的! (真的無語了!)如果她說只是忙中有錯換過一碗, 或什致不換只是道個歉都還可原諒, 但平常也是這樣! 你叫我還可再去嗎!? 我不是羊牯呀!…查看更多