MS Asian Cuisine (Closed)

今日去左越式餐廳食，其實入到去裝修和佈置不太有越式的感覺，野食都有唔少一般茶餐廳的菜式！ 成間舖掛滿不同的野食，有點亂，你會唔多想睇。寧願直接睇文字的午餐餐牌，快好多。個午餐真係好平民價，四十蚊左右有埋野飲！店員推介G餐話原隻燒春雞，$68係抵食。但我得一個人肯定食唔曬，唔想浪費就點左C餐。原隻豬脾，超大份！ 大食既人都肯定夠食！ 見到隔離左右點既野食都大大份，好足料！ 杯奶茶都算幾好飲。大食既朋友，Lunch可以有多個選擇…Read More

1月2日公假，在新浦崗多數餐廳放假休息，上次聖誕假來過食晏，今日再來，上次見隔離檯個男仔，人仔細細，最多升高中，叫左個豬脾，上菜時，個脾超大，全場嘩然，絕對吸睛，今日一於叫番個。豬脾今日依然大隻，放個湯匙在旁影相作個比較，豬脾佔了三份一隻碟的位置，就算條骨點粗點大條都係有不少肉。豬脾顏色深啡紅，超吸引，豬皮夠林，豬肉較硬，可能鹵制太久，有點難切難咬，店員又沒有牛扒刀，只是一般餐刀，舞弄了良久，加上沒有什麼脂肪，所以嚡口。黑醋汁酸酸地，當中又有小小鹹帶微甜，味道有層次感，非常醒胃好送飯。點解係泰式就不得而知。…Read More

下午茶時間見餐牌$30左右就埋到單，相當抵食，就決定入呢間餐廳。我見到餐牌有得自己自由組合，我忽發奇想，叫咗新加坡喇沙越式生牛肉泰式金邊粉，略嫌個喇沙湯底淡得滯，唔夠喇沙味。…Read More

如題。第一次經網上外賣平台 落柯打，點了兩個餐。一客是香茅豬扒魚露凍檬。豬扒好香好彈牙，跟餐送的魚露醋撈勻檬粉食，酸味味好開胃。但個friend就話佢個海南雞飯就覺得唔係咁入味，佢有D後悔。其實也不難明白，作爲一間越南餐廳，大家是不應該對它的海南雞飯抱任何期望的。要讚的是店方送餐的效率，下單到開餐，2.7km距離，半個小時送達。很有效率！…Read More

跟同事食午餐話有間越南野推介。一入到去一個大媽就怒吼！幾多位？兩位啊！坐個邊！順勢就問埋食咩野。係無諗之下，一眼見到有牛腩，就點左。之後先記得依間係食越南野。😨Ps: 同事點左撈檬(越式)咖哩牛腩飯。個咖哩辣辣地又有少少甜，牛腩份量ok夠，無用牛根充數。食物ok嘅，但服務真係要改善下。…Read More

早前朋友買咗團購優惠券，尋晚約埋一齊4人行去食。去咗呢間位於新蒲崗嘅越式工房，一坐低就同收銀對咗優惠no.先，然後再坐低睇團購專用menu。揀好之後，我地就點菜，叫咗蠔仔煎蛋角、牙車快沙律、肉碎生菜包。而本來個餐仲包咗咖哩炒蟹、馬拉戔炒通菜、小食拼盤、印度薄餅同肉骨茶。我地又另外加咗一個炒金邊粉，一個海南雞飯同一d特飲。犀利嘅係，叫完餸之後佢十分鐘內全部上晒枱，而且所有嘢都係熱嘅。其實呢間餐廳大部分食物味道其實係好嘅，例如咖哩炒蟹，蟹肉係甜嘅！咖哩汁配薄餅好好食，薄餅唔會太粉同厚蠔仔煎蛋角啖啖都係蠔，而且幾大隻。海南雞飯d雞全部都好滑。炒金邊粉味道都好好，但係札肉有d唔新鮮嘅感覺，有少少怪味。小食拼盤個札肉都係。生菜包有塊生菜仲痴住一pat泥牙車快沙律甜甜地但無咩特別。希望佢改善返以上問題啦…Read More

聽朋友有間芝士撈面好好味就今日行過去試下，叫左個泰式香草魚餅撈天使麵，d芝士都幾香又唔好幾濃味，香草魚餅煎得都幾香口。海南雞飯鮮個油飯就幾好，雞就不覺不失，有d雪雞feel,正常野咁。…Read More

今晚一家人去左新蒲崗食晚飯!爸爸好鐘意去呢間食早餐，而我地屋企o係晚餐時段都食過幾次，我地都幾鐘意呢度d野食。早餐簡簡單單都已經唔錯，但夜晚就好多變左身咁，我地都一致認為覺得夜晚惹味過早餐好多。因為有老人家，所以我地首先叫左一個海南雞飯二人套餐($138)，送一款小食，我地揀左雞翼。不過不失，而個油飯就真係好impressive，平時唔食飯o既我都覺得好好食! 好香，好似有d椰汁味咁! 軟硬度岩岩好，老人家都食到! 而隻雞都算滑!雞翼外脆內滑，都可以試下。呢個青咖哩豬扒農夫包($48)唔會辣，唔食辣o既都可以食到o既青咖哩。但我地屋企嗜辣，想食辣D所以先叫會係最辣的青咖哩，佢完全唔辣令我地有少少失望。豬扒唔會太濃味，而且略嫌汁太少太杰。因為青咖哩唔辣，唯有寄望個海南雞冬蔭公湯河($44)會辣d，但都係唔辣，但會有點酸味。唔食辣又鐘意冬蔭公o既人可以放心點。最得意係入面放左d海南雞，海南雞會比之前果款老少少，但都好味的。整體都坐得舒服。餐廳d menu貼哂o係牆上面，老人家睇得辛苦，如果可以每枱有一份晚餐menu睇就更好啦!…Read More

係網上見有咖哩蟹餐,見近近哋又幾低食,買嚟試吓。星期五打電話預約星期六，竟然有位，餐廳環境還可以，普普通通。但離地鐡站有點遠，行10-15分鐘。可能我哋早到,客人不多。個團購餐有湯，有沙律，有小食，有蔬菜，有個小菜同咖哩蟹，個湯好重中药味，沙律小食OK, 蔬菜及小菜份量細啲，咖哩蟹幾惹味。預咗食唔飽, 最後加多個炒飯就啱啱好。整體ok慨。不會失望，可以一試。…Read More

註明" 由前萬豪酒店大廚主理"一句結論 "差" , 我買了團購, 朋友先到, 可先點小食等我來, 侍應回應要我我來, 不知我購了甚麼餐, 遲了20分到, 我一入門口, 見到好多煙,見到朋友, 知道情況, 即點餐, 問朋友為何連水都無杯? 原來一定要叫飲品. 食物飲品很快來到, 先來" 冬蔭功湯花甲, 得一個"咸" 字, 再嚟併盤, 魚餅, 扎肉, 春卷可以入口, 其他雞翼"咸" 到苦, 團購四人餐$198 + 四杯飲品, +春卷, 結賑$341.正式樓面一個, 收銀, 廚房做埋樓面. 希望YAHOO, 團購日後不要給他參考, 做壞YAHOO 團購:)…Read More

和太太好像已有好久好久沒有一同二人靜靜哋嘆個下午茶。今天碰巧午餐兩人皆吃得不多，可以預計一到三點三的時份肚子就必然會隆隆作響。果然不出所料，在送過小友上興趣班後，肚子馬上便投訴了....立刻起行四圍去揾食。太太是越南菜的大好者，路經此處看到竟有較少見的越泰式粉麵下午茶餐。其餘地方的普通港式的ABC茶餐，她於這時自然是完全看不上眼了....想不到這裡的港式茶廳咖啡也調得不錯呢 ---- 沒有很濃重的令人可厭的酸味，咖啡的香氣的甘苦是仍可輕易感受出來。現在已儘量不想喝太多的咖啡的我，亦按捺不住喝了大半杯....沒有打算和太太爭食她點的坡式喇沙湯平順扎肉檬粉，只偷嚐了一口湯以及一小條扎肉。湯蠻濃稠的也滿有椰香頗見惹味；後者最重要是沒含有太多的胡椒粒，因而可以放心的等一下買件扎肉三文治帶走給小友食。啖啖肉的東西，他是最喜歡的了....小弟沒太太那麼飢餓，只選了一件泰式蝦餅包來獨享....豬仔飽烘得相當燙手，這般的熱包當然難吃也有個譜；蝦餅也蠻算彈牙的，不過蝦肉的鮮及甜是稍為薄弱了一些。但以二十五大洋一個連飲品的下午茶餐來講，若要求太高太過份的話倒是有點不太實際了....無聊地翻翻桌上的A LA CARTE餐牌，發現東西是廉宜得有點讓人吃驚的。打趣的和太太說，儘要找天過來掃掃餐牌才行呢....…Read More

見雅虎團購食咖哩蟹，老婆鐘意食，見平平地試吓，諗住咁平唔好得去邊！但食完覺得還可以，有湯，沙律，小食，咖哩蟹，$98算OK,評分色60分,香70分,味70分。地點及交通有點不分便。湯好濃藥材味，我唔鐘意—股中藥味所以俾埋老婆飲，沙律同小食普普通通，可能我可以食辣，所以覺得個咖哩蟹唔多够味。地點比較偏，要問人先知係邊。總结可以一試。…Read More

本人之團購卷於十月十日到期，在十月七号打電話訂十月十日晚上用餐回覆己滿，解釋因大量客人均於到期日前訂枱，藉得一讚是餐廳允許延期至十月十九使用，到達餐廳時見人客不多，裝修簡單，地方不大，本人所買為二人餐，有肉骨茶，越式四小碟，無骨鳯爪及主菜茄喱蟹，肉骨茶有少許葯味，未夠水準，餘下两味小食尚可，可惜主菜茄喱蟹正如之前有朋友評語懷疑是否新鲜，本人覺得蟹肉鬆散兼有少許異味懷疑有問題，兼且交通不便没有誘因回頭。…Read More

第一次寫食評, 就係因為第一次食到咁難食嘅食物！服務差到冇人有, 請各位不要再光顧呢間餐廳！海南雞喇沙湯粉嘅喇沙湯完全同我地平時喺出面食開嘅好唔同, 喇沙湯淡而無咪, 只係加左啲辣粉, 好似水一樣！算喇, 喇沙湯粉還可以入口, 之後叫左個蝦仁粉皮小食, 蝦仁少得可憐, 粉皮又厚又un, 係好難食！最重要係反映比疑似老闆娘嘅員工聽, 完全唔理會, 服務態度真係「一流」, 我唔會再光顧呢間餐廳, 希望各位入去前諗一諗！口…Read More

話說我地一家人之前已經幫襯左越式工房幾次，見YAHOO有團購，平平地就買左，但經過今晚之後，一定無下次，我亦希望大家可以睇完食評之後先決定幫唔幫襯。一開始黎左個青木瓜柚子沙律、拼盤同肉骨茶，都正正常常，無咩問題，係比較油。之後無啦啦黎左個炒聖子，我地同個WAITER講：無叫呢個，叫左炒芥蘭。WAITER都話係佢落錯單，會換，但無SAY SORRY，算啦，人地無心之失。事後，芥蘭上場就出事啦，有圖有真相(請看下圖)，所謂芥蘭得幾條，份量極少，而且好油，不過我地知團購GE差唔多就唔講野，照食。之後，主角咖哩蟹黎，一咬落去，點解會咁苦？我以為我問題，於是我叫阿妹試，佢食左一啖，即lur, 因為真係食唔到，之後問老闆娘，佢答：無理由，今朝先剮(明明蟹殼都變埋黑色，仲點今朝剮呢? 請看下圖) 之後我地話：真係唔食得，你可以試下。佢話：我地蟹70-80蚊一隻，唔會幫你地換ga la，你地用coupon又唔加野，預左食唔飽啦!真心想問死蟹同食唔食得飽有咩關係呢？我已經唔係第一個寫食評覺得呢間野服務差，不過估唔到服務態度差成咁，發啲客脾氣，我地雖然未飽，但已經食左佢唔少氣，最後走左。做團購唔係將啲賣剩貨整比人食，而係以一個平啲價錢吸引客人再幫襯，唔係已經比左錢就可以求求其其同罵客，所以，我希望各位顧客幫襯之前諗清楚，費事貼錢買難受。…Read More